သတင်းနှင့် လှုပ်ရှားမှုများ

             စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံနှင့်ဝန်ထမ်းများသည် မိတ်ဖက်ဌာနဆိုင်ရာများနှင့် ပူးပေါင်း၍ (၂၁.၇.၂၀၂၅)နေ့ နံနက်(၁၀:၀၀)နာရီအချိန်တွင် အင်္ဂပူမြို့၊ ရေကျော်ကျေးရွာအုပ်စုရှိ အခြေခံပညာမူလတန်းကျောင်းတွင် ဆရာ၊ ဆရာမ(၄)ဦးနှင့် ကျောင်းသား၊ ကျောင်းသူ (၉၀)ဦးအား စားသုံးသူကာကွယ်ရေးအသိပညာပေးဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် အကြီးတန်းစာရေး ဒေါ်ဝင်းမာစိုးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များအကြောင်း၊ အစားအသောက်နှင့် ကုန်စည်တွေပေါ်မှာ ဖော်ပြရမည့် ကုန်အညွှန်းအမှတ်အသားများအကြောင်း၊ အစားအသောက်များတွင် ပါဝင်သော ဓါတုဆိုးဆေး၏ ဆိုးကျိုးများအကြောင်း၊ မြန်မာဘာသာဖြင့် ကုန်အညွှန်းဖော်ပြထားခြင်းမရှိသော အစားအသောက်များနှင့် လူသုံးကုန်ပစ္စည်းများ ဝယ်ယူအသုံးပြုရာတွင် သတိပြုလိုက်နာ ဆောင်ရွက်ရမည့် အချက်များ၊ ဝယ်ယူအသုံးပြုခဲ့သော ကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများဖြစ်ပေါ်လာပါက ပြောဆိုတင်ပြတိုင်ကြားခွင့်နှင့် ပြန်လည်ကုစားနိုင်ခွင့်များအကြောင်း စသည်တို့ကို အကျယ်တဝင့် ရှင်းလင်းဆွေးနွေး ဟောပြောခဲ့ပါသည်။

          ဟောပြောပွဲအပြီးတွင် မြို့နယ်တာဝန်ခံနှင့်အဖွဲ့သည် ကျောင်းမုန့်ဈေးတန်းကော်မတီဝင်များနှင့် အတူ ကျောင်းမုန့်ဈေးတန်းများရှိ ရောင်းချနေသော မုန့်များတွင် ကုန်အညွှန်းအမှတ်အသား ပြည်စုံမှုရှိ/ မရှိ ကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသားပြည့်စုံသော မုန့်များကိုသာရောင်းချရန် မုန့်ဈေးတန်းရောင်းချသူများအား မှာကြားခဲ့ကြောင်း သိရှိရပါသည်။

DOCA (ဧရာဝတီ)

    ၃၀.၇.၂၀၂၅ ရက်နေ့ နေ့လယ် (၁၂း၃၀) နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ ပြည်နယ်ဦးစီးမှူးရုံး အစည်းအဝေးခန်းမ၌ မွန်ပြည်နယ်၊ စားသုံးသူရေးရာကော်မတီ (၃/၂၀၂၅) လုပ်ငန်းညှိနှိုင်းအစည်းအဝေးကျင်းပပြုလုပ်ခဲ့ရာ အစည်းအဝေးသို့ မွန်ပြည်နယ်၊ စားသုံးသူရေးရာကော်မတီဥက္ကဌ၊ မွန်ပြည်နယ် အစိုးရအဖွဲ့စီးပွားရေးရာဝန်ကြီး နိုင်လယိတမနှင့် ကော်မတီအဖွဲ့ဝင်များ တက်ရောက်ခဲ့ကြသည်။

    ပထမဦးစွာ မွန်ပြည်နယ် စားသုံးသူရေးရာကော်မတီ ဥက္ကဌ၊ မွန်ပြည်နယ် အစိုးရအဖွဲ့ စီးပွားရေးရာဝန်ကြီး နိုင်လယိတမက အဖွင့်အမှာစကား ပြောကြားပြီးနောက် မွန်ပြည်နယ်၊ စားသုံးသူရေးရာကော်မတီ အတွင်းရေးမှူး၊ စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးတင်အောင်ကျော်က ယခင်အစည်းအဝေးဆုံးဖြတ်ချက်အပေါ် ဆောင်ရွက်ပြီးစီးမှုနှင့် စားသုံးသူကာကွယ်ရေးဆိုင်ရာ လုပ်ငန်းဆောင်ရွက်မှု အခြေအနေများ အား ရှင်းလင်းဆွေးနွေးခဲ့ သည်။

    ဆက်လက်၍ စားသုံးသူရေးရာဌာနခွဲတာဝန်ခံက ယခု အစည်းအဝေးတွင် ဆုံးဖြတ်ရမည့် အချက်များ၊ အမှာစာများအား ဖတ်ကြားခဲ့ပြီး တက်ရောက်လာသူများမှ ဆွေးနွေးခဲ့ကြပြီး အစည်းအဝေးကို ညနေ (၁၄း၀၀) နာရီအချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (မွန်)

     ၂၈-၇-၂၀၂၅ ရက်နေ့တွင် လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန၊ ဘေးအန္တရာယ် ဆိုင်ရာစီမံခန့်ခွဲမှုဦးစီးဌာန၊ မုဒုံမြို့နယ်ဦးစီးမှူးရုံး၊ တာဝန်ရှိ သူများမှ မုဒုံမြို့နယ်အတွင်း လေပြင်းတိုက်ခတ်မှုကြောင့် ပြိုကျပျက်စီးခဲ့သည့် လူနေအိမ်များ အား ထောက်ပံ့ငွေပေးအပ်ပွဲကို မုဒုံမြို့နယ်၊ ကမာဝက်မြို့၊ သိမ်ကုန်းရပ်ကွက်ရှိ ကျိုက်ဇယ်ဓမ္မာရုံ၌ ကျင်းပပြုလုပ်ခဲ့ရာ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံ တက်ရောက်ခဲ့သည်။

       ထောက်ပံ့ငွေများပေးအပ်ရာတွင် သိမ်ကုန်းရပ်ကွက်နှင့် စိန်တောင်ရပ်ကွက်တို့တွင် လေပြင်းတိုက်ခတ်မှုကြောင့် ပြိုကျပျက်စီးခဲ့သည့်လူနေအိမ် (၃) လုံးနှင့် တစ်စိတ်တစ်ပိုင်း ပျက်စီးခဲ့သည့် လူနေအိမ် (၃၈) လုံးတို့အတွက် အိမ်ဆောက်ပစ္စည်းဖိုးငွေ (၂၀၅၀၀၀ဝိ/-) ကျပ်နှင့် လူဦးရေ (၁၇၇) ဦး တို့အတွက် ဆန်ရိက္ခာဖိုးငွေ (၈၈၅၀၀ဝိ/-) ကျပ်နှင့် တစ်စိတ်တစ်ပိုင်း ပျက်စီးခဲ့သည့် ဘုန်းတော်ကြီးကျောင်းနှင့်သီလရှင်ကျောင်းတို့တွက် ကျောင်း ဆောက်ပစ္စည်းဖိုးငွေ(၁၀၀၀၀ဝိ/-) ကျပ်တို့အားလည်းကောင်း၊ ထုံမံကျေးရွာ၌ တစ်စိတ်တစ်ပိုင်း ပျက်စီးခဲ့သည့်လူနေအိမ် (၃)လုံးတို့အတွက် အိမ်ဆောက်ပစ္စည်းဖိုးငွေ (၁၅၀၀၀ဝိ/-) ကျပ်နှင့် လူဦးရေ (၁၃) ဦးတို့အတွက် (၇)ရက်စာ၊ ဆန်ရိက္ခာဖိုးငွေ (၆၅၀၀ဝိ/-)ကျပ်၊ ပြိုကျပျက်စီးခဲ့သည့် လူနေအိမ် (၃)လုံးတို့အတွက် အိမ်ဆောက် ပစ္စည်းဖိုးငွေ (၃၀၀၀၀ဝိ/-) ကျပ်နှင့် လူဦးရေ (၁၂) ဦးတို့အတွက် (၇)ရက်စာ၊ ဆန်ရိက္ခာဖိုးငွေ (၆၀၀၀ဝိ/-) တို့လည်းကောင်း၊ ကယ်ရေးပစ္စည်း (၁၆)မျိုးပါ၊ ပုံး (၆)ပုံး၊ စုစုပေါင်းထောက်ပံ့ငွေ (၃၇၆၀၀၀ဝိ/-) ကျပ်တိတိအား ဘေးသင့် ပြည်သူလက်ဝယ်အရောက် ထောက်ပံ့ပေးခဲ့ကြောင်း သိရသည်။

DOCA (မွန်)

       ကချင်ပြည်နယ်၊ မြစ်ကြီးနားခရိုင်အတွင်း စားသုံးသူများအနေဖြင့် အစားအသောက်များ ဝယ်ယူစားသုံးရာတွင် ဘေးကင်းလုံခြုံမှုရှိစေရေးအတွက် ၂၉.၇.၂၀၂၅ ရက်နေ့တွင် စားသုံးသူရေးရာ ဦးစီးဌာန၊ မြစ်ကြီးနားခရိုင်ဦးစီးမှူးရုံးမှ‌‌ ဦးဇေယျာအောင်(ခရိုင်ဦးစီးမှူး)ဦးဆောင်၍ အထွေထွေ အုပ်ချုပ်ရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာန၊  ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့များပူးပေါင်းကာ မြစ်ကြီးနားမြို့၊ တပ်ကုန်းရပ်ကွက်နှင့် မန်ခိန်ရပ်ကွက်ရှိ စားသောက်ဆိုင်(၅)ဆိုင်သို့ ကွင်းဆင်းစစ်ဆေးပြီး လုပ်ငန်းရှင်များအားအသိပညာပေးဆောင်ရွက်ခဲ့ပါ သည်။

          ထိုသို့ကွင်းဆင်းစစ်ဆေးဆောင်ရွက်ခဲ့ရာတွင်စားသောက်ဆိုင်များအနေဖြင့်  စည်ပင်သာယာရေး အဖွဲ့၏အစားအသောက်များထုတ်လုပ်ခြင်းနှင့်ရောင်းချခြင်းဆိုင်ရာလုပ်ငန်းလိုင်စင်ရယူခြင်း၊ စားသောက် ဖွယ်ရာများတည်ခင်းရောင်းချရန်အတွက်အသုံးပြုသည့်အဆောက်အအုံပိုင်နက်ဥပစာအား သန့်ရှင်းစွာ ဆောင်ရွက်ထားခြင်း၊ ဆိုင်လုပ်သားများတူညီဝတ်စုံဝတ်ဆင်ထားပြီး အစားအသောက် ချက်ပြုတ် ပြင်ဆင်သူများအနေဖြင့် သတ်မှတ်ထား‌သောလက်အိတ်များ၊သန့်ရှင်းသော ရှေ့ဖုံးပါဝတ်စုံနှင့် ခေါင်းစွပ် များ ဝတ်ဆင်ထားခြင်းဆောင်ရွက်ထားကြောင်းစစ်ဆေးတွေ့ရှိရပါသည်။

          စားသောက်ဆိုင်ဖွင့်လှစ်ရောင်းချသည့်လုပ်ငန်းရှင်များအား စားဖိုဆောင်တွင် ပိုးမွှားပေါက်ဖွားမှု မရှိစေရန် ခြေနင်းပါအမိုက်ပုံးများထားရှိရန်၊ ကျန်းမာရေးဦးစီးဌာန၏ ကူးစက်ရောဂါကင်းရှင်းခွင့် ထောက်ခံချက်လက်မှတ်ရယူရန်၊ စားသုံးသူများအားလုံလောက်သည့် သတင်းအချက်အလက်များ သိရှိစေရန်အတွက် ဈေးနှုန်းအားဖော်ပြထားရန်နှင့် စားသုံးသူကာကွယ်ရေးဥပ‌ဒေပါ စီးပွား‌ရေး လုပ်ငန်းရှင်သည်  စားသုံးသူအပေါ်ဝန်ဆောင်မှုပေးခြင်းနှင့်စပ်လျဉ်းသည့် ဖော်ပြရမည့်အာမခံချက် များကို လိုက်နာဆောင်ရွက်သွားရန်နှင့်သက်ဆိုင်ရာဌာနများ၏အမိန့်နှင့်ညွှန်ကြားချက်များအားလည်း လိုက်နာဆောင်ရွက်သွားရန် အသိပညာပေးဆွေးနွေးခဲ့ပါသည်။

DOCA(ကချင်)

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဦးကျော်ဇင်ထွေး(ဒု-ဦးစီးမှူး) ဦးဆောင်၍ဝန်ထမ်း(၄)ဦးသည် ၂၀၂၅ ခုနှစ်၊ ဇူလိုင်လ(၂၈)ရက်၊ (၀၉:၃၀)အချိန်တွင် လွိုင်ကော်မြို့၊  မင်းစုရပ်ကွက်ရှိ TMK စားသောက်ဆိုင်သို့ အစားအသောက်ပြုပြင်ရောင်းချသည့် နေရာများ သန့်ရှင်းမှု ရှိ/မရှိ၊ အစားအသောက်ကိုင်တွယ် ချက်ပြုတ်သူများ၊ ဝန်ဆောင်မှုပေးသူများ၏ တစ် ကိုယ်ရည်သန့်ရှင်းမှု ရှိ/မရှိ၊ အစားအသောက်များ လတ်ဆတ်သန့်ရှင်းမှု ရှိ/မရှိ၊ ၎င်းတို့ဆိုင်မှပေး အပ်သည့် ဝန်ဆောင်မှုနှင့်စပ်လျဉ်း၍ လုံလောက်သည့် သတင်းအချက်အလက်များကို စားသုံးသူ သို့ ကြိုတင်အသိပေးဖော်ပြထားခြင်း ရှိ/ မရှိနှင့် ရောင်းချသည့် စားသောက်ဖွယ်ရာများ၏ အမျိုး အစား(Size)ပမာဏအလိုက် ဈေးနှုန်းအား ပွင့်လင်းမြင်သာစွာဖြင့် ကြိုတင်အသိပေး ဖော်ပြထား ခြင်း ရှိ/မရှိ သက်ဆိုင်ရာ မိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးဆောင် ရွက်ခဲ့ပါသည်။

      ထိုသို့ဈေးကွက်စောင့်ကြည့်စစ်ဆေးရာတွင် TMK စားသောက်ဆိုင်ရှိ အစားအသောက် ပြုပြင်ရောင်းချသည့် နေရာများမှာ သန့်ရှင်းမှုရှိကြောင်း၊ အစားအသောက် ကိုင်တွယ်ချက် ပြုတ်သူများမှာ တစ်ကိုယ်ရည်သန့်ရှင်းမှုရှိကြောင်း၊ ဝန်ဆောင်မှုပေးသူများမှာလည်း တစ်ကိုယ် ရည်သန့်ရှင်းမှုရှိကြောင်း၊ ၎င်းတို့ဆိုင်မှပေးအပ်ထားသည့် ဝန်ဆောင်မှုများ နှင့်စပ်လျဉ်း၍ အဖိုး အခ ထပ်မံကောက်ခံခြင်းမရှိကြောင်းစစ်ဆေးတွေ့ရှိရပြီး ရောင်းချသည့် စားသောက်ဖွယ်ရာ များ၏ အမျိုးအစား( Size )ပမာဏအလိုက် ဈေးနှုန်းအား TMK စားသောက်ဆိုင်၌ ပွင့်လင်း မြင်သာစွာဖြင့် ကြိုတင်အသိပေးဖော်ပြထားကြောင်း စစ်ဆေးတွေ့ရှိရပါသည်။

          TMKစားသောက်ဆိုင်လုပ်ငန်းရှင်အနေဖြင့် မိမိစားသောက်ဆိုင်ရှိ အစားအသောက် ကိုင် တွယ်ချက်ပြုတ်သူများအနေဖြင့် Apron ၊ ခေါင်းစွပ်များဝတ်ဆင်၍ ချက်ပြုတ်စေရန်၊ သက် ဆိုင်ရာဌာန၏ ဥပဒေ၊ ညွှန်ကြားချက်များအား လိုက်နာဆောင်ရွက်သွားရန်နှင့် ထပ်မံစစ် ဆေး သည့်အခါ ညွှန်ကြားချက်များအတိုင်း လိုက်နာဆောင်ရွက်မှု မရှိပါက စားသုံးသူကာကွယ်ရေး ဥပဒေအရသော်လည်းကောင်း၊ သက်ဆိုင်ရာဌာနဆိုင်ရာများ၏ ဥပဒေများနှင့်ပါ အရေးယူခံရ မည်ဖြစ်ကြောင်း အသိပညာပေး ဈေးကွက်စောင့်ကြည့်စစ်ဆေး ဆောင်ရွက်ခဲ့ကြောင်း သတင်း ရရှိပါသည်။

DOCA(ကယား)