မင်္ဂလာဒုံမြို့နယ်၊ လှော်ကားရေဝေရေလွှဲ မြေဧက(၂၀)ဧက၌ မိုးရာသီသစ်ပင်စိုက်ပွဲတော်ကျင်းပ
![](http://www.doca.gov.mm/sites/default/files/styles/consumer_inner_image__847x424_/public/၇၉_3.jpg?itok=BFuu58he)
စားသုံးသူရေးရာဦးစီးဌာန၊ မြောက်ပိုင်းခရိုင်၊ ခရိုင်ဦးစီးမှူး ဦးအောင်တင်စိုးပါ ဝန်ထမ်း(၅)ဦးတို့သည် ၁၃-၇-၂၀၂၄ ရက်နေ့၊ နံနက်(၀၇:၀၅)နာရီအချိန်တွင် မိုးရာသီသစ်ပင်စိုက်ပျိုးပွဲတော်သို့ တက်ရောက်ခဲ့ပါသည်။
အဆိုပါသစ်ပင်စိုက်ပျိုးပွဲတော်အခမ်းအနားသို့ ရန်ကုန်တိုင်းဝန်ကြီးချုပ် ဦးစိုးသိန်း၊ ရန်ကုန်မြို့တော်စည်ပင်သာယာရေးဝန်ကြီး မြို့တော်ဝန် ဦးဗိုလ်ဌေး၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင့်အပါအဝင် အစိုးရအဖွဲ့ဝင်များ၊ ရန်ကုန်တိုင်းစစ်ဌာနချုပ် ဒုတိယတိုင်းမှူး ဗိုလ်မှူးကြီးထွန်းထွန်းဦး၊ မင်္ဂလာဒုံတပ်နယ်မှူး ဗိုလ်မှူးချုပ်ဝင်းဗိုလ်၊ တပ်မတော်ဆေးတက္ကသိုလ်မှ ဒုတိယကျောင်းအုပ်ကြီး ဗိုလ်မှူးချုပ်ဇော်မန်းဖြိုး၊ ဌာနဆိုင်ရာအသီးသီးမှ အကြီးအကဲများနှင့်ဝန်ထမ်းများ၊ စုစုပေါင်း(၁၅၀၀)ဦးခန့်တက်ရောက်ခဲ့ပြီး အခမ်းအနားတွင် ပျိုးပင်များပေးအပ်ကာ သစ်ပင်များစုပေါင်းစိုက်ပျိုးခဲ့ပါသည်။ စိုက်ပျိုးသည့်အပင်မျိုးမှာ ကျွန်းပင်(၅၀၀၀)ပင်၊ ပျဉ်းကတိုးပင်(၃၀၀၀)ပင်၊ ဆီသပြေပင်(၂၀၀၀)ပင်၊ စိန်ပန်းပင်(၄၀၀)ပင်၊ ငုဝါပင်(၄၀၀)ပင်၊ စုစုပေါင်း (၁၀၈၀၀)ပင်စိုက်ပျိုး၍ အခမ်းအနားမှာ နံနက်(၀၈:၄၅)နာရီအချိန်တွင် စိုက်ပျိုးပြီးစီးခဲ့ကြောင်း သတင်းရရှိပါသည်။
DOCA(ရန်ကုန်)