သတင်းနှင့် လှုပ်ရှားမှုများ

              စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါပြဌာန်းချက်အရကုန်စည်များတွင်မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှု အခြေအနေတို့နှင့်စပ်လျဉ်း၍ သက်ဆိုင်ရာမိတ်ဖက်ဌာနများနှင့် ပူးပေါင်းကာ ဈေးကွက်စောင့် ကြည့်စစ်ဆေးခြင်းလုပ်ငန်းများဆောင်ရွက်လျက်ရှိရာ၂၀၂၆ခုနှစ်၊ ဩဂုတ်လ(၁)ရက်မှ (၁၅)ရက် အတွင်း ပြည်မြို့နယ်၊ ပြည်ခရိုင်ဦးစီးမှူးဦးဆောင်၍ မြို့ပေါ်ရပ်ကွက်စတိုးဆိုင်များ၌ ရောင်းချ လျက်ရှိသည့်ကလေးအာဟာရဖြည့်စွက်စာအမျိုးမျိုးကိုလည်းကောင်း  ပြည်မြို့နယ်တာဝန်ခံနှင့် ဝန်ထမ်းများသည်ပွဲစားလမ်း၊ ရွှေကူရပ်ကွက်ရှိ စတိုးဆိုင်များနှင့် အောင်ဆန်းရပ်ကွက်ရှိ ဆေးဆိုင်များတွင်  ရောင်းချလျက်ရှိသည့် ကလေးအာဟာရ ဖြည့်စွက်စာအမျိုးမျိုးကိုလည်းကောင်း၊ ပန်းတောင်းမြို့နယ် တာဝန်ခံနှင့်ဝန်ထမ်းများသည် ပန်းတောင်းမြို့ပေါ် ရပ်ကွက်ရှိ ဆေးဆိုင်များ တွင်ရောင်းချလျက်ရှိသည့်ကလေးအဟာရဖြည့်စွက်စာ အမျိုးမျိုးကိုလည်းကောင်းသွားရောက်၍ ဈေးကွက် ရောက်ပြီးကုန်စည်များတွင် ကုန်အညွှန်းအမှတ် အသားပါ သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှုရှိ/မရှိ ဈေးကွက်စောင့်ကြည့် စစ်ဆေးခဲ့ပါကြောင်းနှင့် စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသားဖော်ပြချက်များနှင့် ကိုက်ညီမှုရှိပါ ကြောင်းသတင်းရရှိပါသည်။ DOCA(ပဲခူး)

                         စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေး အတွက် ခရိုင်အတွင်းရှိ  ထုတ်လုပ်လျက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ်အသားများပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ စီးပွားရေး လုပ်ငန်းရှင် များနှင့်တွေ့ဆုံဆွေးနွေးခြင်းများ  ဆောင်ရွက်လျက် ရှိရာ ၂၀၂၆ခုနှစ်၊ ဩဂုတ်လ(၁) ရက် မှ(၁၅ ) ရက်အတွင်း၌ ပြည်မြို့နယ်တွင် ပြည်ခရိုင်ဦးစီးမှူး ဦးဆောင်၍ ဈေးလမ်း၊ ကျောင်းအိုးရပ်ကွက်ရှိ ဒေါ်သိမ့်ဝတ်ရည်မောင်၏ “ဖိုးချစ်”ဆီဆိုင် သို့ လည်းကောင်း၊ ရွှေတောင်မြို့နယ် တာဝန်ခံနှင့် ဝန်ထမ်းများသည် ဆည်ကြီးကုန်းအုပ်စု၊ ညောင်ဝိုင်းရွာရှိ ဦးပိုင်စိုးကျော်၏ “ AK ”သောက်ရေသန့်လုပ်ငန်း၊ ကြာနီကန်ရပ်ကွက်၊ ရန်ကုန်-ပြည်လမ်းရှိဦးဇော်မင်းထွန်း၏ “ရွှေခတ်သစ်”ဆီစက်လုပ်ငန်းသို့လည်းကောင်း၊ ပန်းတောင်းမြို့နယ် တာဝန်ခံနှင့်ဝန်ထမ်းများသည် ပန်းတောင်းမြို့ရှိဦးတင်လှ၏ “ခြင်္သေ့မင်း” ဆန်စက်လုပ်ငန်း သို့လည်းကောင်း၊ ပေါက်ခေါင်းမြို့နယ် တာဝန်ခံနှင့်ဝန်ထမ်းများသည် အမှတ်(၃)ရပ်ကွက်ရှိ ဦးဇော်ဝင်းနိုင်၏ “ရွှေကောင်း” ဆီစက်သို့လည်းကောင်း သွားရောက်၍ ဖြန့်ဖြူးရောင်းချ လျက် ရှိ သောကုန်စည်များ တွင် အရည် အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာ ဖြန့်ဖြူးရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်းနှင့်အညီ ထုတ်လုပ် ရောင်းချမှုရှိစေ ရေး၊ ကုန်စည်အလိုက်ဖေါ်ပြရမည့် ကုန်အညွှန်းအမှတ်အသားများ ပြည့်စုံမှန်ကန်စွာ ဖေါ်ပြမှုရှိစေရေး လိုက်နာဆောင်ရွက်ကြရန်နှင့် နောက်ပိုင်းကာလများတွင် ကွင်းဆင်းစစ်ဆေးမှုများ နှင့်အတူ အရေးယူဆောင်ရွက်မှုများ ပြုလုပ်ဆောင်ရွက်သွားမှာဖြစ်သည့်အတွက် စီးပွားရေးလုပ်ငန်းရှင်များအနေဖြင့် အထူးအလေးထား လိုက်နာဆောင်ရွက်ကြရန် ရှင်းလင်းဆွေးနွေးပြောကြားခဲ့ကြောင်း သတင်းရရှိပါသည်။

DOCA(ပဲခူး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ဆောင်ပုဒ် ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများသည် စားသုံးသူအခွင့် အရေးနှင့် ပတ်သက်သည့် အသိပညာဗဟုသုတများရရှိစေရန် ကျောင်း၊ ဈေး၊ ရပ်ကွက်၊ ကျေးရွာ  များ၊ ဌာနဆိုင်ရာရုံးများ၊ တက္ကသိုလ်/ကောလိပ်များ၊ တပ်ရင်းတပ်ဖွဲ့များကို စားသုံးသူကာကွယ်ပေးရေး အသိ ပညာပေးဟောပြောပွဲများဆောင်ရွက်ခြင်း၊ ဈေးကွက်အတွင်းစားသုံးသူများအနေဖြင့် ကုန်စည် နှင့်ဝန် ဆောင်မှုများကို အသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များ လုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဈေးကွက်စောင့်ကြည့်စစ်ဆေးခြင်း များ ဆောင်ရွက်လျက်ရှိရာ စားသုံးသူများ၏အခွင့်အရေး (၈)ချက်အနက် ကုန်စည် (သို့မဟုတ်) ဝန်ဆောင် မှုများနှင့် ပတ်သက်သည့် အသိပညာဗဟုသုတများနှင့် လိုအပ်သောအချက်အလက်များကို သိရှိလေ့လာ နိုင်ရန်၊ နစ်နာဆုံးရှုံးမှုများကို ရှင်းလင်းတင်ပြနိုင်ရန်၊ တိုင်ကြားနိုင်ခြင်းကို သိရှိစေရန် ရည်ရွယ်၍ ရွှေဘိုမြို့ နယ်အတွင်းရှိ ပြည်သူများအား စားသုံးသူကာကွယ်ရေး ဉပဒေ ၂၀၁၉ပါ အကြောင်းများကို သိရှိလေ့လာ နိုင်စေရန် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူး  ဦးဆောင်၍ ၂၀၂၆ခုနှစ်၊ ဩဂုတ်လအတွင်း စားသုံးသူကာကွယ်ရေးအသိပညာပေးဆွေးနွေးပွဲ (၁) ကြိမ် ဆောင်ရွက်ခဲ့ပါ သည်။

          (၁၁.၈.၂၀၂၆)ရက်နေ့တွင် စက်မှုဇုန်ရှိ၊ ဆန်စပါးကုန်စည်ဒိုင်တွင် ဆန်စက်၊ဆန်ကုန်သည်နှင့် မွေးမြူရေးလုပ်ငန်းရှင်များအား စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ စားသုံး သူရေးရာဦးစီးဌာနပေါ်ပေါက်လာပုံ၊ စားသုံးသူအခွင့်အရေးနှင့်လိုက်နာရမည့်တာဝန်များ၊ စီးပွားရေး လုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်းအကြောင်းများ၊ ကုန်အညွှန်းအမှတ်အ သားဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြား နိုင်ကြောင်းနှင့်တိုင်ကြားနိုင်သည့်နေရာများ၊ ဌာနနှင့် သက်ဆိုင်သောအကြောင်းများကို မေးမြန်းစုံစမ်းနိုင် သည့်Concumer Call Center NO 1535 အ ကြောင်း၊ တိုင်ကြားစာများကို စိစစ်ညှိနှိုင်း ဖြေရှင်းပေးသည့် အကြောင်းများကို အသေးစိတ်ရှင်းလင်း ဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ မျှော်မှန်းချက် ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ အပြင် စားသုံးသူကာကွယ်ရေးအသိပညာပေးလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင် ဦးစီးမှူး ဦးဆောင်၍ ၂၀၂၆ခုနှစ်၊ ဩဂုတ်လအတွင်း စီးပွားရေးလုပ်ငန်းရှင်များနှင့် တွေ့ဆုံခြင်းအား (၄)  ကြိမ် ဆောင်ရွက်ခဲ့ပါသည်။

 ရွှေဘိုခရိုင်အနေဖြင့် ၂၀၂၆ခုနှစ် ဩဂုတ်လအတွင်း စီးပွားရေးလုပ်ငန်းရှင်အား တွေ့ဆုံခြင်း (၄) ကြိမ် ဆောင်ရွက်ခဲ့ရာ ခရိုင်ဦးစီးမှူးဦးဆောင်သော ဝန်ထမ်းများအဖွဲ့သည် (၁၃.၈.၂၀၂၆)ရက်နေ့တွင် စားသောက်ကုန်ပစ္စည်းရောင်းဝယ်သည့်လုပ်ငန်းရှင်၊ (၁၄.၈.၂၀၂၆)ရက်နေ့တွင် ဆန်စက်လုပ်ငန်းရှင်၊ (၁၇.၈.၂၀၂၆) ရက်နေ့တွင် မုန့်လုပ်ငန်းရှင်၊ (၁၇.၈.၂၀၂၆)ရက်နေ့တွင် ဆက်သွယ်ရေးဝန်ဆောင်မှု လုပ်ငန်းမှ တာဝန်ရှိသူတို့ဖြင့် တွေ့ဆုံဆွေးနွေးပြီး စားသုံးသူကာကွယ်ရေး ဥပဒေ၊  အမိန့် ၊ ညွှန်ကြားချက် များကို  ဌာနမှ ဆောင်ရွက်လျက်ရှိသော လုပ်ငန်းများအား အသိပညာပေး ဆွေးနွေးခဲ့ကြောင်း သတင်းရရှိ ပါသည်။

DOCA(စစ်ကိုင်း)

            ပဲခူးတိုင်းဒေသကြီး ၊ ‌ရေတာရှည်မြို့နယ်၊ အမှတ်(၁)ရပ်ကွက်၊ ရာဇဓိရာဇ်လမ်းနေ ဦးကောင်းမြတ်ဇော်၏ ရွှေမျှစ်တံဆိပ် မျှစ်ချဉ်လုပ်ငန်းအား စားသုံးသူရေးရာဦးစီးဌာန ၊ရေတာရှည် မြို့နယ်တာဝန်ခံ ဒေါ်ပပလင်းနှင့် သက်ဆိုင်ရာမိတ်ဖက်ဌာနများ၏ တာဝန်ရှိသူများနှင့် သွားရောက် လေ့လာခဲ့ပါသည်။ လုပ်ငန်းလုပ်ကိုင်သူအား တာဝန်ရှိသူများမှ ဓာတုဆိုးဆေးများ ၊တာရှည်ခံ ဆေးများ သုံးစွဲမှုမရှိစေရေးနှင့် FDA အသိအမှတ်ပြု လက်မှတ်လျှောက်ထားနိုင်ရေး မေးမြန်းခြင်း၊ ဆွေးနွေးခြင်း၊အသိပညာပေးခြင်းများကို ဆောင်ရွက်ခဲ့ပါကြောင်း သိရှိရပါသည်။

ရည်ရွယ်ချက်

          ကျေးလက်ဒေသ သဘာဝထွက်ကုန်များ လေလွင့်ပြုန်းတီးမှုမရှိစေဘဲ တန်ဖိုးမြှင့်ထုတ်ကုန် အဖြစ် ပြောင်းလဲထုတ်လုပ်ပြီး မိသားစုဝင်ငွေတိုးတက်စေရုံသာမက အောင်မြင်သည့် စီးပွားရေး လုပ်ငန်းတစ်ခု အဖြစ်ရပ်တည်နိုင်အောင် ဆောင်ရွက်လျက်ရှိကြောင်း၊ မိမိအနေဖြင့်အဆိုပါ လုပ်ငန်းကို အလုပ်သမား (၁၀)ဦးဖြင့် ဆောင်ရွက်ခဲ့သည်မှာ (၅)နှစ်ခန့်ရှိပြီဖြစ်သည်။ တစ်နှစ်လျှင် မျှစ်ပိဿာချိန်(၁၀၀၀၀)ခန့် ထွက်ရှိ ကြောင်းလည်းသိရှိရပါသည်။

ကုန်ကြမ်းရရှိမှု

ရာသီအလိုက် အပြောင်းအလဲရှိသဖြင့် နွေရာသီနှင့်ဆောင်းရာသီတို့တွင် ကုန်ကြမ်းစု ဆောင်းရေးအတွက် ကြိုတင်ပြင်ဆင်ရကြောင်း၊ အဓိကအနေဖြင့်ကုန်ကြမ်းများကို ဝါးတောကြီးများ တည်ရှိရာ ပဲခူးရိုးမ၊ ဒေသခံတူးဖော်သူများထံမှတစ်ဆင့် ဒေသတွင်းကုန်စည်ဒိုင်များနှင့်ပွဲရုံများမှ ဝယ်ယူရ၍ စုဆောင်းရသည်။ ထိုကုန်ကြမ်းများကို မီးဖိုဖြင့်ပြုတ်ပြီး ကန်ကြီးများဖြင့်စိမ် ထားရပါသည်၊၊ ကန်တစ်ကန်လျှင် ပိဿာချိန် (၂၀၀၀)နီးပါး ဝင်ဆံ့သည်။  မျှစ်ချဉ်ပြုလုပ်ရန်အတွက် မျှစ်တစ်ပိဿာလျှင် ကျပ်(၃၀၀၀)နှုန်းဖြင့် ဝယ်ယူရ ပါသည်။မျှစ်ချဉ်ပြုလုပ်ရန်အတွက် ကော်ပုန်း အမည်းများဖြင့်တည်ထားရပါသည်။ မိမိတို့အနေဖြင့် ဝါးပိုးဝါး များကိုသာ အဓိကဝယ်ယူစုဆောင်း ကြောင်းသိရှိရသည်။

အရည်အသွေးထိန်းသိမ်းမှု

          ကုန်ပစ္စည်းများထုတ်လုပ်ရာတွင် ကျန်းမာရေးနှင့်ညီညွတ်သော နည်းစနစ်များဖြင့် ဓာတုဗေဒဆေးဝါးများ လုံးဝသုံးစွဲထားခြင်းမရှိဘဲ သဘာဝအတိုင်း သန့်ရှင်းလတ်ဆတ်စွာထုတ်လုပ် ခြင်းသည်လုပ်ငန်း၏ ပဓာနသော့ချက်ဖြစ်ကြောင်း၊ ထုပ်ပိုးမှုစနစ်( Packaging)ကို ပိုမိုတိုးတက် ကောင်းမွန်အောင် ပြုလုပ်၍ဒေသတွင်းအမှတ်တံဆိပ်(Local Brand) တစ်ခုအဖြစ် ကျယ်ကျယ် ပြန့်ပြန့်ရောင်းချနိုင်ရေး၊ မျှစ်ချဉ်ကို  ပုပ်သိုးမသွားစေဘဲ  ဘေးအန္တရာယ်ကင်းစွာ တာရှည်ခံအောင် သိမ်းဆည်းထားနိုင်ရေး စသည့်တို့ကို အလေးထားဆောင်ရွက်လျက်ရှိပါသည်။

ဈေးကွက်အခြေအနေ

မျှစ်များချဉ်ပြီဆိုလျှင် လတ်လတ်ဆက်ဆက်ထုပ်ပိုးပြီး တစ်ထုပ်လျှင်(၂၅)ကျပ်သားစီ ထုပ်ပိုး ကာ ပါကင်ထုပ်များနှင့်လည်းကောင်း၊ ပလတ်စတစ်ဘူးများဖြင့်လည်းကောင်း သေချာသပ်ရပ် စွာ ထုပ်ပိုးပြီး ထုပ်ပိုးမှုပုံစံအရ ကျပ် ၄၀၀၀ မှ ၇၀၀၀ အထိ ဒေသတွင်း ဈေးကွက်များအပြင် နီးစပ်ရာမြို့ကြီးများရှိ ကုန်စုံဆိုင်များ၊စားသောက်ဆိုင်များသို့ လက်လီ/ လက်ကား ဖြန့်ဖြူးရောင်း ချလျက်ရှိပါသည်။

          မျှစ်ချဉ်ကို လုပ်ငန်းရှင်များက စီးပွားဖြစ်လုပ်ကိုင်လျက်ရှိပြီး ပြည်တွင်း၌ MSMEs ကျင်းပ သည့် ဒေသထွက်ကုန်ပွဲများတွင် တန်ဖိုးမြှင့်ထုတ်ကုန်တစ်ခုအဖြစ် ပြသရန်အတွက်လည်း ကြိုးပမ်း လျှက်ရှိပြီး ထုပ်လုပ်မှုများကို သပ်ရပ်ပြီး လှပစေရန်အတွက်လည်း ပလက်စတစ်ဘူးများ ဖြင့်လှပသေသပ်စွာပြုလုပ်၍ ရောင်းချလျှက်ရှိ ပါသည်။

DOCA(ပဲခူး)