သတင်းနှင့် လှုပ်ရှားမှုများ

             ပဲခူးတိုင်းဒေသကြီး၊ သာယာဝတီခရိုင်၊စားသုံးသူရေးရာဦးစီးဌာနမှလစဉ်ကျင်းပပြုလုပ်သော ဝန်ထမ်းများ စွမ်းဆောင်ရည်မြှင့်တင်ရေးအတွက် အသိပညာပေး Talk Show ဟောပြောပွဲများ ကျင်းပပြုလုပ်ခဲ့ရာ (၁၆) ကြိမ် မြောက်ဟောပြောပွဲကို ( ၁၈.၆.၂၀၂၆ ) ရက်နေ့၊ နေ့လည် (၁:၀၀) အချိန်တွင် စားသုံးသူရေးရာဦးစီးဌာန၊ သာယာဝတီခရိုင်ဦးစီးမှူးရုံး၊ စားသုံး/ထုတ်လုံဌာနခွဲတာဝန်ခံ ဦးဇော်ထွန်းမှ ထုတ်ကုန်လုံခြုံစိတ်ချရမှုဆိုင်ရာ ဈေးကွက်စောင့်ကြည့်စစ်ဆေးခြင်း အသိပညာ ဗဟုသုတများ  ခေါင်းစဉ်ဖြင့် အသိပညာပေး Talk Show ဆွေးနွေးပွဲကို သာယာဝတီ၊ လက်ပံတန်း၊ မင်းလှ၊ မိုးညို၊ အုတ်ဖို၊ ကြို့ပင်ကောက် မြို့နယ်များမှ ဝန်ထမ်းများနှင့် Zoom metting ဖြင့် ချိတ်ဆက် ဆောင်ရွက်ခဲ့ပါသည်။

           Talk Show ဆွေးနွေးပွဲတွင် မြန်မာနိုင်ငံစားသုံးသူကော်မရှင်က ထုတ်ပြန်ထားသော ကုန်အညွှန်းအမှတ်အသား ဖော်ပြချက်နှင့်ပတ်သတ်သော ညွှန်ကြားချက်အမှတ် (၂/၂၀၁၉) အား သိရှိနိုင်ရန်နှင့် ကွင်းဆင်းစစ်ဆေးဆောင်ရွက်ရာတွင် ကုန်စည်တစ်မျိုးခြင်းအလိုက် ကုန်အညွှန်း အမှတ်အသားများကို ခွဲခြားစစ်ဆေးနိုင်ရန်၊ ဦးစားပေးကုန် စည်များ၊ ဦးစားပေး ဝန်ဆောင်မှုများ ကိုလည်း ကွင်းဆင်းဆောင်ရွက် သိရှိစေရန် အချက်များကို အသေးစိတ်ရှင်း လင်းဆွေးနွေး သွားခဲ့ပါသည်။ခရိုင်ဦးစီးမှူးမှ ဝန်ထမ်းများကို မိမိလုပ်ငန်းများနှင့် သက်ဆိုင်သော အသိပညာပေး Talk Show များ ကျင်းပခြင်းဖြင့် ဝန်ထမ်းများစွမ်းဆောင်ရည် မြင့်မားလာနိုင်ကြောင်း ထည့်သွင်း ဆွေးနွေးခဲ့ပါသည်။မြို့နယ်တာဝန်ခံများမှလည်း အားနည်းချက်အားသာချက်များ ဖြည့်စွက်ဆွေးနွေး ပြောကြားခဲ့ကြောင်း သိရှိရပါသည်။

DOCA(ပဲခူး)

              စားသုံးသူရေးရာဦးစီးဌာန၊ သာယာဝတီခရိုင်၊ လက်ပံတန်းမြို့နယ်၌ ခရိုင်ဦးစီးမှူး၏ လမ်းညွှန်မှုဖြင့် ၁၈.၆.၂၀၂၆ ရက်နေ့၊ နံနက် (၁၀:၀၀) နာရီအချိန်တွင် မြို့မဈေးအတွင်းရှိ ဒေါ်သီတာအောင် ကုန်မျိုးစုံနှင့် ရောင်းဝယ်ရေးဆိုင်များအား ကုန်အညွှန်းအမှတ်အသားများ  ပြည်စုံစွာ ဖော်ပြခြင်း ရှိ/မရှိ ခရိုင်ဦးစီးမှူး ဦးနိုင်လင်းထွန်း၊ မြို့နယ်တာဝန်ခံဦးကျော်မျိုးထွန်း၊ စည်ပင်သာယာရေး အဖွဲ့နှင့် ဝန်ထမ်းတို့မှ ဈေးကွက်စောင့်ကြည့် စစ်ဆေးခဲ့ပါသည်။ စားသုံးသူများ   တိကျမှန် ကန်ရှင်းလင်း သော သတင်းအချက်များသိရှိစေရန်၊ စားသုံးသူများ ဘေးအန္တရာယ် ကင်းရှင်းစေရန်၊  စိတ်ကျေနပ်မှုရှိစေရန် အတွက်အာမခံချက်ပေးနိုင်သည့် အရည်အသွေး မြင့်မား သော ကုန်စည် ဝန်ဆောင် မှုများ ဖော်ဆောင်ဖြည့်ဆည်း ပေးနိုင်စေရေးနှင့် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည် အမျိုးအစား အလိုက် သတ်မှတ်ချက်များ နှင့်အညီ ပြည့်စုံစွာ ဖော်ပြခြင်း ရှိ/မရှိ ဈေးကွက် စောင့်ကြည့် စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ပါသည်။

DOCA(ပဲခူး)

      စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးဇေယျာအောင် (ခရိုင်ဦးစီးမှူး) ဦးဆောင်သည့် ခရိုင်စားသုံးသူရေးရာဦးစီးဌာနမှဝန်ထမ်းများနှင့် မိတ်ဖက်ဌာနတို့ပူးပေါင်း၍ ၂-၇-၂၀၂၆ ရက်နေ့တွင် မြစ်ကြီးနားမြို့၊ မြို့သစ်ရပ်ကွက်ရှိ  လက်လီရောင်းချလျက်ရှိသော အောင် (ဆေးဆိုင်)သို့ သွားရောက်၍ စားသုံးသူများဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ် ရှိသောကုန်စည်များ ဈေးကွက်အတွင်းမှပပျောက်စေရေးနှင့် စားသုံးသူကာကွယ်ရေး ဥပဒေပါ ကုန်အညွှန်း အမှတ်အသားဖော်ပြခြင်းနှင့်ပတ်သက်၍ ကိုက်ညီမှု ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာ အေးငြိမ်းသီတာ အမှတ်တံဆိပ်ပါ အကြောအားတိုးဆေး တွင် မြန်မာနိုင်ငံစားသုံးသူကာကွယ်ရေးကော်မရှင်၏ ထုတ်ပြန်ထားသော ညွှန်ကြားချက်အမှတ် (၂/၂၀၁၉)အရ ကုန်စည်အမျိုးအစားအလိုက် မြန်မာဘာသာဖြင့်ဖော်ပြရမည့် အမျိုးအမည်၊ အရွယ် အစား၊ အရေအတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ဓါတ်မတည့် ကြောင်းဖော်ပြချက်နှင့် ကြိုတင်သတိပေးချက်တို့ ပြည့်စုံစွာဖော်ပြပါရှိကြောင်း စစ်ဆေးတွေ့ရှိရပြီး ဆေးဆိုင်လုပ်ငန်းရှင်အား ကုန်အညွှန်းအမှတ်အသား ပြည့်စုံမှုမရှိသည့် ကုန်စည်များ ဈေးကွက်အတွင်း ရောင်းချခြင်းမပြုလုပ်ရန်နှင့် ဆင်တူရိုးမား  အတုအပအမှတ်တံဆိပ်များ ဝယ်ယူရောင်းချခြင်း မပြုလုပ် ကြရန်တို့ကို အသိပညာပေးဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာ စောင်များ ဖြန့်ဝေခဲ့ကြောင်း သတင်းရရှိပါသည်။

DOCA(ကချင်)

               ပြည်ခရိုင်၊ ပြည်မြို့နယ်တွင် ဇွန်လပထမအပတ်မှစတင်၍ စာသင်ကျောင်းများ စတင်ဖွင့်လှစ် ပြီဖြစ်ပါသဖြင့် ပြည်မြို့ယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းများသည် မိတ်ဖက် ဌာနဆိုင်ရာများနှင့် ပူးပေါင်း၍ စားသုံးသူကာကွယ်ရေး အသိပညာပေး ဟောပြောပွဲများ စတင်၍ ကျင်းပပြုလုပ်နေလျက်ရှိပါသည်။ ကျောင်းမုန့်ဈေးဆိုင်များတွင် မြန်မာစာကုန်အညွှန်း မပါသောမုန့် များ ရောင်းချနေခြင်း ရှိ/ မရှိ စစ်ဆေးခြင်းများ ပြုလုပ်၍ ကုန်အညွှန်းအမှတ်အသား မပြည့်စုံပါက ရောင်းချြခင်းမပြုလုပ်ရန် အသိပညာပေးခြင်းများ ဆောင်ရွက်ခဲ့ပါသည်။ (၈.၆.၂၀၂၆) ရက်နေ့တွင် ပြည်မြို့၊ အောင်ဆန်းအခြေခံပညာအထက်ကျောင်းသို့ သွားရောက်၍ “စားသုံးသူကာကွယ်ရေး အသိပညာပေး” ဟောပြောပွဲကို မိတ်ဖက်ဌာနဆိုင်ရာများနှင့် ပူးပေါင်း၍ ကျင်းပပြုလုပ်ခဲ့၍ ဟောပြောပွဲသို့ ဌာနအသီးသီးမှ တာဝန်ရှိသည့် ဌာနဆိုင်ရာအကြီးအကဲများ၊ ဆရာ၊ ဆရာမများနှင့် Grade (11) မှ ကျောင်းသား၊ ကျောင်းသူများ စုစုပေါင်း တက်ရောက်သူ (၁၀၂) ဦးအား စားသုံးသူ ရေးရာဦးစီးဌာန စတင်ဖွဲ့စည်းဖြစ်ပေါ်လာပုံ စားသုံးသူကာကွယ်ရေးဥပဒေ၌ ပါရှိသော စားသုံးသူ များ ရရှိမည့်အခွင့်အရေး (၈) ချက်နှင့် လိုက်နာရမည့်တာဝန်များအကြောင်းနှင့် လုပ်ငန်းရှင်နှင့် စားသုံးသူ၏ကြား တစ်စုံတစ်ရာ ဆုံးရှုံးထိခိုက်နစ်နာမှုများရှိလာပါက တိုင်ကြားလို့ရနိုင်မည့် နည်းလမ်းများအား အသိပညာပေး ဟောပြော၍ စားသုံးသူကာကွယ်ရေးဥပဒေအခန်း (၁၈) ပါ ကုန်အညွှန်းအမှတ်အသားဖော်ပြခြင်းဆိုင်ရာ သိကောင်းစရာများအား ရှင်းလင်းဟောပြောဆွေးနွေးခဲ့ပါကြောင်း သိရှိရပါသည်။

DOCA(ပဲခူး)

        ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ စားသုံးသူကာကွယ်ရေးဆိုင်ရာ အသိပညာပေးဆွေးနွေးပွဲ Talk Show ကို ၁၉ ရက်နေ့ ဇွန်လ ၂၀၂၆ခုနှစ် နံနက် (၁၀း၀၀) နာရီ အချိန်တွင် လူထုအခြေပြုဗဟိုဌာန(Community Centre) ခန်းမ၌ ကျင်းပခဲ့ကြောင်း သိရသည်။

        အသိပညာပေးဟောပြောရာတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ စားသုံးသူကာကွယ်ရေးနှင့် စပ်လျဉ်း၍ အသိပညာများ ရရှိရန် ရှင်းလင်းဆွေးနွေးပေးနိုင်ပါရန် ညောင်တုန်းမြို့နယ်ဦးစီးမှူး ဒေါ်ချိုမီဇင်အား ပြောကြားရာ ‌ဒေါ်ချိုမီဇင် ဒုဦးစီးမှူးမှ စားသုံးသူအခွင့်အရေးကို နားလည်သိရှိနိုင်ရန်အတွက် စားသုံးသူများ၏ နေ့စဉ်ဘဝအတွက် မရှိမဖြစ်လိုအပ်သော အစားအသောက်၊ သောက်သုံးရေ၊ အဝတ်အစား၊ နေထိုင်ရန်အိမ်ရာ၊ ကျန်းမာရေးနှင့် ပညာရေးဆိုင်ရာ ဝန်ဆောင်မှုများကို လုံလောက်စွာရရှိနိုင်ရန်လိုအပ်ကြောင်း၊ စားသုံးသူများသည် မိမိတို့ ဝယ်ယူအသုံးပြုသည့် ကုန်စည်နှင့် ဝန်ဆောင်မှုများကြောင့် အသက်၊ ခန္ဓာကိုယ်နှင့် ကျန်းမာရေး ထိခိုက်မှုမရှိစေရန် အာမခံချက် ရရှိရမည်ဖြစ်ပြီး ထုတ်လုပ်သူနှင့် ရောင်းချသူများသည် ဘေးအန္တရာယ်ဖြစ်စေနိုင်သော ကုန်ပစ္စည်းများကို စျေးကွက်သို့ မဖြန့်ချိသင့်ဘဲ လုံခြုံရေးစံချိန်စံညွှန်းများနှင့် ကိုက်ညီစေရန် တာဝန်ယူရမည်ဖြစ်ပါကြောင်း၊ စားသုံးသူကာကွယ်ရေးဥပဒေ အခန်း(၉)ပါ စားသုံးသူအခွင့်အရေး ၈ချက်ကို အကျယ်တဝင့်ရှင်းလင်းပြောကြားခဲ့ပြီး စားသုံးသူလိုက်နာရမည့် တာဝန်(၄)ချက်အကြောင်းကိုပါ အကျယ်တဝင့်ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)