သတင်းနှင့် လှုပ်ရှားမှုများ

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ရေးအသိပညာပေး Talk Showကို ၂၀၂၄ခုနှစ် ဇူလိုင်လ (၁၈)ရက်နေ့ ၊နေ့လယ် (၁၃:၀၀) နာရီ အချိန်တွင် ဓနုဖြူလူထု အခြေပြု ဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။

     အဆိုပါ အသိပညာပေး ဆွေးနွေးပွဲတွင် စားသုံးသူရေးရာဦးစီးဌာနမှ ဦးခိုင်လွမ်းမိုးက  စားသုံးသူ ရေးရာဦးစီးဌာနအနေဖြင့်အဓိကဆောင်ရွက်သော လုပ်ငန်းစဉ်အနေဖြင့် ကုန်စည်နှင့်ဝန်ဆောင်မှု အားလုံးကို ဈေးကွက်စောင့်ကြည်စစ်ဆေးခြင်းဆောင်ရွက်လျက်ရှိပါသည်။ စားသုံးသူကာကွယ်ရေး ဥပဒေအခန်း(၁၁) ကုန်စည်နှင့်စပ်လျဉ်း၍အာမခံချက်ပေးခြင်း၊ စီးပွားရေးလုပ်ငန်းရှင်သည် ရောင်းချသည့်ကုန်စည်တွင် သာမန်အားဖြင့် မမြင်နိုင်သော  သဘာဝပြောင်းလဲနိုင်မှုနှင့် စပ်လျဉ်း သည့် အချက်အလက်များကို စားသုံး သူအား ထင်ရှားစွာ ဖော်ပြ၍အသိပေးရမည်။ စီးပွားရေးလုပ်ငန်းရှင်သည် ကုန်စည်နှင့်စပ်လျဉ်း၍ ဖော်ပြရသည့်အာမခံချက်များတွင် အချက်(၇) ချက်  ကိုလိုက်နာဆောင်ရွက်ရန်လိုအပ်သည်။ စားသုံးသူ ကာကွယ်ရေး ဥပဒေအခန်း(၁၃) ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းနှင့် ပတ်သက်၍ စီးပွားရေးလုပ်ငန်းရှင်သည် စားသုံးသူ အပေါ် စိတ်ကျေနပ်မှုရှိစေရန် ဖော်ပြရမည့်အချက် (၅)ချက်ကို လိုက်နာ ဆောင်ရွက်ရမည်ဖြစ်ကြောင်း အကျယ်တဝင့်ရှင်းလင်းဆွေးနွေးခဲ့သည်။ ဆက်လက်၍ စားသုံးသူများအနေဖြင့် ကုန်စည်နှင့် ဝန်ဆောင်မှုများနှင့်ပတ်သက်၍ နစ်နာဆုံးရှုံးမှုများ ကြုံတွေ့ရပါက တိုင်ကြားနိုင်သည့် နည်းလမ်းများရှိကြောင်း သက်ဆိုင်ရာတိုင်းဒေသကြီး./ ပြည်နယ်ဦးစီးမှူးရုံး၊ ခရိုင်ဦးစီးမှုးရုံးတွေမှာ ဖွင့်လှစ်ထားသော(CICC) စားသုံးသူသတင်းပြန့်ကြားရေးနှင့် တိုင်ကြားမှုလက်ခံ ဆောင်ရွက် ရေးစင်တာ၊Online မှတစ်ဆင့်တိုင်ကြားလိုသည့် ပြည်သူများအနေဖြင့် www.doca,gov,mn website တို့မှာပါတဲ့ Consumer Complaint System ရဲ့ တိုင်ကြားလွှာပုံစံမှာ အချက်အလက် တွေဖြည့်သွင်းပြီးတော့ တိုင်ကြားနိုင်သလို MPT, Mytel, Atom, Ooredoo ဖုန်းဆင်းကဒ်အသုံးပြုသူအနေနဲ့ Consumer Center (၁၅၃၅) သို့ တိုက်ရိုက်ဆက်သွယ်တိုင်ကြားနိုင်ပါကြောင်း၊ နိဂုံးချုပ်အနေဖြင့် စားသုံးသူမိဘပြည်သူတွေနစ်နာဆုံးရှုံးမှုများ ကြုံတွေ့ခဲ့ရပါက ကျွန်တော်တို့ စားသုံးသူရေးရာဦးစီးဌာနမှ အမြဲတမ်းကူညီဆောင်ရွက်ပေးနေကြောင်း အသိပညာပေး‌ ဆွေးနွေးခဲ့ကြောင်း သိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး ခရိုင်ဦးစီးမှူးသည့် (၁၈.၇.၂၀၂၄) ရက်နေ့က မအူပင်ခရိုင်ဦးစီးမှူးရုံးအစည်းအဝေးခန်းမတွင် ဆီကျော်မုန့်ထုတ်လုပ်သူလုပ်ငန်းရှင်(၄)ဦးနှင့် တွေ့ဆုံ၍ ဈေးကွက်မရောက်မီကုန်စည်များ ထုတ်ကုန်လုံခြုံစိတ်ချရမှုရှိစေရေး ဆွေးနွေးခဲ့ကြသည်။

      တွေ့ဆုံဆွေးနွေးရာတွင် မအူပင်မြို့ ဆီကျော်မုန့်အမျိုးမျိုး ထုတ်လုပ်သူလုပ်ငန်းရှင်(၄)ဦးက ကုန်စည် ထုတ်ကုန်လုံခြုံစိတ်ချစေရေးအတွက် လိုအပ်ချက်များကို သိရှိလို၍မေးမြန်းကြသဖြင့်  မအူပင်ခရိုင် ဦးစီးမှူး ဦးဇော်မင်းက ဆီကျော်မုန့်ထုတ်လုပ်သူလုပ်ငန်းရှင်များကို ဆွေးနွေးရာ မိမိတို့ထုတ်လုပ်ရောင်းချမည့် မုန့်များကို ပထမဦးစားပေးအနေအရ သန့်ရှင်းသပ်ရပ်စွာ ထုတ်လုပ် ရောင်းချရန် ဦးစားပေးလိုအပ်ကြောင်းကိုလည်းကောင်း၊ ဈေးကွက်မရောက်မီ ထုတ်ကုန်များအပေါ်တွင် စားသုံးသူ သိရှိနိုင်စေရန် ကုန်စည်အမှတ်တံဆိပ်၊ အသားတင်ပမာဏ၊ ပါဝင်သည့် ကုန်ကြမ်းပစ္စည်းများ၊ ထုတ်လုပ်ရက်စွဲ၊ သက်တမ်းကုန်ဆုံးသည့် ရက်စွဲ၊ လိုအပ်ပါက ကျန်းမာရေးဆိုင်ရာ ဓါတ်မတည့်ကြောင်း ဖော်ပြချက်များ၊ ထုတ်လုပ်သူလုပ်ငန်းရှင်၏ ကုန်စည်ထုတ်လုပ်ဖြန့်ဖြူးသည့် နေရပ်လိပ်စာ၊ ဖုန်းနံပါတ်တို့ကို သိသာထင်ရှားစွာဖော်ပြရန်လိုအပ်ကြောင်း၊ (၂/၂၀၁၉) ညွှန်ကြားချက်နှင့်အညီ ဖော်ပြရမည့်အချက်များကို လုပ်ငန်းရှင်တို့ သိရှိနိုင်ရန် အကျယ်တဝင့် ရှင်းလင်းဆွေးနွေးပေးခဲ့ကြောင်း သိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ တောင်ငူမြို့နယ်တာဝန်ခံ ဦးမြင့်သူသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်ခင်သူဇာဝင်းနှင့်အတူ ၂၀၂၄ခုနှစ်၊ ဇူလိုင်လ ၁၆ရက်နေ့၊ နံနက်ပိုင်းတွင်  တောင်ငူခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊  လူထုအခြေပြုဗဟိုဌာနခန်းမ၌ စားသုံးသူကာကွယ်ရေးဆိုင်ရာများအသိပညာပေးခြင်းကို Talk Show အစီအစဉ်ဖြင့်ဆောင်ရွက်ခဲ့ပါသည်။

       စားသုံးသူရေးရာဦးစီးဌာန၊ မြို့နယ်တာဝန်ခံက ကုန်စည်များတွင် ကုန်အညွှန်းအမှတ်အသားများပြည့်စုံစွာဖော်ပြရန် ပြဋ္ဌာန်းချက်ကို စီးပွားရေးလုပ်ငန်းရှင်များက လိုက်နာဆောင်ရွက်ကြရန်လိုအပ်သကဲ့သို့ စားသုံးသူပြည်သူများက ဖော်ပြထားသည့် ကုန်အညွှန်းအမှတ်အသားများကိုဖတ်ရှု၍ ဖော်ပြချက်နှင့်အညီ သုံးစွဲရန်လိုအပ်ပုံများ၊ စစ်ဆေးရေးအရာရှိများက ကုန်စည်များတွင် ကုန်အညွှန်းအမှတ်အသားများဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးဆောင်ရွက်ရမှုများကို ရှင်းလင်းပြောကြားခဲ့ပါသည်။

      ၎င်းနောက် စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဆိုင်ရာအသိပညာပေးခြင်းကို အခြေခံပညာကျောင်းများ၊ တက္ကသိုလ်၊ ကောလိပ်၊ သက်မွေးပညာသင်ကျောင်းများ၊ ရပ်ကွက်ကျေးရွာများသို့သွားရောက်ကွင်းဆင်း၍ ဟောပြောပွဲများကျင်းပသည့်အပြင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ Talk Show အစီအစဉ်ဖြင့် အသိပညာပေးခြင်းကိုလည်းဆောင်ရွက်လျက်ရှိကြောင်းသိရှိရပါသည်။

DOCA(ပဲခူး)

     ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် ပြန်ကြားရေးနှင့် ပြည်သူ့ဆက်ဆ့ရေးဦးစီးဌာနနှင့် ပူးပေါင်း၍ (၈.၇.၂၀၂၄) ရက်နေ့ ၊နံနက်(၁၁:၀၀)နာရီအချိန်တွင် ကြံခင်းမြို့၊ တပ်ခုံကျေးရွာအုပ်စု၊ အခြေခံပညာအလယ်တန်းကျောင်း၌ ကျောင်းသား/ကျောင်းသူများနှင့် ဆရာ/ဆရာမများအား စားသုံးသူကာကွယ်ရေး အသိပညာပေး ဟောပြောခြင်း ဆောင်ရွက်ခဲ့ပါသည်။

     ဟောပြောပွဲတွင် မြို့နယ်တာဝန်ခံ ဦးကျော်နိုင်ဝင်းက စားသုံးသူကာကွယ်ရေးဥပဒေကို ၂၀၁၉ ခုနှစ် မတ်လ(၁၅) ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ စားသုံးသူ စကားရပ်၏အဓိပ္ပာယ်ဖွင့်ဆိုချက်၊  စားသုံးသူအခွင့်အရေးနှင့် တာဝန်များအကြောင်း၊ ဝန်ဆောင်မှုနှင့် စပ်လျဉ်း၍ အာမခံချက်ပေးခြင်းများအကြောင်း၊ ကုန်အညွှန်းအမှတ်အသားဖော်ပြခြင်းများအကြောင်း၊ တားမြစ်ချက်များအကြောင်း၊ ပြစ်မှုပြစ်ဒဏ်များအကြောင်း၊ စားသုံးသူတို့အနေဖြင့် အသင့်စားမုန့်များဝယ်ယူ စားသုံးရာတွင် ထုတ်လုပ်သည့်ရက်စွဲနှင့် သက်တမ်းကုန်ဆုံးရက်များ အဓိကဖတ်ရှု့ရမည်ဖြစ်ကြောင်း၊ စားသုံးသူတို့အနေဖြင့် ကုန်စည် သို့မဟုတ် ဝန်ဆောင်မှုများနှင့် စပ်လျဉ်း၍ နစ်နာဆုံးရှုံးမှုများရှိပါက စားသုံးသူရေးရာဦးစီးဌာနသို့ တိုင်ကြားနိုင်မည်ဖြစ်ကြောင်း၊ စားသုံးသူရေးရာဦးစီးဌာန၏ လက်ရှိဆောင်ရွက်နေသည့် လုပ်ငန်းဆောင်ရွက်ချက်များအကြောင်းစသည့်တို့ကို အသိပညာပေးဟောပြောခဲ့ကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးရှိ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ စားသုံးသူရေးရာဌာနခွဲတာဝန်ခံနှင့် တာဝန်ရှိသူတို့သည်  ၂၀၂၄ခုနှစ်၊ ဇူလိုင်လ ၁၇ရက်နေ့၊ နေ့လယ်(၁၃:၀၀)နာရီအချိန်တွင် ဝေါမြို့အတွင်းရှိ စားအုန်းဆီ လက်လီ/ လက်ကားရောင်းချနေသော ကုန်စုံဆိုင်များသို့သွားရောက်၍ ကွင်းဆင်းစစ်ဆေးခြင်းပြုလုပ်ဆောင်ရွက်ခဲ့ပါသည်။

      ထိုသို့ကွင်းဆင်းဆောင်ရွက်ရာတွင် စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်းများနှင့်အညီ စနစ်တကျဖြန့်ဖြူးရောင်းချရန်၊ ခွဲတမ်းရရှိသည့်ဆိုင်များအနေဖြင့် ဈေးနှုန်းကို အများမြင်သာသောနေရာများတွင် မြင်သာသောစာလုံးအရွယ်အစားများဖြင့် Vinyl ချိတ်ဆွဲထားရှိရန်၊ စားအုန်းဆီ လက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများက ထုတ်ပြန်ထားသည့် အမိန့်၊ ညွှန်ကြားချက်များနှင့်အညီ ရောင်းချဖြန့်ဖြူးကြရန်တို့ကို ရှင်းလင်းပြောကြားခဲ့ကြောင်းသိရှိရပါသည်။

DOCA(ပဲခူး)