ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် AWDရောဂါဖြစ်ပွါးမှု မရှိစေရန်အတွက် မြို့ပေါ်ရှိ စားသောက်ဆိုင်များအား (၁၇-၈-၂၀၂၆)ရက်နေ့ နံနက်ပိုင်းတွင် ကျန်းမာရေး စစ်ဆေး ပေးခြင်း၊ ဝမ်းပျက်ဝမ်းလျှော မဖြစ်ပေါ်စေရေးအတွက်၊ ကွင်းဆင်းစစ်ဆေး ဆောင်ရွက်ခဲ့သည်။ 

            အဆိုပါကွင်းဆင်းစစ်ဆေးရာတွင် နတ်တလင်းခရိုင်၊ နတ်တလင်းမြို့နယ် ကျန်းမာရေးဦးစီးဌာနမှ ဦးဆောင်၍ စားသုံးသူရေးရာဦးစီးဌာနဝန်ထမ်းများ၊ အထွေထွေအုပ်ချုပ်ရေးဦးစီးဌာန၊  မြို့နယ်စည်ပင်  သာယာရေးအဖွဲ့၊ မြို့နယ်ကြက်ခြေနီ၊ မြို့နယ်မီးသတ်၊ မြန်မာနိုင်ငံရဲတပ်ဖွဲ့၊ ရပ်ကွက်ကျေးရွာအုပ်ချုပ် ရေးမှူးများ ပူးပေါင်း၍ မြို့ပေါ်ရှိစားသောက်ဆိုင်များအား ဝမ်းပျက်ဝမ်းလျှောရောဂါ မဖြစ်ပေါ်စေရန် သန့် (၅)သန့်အကြောင်း၊ အစားအသောက်ဘေးကင်းစေရေးအကြောင်း၊ အစားအသောက်များအား ယင်မ နားစေရန် ဂရုပြုဆောင်ရွက်စေရေး၊ စားသောက်ဆိုင်ရောင်းချသည့်လုပ်ငန်းရှင်အား လက်သည်းရှည် မထားရန်နှင့် လက်အိတ်သုံးစွဲရန်၊ သုံးစွဲသည့်ရေသန့်ရှင်းမှုရှိစေရေး၊ အမှိုက်များကိုလည်း စွန်ပစ်ရာတွင် စနစ်တကျအမှိုက်ပုံးများတွင်ဖုံးအုပ်စွန်ပစ်ရန်  AWD ရောဂါဖြစ်ပွါးမှုမရှိစေရန် အသိပညာပေးဆောင်ရွက် ခဲ့ကြောင်းသိရှိရပါသည်။

DOCA(ပဲခူး)

             ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ ၊ မြို့မဈေးရှေ့တွင် ၂၀၂၆ခုနှစ် ဩဂုတ်လ ၁၇ရက်နေ့၊ နံနက် ( ၇ : ၀၀) အချိန်၌ မြို့နယ်အထွေထွေ အုပ်ချုပ်ရေးဦးစီးဌာနမှ ဦးဆောင်လျက် မြို့နယ်ကုန်ဈေးနှုန်း ထိန်းချုပ်ရေးအဖွဲ့ဝင်များဖြစ်ကြသော မြန်မာနိုင်ငံရဲတပ်ဖွဲ့၊ စားသုံးသူရေးရာ ဦးစီးဌာန၊  မြို့နယ်စည်ပင်သာယာရေးအဖွဲ့၊ မွေးမြူရေးနှင့်ကုသရေးဦးစီးဌာန၊ ပြန် ကြားရေးနှင့်  ပြည်သူ့ဆက်ဆံရေးဦးစီးဌာနတို့ ပါဝင်သောပူးပေါင်းအဖွဲ့ဝင်များသည် လက်ပံတန်း မြို့၊မြို့မဈေးရှေ့၌ အခြေခံစားသောက်ကုန်ဆိုင်များနှင့် သား / ငါးအရောင်းဆိုင်များသို့ ကွင်းဆင်း စစ်ဆေးခြင်း ဆောင်ရွက်ခဲ့ကြပါသည်။

          ထိုသို့ဆောင်ရွက်ရာတွင် အသား/ငါးအရောင်းဆိုင်များအား ၎င်းတို့၏ကုန်ကြမ်းဝယ်ယူသော ဈေးနှုန်းများ၊ သယ်ယူစရိတ်နှင့် လုပ်သားသုံးစွဲခများ၊ အခွန်အခများနှင့် ကုန်ချောရောင်းချသော  ဈေးနှုန်းအခြေအနေများအား စုံစမ်းမေးမြန်းပြီး ဖြစ်သင့်ဖြစ်ထိုက်သော အမြတ်ဈေးကို တွက်ချက် စီစစ်၍ စားသုံးသူများအား သက်သာသောဈေးဖြင့်သာ ရောင်းချကြရန် အလေးချိန်၊ အချိန်   အတွယ်များ မှန်မှန်ကန်ကန်ဖြင့် ရောင်းချကြရန်နှင့် မသမာသောနည်းဖြင့် ရောင်းချမှုမပြုကြရန် အထူးမှာကြားခဲ့ပြီး လိုက်နာရန်ပျက်ကွက်ပါက အရေးယူစစ်ဆေးဆောင်ရွက်မည်ဖြစ်ကြောင်း အသိ ပေးပြောကြားခဲ့ပါကြောင်း သတင်းရရှိပါသည်။

DOCA(ပဲခူး)

                စားသုံးသူရေးရာဦးစီးဌာန၊ သာယာဝတီခရိုင်၊ လက်ပံတန်းမြို့နယ်၌ ခရိုင်ဦးစီးမှူး၏ လမ်းညွှန်မှုဖြင့် ၂၀၂၆ ခုနှစ်၊ ဩဂုတ်လ ၁၁ရက်နေ့ နံနက် (၁၀:၀၀) နာရီအချိန်တွင် မြို့မဈေး အတွင်းရှိ  မုန့်မျိုးစုံနှင့် ရောင်းဝယ်ရေးဆိုင်များအား ကုန်အညွှန်း အမှတ်အသားများ ပြည်စုံစွာ ဖော်ပြခြင်း ရှိ/မရှိကို ဌာနဆိုင်ရာအဖွဲ့များနှင့် လက်ပံတန်းမြို့နယ် တာဝန်ခံ ဦးကျော်မျိုးထွန်းတို့နှင့်  ဝန်ထမ်း တို့မှ ဈေးကွက် စောင့်ကြည့် စစ်ဆေးခဲ့ပါသည်။ စားသုံးသူများ   တိကျမှန်ကန်ရှင်းလင်းသော သတင်း အချက်များ  သိရှိစေရန်၊ စားသုံးသူများ ဘေးအန္တရာယ် ကင်းရှင်းစေရန်၊  စိတ်ကျေနပ်မှု ရှိစေရန် အတွက် အာမခံချက် ပေးနိုင်သည့် အရည်အသွေးမြင့်မားသော ကုန်စည်ဝန် ဆောင်မှုများ ဖော်ဆောင် ဖြည့်ဆည်း ပေးနိုင် စေရေးနှင့် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာ ဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက်များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်  စောင့်ကြည့်စစ်ဆေးခဲ့ပြီး လက်ကမ်း စာစောင်များ ဖြန့်ဝေခဲ့ပါသည်။

DOCA(ပဲခူး)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင် ဦးစီးမှူးရုံးအနေဖြင့် စားသုံးသူများအသုံးပြုလျက်ရှိသည့် ကုန်စည်နှင့် ဝန်ဆောင်မှုများ ဘေးအန္တ ရာယ်ကင်းရှင်းစေရန် ရည်ရွယ်၍ ဈေးကွက်စောင့်ကြည့်စစ်ဆေးခြင်းလုပ်ငန်းများကို လစဉ်ဆောင် ရွက်လျက်ရှိကြောင်း သိရသည်။

          ၂၀၂၆ ခုနှစ်၊ ဩဂုတ်လအတွင်း စားသုံးသူရေးရာဦးစီးဌာနမှဦးဆောင်ကာ မိတ်ဖက်ဌာန များနှင့်ပူးပေါင်း၍ ပြည်ပမှတင်သွင်းသော ကုန်စည်များကိုသာမက ပြည်တွင်း၌ထုတ်လုပ်သောကုန် စည်များနှင့်စပ်လျဉ်း၍ ဈေးကွက်မရောက်မီ သို့မဟုတ် ဈေးကွက်ရောက်ပြီး ကုန်စည်များ၏ဘေး အန္တရာယ်ရှိ/မရှိစစ်ဆေးခြင်းနှင့် ကုန်အညွှန်းအမှတ်အသားဖော်ပြရမည့်အချက်များ ပါဝင်မှုရှိ/မရှိ စစ်ဆေးခြင်းကို ကန့်ဘလူမြို့နယ်အနေဖြင့် ကန့်ဘလူမြို့မဈေးရှိ ကုန်စုံဆိုင်များနှင့် ကန့်ဘလူမြို့၊ အမှတ်(၃)ရပ်ကွက်ရှိ ကိတ်နှင့်မုန့်မျိုးစုံလုပ်ငန်းများအားလည်းကောင်း ဈေးကွက်စောင့်ကြည့်စစ် ဆေးခြင်း စသည်ဖြင့်စုစုပေါင်း ဈေးကွက်စောင့်ကြည့်စစ်ဆေးခြင်း(၂)ကြိမ်၊ ကျွန်းလှမြို့နယ်အနေ ဖြင့်ကျွန်းလှမြို့၊ သစ်ရာမြိုင်ရပ်ကွက်၊ အခြေခံပညာအထက်တန်းကျောင်းရှိ ကျောင်းမုန့်ဈေးဆိုင် များနှင့် ပိတောက်မြိုင်ရပ်ကွက်ရှိ စတိုးဆိုင်များအားလည်းကောင်း ဈေးကွက်စောင့်ကြည့်စစ်ဆေး ခြင်း(၂)ကြိမ်၊ ကန့်ဘလူမြို့၊ အမှတ်(၃)ရပ်ကွက်ရှိ စက်သုံးဆီအရောင်းဆိုင်အား အထူးဈေးကွက် စောင့်ကြည့်စစ်ဆေးခြင်း(၁)ကြိမ် ဆောင်ရွက်နိုင်ခဲ့ကြောင်း၊ စီးပွားရေးလုပ်ငန်းရှင်များအနေဖြင့်မြန် မာဘာသာဖြင့် ကုန်အညွှန်းအမှတ်အသားများကို ပြည့်စုံစွာဖော်ပြထားသည့် ကုန်စည်များကို သာဖြန့်ဖြူးရောင်းချရန်၊ သက်ဆိုင်ရာဌာနများမှ စားသုံးရန်မသင့် ထုတ်ပြန်ထားသည့်ကုန်စည်များ ကိုရောင်းချခြင်းမပြုရန် အသိပညာပေးပြောကြားခဲ့ပြီး မြန်မာနိုင်ငံ စားသုံးသူကာကွယ်ရေးကော်မ ရှင်၏ ညွှန်ကြားချက်အမှတ် (၂/ ၂၀၁၉)ပါလက်ကမ်းစာစောင်များ ဖြန့်ဝေပေးခဲ့ကြောင်း သိရသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသ ကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်း အမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/မရှိနှင့် အထက်ဌာန၏ လမ်းညွှန်ချက်များအရ ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးခြင်းများ ဆောင်ရွက်ရာတွင် မိတ်ဘက်ဌာနဆိုင်ရာများနှင့်ပူးပေါင်း၍သော်လည်းကောင်း၊ စားသုံးသူကာကွယ်ရေး ဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက် လျက်ရှိပါသည်။

     ရွှေဘိုခရိုင်အနေဖြင့် (၈/၂၀၂၆)လအတွင်း ခရိုင်ဦးစီးမှူးဦးဆောင်၍ ဒု-ခရိုင်ဦးစီးမှူး၊ ရွှေဘိုမြို့နယ် တာဝန်ခံ၊ စားသုံးသူရေးရာဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် ဈေးကွက် ရောက်ပြီးကုန်စည်များ ဈေးကွက်စောင့်ကြည့်စစ်ဆေးခြင်းကို ရွှေဘိုမြို့၊ အမှတ်(၅)ရပ်ကွက်ရှိ၊ စည်းစိမ်စံ ကုန်မျိုးစုံရောင်းဝယ်ရေးဆိုင်၊ ရွှေစေတနာကုန်မျိုးစုံရောင်းဝယ်ရေးဆိုင်၊ စည်ပင်သာယာဈေးအတွင်းရှိ ကောင်းမြတ်ကုန်မျိုးစုံရောင်းဝယ်ရေးဆိုင်နှင့် နှင်းနှင်းကုန်မျိုးစုံရောင်းဝယ်ရေးဆိုင်တို့အား ဆောင်ရွက် ခဲ့ပြီးဈေးကွက်မရောက်မီကုန်စည်များဈေးကွက်စောင့်ကြည့်စစ်ဆေးခြင်းကို ရွှေဘိုမြို့၊ အမှတ်(၇)ရပ်ကွက် ရှိရွှေသမင်မုန့်မျိုးစုံထုတ်လုပ်ဖြန့်ဖြူးရောင်းချသည့် လုပ်ငန်းအားလည်းကောင်း၊ ရွှေဘိုမြို့၊ အမှတ်(၅) ရပ်ကွက်ရှိ MPT ဆက်သွယ်ရေးဝန်ဆောင်မှုလုပ်ငန်းစစ်ဆေးခြင်း ဆောင်ရွက်ခဲ့ကြပြီး ဌာန၏ ဥပဒေ၊ အမိန့်နှင့် ညွှန်ကြားချက်ပါ အကြောင်းအရာများကို အသိပညာပေးဆွေးနွေးခြင်းများ ဆောင်ရွက် ခဲ့ကြကြောင်း သတင်းရရှိပါသည်။

DOCA(စစ်ကိုင်း)