သတင်းနှင့် လှုပ်ရှားမှုများ

       ကချင်ပြည်နယ်၊ မြစ်ကြီးနားခရိုင်အတွင်း စားသုံးသူများအနေဖြင့် အစားအသောက်များ ဝယ်ယူစားသုံးရာတွင် ဘေးကင်းလုံခြုံမှုရှိစေရေးအတွက် ၂၉.၇.၂၀၂၅ ရက်နေ့တွင် စားသုံးသူရေးရာ ဦးစီးဌာန၊ မြစ်ကြီးနားခရိုင်ဦးစီးမှူးရုံးမှ‌‌ ဦးဇေယျာအောင်(ခရိုင်ဦးစီးမှူး)ဦးဆောင်၍ အထွေထွေ အုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊  ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့များပူးပေါင်းကာ မြစ်ကြီးနားမြို့၊ တပ်ကုန်းရပ်ကွက်နှင့် မန်ခိန်ရပ်ကွက်ရှိ စားသောက်ဆိုင်(၅)ဆိုင်သို့ ကွင်းဆင်းစစ်ဆေးပြီး လုပ်ငန်းရှင်များအားအသိပညာပေးဆောင်ရွက်ခဲ့ပါ သည်။

          ထိုသို့ကွင်းဆင်းစစ်ဆေးဆောင်ရွက်ခဲ့ရာတွင်စားသောက်ဆိုင်များအနေဖြင့်  စည်ပင်သာယာရေး အဖွဲ့၏အစားအသောက်များထုတ်လုပ်ခြင်းနှင့်ရောင်းချခြင်းဆိုင်ရာလုပ်ငန်းလိုင်စင်ရယူခြင်း၊ စားသောက် ဖွယ်ရာများတည်ခင်းရောင်းချရန်အတွက်အသုံးပြုသည့်အဆောက်အအုံပိုင်နက်ဥပစာအား သန့်ရှင်းစွာ ဆောင်ရွက်ထားခြင်း၊ ဆိုင်လုပ်သားများတူညီဝတ်စုံဝတ်ဆင်ထားပြီး အစားအသောက် ချက်ပြုတ် ပြင်ဆင်သူများအနေဖြင့် သတ်မှတ်ထား‌သောလက်အိတ်များ၊သန့်ရှင်းသော ရှေ့ဖုံးပါဝတ်စုံနှင့် ခေါင်းစွပ် များ ဝတ်ဆင်ထားခြင်းဆောင်ရွက်ထားကြောင်းစစ်ဆေးတွေ့ရှိရပါသည်။

          စားသောက်ဆိုင်ဖွင့်လှစ်ရောင်းချသည့်လုပ်ငန်းရှင်များအား စားဖိုဆောင်တွင် ပိုးမွှားပေါက်ဖွားမှု မရှိစေရန် ခြေနင်းပါအမိုက်ပုံးများထားရှိရန်၊ ကျန်းမာရေးဦးစီးဌာန၏ ကူးစက်ရောဂါကင်းရှင်းခွင့် ထောက်ခံချက်လက်မှတ်ရယူရန်၊ စားသုံးသူများအားလုံလောက်သည့် သတင်းအချက်အလက်များ သိရှိစေရန်အတွက် ဈေးနှုန်းအားဖော်ပြထားရန်နှင့် စားသုံးသူကာကွယ်ရေးဥပ‌ဒေပါ စီးပွား‌ရေး လုပ်ငန်းရှင်သည်  စားသုံးသူအပေါ်ဝန်ဆောင်မှုပေးခြင်းနှင့်စပ်လျဉ်းသည့် ဖော်ပြရမည့်အာမခံချက် များကို လိုက်နာဆောင်ရွက်သွားရန်နှင့်သက်ဆိုင်ရာဌာနများ၏အမိန့်နှင့်ညွှန်ကြားချက်များအားလည်း လိုက်နာဆောင်ရွက်သွားရန် အသိပညာပေးဆွေးနွေးခဲ့ပါသည်။

DOCA(ကချင်)

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဦးကျော်ဇင်ထွေး(ဒု-ဦးစီးမှူး) ဦးဆောင်၍ဝန်ထမ်း(၄)ဦးသည် ၂၀၂၅ ခုနှစ်၊ ဇူလိုင်လ(၂၈)ရက်၊ (၀၉:၃၀)အချိန်တွင် လွိုင်ကော်မြို့၊  မင်းစုရပ်ကွက်ရှိ TMK စားသောက်ဆိုင်သို့ အစားအသောက်ပြုပြင်ရောင်းချသည့် နေရာများ သန့်ရှင်းမှု ရှိ/မရှိ၊ အစားအသောက်ကိုင်တွယ် ချက်ပြုတ်သူများ၊ ဝန်ဆောင်မှုပေးသူများ၏ တစ် ကိုယ်ရည်သန့်ရှင်းမှု ရှိ/မရှိ၊ အစားအသောက်များ လတ်ဆတ်သန့်ရှင်းမှု ရှိ/မရှိ၊ ၎င်းတို့ဆိုင်မှပေး အပ်သည့် ဝန်ဆောင်မှုနှင့်စပ်လျဉ်း၍ လုံလောက်သည့် သတင်းအချက်အလက်များကို စားသုံးသူ သို့ ကြိုတင်အသိပေးဖော်ပြထားခြင်း ရှိ/ မရှိနှင့် ရောင်းချသည့် စားသောက်ဖွယ်ရာများ၏ အမျိုး အစား(Size)ပမာဏအလိုက် ဈေးနှုန်းအား ပွင့်လင်းမြင်သာစွာဖြင့် ကြိုတင်အသိပေး ဖော်ပြထား ခြင်း ရှိ/မရှိ သက်ဆိုင်ရာ မိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးဆောင် ရွက်ခဲ့ပါသည်။

      ထိုသို့ဈေးကွက်စောင့်ကြည့်စစ်ဆေးရာတွင် TMK စားသောက်ဆိုင်ရှိ အစားအသောက် ပြုပြင်ရောင်းချသည့် နေရာများမှာ သန့်ရှင်းမှုရှိကြောင်း၊ အစားအသောက် ကိုင်တွယ်ချက် ပြုတ်သူများမှာ တစ်ကိုယ်ရည်သန့်ရှင်းမှုရှိကြောင်း၊ ဝန်ဆောင်မှုပေးသူများမှာလည်း တစ်ကိုယ် ရည်သန့်ရှင်းမှုရှိကြောင်း၊ ၎င်းတို့ဆိုင်မှပေးအပ်ထားသည့် ဝန်ဆောင်မှုများ နှင့်စပ်လျဉ်း၍ အဖိုး အခ ထပ်မံကောက်ခံခြင်းမရှိကြောင်းစစ်ဆေးတွေ့ရှိရပြီး ရောင်းချသည့် စားသောက်ဖွယ်ရာ များ၏ အမျိုးအစား( Size )ပမာဏအလိုက် ဈေးနှုန်းအား TMK စားသောက်ဆိုင်၌ ပွင့်လင်း မြင်သာစွာဖြင့် ကြိုတင်အသိပေးဖော်ပြထားကြောင်း စစ်ဆေးတွေ့ရှိရပါသည်။

          TMKစားသောက်ဆိုင်လုပ်ငန်းရှင်အနေဖြင့် မိမိစားသောက်ဆိုင်ရှိ အစားအသောက် ကိုင် တွယ်ချက်ပြုတ်သူများအနေဖြင့် Apron ၊ ခေါင်းစွပ်များဝတ်ဆင်၍ ချက်ပြုတ်စေရန်၊ သက် ဆိုင်ရာဌာန၏ ဥပဒေ၊ ညွှန်ကြားချက်များအား လိုက်နာဆောင်ရွက်သွားရန်နှင့် ထပ်မံစစ် ဆေး သည့်အခါ ညွှန်ကြားချက်များအတိုင်း လိုက်နာဆောင်ရွက်မှု မရှိပါက စားသုံးသူကာကွယ်ရေး ဥပဒေအရသော်လည်းကောင်း၊ သက်ဆိုင်ရာဌာနဆိုင်ရာများ၏ ဥပဒေများနှင့်ပါ အရေးယူခံရ မည်ဖြစ်ကြောင်း အသိပညာပေး ဈေးကွက်စောင့်ကြည့်စစ်ဆေး ဆောင်ရွက်ခဲ့ကြောင်း သတင်း ရရှိပါသည်။

DOCA(ကယား)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ မော်ကျွန်းမြို့နယ် တာဝန်ခံ ဦးမင်းဇော်လတ်နှင့်ဝန်ထမ်းများသည် (၂၂.၇.၂၀၂၅) ရက်နေ့၊နံနက်(၁၀:၀၀) နာရီအချိန်တွင် မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍မော်ကျွန်းမြို့နယ်အတွင်းရှိ စက်သုံးဆီအရောင်းဆိုင်များအားသတ်မှတ် ရည်ညွှန်းဈေးနှုန်းဖြင့် ရောင်းချပေးနေခြင်းရှိ/ မရှိ ကွင်းဆင်းစစ်ဆေးခဲ့ပါသည်။

            ထိုသို့ကွင်းဆင်းစစ်ဆေးဆောင်ရွက်ရာတွင် မော်ကျွန်းမြို့နယ်တာဝန်ခံမှစက်သုံးဆီအရောင်း ဆိုင်များတွင် လက်လီ/ လက္ကားရောင်းချနေသော စက်သုံးဆီဆိုင်မျာအား သတ်မှတ်ရည်ညွှန်းဈေးနှုန်းဖြင့် ရောင်းချနေခြင်းရှိ/ မရှိ၊ ဈေးနှုန်းမြှင့်တင်ရောင်းချခြင်းများမရှိကြရန်၊ ပြည့်ဝမှန်ကန်စွာ ရောင်းချကြရန်၊ ထုတ်ပြန်ထားသည့် စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချကြရန် ရှင်းလင်းပြောကြားခဲ့ပြီး စက်သုံးဆီဆိုင်ပိုင်ရှင်များအား စက်သုံးဆီ လက်လီ/ လက္ကား ရောင်းချမှုအခြေအနေနှင့် ပြည်သူများအား သက်မှတ်ထားသောသောဈေးနှုန်းများဖြင့်ရောင်းချရန်၊ ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားရှိခြင်းများ စစ်ဆေးတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း စက်သုံးဆီဆိုင်ပိုင်ရှင်များအား ရှင်းလင်းဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

     ကယားပြည်နယ်၊ လွိုင်ကော်မြို့ သီရိမင်္ဂလာဈေးအတွင်းသို့ အထူးစုံစမ်းစစ်ဆေးရေးဦးစီးဌာန၊ ဗဟိုစာရင်းအင်းအဖွဲ့၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ၂၀၂၅ ခုနှစ်၊ ဇူလိုင်လ(၂၅)ရက်နေ့၊ နံနက်(၈:၀၀)နာရီအချိန်တွင် အခြေခံစားသောက်ကုန်များဈေးနှုန်း မြှင့်တင် ရောင်းချမှုများမရှိစေရန် ကွင်းဆင်းစစ်ဆေးပြီး အခြေခံစားကုန်ဈေးနှုန်းစာရင်း ကောက်ယူမှုများ ပြုလုပ်ခဲ့ပါသည်။

      အခြေခံစားသောက်ကုန်များဖြစ်သော (အသား၊ ငါး)များအား အဆမတန်ဈေးနှုန်းမြင့်တင် ရောင်းချခြင်းများ မပြုလုပ်ရန်၊ စည်ပင်သာယာရေးအဖွဲ့မှ သတ်မှတ်ထားသောဈေးနှုန်းနှင့် အမှန် တကယ် စားသုံးသူထံရောင်းချသောဈေးနှုန်းများ  တူညီစွာရောင်းချကြရန်၊ အလေးချိန်၊ အချိန် အတွယ်မှန်ကန်စွာဖြင့် ရောင်းဝယ်မှု ပြုလုပ်ကြရန် ဈေးသည်များအား အသိပညာပေးခြင်းများလည်း ဆောင်ရွက်ခဲ့ကြောင်း  သိရှိရပါသည်။

DOCA(ကယား)

   ကချင်ပြည်နယ်၊   မြစ်ကြီးနားခရိုင်အတွင်း အွန်လိုင်းစနစ်ဖြင့်   ရောင်းချခြင်းလုပ်ငန်းများနှင့် စပ်လျဉ်း ၍ အသိပညာပေးဆောင်ရွက်မှုအနေဖြင့် စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ‌‌ ဦးဇေယျာအောင်(ခရိုင်ဦးစီးမှူး)သည် ၂၅.၇.၂၀၂၅ ရက်နေ့တွင် မြစ်ကြီးနားမြို့၊ အောင်နန်းရပ်ကွက်ရှိ ကချင်ပြည်နယ်ကုန်သည်များနှင့် စက်မှုလက်မှုလုပ်ငန်းရှင်များ အသင်းရုံး၌ အသင်းသား (၇)ဦးနှင့်တွေ့ဆုံ၍ အသိပညာပေးဆောင်ရွက်ခဲ့ပါသည်။

    ထိုသို့ အသိပညာပေးဆောင်ရွက်ခဲ့ရာတွင် ဦးဇေယျာအောင်(ခရိုင်ဦးစီးမှူး)က စားသုံးသူ ကာကွယ် ရေးဥပဒေပါ စီးပွားရေးလုပ်ငန်းရှင်၏ အဓိပ္ပာယ်ဖွင့်ဆိုချက်နှင့်တာဝန်များ၊ စားသုံးသူ အခွင့်အရေးနှင့်တာဝန်များ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာ အမှတ် ၅၀/၂၀၂၃ အရ အွန်လိုင်းစနစ်ဖြင့်ရောင်းချခြင်းလုပ်ငန်းကို အရေးကြီးဝန်ဆောင်မှု လုပ်ငန်းအဖြစ် သတ်မှတ် ထားရှိမှုအခြေအနေ၊ အွန်လိုင်းရောင်းချခြင်းလုပ်ငန်း၏ အဓိပ္ပာယ်ဖွင့်ဆိုချက်၊ ကုန်စည် အုပ်စုနှင့် ဝန်ဆောင်မှု အုပ်စုသတ်မှတ်ထားရှိမှုများ၊ မှတ်ပုံတင်လက်မှတ်လျှောက်ထားရန် အခြေခံ  လိုအပ်ချက်များ၊ ကြိုတင်ပြင်ဆင်ထားသင့်သည့် အထောက်အထားများ၊ မှတ်ပုံတင် လက်မှတ်ရရှိသူ၏ တာဝန်နှင့် အခွင့်အရေးများ၊ မှတ်ပုံတင်ထုတ်ပေးခြင်း၊ ဆိုင်းငံ့ခြင်း၊ ပယ်ဖျက်ခြင်းဆိုင်ရာ အကြောင်းအရာများ၊ eComReg System ၏  Report နှင့် ပတ်သက်သည့် အသုံးပြုရန် နည်းလမ်းများအား အသိပညာပေး ဆွေးနွေးခဲ့ပါသည်။

DOCA(ကချင်)