သတင်းနှင့် လှုပ်ရှားမှုများ

           မန္တလေးမြို့၊ ချမ်းမြသာစည်မြို့နယ်၊ မင်္ဂလာမန္တလေး၊ Promotion Area တွင် မြန်မာ-ဂျပန်မိတ်ဖက်စီးပွားရေးလုပ်ငန်းရှင်များအသင်း၏ (၁၀) နှစ်ပြည့်အခမ်းအနားနှင့် မြန်မာ-ဂျပန် ယဉ်ကျေးမှုပွဲတော်အား ၂၀၂၆ ခုနှစ်၊ ဇွန်လ(၆) ရက်နေ့နှင့်(၇) ရက်နေ့တို့၌ စည်ကားသိုက်မြိုက်  စွာကျင်းပပြုလုပ်ခဲ့ပါသည်။ မြန်မာ-ဂျပန်မိတ်ဖက်စီးပွားရေးလုပ်ငန်းရှင်များအသင်းမှ ကျင်းပပြု လုပ်ခဲ့သော SME ဈေးရောင်းပွဲတော်သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံး သူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ စားသုံးသူကာကွယ်ရေး အသိပညာပေး ပြခန်းပါဝင်ပြသခဲ့ပါသည်။

             စားသုံးသူရေးရာဦးစီးဌာနပြခန်းတွင် စားသုံးသူရေးရာဦးစီးဌာန၏ ဆောင်ပုဒ်၊မျှော်မှန်း ချက်နှင့်ရည်မှန်းချက်များ၊ စားသုံးသူအခွင့်အရေး (၈)ချက်၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြချက်များ၊ Online စနစ်ဖြင့် ရောင်းချခြင်းမှတ်ပုံတင်ရန်အတွက် လိုအပ်ချက်များနှင့် Online ဝန်ဆောင်မှုကို အရေးကြီးဝန်ဆောင်မှုအဖြစ် သတ်မှတ်ကြေငြာထား သည့် အခြေအနေများ၊ မြန်မာ့ဆန်စပါး Online (MyRo) တွင် မှတ်ပုံတင်ရန်အတွက်လိုအပ်ချက် များအားပြသခြင်း၊ လက်ကမ်းစာစောင်များဖြန့်ဝေခြင်းတို့ ဆောင်ရွက်ခဲ့ပါသည်။

             ပြခန်းသို့ လာရောက်လေ့လာကြသည့် စီးပွားရေးလုပ်ငန်းရှင်များနှင့် စားသုံးသူပြည်သူ များမှ သိရှိလိုသော အကြောင်းအရာများကို ပြခန်းတာဝန်ရှိသူများက အသေးစိတ်ရှင်းလင်းဆွေး နွေးခဲ့ကြောင်း သတင်းရရှိခဲ့ပါသည်။

DOCA(မန္တလေး)

       (၅.6.၂၀၂၆)ရက်နေ့၊ နံနက်(၀၉:၃၀)နာရီအချိန်တွင် ဓနုဖြူမြို့နယ် အ.ထ.က(၁)ရွှေကူ အခြေခံပညာအထက်ကျောင်းတွင် စားသုံးသူကာကွယ်ရေးအသိပညာပေးဟောပြောပွဲပြုလုပ်ခဲ့ရာ ကျောင်းသား၊ ကျောင်းသူများနှင့်ဆရာ၊ ဆရာမများ စုစုပေါင်း(200)ဦး တက်ရောက်ခဲ့ကြောင်း သိရပါသည်။

            အသိပညာပေးဟောပြောရာတွင် ဓနုဖြူမြို့နယ်တာဝန်ခံဦးဝင်းမိုင်းစိုး(ဦးစီးအရာရှိ) မှ စားသုံးသူအခွင့်အရေးနှင့် တာဝန်များ၊ စားသုံးသူအဓိပ္ပာယ်ဖြစ်သည့် ကုန်သွယ်မှု သို့မဟုတ် အသက်မွေးဝမ်းကျောင်းအတွက်မဟုတ်ဘဲ မိမိကိုယ်တိုင်သုံးစွဲရန်အတွက် ကုန်စည်နှင့် ဝန်ဆောင်မှုကို ဝယ်ယူသုံးစွဲသူများကို စားသုံးသူဟုခေါ်ကြောင်း၊ ဘေးဥပဒ်ကင်းရှင်းပြီး အရည်အသွေးပြည့်ဝသော ကုန်စည်နှင့် ဝန်ဆောင်မှုများကို ရွေးချယ်တတ်စေရန် နှင့် အန္တရာယ်ရှိသော စားသောက်ကုန်များရှောင်ကြဉ်ရန်၍ ဝယ်ယူအသုံးပြုတက်စေရန်၊  စားသုံးသူကာကွယ်ရေးနှင့် ပတ်သက်ပြီး တိုင်ကြားနိုင်သည့် Consumer Call Center (1535) လိုင်းခွဲ (၁)(၂)(၃) သို့ ရုံးချိန်အတွင်းဆက် သွယ်တိုင်ကြားနိုင်ကြောင်းကိုလည်းကောင်း၊ အသိပညာပေးဟောပြောခဲ့ကြောင်း သိရသည်။

        ဟောပြောရာတွင် မိတ်ဖက်ဌာနဆိုင်ရာများဖြစ်သော မြို့နယ်အမျိုးသမီးရေးရာအဖွဲ့၊ မြို့နယ်မိခင်နှင့် ကလေးစောင့်ရှောက်ရေးအသင်း၊မြို့နယ်ကျန်းမာရေး၊ မြို့နယ်စည်ပင်တို့နှင့် အတူ ကျောင်းသား၊ ကျောင်းသူ ၂၀၀ ဦးအား  စားသုံးသူကာကွယ်ရေး အသိပညာပေးဟောပြောခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ မအူပင်ခရိုင်၊ ဒုခရိုင်ဦးစီးမှူးသည် (၅.၅.၂၀၂၆) ရက်နေ့၊ နေ့လယ် (၁၄:၀၀)နာရီအချိန်တွင် မအူပင်ခရိုင်ဦးစီးမှူးရုံး အစည်းအဝေးခန်းမတွင် စားအုန်းဆီ လက်လီကိုယ်စားလှယ် (၂၅)ဦးနှင့် တွေ့ဆုံ၍ ပြည်သူများအား စားအုန်းဆီဝယ်ယူခွင့် စာအုပ်များ ဖြင့် ဆီဖြန့်ဖြူးရောင်းချနေမှုနှင့် ဆီရောင်းချမှုတို့အား သတ်မှတ်ချက်နှင့် အညီ ရောင်းချနိုင်ရေး အသိပညာပေး ဆွေးနွေးခဲ့ကြောင်း သိရသည်။

      အသိပညာပေးဆွေးနွေးရာတွင် မအူပင်ခရိုင် စားအုန်းဆီထုတ်လက်ကား ကိုယ်စားလှယ်များမှတစ်ဆင့် ခွဲတမ်းရရှိသောဆီများအား မအူပင်မြို့ရှိ  ဆီထုတ်ကိုယ်စားလှယ်မှတစ်ဆင့် စားသုံးသူများထံသို့ ဖြန့်ဖြူးရောင်းချမှု အဆင့်ဆင့်ကို စနစ်တကျလုပ်ဆောင်ရန်၊ ဆီဆိုင်အချင်းချင်းအငြင်းပွားမှုမဖြစ်ပေါ်စေရန် လစဉ် စားအုန်းဆီဖြန့်ဖြူး ရောင်းချသူများတွေ့ဆုံ၍ ဆွေးနွေးညှိနှိုင်းအစည်းအဝေးများတွေ့ဆုံဆွေးနွေးကြရန်၊ မြို့နယ်အတွင်း စားအုန်းဆီရောင်းချရာတွင်လည်း စားအုန်းဆီ သတ်မှတ်ရည်ညွှန်းဈေးထက်ကျော်လွန်၍ ရောင်းချခြင်းမပြုရန်၊  ရောင်းချပြီးသော စားအုန်းဆီလက်ခံ စာအုပ်များရေးသွင်းထားရန်၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန် ရည်ရွယ်ပြီး သိုလှောင်ထား ခြင်းများမပြုရန်၊ ပြင်ပဆီဈေးနှုန်းများကို ဈေးနှုန်းကြီးမြင့်မှုမရှိစေရေး၊ တရားမဝင်သယ်ဆောင်ရောင်းချခြင်းမရှိစေရန် မအူပင်ခရိုင်အနေဖြင့် သတ်မှတ်စည်းကမ်းများလိုက်နာ ဆောင်ရွက်ကြရန်တို့ကိုလည်းကောင်း၊ စားအုန်းဆီထုတ်ယူခွင့် စာအုပ်များလဲလှယ်၊ ပျောက်ဆုံးပါက ထောက်ခံချက်ပေး၍ အသစ်လဲလှယ်ခွင့်များပြုလုပ်ရန်၊ စာအုန်းဆီဝယ်ယူခွင့် စာအုပ်များဖြင့် တစ်ကြိမ်လျှင် တစ်အိမ်ထောင် (၅၀ ကျပ်သား) ရောင်းချပြီး မြေပြင်လုပ်ငန်းဆောင်ရွက်ထားရှိမှုများကို သက်ဆိုင်ရာဌာနများမှ အပတ်စဉ် ကွင်းဆင်း၍ စစ်ဆေးဆောင်ရွက်သွားမည်ဖြစ်ကြောင်း လုပ်ငန်းရှင်တို့အား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ တာဝန်ရှိသူများသည် ၂၀၂၆-၂၀၂၇ဘဏ္ဍာနှစ်အတွင်း အသိပညာပေးဟောပြောပွဲနှင့် တွဲလျက် ကျောင်းမုန့်ဈေးတန်းစစ်ဆေးခြင်း လုပ်ငန်းများကို လျာထားချက်ပြည့်မီစွာ စစ်ဆေးဆောင်ရွက်နိုင်ရန်အတွက် ဆောင်ရွက်လျက်ရှိပါသည်။ (၄.၆.၂၀၂၆)ရက်နေ့နှင့် (၅.၆.၂၀၂၆) ရက်နေ့တွင် ဓနုဖြူမြို့နယ် ရွှေကူ (အ.ထ.က-၁) (အ.ထ.က-၂) ကျောင်းမုန့်ဈေးတန်းအား ဈေးကွက်စောင့်ကြည်စစ်ဆေးခဲ့ကြောင်း သိရသည်။

         စစ်ဆေးဆောင်ရွက်ရာတွင် စစ်ဆေးရေးအရာရှိ ဦးဝင်းမင်းစိုးက (အ.ထ.က-၂) ရွှေကူ ကျောင်းမုန့်ဈေးတန်းအား စစ်ဆေးရာ မုန့်ဆိုင်တွင် ရောင်းချသောမုန့်များအား ကုန်အညွှန်အမှတ်အသားဖော်ပြခြင်းနှင့် စပ်လျဉ်း၍ ကိုက်ညီမှုရှိမရှိနှင့် မိုးတွင်းကာလဖြစ်၍ ဝမ်းပျက်ဝမ်းလျောစေမည့် အစားအစာများကိုမရောင်းချရန်၊ ယဉ်မနားစေရေး သတိပြုရောင်းချရန်နှင့် မုန့်ဈေးတန်းပတ်ဝန်းကျင်သန့်ရှင်းရေးကို အထူးဂရုပြုလုပ်ဆောင်ရန်တို့ကို ကျောင်းမုန့်ဆိုင်(၁၃)ဆိုင်အား နေ့လယ်(၁၂း၃၀)နာရီအချိန်တွင် စစ်ဆေးခဲ့ပြီး (၅.၆.၂၀၂၆)ရက်နေ့ နေ့လယ်(၁၂း၃၀)နာရီအချိန်တွင် ဓနုဖြူမြို့နယ်(အ.ထ.က-၁)ရွှေကူကျောင်းမုန့်ဈေး တန်းဆိုင်(၁၁) ဆိုင်အားစစ်ဆေးရာ မုန့်ဆိုင်တွင် ရောင်းချသောမုန့်များအား ကုန်အညွှန်အမှတ်အသား ဖော်ပြခြင်းနှင့် စပ်လျဉ်း၍ ကိုက်ညီမှုရှိမရှိနှင့် ကျောင်းမုန့်စျေးတန်းများတွင် ရောင်းချနေသည့် မုန့်များတွင် FDA ခွင့်ပြုချက် ရှိ/မရှိ၊ ရက်လွန်မုန့် များရောင်းချခြင်း၊ မသန့်ရှင်းသောပစ္စည်း၊ ဓာတုဆိုးဆေးနှင့် ယင်နားစာများ စနစ်တကျထားသို ရောင်းချခြင်းရှိ/ မရှိ၊မုန့်များကို ဘေးအန္တရာယ်ကင်းရှင်းရေး စစ်ဆေးခြင်း၊ တားမြစ်ကုန်စည်များရောင်းချမှု ရှိ/ မရှိ စစ်ဆေးခြင်း၊ ကုန်အညွှန်းအမှတ်အသားဖော်ပြပါဝင်သော ကုန်စည်များရောင်းချမှု ရှိ/မရှိကို ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)