သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ရုံးအုပ် ဒေါ်သီတာဌေးနှင့် ဝန်ထမ်း များသည် ၁၄-၇-၂၀၂၆ ရက်၊ အင်္ဂါနေ့ နံနက် ၁၀:၀၀ နာရီအချိန်တွင် ကရင်ပြည်နယ်၊ ဘားအံမြို့ရှိ အ.ထ.ကခွဲ(၂)၊ အခြေခံပညာအထက်တန်းကျောင်း(ခွဲ)ရှိ (ကျောင်းသား၊ ကျောင်းသူ) များအား စားသုံးသူကာကွယ်‌ရေးဆိုင်ရာ သိကောင်းစရာအကြောင်းကို အသိပညာပေးဟောပြောခဲ့ကြောင်း သိရှိရသည်။

    အဆိုပါဟောပြောပွဲတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ရုံးအုပ် ဒေါ်သီတာဌေး က  စားသုံးသူကာကွယ်ရေးဆိုင်ရာ သိကောင်းစရာများအကြောင်း ဟောပြောခဲ့ပြီး ဆက်လက်၍ ဒု-ဦးစီးမှူး ဦးအောင်ထွန်းမြက ထုတ်ကုန်လုံခြုံစိတ်ချရမှုရှိသော အစားအသောက် နှင့်ကုန်စည်များကို စနစ်တကျရွှေးချယ်ဝယ်ယူ စားသောက်သုံးစွဲတတ်စေရန်အတွက် ကုန်ညွှန်း အမှတ်အသားအကြောင်းကို ကျောင်းသား၊ ကျောင်းသူများကို ရှင်းလင်းပြောကြားခဲ့ကာ ကျောင်းသူကျောင်းသားများအား Call Center (1535) သို့ဖုန်းခေါ်ဆို၍ သိလိုသည်များ မေးမြန်း ရှင်းလင်းပြောကြားခဲ့ရာ ဆရာ၊ ဆရာမ (၂၀) ဦး၊  ကျောင်းသား၊ ကျောင်းသူများ (၁၂၀)ဦး စုစုပေါင်း ဦးရေ(၁၄၀) တက်ရောက်ပြီး  လက်ကမ်းစာစောင်များလည်း ဖြန့်ဝေခဲ့ကြောင်း သိရှိရပါသည်။

DOCA(ကရင်)

        စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့နယ် စည်ပင်သာယာမြို့မဈေးအတွင်းရှိ စားအုန်းဆီလက်လီ၊လက်ကားရောင်းချနေသော အရောင်းဆိုင်များသို့ ဇူလိုင်လ(၁၃)ရက်နေ့၊ နံနက်(၁၃:၀၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်း စစ်ဆေးခဲ့ကြောင်း သိရသည်။

         ထိုသို့ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာနမှဝန်ထမ်းများ၊ သန်လျင်ခရိုင်စားသုံးသူရေးရာဦးစီးဌာနမှ ဒုတိယခရိုင်ဦးစီးမှူးနှင့် ဝန်ထမ်းများ၊ သန်လျင်မြို့နယ်မှ ရဲတပ်ဖွဲ့ဝင်များ၊ သန်လျင်မြို့နယ်စည်ပင်သာယာရေးအဖွဲ့မှ ဝန်ထမ်းများ ပူးပေါင်းအဖွဲ့သည် သန်လျင်မြို့နယ်စည်ပင်သာယာမြို့မဈေးအတွင်း စားအုန်းဆီလက်လီ၊ လက်ကားရောင်းချနေသော ကိုယ်စားလှယ်များအား အပတ်စဉ်သောကြာနေ့တိုင်း ရည်ညွှန်းဈေးများထုတ်ပြန်လျက်ရှိရာ ရည်ညွှန်းဈေးအပေါ်အခြေခံပြီး စားသုံးသူပြည်သူများ အဆင်ပြေစွာဝယ်ယူစားသုံးနိုင်စေရန် ရည်ရွယ်၍ တင့်သင့်မျှတသောဈေးနှုန်းများဖြင့် ရောင်းချကြရန်၊ ဈေးနှုန်းမြှင့်တင်ရောင်းချမှုများ မပြုလုပ်ကြရန်၊ အိမ်ထောင်စုအလိုက်ခွဲတမ်းရရှိသောဆီများအား နေ့စဉ်အပြည့်အဝ ထုတ်ပေးကြရန်နှင့် စားအုန်းဆီထုတ်ပေးမှုနှင့်ပတ်သက်၍ မှတ်တမ်းများထားရှိရန်တို့ကို စားအုန်းဆီအရောင်းဆိုင်မှ ဆီကိုယ်စားလှယ်များအားမှာကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် အနောက်ခြမ်းကျေးရွာများတွင် စားအုန်းဆီလက်/ လီလက်ကား ဖြန့်ဖြူးရောင်းချနေမှု အခြေအနေအား ဇူလိုင်လ(၁၄)ရက်နေ့၊ နေ့လယ်(၁၃:၃၀)နာရီအချိန်တွင် ဌာနဆိုင်ရာတာဝန်ရှိသူများ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

       ထိုသို့ ကွင်းဆင်းစစ်ဆေးခဲ့ရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်မီးသတ်ဦးစီးဌာန၊ မြို့နယ်စားသုံးသူရေးရာဦးစီးဌာနတို့မှ တာဝန်ရှိသူများ ပူးပေါင်းအဖွဲ့သည် ကော့မှူးမြို့နယ်  အနောက်ခြမ်းကျေးရွာများရှိ စားအုန်းဆီလက်လီဖြန့်ဖြူး ရောင်းချလျက်ရှိသော ဆီကိုယ်စားလှယ်များနှင့်တွေ့ဆုံ၍ ရပ်ကွက်/ ကျေးရွာအုပ်စုအတွင်းရှိ စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ်ကင်းရှင်းသော စားသုံးဆီများကို သင့်တင့်မျှတသော ဈေးနှုန်းဖြင့် ဝယ်ယူစားသုံးနိုင်စေရန်အတွက် ကျေးရွာစားအုန်းဆီလက်လီ အရောင်းကိုယ်စား လှယ်များအား စားအုန်းဆီခွဲတမ်းများ သတ်မှတ်ခွဲဝေချထားပေးပြီးဖြစ်၍ ရရှိသည့်ခွဲတမ်းအလိုက် အခြေခံလက်ကားရည်ညွှန်းဈေးအား မိမိတို့ကျေးရွာအရောက်ဈေးနှုန်းအပေါ် ၂ ရာခိုင်နှုန်း အမြတ်ထက်မပိုသော ဈေးနှုန်းဖြင့် ရပ်ကွက်/ ကျေးရွာအုပ်စုအလိုက် အိမ်ထောင်စုနှင့် လူဦးရေ စာရင်းအရ ဖြန့်ဖြူးရောင်းချပေးကြရန် ဈေးနှုန်းမြှင့်တင်ရောင်းချခြင်း၊ ဈေးကစားစရန် ရည်ရွယ်ချက်ဖြင့် သိုလှောင်ခြင်းများ မပြုလုပ်ကြရန် စားသုံးသူကာကွယ်ရေး အသိပညာပေး ရှင်းလင်းဆွေးနွေးပြောကြားခဲ့ပြီး စားအုန်းဆီလက်လီဖြန့်ဖြူးရောင်းချနေမှု အခြေအနေအား ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ကြောင်း သိရှိရပါသည်။ 

DOCA(ရန်ကုန်)

                 ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ရေတာရှည်မြို့နယ်စားသုံးသူရေးရာဦးစီးဌာနတို့ပူးပေါင်း၍ အွန်လိုင်းဝန်ဆောင်မှု လုပ်ငန်းနှင့် ပက်သက်သည့်အသိပညာပေးခြင်း Talk Show ကို (၁၀.၇.၂၀၂၆)ရက်နေ့ နံနက်ပိုင်းတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)ခန်းမ တွင်ပြုလုပ်ခဲ့ပါသည်။
               အဆိုပါ Talk Show ဆွေးနွေးရာတွင် မြို့နယ်စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ပပလင်းက အွန်လိုင်းစနစ်ဖြင့်ရောင်းချခြင်းလုပ်ငန်းသည် အရေးကြီး ဝန်ဆောင်မှု လုပ်ငန်းအဖြစ် သတ်မှတ်ထားကြောင်း၊ အွန်လိုင်း စနစ်ဖြင့် ဈေးများရောင်းချခြင်းသည် အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူခြင်း ခံရမည်ဖြစ်ကြောင်း၊ အွန်လိုင်းစနစ်ဖြင့်ရောင်းချခြင်း လုပ်ငန်းဆောင်ရွက်သည့် လုပ်ငန်းရှင်များ အနေဖြင့် စီးပွားရေး နှင့် ကူးသန်းရောင်းဝယ်ရေး ဝန်ကြီးဌာန၏ www.ecomreg.gov.mm သို့ဝင်ပြီး မှတ်ပုံတင် ထားရှိရန် လိုအပ် ကြောင်း၊ မှတ်ပုံတင်ထားသောလုပ်ငန်းရှင်များအနေဖြင့် လိပ်စာ၊ ဖုန်းနံပါတ်များကို အတိအကျ တင်ပြထားရခြင်း ဖြစ်သည့်အတွက် စားသုံးသူနစ်နာဆုံးရှုံးမှုဖြစ်ပေါ်ခဲ့လျှင် ဖြေရှင်းဆောင်ရွက်ပေး နိုင်မည်ဖြစ်ကြောင်း၊ စားသုံးသူများ အနေဖြင့် ကုန်ပစ္စည်းများဝယ်ယူလျှင်  မှတ်ပုံတင်လက်မှတ်ရရှိ ထားခြင်းရှိ/မရှိနှင့် သက်ဆိုင်ရာဌာနများ၏ ထောက်ခံချက်များ ပါရှိမှုရှိ/မရှိ သေချာ လေ့လာပြီးမှသာ ထောက်ခံချက်များပါရှိသည့် အွန်လိုင်းစနစ်ဖြင့် ရောင်းချသည့်နေရာများ၌သာဆက်သွယ်မှာ ယူဝယ်သင့်ကြောင်းနှင့် ဝယ်ယူသုံးစွဲသည့်အခါနစ်နာဆုံးရှုံးမှုများ ဖြစ်ပေါ်ခဲ့ပါက စားသုံးသူရေးရာ ဦးစီးဌာန၏ Website ဖြစ်သည့် www.doca.gov.mm တွင် တိုင်ကြားရမည့်အခြေအနေများကို ရှင်းလင်းပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊   ဦးစီးအရာရှိ ဒေါ်သော်ဇင်အောင်နှင့်မြို့နယ် စားသုံးသူရေးရာဦးစီးဌာန၊ မြို့နယ်တာဝန်ခံတို့က မေးမြန်းဆွေးနွေး ခြင်း၊ ဖြေကြားခြင်း၊ အသိပေးခြင်းများကို  ဆောင်ရွက်ခဲ့ပါသည်။
            ရေတာရှည်မြို့နယ်အတွင်းနှင့် ပြည်သူများအသိပညာရရှိရေးအတွက် အွန်လိုင်းမှတဆင့်သိရှိ စေရန်ရည်ရွယ်၍ ကဏ္ဍအလိုက် ဆောင်ရွက်လျက်ရှိကြောင်းကို  Talk Show များပြုလုပ်ကျင်းပ ခဲ့ပါသည်။
DOCA(ပဲခူး)
 

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် (၂၀-၇-၂၀၂၆) ရက်နေ့ (၁၃:၀၀)နာရီအချိန်တွင် မိုးညှင်းမြို့၊ အောင်ချမ်းသာရပ်ကွက်ရှိ စားသုံးသူများအား အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။

          ထိုသို့ စားသုံးသူကာကွယ်ရေး အသိပညာပေးဟောပြောရာတွင် စားသုံးသူကာကွယ်ရေးနှင့် စားသုံးသူ၏ အဓိပ္ပါယ်ဖွင့်ဆိုချက်အကြောင်း၊ ဥပဒေ အခန်း(၉)၊ ပုဒ်မ(၁၉)ပါ စားသုံးသူ၏ အခွင့်အရေး များအကြောင်း၊ ဥပဒေ အခန်း(၉)၊ပုဒ်မ(၂၀)ပါ  စားသုံသူ၏တာဝန်များဖြစ်သော ကုန်စည် သို့မဟုတ် ဝန်ဆောင်မှုနှင့် စပ်လျဉ်းသည့် သတင်းအချက်အလက်နှင့် လမ်းညွှန်ချက်များအတိုင်း လိုက်နာ ဆောင်ရွက်ခြင်း၊ ကုန်စည် သို့မဟုတ် ဝန်ဆောင်မှုကို ရွေးချယ်ဝယ်ယူရာတွင် သဘောတူညီထား သည့် တန်ဖိုးနှင့်အညီပေးချေခြင်း၊ စီးပွားရေးလုပ်ငန်းရှင်အပေါ် ထိခိုက်နစ်နာ စေရန်ရည်ရွယ်၍ မဟုတ်မမှန် စွပ်စွဲပြောဆိုမှု၊ ပြုလုပ်မှုတို့ကို ရှောင်ကြဉ်ခြင်း၊ အငြင်းပွားမှုကို ညှိနှိုင်းဖြေရှင်းနေစဉ် လူထုဆက်သွယ်ရေးနည်းလမ်းများဖြင့်ဖြစ်စေ၊ အခြားနည်းလမ်းများဖြင့်ဖြစ်စေ သက်ဆိုင်ရာ စီးပွားရေးလုပ်ငန်းရှင်အပေါ် ထိခိုက်နစ်နာစေရန် မဟုတ်မမှန်ပြောဆိုခြင်း၊ ရေးသားခြင်းနှင့် ပြုမူခြင်း တို့ကို ရှောင်ကြဉ်ခြင်း၊ ကုန်စည်/ ဝန်ဆောင်မှုနှင့် စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးနှင့် တက်ရောက်လာသော  စားသုံးသူများအား Consumer Call Center 1535သို့ လက်တွေ့ခေါ်ဆို၍ တိုင်ကြားရမည့် နည်းလမ်းများ‌အကြောင်း၊ AIနည်းပညာနှင့် စိန်ခေါ်မှုများအကြောင်း၊ အွန်လိုင်းမှ ဈေးဝယ်ယူရာတွင် သတိထားဝယ်ယူသင့်သည့်  အချက်များ အကြောင်း၊ Digitalငွေကြေးဝန်ဆောင်မှု ရယူအသုံးပြုရာတွင် စားသုံးသူများ၏ ပုဂ္ဂိုလ်ရေးဆိုင်ရာ  အချက်များကို  လုံခြုံစိတ်ချရမှု ရှိစေရေးအတွက် ဆောင်ရန်၊ရှောင်ရန်များအကြောင်း၊ တရားမဝင် ကုန်သွယ်မှုတိုက်ဖျက်ရေးဆိုင်ရာ အသိပညာများအား အသိပညာပေးဟောပြောခဲ့ကြောင်း သတင်း ရရှိပါသည်။

DOCA(ကချင်)