သတင်းနှင့် လှုပ်ရှားမှုများ

   ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ ဆေးမျိုးစုံအရောင်းဆိုင်များတွင် ရောင်းချနေသော လူသုံးများဆေးဝါးပစ္စည်းများ ပြတ်လပ်မှုရှိ/မရှိနှင့် ရောင်းချဈေးနှုန်း မြှင့်တင် ရောင်းချမှုမရှိစေရေးတို့အတွက် စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံနှင့် မြို့နယ် စည်ပင်သာယာရေးအဖွဲ့၊ မြို့နယ်ပြည်သူ့ကျန်းမာရေးဦးစီးဌာန တာဝန်ရှိသူများ ပူးပေါင်း၍ စက်တင်ဘာလ(၁၁)ရက်နေ့၊ နံနက်(၀၉:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။

   ထိုသို့ စစ်ဆေးရာတွင် ဆေးမျိုးစုံရောင်းချသော ပစ်တိုင်းထောင်ဆေးဆိုင်၊ ဇူလိုင်ဆေး ဆိုင်၊ ဦးမြဝိုင်း+ ဒေါ်တင်ရွှေဆေးဆိုင်များတွင် ရောင်းချနေသော လူသုံးများ၍ နာတာရှည်ရောဂါ သည်များ သောက်သုံးသည့် သွေးပေါင်ကျဆေး၊ နှလုံးဆေး၊ ဆီးချိုဆေး၊ ကျောက်ကပ်ဆေး၊ အာရုံ ကြောဆေး၊ အကိုက်အခဲပျောက်ဆေးများ ဆေးဝါးပြတ်လပ်မှုရှိ/မရှိနှင့် ဝယ်ယူသည့်ဈေးနှုန်းပေါ် တွင် ဆိုင်ခန်းခ၊ လုပ်သားခများပါဝင်ပြီး အမြတ်ရာခိုင်နှုန်းတင်၍ ရောင်းချနေမှု အခြေအနေများ အား စုံစမ်းစစ်ဆေးခဲ့ကြပြီး ဆေးဝါးများအား သိုလှောင်၍ ဈေးနှုန်းမြှင့်တင်ရောင်းချပါက ဥပဒေ အရ အရေးယူဆောင်ရွက်သွားမည်ဖြစ်ကြောင်း အသိပေးခဲ့ကြောင်း သိရှိရပါသည်။

DOCA(ရန်ကုန်)

          ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ စက်တင်ဘာလ (၁၂) ရက်နေ့၊ နေ့လယ် (၁:၀၀) နာရီ ကျောင်းကုန်းမြို့နယ် စားသုံးသူရေးရာဦးစီးဌာနရုံးတွင် ကုန်စုံဆိုင်များအား စားသုံးသူ ကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

            အဆိုပါဟောပြောပွဲတွင် စားသုံးသူရေးရာဦးစီးဌာနမှမြို့နယ်တာဝန်ခံ ဦးတင်ကိုသည် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်း၊ စံချိန်စံညွှန်း အရည်အသွေးမှီ ကုန်ပစ္စည်းများ ထုတ်လုပ်နိူင်ရန်နှင့် အသေးစားကုန်ထုတ်လုပ်ငန်းများ ဖွံ့ဖြိုးတိုးတက်ရေးနှင့် အခန်း(၁၈) ပါ ကုန်အညွှန်းအမှတ်အသားနှင့် ပက်သက်၍ မြန်မာဘာသာဖြင့် ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူစားသုံး ရန်နှင့် ကုန်စည်နှင့် ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုဖြစ်ပေါ်လာပါက အရေးဆို တိုင်ကြားနိုင်သည့် စင်တာများ တိုင်း/ခရိုင်/ရုံးချုပ်တို့တွင် ဖွင့်လှစ်ထားရှိကြောင်းနှင့် Call Centre 1535 သို့ ဆက်သွယ် တိုင်ကြားနိုင်ကြောင်း အသိပညာပေး ဟောပြောခဲ့သည်ဟု သတင်းရရှိပါသည်။

DOCA (ဧရာဝတီ)

   (၁၆.၉.၂၀၂၅)ရက်နေ့၊ (၁၄း၀၀)နာရီအချိန်တွင် စားသုံးသူရေးရဦးစီးဌာန၊ မြိတ်ခရိုင်ဦးစီး မှူး၊ ဦးမျိုးဝင်းနှင့်ဝန်ထမ်းများသည် မြိတ်မြို့၊ ကလွင်ရပ်၊ ရှားတောဝလမ်းရှိ လုပ်ငန်းရှင်ဦးဖိုးချို၏ “စားဝါးမယ်” အာလူးကြော် ငါးမုန့်ကြော်လုပ်ငန်းသို့ ကွင်းဆင်းလေ့လာခဲ့ပါသည်။

  “စားဝါးမယ်” အာလူးကြော်လုပ်ငန်းအနေဖြင့် တစ်ရက်လျှင်(၃၀)ပိဿာဝင် အာလူး(၅) အိတ်ခန့် ထုတ်လုပ်ဖြန့်ဖြူးရောင်းချလျက်ရှိပြီး အားလူးကြော်အထုပ်သေး (၅၀)ဂရမ်တစ်ထုပ်လျှင် (၁၇၀၀)ကျပ်၊ အထုပ်ကြီးတစ်ထုပ်လျှင် (၃၄၀၀)ကျပ်၊ ငါးမုန့်ကြော် (၃၅)ဂရမ်တစ်ထုပ်လျှင် (၁၅၀၀)ကျပ်တို့ဖြင့် မြိတ်မြို့နယ် အတွင်းသာမက ဘုတ်ပြင်းနှင့် ထားဝယ်မြို့များအထိ တင်ပို့ ရောင်းချလျက်ရှိကြောင်းနှင့် အမျိုးသား ဝန်ထမ်းတစ်ဦးလျှင် တစ်ရက်(၁၀၀၀၀)ကျပ်၊ အမျိုးသမီး ဝန်ထမ်းတစ်ဦးလျှင်(၈၀၀၀-၉၀၀၀)ကျပ်နှုန်းတို့ဖြင့် အမျိုးသားဝန်ထမ်း(၂)ဦး၊ အမျိုးသမီးဝန်ထမ်း (၆)ဦးတို့ဖြင့် ဒေသနေပြည်သူများအလုပ်အကိုင်ရရှိရေးအတွက်ပါလုပ်ဆောင်လျက်ရှိကြောင်း သိရှိ ရပါသည်။

   ခရိုင်ဦးစီးမှူးမှ လုပ်ငန်းရှင်အား စားသုံးသူကာကွယ်ရေးဥပဒေအခန်း(၁၈)ပါ ကုန်အညွှန်း အမှတ်အသားဆိုင်ရာ သတ်မှတ်ချက်များ ပြည့်စုံမှန်ကန်စွာ ထည့်သွင်းဖော်ပြပေးရေး အခန်း(၉)ပါ စားသုံးသူ၏အခွင့်အရေးနှင့် တာဝန်များ၊ အခန်း(၁၀)ပါ စီးပွား‌ရေးလုပ်ငန်းရှင်၏တာဝန်များကို အသေးစိတ်ရှင်းလင်းဆွေးနွေးခဲ့ကြောင်းသိရှိရပါသည်။

DOCA(တနင်္သာရီ)

  မွန်ပြည်နယ်၊ သထုံမြို့နယ်တွင် ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၏ စီစဉ်ကြီးကြပ်မှုဖြင့် သစ်တောဦးစီးဌာန၊ လမ်းဦးစီးဌာနနှင့် မြန်မာ့မီးရထားတို့ ပူးပေါင်းပြုလုပ်သည့် လမ်းဘေးဝဲယာစိမ်းလန်းစိုပြည်ရေး စုပေါင်းသစ်ပင်စိုက်ပျိုးပွဲတော်ကို ၁၉.၉.၂၀၂၅ ရက်နေ့ နံနက်က ထောင်မှူးကျေးရွာ၊ သုဓမ္မဝတီမြို့သစ်ရှိ ရန်ကုန်-ဘားအံ ကားလမ်းနံဘေး၌ ကျင်းပပြုလုပ်သည်။

ရှေးဦးစွာ သထုံခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစိုးအောင်နှင့် မြို့နယ်ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးဇော်မိုးစိုးတို့က ဌာနဆိုင်ရာများ၊ အမျိုးသမီးရေးရာ မိခင်နှင့်ကလေးအသင်းအဖွဲ့များနှင့် ပြည်သူများထံ စိုက်ပျိုးမည့်ပျိုးပင်များ ပေးအပ်ကြသည်။

  ယင်းနောက် သထုံခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ မြို့နယ်စီမံ ခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ၊ ခရိုင်နှင့်မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီအဖွဲ့ဝင်များနှင့် တက်ရောက်လာသူတို့က ပျိုးပင်များကို သတ်မှတ်ထားသည့် စိုက်ပျိုးမြေနေရာအသီးသီးတို့၌ တပျော်တပါးစိုက်ပျိုးပေးခဲ့ကြပြီး ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌနှင့် တာဝန်ရှိသူတို့က တက်ရောက်လာသူတို့၏ ပျိုးပင်များစိုက်ပျိုး နေမှုကို လိုက်လံကြည့်ရှု အားပေးခဲ့ကြသည်။

  အဆိုပါနေ့တွင် မြို့နယ်သစ်တောဦးစီးဌာနမှ ပျိုးထောင်ထားရှိသည့် ပျဉ်းကတိုး၊ မန်ဂျန်ရှား၊ ခရေ၊ စိန်ပန်း၊ ကံ့ကော်နှင့် မဟော်ဂနီ ပျိုးပင်စုစုပေါင်း ၁၀၅၀ အား လမ်းဘေး ဝဲယာစိမ်းလန်းစိုပြည်ရေးအတွက် ဌာနဆိုင်ရာများ၊ ကျောင်းသားကျောင်းသူများ၊ ပြည်သူများ၊ အမျိုးသမီးရေးရာ မိခင်နှင့်ကလေးအသင်းအဖွဲ့များ၊ လူမှုကူညီရေးအဖွဲ့များက တပျော်တပါး စုပေါင်းစိုက်ပျိုးပေးခဲ့ကြကြောင်း သိရသည်။

DOCA (မွန်)

  ၁၈.၉.၂၀၂၅ ရက်နေ့အချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင် ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မုဒုံမြို့၊ မြို့မ (၄) ရပ်ကွက်ရှိ အ.မ.က ကန်ကြီး ကျောင်း၌ စားသုံးသူကာကွယ်ရေးအသိပညာပေး ဟောပြောပွဲ ကျင်းပပြုလုပ်ခဲ့ကြောင်း သိရှိရပါသည်။

   အဆိုပါ ဟောပြောပွဲတွင် ကျောင်းအုပ်ဆရာမကြီးမှ အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန၊ မုဒုံမြို့နယ်တာဝန်ခံမှ စားသုံးသူအခွင့်အရေးနှင့် တာဝန်များ အကြောင်း၊ ကုန်စည်နှင့် ဝန်ဆောင်မှုများဝယ်ယူသုံးစွဲရာတွင် သတိပြုရမည့်အချက်များ၊ ကုန် အညွှန်းအမှတ်အသားနှင့် ပတ်သက်သည့်အချက်များ၊ စားသုံးသူနစ်နာဆုံးရှုံးမှုရှိပါက တိုင်ကြား နိုင်သည့်နည်းလမ်းများအား ဟောပြောဆွေးနွေးခဲ့ပြီး အဆိုပါဟောပြောပွဲသို့ ဆရာ၊ ဆရာမ (၇) ဦးနှင့် ကျောင်းသား၊ ကျောင်းသူ ဦးရေ (၉၇) ဦး တက်‌ရောက်ခဲ့ကြောင်း သိရှိရပါသည်။

DOCA (မွန်)