သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် စားသုံးသူရေးရာဦးစီးဌာနနှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ ဇူလိုင်လ(၄)ရက်နေ့၊ နေ့လယ် (၁၄:၀၀)နာရီအချိန်တွင် စားသောက်ဆိုင်များ ဝန်ဆောင်မှုနှင့်စပ်လျဉ်း၍ အသိပညာပေး Talk Show ပြုလုပ်ခဲ့ကြောင်း သိရသည်။ အဆိုပါ အသိပညာပေးပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်စန်းစန်းမော်နှင့် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်တင်ထွေးတို့သည် အစားအသောက် ရောင်းချဝန်ဆောင်မှုပေးသည့် စားသောက်ဆိုင်များအနေဖြင့် စားသုံးသူများ ဘေးအန္တရာယ် ကင်းရှင်းစေရေးအတွက် လိုက်နာဆောင်ရွက်ရမည့် အချက်အလက်များအကြောင်း၊ အစားအသောက်ချက်ပြုတ်သူနှင့် ဝန်ဆောင်မှုပေးသည့် ဝန်ထမ်းများအနေဖြင့် တစ်ကိုယ်ရည်သန့်ရှင်းမှုအား အလေးထားဆောင်ရွက်သင့်ကြောင်း အသုံးပြုသည့် အိုးခွက်ပစ္စည်း ကိရိယာများနှင့် အစားအသောက်များ ထည့်ရန်ပစ္စည်း အသုံးအဆောင်များ သန့်ရှင်းသပ်ရပ်စွာ ထားရှိရေးနှင့် အစားအသောက်များအား ကျက်သည်အထိ သေချာစွာချက်ပြုတ်ရန် လိုအပ်ကြောင်း၊ စားသုံးသူရေးရာဦးစီးဌာန အနေဖြင့် ကုန်စည်နှင့် ဝန်ဆောင်မှုများ ဘေးအန္တရာယ် ကင်းရှင်းစေရန် အစားအသောက်ရောင်းချသည့် ဝန်ဆောင်မှုများအား သတ်မှတ် ကာလများအလိုက် ဈေးကွက်စောင့်ကြည့် ဆောင်ရွက်မှုများ ပြုလုပ်လျက်ရှိကြောင်း အသိပညာပေး ဆွေးနွေးခဲ့ကြောင်း သိရှိရပါသည်။ DOCA(ရန်ကုန်)

စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးပါ (၂)ဉီးတို့သည် (၃.၇.၂၀၂၅)ရက်နေ့ နံနက်(၁၁:၀၀)နာရီအချိန်တွင် စားအုန်းဆီ လက်လီအရောင်းဆိုင်သို့ ကွင်းဆင်းစစ်ဆေးခဲ့ပါသည်။ ထိုသို့ဆောင်ရွက်ခဲ့ရာတွင် အောင်သုလမ်း၊ ဈေးရပ်ကွက်ရှိ ဒေါ်ကြူကြူကုန်မျိုးစုံသို့ ရောက်ရှိခဲ့ရာ ကျေးရွာအုပ်စုပေါင်း(၁၂)အုပ်စုသို့ ခွဲဝေပေးပါ ကြောင်း၊ ကျေးရွာနေပြည်သူများမှ လည်း မိမိတို့ရရှိသောခွဲတမ်းများအား နေ့စဉ်လာရောက်ထုတ်ယူပါ ကြောင်း၊ စနစ်တကျ ခွဲဝေပေးပါကြောင်း၊ လက်ကျန်လည်းမထားရှိပါကြောင်း၊ မိမိတို့ဌာနမှလည်း သိုလှောင် ထားခြင်းများ၊ ဈေးနှုန်းမြှင့်တင်ရောင်းချခြင်းများ စစ်ဆေးတွေ့ရှိပါက အရေးကြီးကုန်စည် နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေးဆွေးနွေး ပြောကြားခဲ့ကြောင်း သိရှိရပါသည်။ DOCA (ရန်ကုန်)

စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ မှော်ဘီမြို့ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် (၃.၇.၂၀၂၅)ရက်နေ့ နံနက်(၁၀:၁၅)နာရီအချိန်တွင် မြို့မဈေးရှိ ဉီးအောင်ကျော်ထူး စားအုန်းဆီလက်လီ အရောင်းဆိုင်သို့ ကွင်းဆင်းစစ်ဆေးခဲ့ပါသည်။ ထိုသို့စစ်ဆေးခဲ့ရာတွင် ဘီ(၂)၊ အခန်း(၇/၈)၊ မြို့မဈေးရှိ စားအုန်းဆီလက်လီရောင်းချနေသော ဆိုင်သို့ ရောက်ရှိခဲ့ရာ မိမိရရှိသောခွဲတမ်းသည် Aung Oo Thar Co.,Ltd မှ ရရှိပြီး ပြည်သူများသို့ နေ့စဉ်ပုံမှန်ရပ်ကွက်အလိုက် စာအုပ်စနစ်ဖြင့် နံနက်(၈)နာရီမှ ညနေ (၃)နာရီအထိ ရောင်းချပေးပါ ကြောင်း၊ အများပြည်သူမြင်သာအောင် ဈေးနှုန်း Vinyl ကိုလည်း ချိတ်ဆွဲထားကြောင်း စစ်ဆေးတွေ့ရှိ ရပြီး မိမိတို့ဌာနမှလည်း လုပ်ငန်းရှင်များအနေဖြင့် သက်ဆိုင်ရာဌာနများက ထုတ်ပြန်ထားသည့် အမိန့်၊ ညွှန်ကြားချက်များနှင့်အညီ ဖြန့်ဖြူးရောင်းချရန်တို့ကို ရှင်းလင်းပြောကြားခဲ့ကြောင်း သိရှိရပါသည်။ DOCA (ရန်ကုန်)

၂၀၂၅ ခုနှစ်၊ ဇူလိုင်လ ၃ ရက်နေ့၊နေ့လယ် ၁၃း၀၀ နာရီအချိန်တွင် တနင်္သာရီတိုင်းဒေသကြီးဦးစီးမှူးရုံး၊ အစည်းအဝေးခန်းမတွင် တိုင်းဒေသကြီးဦးစီးမှူးမှ ထားဝယ်ခရိုင်ဆေးနှင့်ဆေးပစ္စည်းလုပ်ငန်းရှင်များ အသင်းဖွဲ့စည်းနိုင်ရေး ဆေးဆိုင်ပိုင်ရှင်များနှင့်တွေ့ဆုံဆွေးနွေးခဲ့ပါသည်။ ဆွေးနွေးရာတွင် တိုင်းဒေသကြီးဦးစီးမှူးမှ အသင်းအဖွဲ့ဆိုင်ရာ စည်းမျဉ်းစည်းကမ်းများ၊ အသင်းဖွဲ့စည်းရခြင်း၏ ရည်ရွယ်ချက်၊ အသင်းအဖွဲ့များ ဖွဲ့စည်းခြင်းကြောင့် ရရှိလာမည့်အကျိုးကျေး ဇူးများ၊ ဒေသတွင်းဆေးဝါးများ ပြတ်လပ်မှုမရှိစေရေး အစိုးရ-ပုဂ္ဂလိက ပူးပေါင်းဆောင်ရွက်မည့် အကြောင်းအရာများအား ရှင်းလင်းဆွေးနွေးပြီး တက်ရောက်လာသော လုပ်ငန်းရှင်များမှလည်း လို အပ်သည်များအား မေးမြန်းဆွေးနွေးခဲ့ကြောင်း သိရှိရပါသည်။ DOCA(တနင်္သာရီ)

၂၀၂၅ခုနှစ်၊ ဇူလိုင်လ(၃)ရက်နေ့ နံနက်(၈း၀၀)အချိန်တွင် တနင်္သာရီတိုင်းဒေသကြီးအစိုးရအဖွဲ့မှ ကြီးမှူးကျင်းပသော မြန်မာအမျိုးသမီးများနေ့ အခမ်းအနားသို့ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူး-ဦးမျိုးဝင်းမှ တက်ရောက်ခဲ့ကြောင်း သိရှိရသည်။ အဆိုပါအခမ်းအနားသို့ တနင်္သာရီတိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင်များ၊ တိုင်း/ခရိုင်/ မြို့နယ် အဆင့် ဌာနဆိုင်ရာများနှင့် အရပ်ဖက်အဖွဲ့အစည်းများမှ တက်ရောက်ခဲ့ပြီး ထူးချွန်သူအမျိုးသမီးငယ်များအား ဆုများပေးအပ်ချီးမြှင့်ခဲ့ကြောင်း သတင်းရရှိပါသည်။ DOCA(တနင်္သာရီ)