သတင်းနှင့် လှုပ်ရှားမှုများ

    မန္တလေးတိုင်း‌ဒေသကြီး၊မိတ္ထီလာခရိုင်၊စားသုံးသူရေးရာဦးစီးဌာန၊ခရိုင်ဦးစီးမှူး၏လမ်းညွှန်မှုဖြင့်ပျော်ဘွယ်မြို့နယ်၊ မိုးနံကုန်းကျေးရွာတွင်  စားသုံးသူပြည်သူများ စားသုံးသူခွင့်အရေးအပြည့်အဝရရှိ စေရန်နှင့် ဝယ်ယူသုံးစွဲသောကုန်စည်များ စားသုံးသူများဘေးအန္တရာယ်ကင်းရှင်းပြီး အာမခံချက်ရှိသော ကုန်စည်များမှန်ကန်စွာရွေးချယ်ဝယ်ယူနိုင်ရေး ၂၀၂၅ခုနှစ် ၊ မေလ (၂၃) ရက်နေ့ နံနက်(၁၀၃၀) နာရီချိန်တွင် စားသုံးသူကာကွယ်ရေးအသိ ပညာပေးဟောပြောဆွေးနွေးခဲ့ပါသည်။

    ဟောပြောပွဲတွင် စားသုံးသူရေရာဦးစီးဌာနမန္တလေးတိုင်းဒေသကြီး၊ မိတ္ထီလာခရိုင်၊ ပျော်ဘွယ် မြို့နယ်တာဝန်ခံ၊ ဦးစန်းအောင်မှ စားသုံးသူရေးရာဦးစီးဌာနတွင် လက်ရှိဆောင်ရွက်နေသော စားသုံးသူ ကာကွယ်ရေးအသိ အသိပညာပေးဟောပြောပွဲလုပ်ငန်းများ ဆောင်ရွက်ခြင်းနှင့်စားသုံးသူများ ဘေး အန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှုရှိစေရေးအတွက် ဈေးကွက်စောင့်ကြည့် စစ်ဆေး ခြင်းလုပ်ငန်းများနှင့် နစ်နာဆုံးရှုံးမှုများအတွက် ညှိနှိုင်းဖြေရှင်းမှုများ လုပ်ဆောင်ရွက်လျှက် ရှိကြောင်း ၂၀၁၉ စားသုံးသူ ကာကွယ်ရေးဥပဒေအရ စားသုံးသူအခွင့်အရေးများ၊ လိုက်နာရမည့်် တာဝန််များ အကြောင်း၊ စားသုံးသူ အခွင့််အရေး နစ်နာဆုံးရှုံးမှုများအတွက် ဖြေရှင်းပေးမှုမျာအား အကျယ်တဝင့် ဆွေးနွေးခဲ့ပါသည်။ လုပ်ငန်းရှင်များအနေဖြင့်လည်း အခြားကုန်စည်ကို ဝယ်ယူသုံးစွဲ ရာတွင်  မိမိတို့ ကိုယ်တိုင် စားသုံးသူများဖြစ်သည့်အတွက် စာသုံးသူအခွင့်အရေး နစ်နာဆုံးရှုံးမှုများရှိလာပါက တိုင်း ဒေသကြီး/ ပြည်နယ်နှင့် ခရိုင်ရုံးများတွင် ဖွင့်လှစ်ထားသော စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင် ရွက်ရေးစင်တာ (CICC) ရုံးများတွင် တိုင်ကြား နိုင်ပါကြောင်း၊  DOCA Myanmar Application နှင့် စားသုံးသူရေးရာဦးစီးဌာန၏ Website www.doca.gov.mm တွင် ဝင်ရောက်လေ့လာ တိုင်ကြားနိုင်ကြောင်း ၊ Consumer Cell Center နံပါတ် (၁၅၃၅) သို့လည်း ရုံး ချိန်အတွင်း ဆက်သွယ်မေးမြန်းဆောင်ရွက်နိုင်ပါကြောင်းကို ဆွေးနွေးပြောကြားခဲ့ပြီး ဟောပြောပွဲတွင် ကျေးရွာနေပြည်သူ စုစုပေါင်း ( ၄၅ ) ဦးတက်ရောက်ခဲ့ပါသည်။ လက်ကမ်းစာစောင် များလည်းဖြန့်ဝေခဲ့ပြီးဟောပြောပွဲကိုနံနက်(၁၁၃၀)အချိန်တွင် ရုတ်သိမ်းခဲ့ကြောင်း သိရှိရသည်။

DOCA(မန္တလေး)

   စားသုံးသူရေးရာဦးစီးဌာန၊မန္တလေးတိုင်းဒေသကြီး၊မိတ္ထီလာခရိုင်ဦးစီးမှူးရုံး၊ခရိုင်ဦးစီးမှူးဦးစီးမှူး၏ လမ်းညွှန်မှုဖြင့်  မိတ္ထီလာခရိုင်ဦးစီးမှူးရုံးမှ ဝန်ထမ်းများသည် ၂၀၂၅ ခုနှစ်၊ မေလ ၂၇ ရက်နေ့တွင်  ပြည်တွင်းဆန်ဈေးနှုန်းတည်ငြိမ်စေရေး၊ ဆန်ဈေးနှုန်းမြှင့်တက်စေမှုမရှိစေရေးအတွက် မိတ္ထီလာမြို့ရှိ ဘကြီးဆန်ဆိုင်၊ ရွှင်ပြုံးဆန်ဆိုင်နှင့် ကောင်းကောင်းဆန်ဆိုင်များသို့ သက်ဆိုင်ရာမြို့နယ်ကုန် ဈေးနှုန်း တည်ငြိမ်ရေးအဖွဲ့ဖြင့် ကွင်းဆင်းစစ်ဆေးခဲ့ပါသည်။

    ထိုသို့ကွင်းဆင်းစစ်ဆေးရာတွင် ဆန်ဆိုင်များ၌ ဒေသတွင်းမှထွက်ရှိသော မနောသုခ၊ ဧရာပဒေ သာဆန်များအပြင် ရွှေဘိုပေါ်ဆန်း၊ ဧရာဝတီပေါ်ဆန်း ဆန်များအား ရောင်းချလျက်ရှိ ကြောင်း ဆန်အမျိုးအစားအလိုက် သတ်မှတ်ရည်ညွှန်းဈေးဖြင့် ရောင်းချလျက်ရှိပြီး လုပ်ငန်းရှင်များအား ဈေးကွက်အတွင်း ဖြစ်သင့်ဖြစ်ထိုက်သည့်ဈေးနှုန်းထက် ဈေးနှုန်းမြှင့်တင်ရောင်းချခြင်းမပြုရန် အသိ ပေးဆောင်ရွက်ခဲ့ကြောင်း သိရှိရပါသည်။

DOCA(မန္တလေး)

    တစောင်းခါးမှာ သဘာဝဟင်းသီးဟင်းရွက်အပင်ဖြစ်ပြီး စိုက်ပျိုးရလွယ်ကူသော နှစ်ရှည်ခံ အပင်တစ်မျိုးဖြစ်ကြောင်း၊ အပူပိုင်းဒေသများဖြစ်သော စစ်ကိုင်းတိုင်း၊ မန္တလေးတိုင်း၊ မကွေးတိုင်း ဒေသများတွင် အများဆုံးပေါက်ရောက်ကြောင်းသိရသည်။

      မြင်းခြံမြို့နယ်၊ အေးမြသီတာကုန်စိမ်းဈေးအတွင်းရောင်းချနေသော မေနောက်ဆုံးပတ် တစောင်းခါးဈေးနှုန်းများမှာ လက်လီ ၂၅ ကျပ်သားလျှင် (၂၅၀၀ - ၃၀၀၀)  ကျပ် ဖြစ်ပြီး လက်ကား တစ်ပိဿာလျှင် (၉၅၀၀ - ၁၁၅၀၀) ကျပ်ဖြင့် ရောင်းချကြောင်း၊ ကာလတူနှိုင်းယှဉ်ပါက ယခင်နှစ် မေနောက်ဆုံးပတ်တစောင်းခါး လက်လီ ၂၅ ကျပ်သားလျှင် (၁၀၀၀ - ၁၅၀၀) ကျပ်၊ လက်ကား တစ်ပိဿလျှင် (၄၀၀၀ - ၆၀၀၀) ကျပ် ဈေးရှိခဲ့ကြောင်း၊ ယခုနှစ် တစောင်းခါး လက်လီဈေး ၂၅ ကျပ်သားလျှင်(၁၅၀၀) ကျပ်၊ လက်ကားဈေး တစ်ပိဿာလျှင် (၅၅၀၀) ကျပ် ဈေးနှုန်းမြင့်တက်ခဲ့ ကြောင်း၊ စာသုံးမှုများပြီး ဝယ်လိုအားများ၍ ရောင်းလိုအားနည်းခြင်းကြောင့် ဈေးနှုန်းမြင့်တက်ခဲ့ ကြောင်း၊ မိုးရာသီဖြစ်သော ဩဂုတ်လ၊ စက်တင်ဘာလများတွင် တစောင်းခါးဟင်းသီးဟင်းရွက်များ ဈေးကွက်တွင် ထွက်ပေါ်လာမည်ဖြစ်သောကြောင့် ဈေးနှုန်းကျဆင်းနိုင်ကြောင်း၊ ကုန်စိမ်းရောင်း ချသူတစ်ဦး၏ ပြောပြချက်အရသိရှိရသည်။  တစောင်းခါးမှာခါးသက်သောအရသာရှိပြီး စားသုံးလျှင် ဖန်ချိုအရသာရှိကာ ခံတွင်းမြိန်စေပြီး ဆေးဖက်ဝင်၍ စားသုံးမှုများပြားကြောင်း သိရသည်။

DOCA(မန္တလေး)

    မန္တလေးတိုင်းဒေသကြီး၊ မြင်းခြံခရိုင်စားသုံးသူရေးရာဦးစီးဌာန၊ ခရိုင်းဦးစီးမှူးရုံးတွင် (၂၀.၅. ၂၀၂၅)ရက်နေ့၊ နံနက် (၁၀:၀၀)နာရီ အချိန်၌ မြင်းခြံခရိုင်နှင့်ညောင်ဦးခရိုင်အတွင်းရှိ ဝန်ထမ်းများ အား ဝန်ထမ်းစွမ်းဆောင်ရည်မြှင့်တင်ရေး သင်တန်းဖွင့်လှစ်ဆောင်ရွက်ခဲ့ပါသည်။ ရှေးဦးစွာ ခရိုင် ဦးစီးမှူး ဦးသန်းစိုး (လက်ထောက်ညွှန်ကြားရေးမှူး)က သင်တန်းဖွင့်လှစ်ရခြင်းမှာ ဝန်ထမ်းများ အဖက်ဖက်မှ အသိပညာဗဟုသုတများတိုးပွားစေရန်၊  လုပ်ငန်းတာဝန်များကျွမ်းကျင်မှု ရှိစေရန်၊ ဟော‌ပြောပွဲများ၊ အထက်လူကြီးများနှင့်တွေ့ဆုံဆွေးနွေးတင်ပြမှုများတွင် ရဲရဲဝင့်ဝင့်ပြောဆိုဆွေး နွေးတင်ပြနိုင်မှုရှိစေရန်၊ ဝတ်စားဆင်ယင်မှုများ သပ်ရပ်စွာဝတ်စားဆင်ယင်တတ်စေရန် ရည်ရွယ်၍ ဆောင်ရွက်ရခြင်းဖြစ်ကြောင်း ဆွေးနွေးပြောကြားခဲ့ပါသည်။

     ဆက်လက်၍ ဒုခရိုင်ဦးစီးမှူး ဦးတင်ဇော်ထွေး(ဦးစီးအရာရှိ)က ငွေစာရင်းဆိုင်ရာကိစ္စရပ်များ ခေါင်းစဉ်ဖြင့်ဆွေးနွေးပို့ချခြင်း၊ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)က ကုန်အညွှန်း အမှတ်အသားမှတ်ပုံတင်ခြင်းဆိုင်ရာကိစ္စရပ်များ ခေါင်းစဉ်ဖြင့် ဆွေးနွေးပို့ချခြင်း၊ ဦးဝင်းထွန်းဦး (ဦးစီးမှူး) က ခွင့်ခံစားခြင်းဆိုင်ရာ ကိစ္စရပ်များ ခေါင်းစဉ်ဖြင့် ဆွေးနွေးပို့ချခဲ့ခြင်းနှင့် ဦးစိုးမိုးထွန်း (ဦးစီးမှူး)က ဈေးကွက်မရောက်မီ ကုန်စည်များအား ဈေးကွက်စောင့်ကြည့်စစ်ဆေးခြင်း ခေါင်းစဉ် ဖြင့် ဆွေးနွေးပို့ချခဲ့ရာ သင်တန်းသို့တက်ရောက်ခဲ့သောဝန်ထမ်းများမှ ပို့ချခဲ့သောဘာသာရပ်များ နှင့်ပတ်သက်၍ မေးမြန်းဆွေးနွေးခဲ့ရာ သင်တန်းပို့ချသူများမှ ပြန်လည်ရှင်းလင်းဆွေးနွေးခဲ့ကြောင်း နှင့် အဆိုပါသင်တန်းသို့  မြင်းခြံခရိုင်ဦးစီးမှူးရုံးမှ ဝန်ထမ်းများအပြင်၊ ညောင်ဦးခရိုင်မှ ဝန်ထမ်းများ လည်း အွန်လိုင်းမှတက်ရောက်ခဲ့ကြောင်းနှင့် သင်တန်အား ညနေ(၁၅:၀၀)နာရီ အချိန်တွင် သင်တန်း ပြီးစီးခဲ့ကြောင်း သိရသည်။

DOCA(မန္တလေး)

      ၂၀၂၅ ခုနှစ်၊ မေလ ၂၉ ရက်နေ့၊နေ့လယ် (၁၅း၀၀) နာရီအချိန်တွင် တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ Online Virtual စနစ်ဖြင့် စားသုံးသူကာကွယ်ရေးဆိုင်ရာ Online သင်တန်း ကျင်းပပြုလုပ်ခဲ့ရာ ထားဝယ်၊ မြိတ်၊ ကော့သောင်းခရိုင် ဦးစီးမှူးရုံးများမှ ဝန်ထမ်းများတက်ရောက်ခဲ့ပါသည်။

      အဆိုပါ စားသုံးသူကာကွယ်ရေးဆိုင်ရာ Online သင်တန်း ကျင်းပပြုလုပ်ရာတွင် စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ ဦးစီးအရာရှိ ဒေါ်အေးအေးလွင်မှ Online သင်တန်း ကျင်းပရခြင်း၏ ရည်ရွယ်ချက်များ၊ စားသုံးသူကာကွယ်ရေးဥပဒေပါ အကြောင်းအရာများနှင့်ပတ်သက်၍ ရှင်းလင်းဆွေးနွေးခြင်း၊ လုပ်ငန်းဆောင်ရွက်မှု အခြေအနေများနှင့် စပ်လျဥ်း၍ ရှင်းလင်းဆွေးနွေးခဲ့ပြီး တက်ရောက်လာသည့် ဝန်ထမ်းများမှ သိရှိလိုသည်များမေးမြန်းခြင်း၊ အပြန်အလှန် ဆွေးနွေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)