စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များနှင့် တွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းများ ဆောင်ရွက်လျက်ရှိသည့်အပြင် ထုတ်ကုန်များလုံခြုံ စိတ်ချရမှုရှိစေရေးနှင့် ကုန်အညွှန်းအမှတ်အသားများ ပြည့်စုံစွာ ထည့်သွင်းဖော်ပြရေးအတွက် ဈေးကွက်စောင့်ကြည့်စစ်ဆေးခြင်းများကို လစဉ်ဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးဦးဆောင်သောအဖွဲ့နှင့် ဒု-ခရိုင်ဦးစီးမှူးဦးဆောင်သော အဖွဲ့နှစ်ဖွဲ့ခွဲ၍ ရွှေဘိုမြို့နယ် ပြည်သူ့ကျန်းမာရေးဦးစီးဌာနနှင့် ပူးပေါင်းပြီး (၁၀.၆.၂၀၂၆)ရက်နေ့၊ နံနက်(၀၉:၀၀)နာရီအချိန်တွင် ရွှေဘိုမြို့ရှိ အမှတ်(၁)၊ (၂)၊ (၃)အခြေခံပညာအထက်တန်းကျောင်း၊ သရက်ခြံ မူလတန်းလွန်ကျောင်း၊ ဦးတင်ဝင်းကိုယ်ပိုင်အထက်တန်းကျောင်း၊ D ပျိုးခင်း ကိုယ်ပိုင်အထက်တန်းကျောင်းတို့ရှိ မုန့်ဈေးတန်းများအား ဈေးကွက်စောင့်ကြည့် စစ်ဆေးခဲ့ပါသည်။  

          ထိုသို့ဈေးကွက်စောင့်ကြည့်စစ်ဆေးရာတွင် ကျောင်းမုန့်ဈေးတန်းများ၌ အသင့်စားမုန့်များ၊ မြန်မာ့ရိုးရာအစားအစာများရောင်းချကြောင်း စစ်ဆေးတွေ့ရှိရသဖြင့် အသင့်စားမုန့်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိ၊ မြန်မာ့ရိုးရာအစားအစာများများကို သန့်ရှင်းလတ်ဆတ်မှုရှိ/မရှိစစ်ဆေးခဲ့ပြီး ခရိုင်ဦးစီးမှူးနှင့် ဒု-ခရိုင်ဦးစီးမှူးတို့က ဌာနအနေဖြင့် ထုတ်ကုန်များ လုံခြုံစိတ်ချရမှုရှိစေရေးအတွက် ဈေးကွက်ရောက်ပြီးကုန်စည်များအပြင် ဈေးကွက်မရောက်မီကုန်စည်များကိုလည်း ဈေးကွက်စောင့်ကြည့်စစ်ဆေးလျက်ရှိကြောင်း၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများ၊အသင့်မုန့်များတွင် ဖော်ပြရမည့် ကုန်အညွှန်းအမှတ်အသားအကြောင်းများကို ရှင်းလင်းဆွေးနွေးခဲ့ကြကြောင်း သတင်းရရှိပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် ၂၀၂၆ ခုနှစ်၊ ဇွန်လ ၁၀ ရက်နေ့ နံနက် (၀၉:၃၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ရပ်ကွက်အုပ်ချုပ်ရေးမှူး စသည့် ပူးပေါင်းအဖွဲ့သည် ကန့်ဘလူမြို့၊ အမှတ်(၃)ရပ်ကွက်ရှိ သောက်ရေသန့်စက်ရုံအား ဈေးကွက်မရောက်မီ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့ကွင်းဆင်းစစ်ဆေးရာတွင် ရေသည်လူတို့၏ နေ့စဉ်ဘဝတွင် မရှိမဖြစ်အရေးပါသော အခန်းကဏ္ဍတွင် ပါဝင်နေသည့်အတွက် လူတို့နေ့စဉ်သောက်သုံးရန် ထုတ်လုပ်နေသော သောက်ရေသန့်စက်ရုံများသည် စားသုံးသူများ ဘေးအန္တရာယ်ကင်းရှင်းရေးအတွက် သက်ဆိုင်ရာဌာနများကလည်း မိမိဌာန၏ အမိန့်၊ ညွှန်ကြားချက်များကို လိုက်နာဆောင်ရွက်ခြင်းရှိ/မရှိ ကွင်းဆင်းစစ်ဆေးခဲ့ကြောင့်၊ တာဝန်ခံဦးမျိုးဝင်းသန်းက မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉)နှင့် အညီ ကုန်အညွှန်းအမှတ်အသားများကို ဖော်ပြထားခြင်းရှိ/မရှိ စစ်ဆေးခဲ့ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များပါ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)

             စားသုံးသူရေးရာဦးစီးဌာန၊ မြင်းခြံခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံ ဦးစိုးမိုးထွန်း (ဦးစီးမှူး)သည် ၂.၆.၂၀၂၆ ရက်နေ့၊ နံနက်(၁၁:၃၀)အချိန်တွင် မြင်းခြံမြို့၊ အမှတ်(၅) ရပ်ကွက်ရှိ ဓနစိန်တောင် ကိတ်မုန့်ထုတ်လုပ်ဖြန့်ဖြူးရောင်းချသည့် လုပ်ငန်းရှင်မှ ကုန်စည်များတွင် ထည့်သွင်းဖော်ပြရမည့် ကုန်အညွှန်းအမှတ်အသားများနှင့်ပတ်သက်၍ လာရောက်တွေ့ဆုံရာ ရှင်းလင်းဆွေးနွေးခဲ့ပါသည်။

                    ဌာနခွဲတာဝန်ခံမှ စီးပွားရေးလုပ်ငန်းရှင်များအနေဖြင့် ကုန်စည်များထုတ်လုံဖြန့်ဖြူးရောင်း ချမည်ဆိုပါက ၂၀၁၉ စားသုံးသူကာကွယ်ဥပဒေပါ စီးပွားရေးလုပ်ငန်းများ၏ တာဝန်များ၊ ကုန်အညွှန်း အမှတ်အသားဖော်ပြရာတွင် ကုန်စည်၏ အမျိုးအမည်၊ အရွယ်အစား၊ အရေအတွက် နှင့်အသားတင် ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး၊ ဓာတ်မတည့်ကြောင်း ဖော်ပြချက်နှင့် ကြိုတင်သတိပေးချက်တို့ကို ထည့်သွင်းဖော်ပြပေးရန် လိုအပ်ကြောင်းနှင့် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြား ချက်အမှတ်(၂/၂၀၁၉)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မိမိထုတ်လုပ်သော ကုန်စည်အမျိုးအစားပေါ်လိုက်၍ လိုအပ်သည့်အချက်အလက်များအား မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ သိသာထင်ရှားစွာ ဖော်ပြရမည့်အချက်များ ရှင်းလင်းခဲ့ကြောင်း သိရှိရသည်။

DOCA(မန္တလေး)   

         စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်ဌာန၏ မျှော်မှန်းချက်၊ ရည်မှန်းချက်များအား အကောင်အထည်ဖော်ဆောင်ရွက်ရာတွင် အဓိက လုပ်ဆောင် ရသည့် ဝန်ထမ်းများ လက်ရုံးရည်၊ နှလုံးရည် စသည့်အရည်အသွေးများ ပြည့်ဝစေရန်နှင့် လုပ်ငန်း ကျွမ်းကျင်မှုရှိစေရန်အတွက် ဝန်ထမ်းစွမ်းဆောင်ရည်မြှင့်တင်ရေးသင်တန်း(၁/၂၀၂၆)ကို ၁၁-၅-၂၀၂၆ ရက်နေ့မှစ၍၂၆-၅-၂၀၂၆ ရက်နေ့အထိ စာတွေ့နှင့်လက်တွေ့ သင်ကြားပို့ချခဲ့ပြီးဖြစ်၍  ဝန်ထမ်း စွမ်းဆောင်ရည်မြှင့်တင်ရေးသင်တန်း (၁/၂၀၂၆)ဆင်းပွဲအခမ်းအနားကို စီးပွားရေးနှင့်ကူးသန်းရောင်း ဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး အစည်းအဝေး ခန်းမတွင် ၄-၆-၂၀၂၆ ရက်(ကြာသပတေးနေ့) နေ့လယ်(၁၃:၀၀) နာရီအချိန်တွင် ကျင်းပပြုလုပ် ခဲ့ပါသည်။ အဆိုပါအခမ်းအနားသို့ တိုင်းဒေသကြီးဦးစီးမှူး ဦးဇေယျာဆွေ၊ ကုန်သွယ်ရေးဦးစီးဌာနမှ ညွှန်ကြားရေးမှူး ဦးခမ်လျန်စွမ်း၊ မူပိုင်ခွင့်ဦးစီးဌာနမှ လက်ထောက် ညွှန်ကြားရေးမှူး၊ စားသုံးသူရေးရာဦးစီးဌာနမှ ဌာနခွဲတာဝန်ခံများ၊ ဦးစီးအရာရှိများနှင့် သင်တန်းသား/သူ(၂၈)ဦး တက်ရောက်ခဲ့ပါသည်။ ၎င်းသင်တန်းဆင်းပွဲအခမ်းအနားတွင် တိုင်းဒေသကြီးဦးစီးမှူး ဦးဇေယျာဆွေ က အဖွင့်အမှာစကားပြောကြားရာတွင် ဝန်ထမ်းစွမ်းဆောင်ရည်မြှင့်တင်ရေးသင်တန်းတွင် စာတွေ့၊ လက်တွေ့ လေ့လာပြီးသင်ယူပြီးဖြစ်သောကြောင့် Presentation လုပ်ရာတွင် အများအတွက် အကျိုးရှိစေမည့် ခေါင်းစဉ်များ ရွှေးချယ်သင့်ကြောင်း၊ ရွှေးချယ်ထားသော ခေါင်စဉ်များသည် အများအတွက် အကျိုးရှိမည့် ခေါင်စဉ်များဖြစ်မည်ဟု ယုံကြည်ပါကြောင်း၊ သင်တန်းတွင် ပို့ချ သင်ကြားပေးခဲ့သော ဆရာ၊ ဆရာများအား ကျေးဇူးတင်ရှိပါကြောင်း၊ သင်တန်းသားများအနေဖြင့် ဌာနခွဲ၏ လုပ်ငန်းတာဝန်များအ စတင်၍ ထမ်းဆောင်ရတော့မည်ဖြစ်သောကြောင့် ဌာနအတွက် အကျိုးပြုမည့် Relationship အား တည်ဆောက်၍ နေထိုင်ကြရန်၊ နောင်အချိန်တွင် ခေါင်းဆောင် နိုင်ကြသော အရာရှိကြီးများ ဖြစ်အောင်နေထိုင်ကြရန် မှာကြားရင်း အဖွင့်အမှာစကား ပြောကြား ခဲ့ပါသည်။

                 ထို့နောက် သင်တန်းဆင်းပွဲတွင်  Presentation ဆွေးနွေးမည့် သင်တန်းသားများအား မဲနိုက် ရွှေးချယ်၍ အဖွဲ့(၁) သင်တန်းသား ဦးဒူးဒူး၊အငယ်တန်းစာရေးမှ"အချိန်နှင့်အတူရှင်သန်နေထိုင်ခြင်း" ခေါင်းစဉ်ဖြင့်လည်းကောင်း၊ အဖွဲ့(၃)  သင်တန်းသား ဦးကျော်ဇေယျ၊ ရုံးအကူမှူးမှ "ကမ္ဘာစားသုံးသူ အခွင့်အရေးများနေ့ဖြစ်ပေါ်လာပုံသမိုင်းအကျဉ်း" ခေါင်းစဉ်ဖြင့်လည်းကောင်း၊ အဖွဲ့(၅) သင်တန်းသူ၊ ဒေါ်ဝတ်မှုံဦး၊ အငယ်တန်းစာရေးမှ "အောင်မြင်သော အဖွဲ့အစည်းတစ်ခု၏ အခြေခံလိုအပ်ချက်များ" ခေါင်းစဉ်ဖြင့် လည်းကောင်း၊ အဖွဲ့(၂) သင်တန်းသူ ဒေါ်ဟန်နီနွေး၊ အငယ်တန်းစာရေးမှ "အမှိုက်စနစ် တကျစွန့်ပစ်ရန်" ခေါင်းစဉ်ဖြင့် လည်းကောင်း၊ အဖွဲ့(၄) သင်တန်းသူ ဒေါ်သဲစုအောင်၊ အငယ်တန်း စာရေးမှ "ဟင်းခတ်အမွှေးအကြိုင်ထက်ပိုမိုတဲ့ရွှေဝါရောင်ဆေးအိုး" ခေါင်းစဉ်ဖြင့် လည်းကောင်း အသီးသီး ဆွေးနွေးမှုများပြုလုပ်ခဲ့ရာ သင်တန်းသား/သင်တန်းသူများမှ သိရှိလိုသည်များ၊ ဖြည့်စွက် အကြံပြုလိုသည်များအား အပြန်အလှန် ဆွေးနွေးခြင်း၊ မန္တလေးတိုင်းဒေသကြီး၊ ကုန်သွယ်ရေး ဦးစီးဌာနမှ ညွှန်ကြားရေးမှူး၊ ဦးခမ်လျန်စွမ်းက သင်တန်းသား/သင်တန်းသူများ၏ ဆွေးနွေးချက် များအပေါ် ဖြည့်စွက်ဆွေးနွေးခြင်း၊ ချီးကျူးစကားများ ပြောကြားခြင်းနှင့် ယခုလို သင်တန်းအား စီစဉ်ပေးပါသော တိုင်းဒေသကြီးဦးစီးမှူးအား ကျေးဇူးတင်စကား ပြောကြားခဲ့ပါသည်။

              နိဂုံးချုပ်အနေဖြင့် တိုင်းဒေသကြီးဦးစီးမှူး ဦးဇေယျာဆွေက ထပ်မံ၍ ဖြည့်စွက်ဆွေးနွေးခြင်း သင်တန်းသားများ အဖွဲ့(၅)ဖွဲ့ ဆွေးနွေးရာတွင် ဆွေးနွေးသွားသော ခေါင်းစဉ်များသည် ပြည့်စုံမှုများ ရှိပြီး ဌာနအတွက် အကျိုးရှိသောခေါင်းစဉ်မျာ းဖြစ်သောကြောင့် အသိပညာများ ရရှိကြောင်း၊ သည်ထက်မက ပိုမို၍ ကောင်းမွန်အောင် လေးကျင့်ကြရန်နှင့် မိမိပြောမည့်ဘာသာရပ်များအပေါ်တွင် ကြေညက်မှုရှိအောင် လေ့လာကြရန် မျိုးဆက်သစ် ဝန်ထမ်းများအနေဖြင့် လက်ရုံးရည်၊ နှလုံးရည်များ ပြည့်ဝစေချင်ပါကြောင်းနှင့် ဝန်ထမ်းများအားလုံး ဝန်ထမ်းကောင်းများဖြစ်ပါစေကြောင်း ပြောကြား ခဲ့ပါသည်၊၊ ထို့နောက် သင်တန်းသား/သူများကိုယ်စား ဒေါ်သဇင်နှင်း၊ အငယ်တန်းစာရေးမှ သင်တန်းတက်ရောက်ခဲ့ရခြင်းနှင့် ပတ်သက်၍ ဗဟုသုတများနှင့် အတွေ့အကြုံများ  ရရှိခဲ့ပါကြောင်း ကျေးဇူးတင်စကား ပြောကြားခဲ့ပြီး သင်တန်းဆင်းလက်မှတ်များအား ပေးအပ်၍ အခမ်းအနားကို နေ့လယ်(၁၅:၀၀) နာရီအချိန်တွင် ရုပ်သိမ်းခဲ့ပါသည်။

DOCA(မန္တလေး)   

        (၉.၆.၂၀၂၆) ရက်နေ့၊ နံနက် (၁၁:၀၀)နာရီအချိန်တွင် စားသုံးသူရေးရာဦးစီးဌာနမှ မြို့နယ်တာဝန်ခံဦးရှင်းခန့်ကိုကို ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင် သာယာရေးကော်မတီမှ တာဝန်ရှိသူများသည် တိုက်ကြီးခရိုင်၊ တိုက်ကြီးမြို့နယ်အတွင်းရှိ ဆန်ဆိုင်များအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရပါသည်။

        ထိုသို့ ကွင်းဆင်းဆောင်ရွက်ရာတွင် ဈေးရပ်ကွက်၊ တောင်မြို့ပါတ်လမ်းရှိ အောင်ဝမ်းဝမ်း ဆန်ဆိုင်၊ တိုက်ကြီးမြို့မဈေးအတွင်းရှိ စိန်ရတနာဆန်ဆိုင်တို့အား ဆန်ဈေးနှုန်းများ မြှင့်တင်ရောင်းချခြင်း၊ သိုလှောင်သိမ်းဆည်းထားခြင်း၊ ဆန်များရောနှောရောင်းချခြင်းများ မပြုလုပ်စေရန်နှင့် မြန်မာနိုင်ငံဆန်စပါးအသင်းမှ ထုတ်ပြန်ထားသော သတ်မှတ်ရည်ညွှန်းဈေးနှုန်းများအတိုင်းသာ ရောင်းချစေရန် ကွင်းဆင်းစစ်ဆေး မှာကြားခဲ့ကြောင်း သိရှိရပါသည်။

DOCA(ရန်ကုန်)