သတင်းနှင့် လှုပ်ရှားမှုများ

    စစ်ကိုင်းတိုင်းဒေသကြီး၊ ကန့်ဘလူမြို့နယ်သည် စိုက်ပျိုးရေးကို အဓိကလုပ်ကိုင်သော ဒေသ တစ်ခုဖြစ်ပြီး ယခုနှစ် စိုက်ပျိုးရာသီတွင် အစေ့ထုတ်ပြောင်း စိုက်ပျိုးခြင်းကို ပိုမိုတိုးချဲ့စိုက်ပျိုးလာ ကြောင်း၊ အစေ့ထုတ်ပြောင်း (CP)သည် တိရစ္ဆာန်အစာစပ်လုပ်ငန်းများတွင် အဓိကအသုံးပြုသည့် အတွက် စျေးကွက်လိုအပ်ချက် အမြဲရှိနေခြင်း၊ အခြားသီးနှံများနှင့်နှိုင်းယှဉ်ပါက ပြုစုရလွယ်ကူပြီး အထွက်နှုန်းကောင်းမွန်ခြင်းတို့ကြောင့် တောင်သူများ နှစ်စဉ်စိုက်ပျိုးလျက်ရှိ ကြောင်းသိရသည်။

      ဇူလိုင်လ ၁၉ ရက်က စားသုံးသူရေးရာဦးစီးဌာန တာဝန်ခံဦးမျိုးဝင်းသန်းသည် မြို့နယ်စိုက်ပျိုးရေးဦးစီးဌာနနှင့် ပူးပေါင်းကာ ကန့်ဘလူမြို့နယ် ဆိပ်ဖူးမြောင်ကျေးရွာရှိ အစေ့ထုတ်ပြောင်း စိုက်ခင်းများအား မြေပြင်ကွင်းဆင်းကာ စိုက်ပျိုးမှု၊ ထွက်ရှိမှုနှင့် တစ်ဧကကုန်ကျစရိတ်များကို မေးမြန်းဆွေးနွေးခဲ့ကြောင်း၊ လက်ရှိတွင် တောင်သူများသည် အထွက်နှုန်းကောင်းမွန်ပြီး ရောဂါဒဏ် ခံနိုင်ရည်ရှိသော ပြောင်းမျိုးစေ့များကို ရွေးချယ်စိုက်ပျိုးထားကြပြီး၊ စိုက်ပျိုးရေးဌာနမှလည်း လိုအပ်သော စိုက်ပျိုးရေးနည်းပညာများနှင့် ပိုးမွှားကာကွယ်ရေးဆိုင်ရာ အသိပညာပေးမှုများကို ကူညီပံ့ပိုးပေးလျက်ရှိကြောင်း သိရသည်။

      ကန့်ဘလူမြို့နယ်တွင် အစေ့ထုတ်ပြောင်း(CP)များကို များသောအားဖြင့် မိုးဦးကျကာလ  မေလနှင့် ဇွန်လများတွင် စတင်စိုက်ပျိုးကြပြီး၊ အောက်တိုဘာလနှင့် နိုဝင်ဘာလများတွင် ရိတ်သိမ်း ရမည်ဖြစ်ကြောင်း၊ ကန့်ဘလူမြို့နယ်အတွင်းရှိ ကျေးရွာများတွင် ပြောင်းစိုက်ခင်းများ သဘာဝမိုးရေဖြင့် စတင်အောင်မြင်ဖြစ်ထွန်းနေပြီဖြစ်ရာ၊ ရာသီဥတု ဆက်လက်ကောင်းမွန်ပါက ယခုနှစ်တွင် ပိုမိုတွက်ချေကိုက်ပြီး အကျိုးအမြတ်ရရှိနိုင်ကြောင်း ပြောင်းစိုက်တောင်သူများထံမှ သိရသည်။

DOCA(စစ်ကိုင်း)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးသူရေးရာဦးစီးဌာနသည်စားသုံးသူကာကွယ်ပေးရေးဥပဒေအရ ကုန်စည်(သို့)ဝန်ဆောင်မှုလုပ်ငန်းများနှင့်စပ်လျဉ်း၍ စားသုံးသူနစ်နာ ဆုံးရှုံးမှုများအပေါ် တိုင်ကြားလာ၍သော်လည်းကောင်း၊စားသုံးသူများဘေးအန္တရာယ်ရှိသည်ဟု ထင်မြင် ယူဆရသောကုန်စည်(သို့)ဝန်ဆောင်မှုနှင့် စပ်လျဉ်း၍သော်လည်းကောင်းစုံစမ်းစစ်ဆေးမှုများ ပြုလုပ်၍ စားသုံးသူကာကွယ်ရေးဥပဒေနှင့်အညီ ဖြေရှင်းဆောင်ရွက်ပေးလျှက်ရှိပါသည်။

          စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်စိမ်းစိမ်းထွေး၊ဦးစီးမှူး ဦးဆောင်သောဈေးကွက် စောင့်ကြည့် စစ်ဆေးရေးအဖွဲ့သည် အထွေထွေအုပ်ချုပ်ရေးဦးစီးဌာန၊ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊မြို့နယ်ပြည်သူ့ကျန်းမာရေး၊မြို့နယ်စည်ပင်သာယာရေးအဖွဲ့နှင့် မြန်မာ နိုင်ငံရဲတပ်ဖွဲ့တို့ပူးပေါင်း၍ ၂၀၂၆ ခုနှစ် ဇူလိုင်လ (၁၇)ရက်နေ့ ၊ နံနက် (၁၀း၀၀) အချိန်တွင် မိတ္ထီလာ မြို့ပေါ်ရှိ ဆေးဆိုင်များအား ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ကွင်းဆင်းခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်း ရောင်းချနေသောကုန်စည်များပေါ်တွင် မြန်မာနိုင်ငံဆေးဝါးမှတ်ပုံတင်အမှတ်မပါ ရှိသောဆေးဝါးများ၊ သက်တမ်းလွန်ဆေးဝါးများနှင့် တရားမဝင်ဆေးဝါးများ ရောင်းချမှုမရှိစေရေး၊ ဆရာဝန်ညွှန်မကြားချက်မလိုသော အိမ်သုံးဆေးဝါးများ ဈေးနှုန်းမြှင့်တင်ရောင်းချမှုရှိ/မရှိစသည့်တို့ကို စစ်ဆေးခဲ့ပြီး၊ စပ်ဆေးအသုံးပြုမှုလျော့ပါးစေရေး၊ အစားသောက်နှင့်ဆေးဝါးကွပ်ကဲရေးဦးစီ၏ ထောက်ခံ ချက်မရှိသော အရည်အသွေးနှင့်စံချိန်စံညွှန်းစစ်ဆေးမှုခံယူထားခြင်းမရှိသည့် အာမခံချက်မရှိသောတရား မဝင်ဆေးဝါးများရောင်းချခြင်းမပြုရန် အသိပညာပေးဆွေးနွေးခဲ့ပြီး စားသုံးသူကာကွယ် ရေးဥပဒေပါစီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့်ပြစ်မှု ပြစ်ဒဏ်များ အကြောင်းစသည်တို့ကို အသိပညာပေးဆွေးနွေးခဲ့ပြီး၊ ဆေးမျိုးစုံအရောင်းဆိုင် (၈) ဆိုင်အားကွင်းဆင်း စစ်ဆေးခဲ့ကြောင်း သိရှိရသည်။

DOCA(မန္တလေး)

            နတ်တလင်းခရိုင်၊ နတ်တလင်းမြို့ဦးစီးရုံးရှိ၊ ဝန်ထမ်းများ အသိပညာဗဟုသုတများရရှိစေပြီး လုပ်ငန်းတာဝန်များ ထမ်းဆောင်သည့်အခါတွင် ကျွမ်းကျင်ပိုင်နိုင်စွာ လုပ်ကိုင်ဆောင်ရွက် တတ်စေရန် တစ်ဦးနှင့်တစ်ဦး အသိပညာဗဟုသုတများဖလှယ်၍ ဟောပြောဆွေးနွေးမှုများအား ရုံးလုပ်ငန်းများ မပျက်စေဘဲ တစ်လလျှင်တစ်ကြိမ် ကြာသာပတေးနေ့တိုင်း (Thursday Talk ) အသိပညာပေးဆွေးနွေးပွဲများကို (၁၆.၇.၂၀၂၆) ရက်နေ့၊ နံနက် (၁၀:၀၀)နာရီအချိန်တွင် နတ်တလင်းခရိုင် ဦးစီးမှူးရုံးတွင် အလှည့်ကျ ဆွေးနွေးဟောပြောခဲ့ပါသည်။ဆွေးနွေးရာတွင်   ဇီးကုန်းမြို့နယ်တာဝန်ခံ ဒေါ်မြင့်မြင့်ခင် (ဦးစီးမှူး)က “စားသုံးသူများဘေးကင်းဖို့ ဟန်ချက်ညီညီ ဆောင်ရွက်စို့” ခေါင်းစဉ်ဖြင့် ခရိုင်တွင်း ဝန်ထမ်း(၁၈)ဦးအား အသိပညာပေး ဟောပြောခဲ့ရာ နံနက်(၁၁:၀၀)နာရီတွင် ပြီးဆုံးခဲ့ကြောင်း သိရပါသည်။

DOCA(ပဲခူး)

          စစ်ကိုင်းတိုင်းဒေသကြီး ကန့်ဘလူခရိုင်ဦးစီးမှူးရုံး လက်အောက်ရှိ ကျွန်းလှမြို့နယ်တာဝန်ခံရုံး ဝန်ထမ်း များသည် ၂၀၂၆ ခုနှစ်၊ ဇူလိုင်လ(၂၀)ရက်နေ့ နံနက်(၀၉;၀၀)နာရီ အချိန်တွင်  ကျွန်းလှမြို့၊ ပျဉ်းမမြိုင်ရပ်ကွက်ရှိ အခြခံပညာအထက်တန်းကျောင်းသို့ သွားရောက်၍ စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံနှင့် အငယ်တန်းစာရေး(၁)ဦး၊ နေ့စားဝန်ထမ်း(၁)ဦးတို့သည် စားသုံးသူ အကာအကွယ်ပေးရေးအသိပညာပေး ဟောပြောပွဲကျင်းပပြုလုပ် ဆောင်ရွက်ခဲ့ပါသည်။

          အဆိုပါ အသိပညာပေးဟောပြောပွဲတွင် ကျောင်းအုပ်ဆရာမကြီးမှ ကြိုဆိုနှုတ်ခွန်း ဆက် စကားပြောကြားခဲ့ပြီးနောက် စားသုံးသူရေးရာဦးစီးဌာန၊ ကျွန်းလှမြို့နယ်တာဝန်ခံ ဒေါ်ဝေဝေအောင်မှ စားသုံးသူရေးရာဦးစီးဌာန ပေါ်ပေါက်လာပုံ အဆင့်ဆင့်အကြောင်း၊ ကမ္ဘာ့စားသုံသူအခွင့်အရေးများနေ့ ဖြစ်ပေါ် လာပုံအကြောင်း၊ စားသုံးသူကာကွယ်ရေးဥပဒေကို ၂၀၁၉ ခုနှစ် ၊ မတ်လ (၁၅)ရက်နေ့ ၌ ပြဌာန်းခဲ့ပြီး အခန်း ပေါင်း(၂၅)ခန်း ပုဒ်မပေါင်း(၈၄)ခု ပါဝင်ကြောင်း ၊ စားသုံးသူကာကွယ်ရေးဥပဒေပါ စားသုံးသူ၏ အဓိပ္ပါယ် ဖွင့်ဆိုချက်၊ စားသုံးသူကာကွယ်ရေး၏ အဓိပ္ပါယ်ဖွင့်ဆိုချက် စားသုံးသူ အကာကွယ်ပေးရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာ ထည့်သွင်းဖော်ပြ၍  ထုတ်လုပ် ဖြန့်ဖြူး ရောင်းချသည့် ကုန်ပစ္စည်းများကိုသာ ဝယ်ယူစားသောက် အသုံးပြု တတ်ရန်၊ စားသုံးသူကာကွယ်ရေးဥပဒေပါ စားသုံးသူ အခွင့်အရေး(၈)ချက် နှင့်  စားသုံးသူများ လိုက်နာ ဆောင်ရွက်ရမည့် တာဝန်(၄)ချက် နှင့်  စားသုံးသူနစ်နာ ဆုံးရှုံးမှုရှိလျှင် တိုင်ကြားနိုင်ပါကြောင်း၊ တိုင်ကြား နိုင်သည့် နေရာများဖြစ်သည့် Facebook Page ဖြစ်တဲ့ DOCA Myanmar Page တွင် လည်းကောင်း ၊ မိမိတို့ ဌာနခရိုင်ဦးစီးမှူးရုံး စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက် ရေးစင် တာ(CICC)တွင် လည်းကောင်း ၊ မိမိတို့ဌာန Website  ဖြစ်တဲ့ www. doca.gov. mm တွင် လည်းကောင်း ၊ MPT ; mytel ;  Telenor ;  Oredoo  ; SIM Card User များအားလုံးတို့ဖြင့် Call Center No. 1535 တွင်ဖုန်းခေါ်ဆို၍ အထောက်အထား အပြည့်အစုံဖြင့် တိုင်ကြားနိုင်ပါကြောင်း နှင့် သိလိုသည်များကို စုံစမ်းမေးမြန်းနိုင်သည့် အကြောင်းများ အကျယ်တဝင့် ဟောပြောခဲ့ပြီး ဒေါ်ဝေဇင်အောင် အငယ်တန်းစာရေးမှ  Online Sale ရောင်းချသူများအား Online မှတ်ပုံတင် လျှောက်ထားဆောင်ရွက်ရန် နှင့် လိုအပ်သည့်အချက်အလက်များကို ရှင်းလင်းပြောကြားခြင်း တို့အား ဆရာ/ ဆရာမ(၈)ဦး၊ ကျောင်းသား/သူ(၁၂၈) စုစုပေါင်း (၁၃၆)ဦးတို့အား အကျယ်တဝင့် ရှင်းလင်း ပြောကြားခဲ့ပါသည်။

        နိဂုံးချုပ်အနေဖြင့် မြို့နယ်တာဝန်ခံမှ လိုအပ်သည့်များ ဆက်လက်ပြောကြားပြီး ကျောင်းသား/ သူ များအား ဟောပြောပွဲတွင် ဟောပြောခဲ့သည့် အကြောင်းအရာများအား ပြန်လည်စိစစ်မေးမြန်းပြီး ကျောင်းသား/သူ(၃)ဦးတို့အား ဗလာစာအုပ်နှင့်ဘောပင်များ ဆုချီးမြှင့်ခဲ့ပြီး စားသုံး သူကာကွယ်ရေးလုပ်ငန်းသည် တစ်ကြိမ်တစ်ခါဟောပြောဆွေးနွေးရုံဖြင့် ပြီးဆုံးသည့်လုပ်ငန်း မဟုတ် ကြောင်း ကျောင်းသား/သူများအနေဖြင့် စားသုံးသူများ၏လိုက်နာရမည့် တာဝန်များကို လိုက်နာ ဆောင်ရွက်တတ်ပြီး စားသုံးသူအခွင့်အရေးများကို တောင်းဆိုတတ်တဲ့သူတွေဖြစ်ကြပါစေလို့ နိဂုံးချုပ်ပြောကြားခဲ့ပြီး ဌာန၏ အမိန့်ကြော်ငြာစာအမှတ်(၂/၂၀၁၉)ကုန်အညွှန်းအမှတ်အသား အသေးစိတ် စိစစ်ချက်များပါရှိသည့် လက်ကမ်း စာစောင်များအား ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးနှင့် ဝန်ထမ်းများသည် ၂၀၂၆ခုနှစ်၊ ဇူလိုင်လ ၁၇ရက်နေ့ နံနက် (၁၀း၀၀)နာရီအချိန်တွင် စစ်ကိုင်းမြို့နယ်၊ စကျင်ရွာ၊ ကန်သစ်တော ကွင်းတွင် Nature Timber Trading Co;ltd၏ သစ်အချောထည်စက်ရုံသို့ လုပ်ငန်းလည်ပတ် မှုအခြေအနေများနှင့် စပ်လျဉ်း၍ မြေပြင်တွင် အမှန်တကယ်လည်ပတ်ခြင်း ရှိ/မရှိ ကုန်ထုတ်လုပ်မှု အခြေအနေများကို တစ်လလျှင် ရာဘာကုန်ကြမ်း (၁၅၀၀)တန်၊ Film Sheet (၄၈၀၀)ရွက်နှင့် အခြားဆက်စပ်ပစ္စည်းများကို ပြည်ပနိုင်ငံမှ ဝယ်ယူပြီး ကုန်ချောအနေဖြင့် တစ်လလျှင် ရေစိုခံဖလိုင်းနှင့် ရိုးရိုးဖလိုင်း (5mm to 12 mm)တန် (၁၅၀၀)ခန့် ထုတ်လုပ်လျက်ရှိပြီး မန္တလေး၊ နေပြည်တော်၊ မုံရွာနှင့် ဘီလင်းမြို့များသို့ တင်ပို့ကြောင်း လက်ရှိတွင် ဝန်ထမ်း (၂၀၀)ဦးဖြင့် လုပ်ငန်းလည်ပတ် လုပ်ကိုင်လျက်ရှိကြောင်း သိရှိရပါသည်။

DOCA(စစ်ကိုင်း)