သတင်းနှင့် လှုပ်ရှားမှုများ

     ကိုဗစ်-၁၉ ကြောင့်ဖြစ်ပေါ်လာနိုင်သည့် စီးပွားရေးသက်ရောက်မှုများအပေါ် ကုစားရေး ကော်မတီလုပ်ငန်းအဖွဲ့ အစည်းအဝေးအား  ၂၀၂၅ ခုနှစ်၊ မေလ၊ ၂၁ ရက်(ဗုဒ္ဓဟူးနေ့)၊ နံနက် ၁၀း၀၀ နာရီအချိန်တွင်  ရင်းနှီးမြှပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန၊ ရုံးအမှတ်(၁)၊ အစည်း အဝေးခန်းမ(၁)၌ Hybrid Meeting ဖြင့်ကျင်းပခဲ့ရာ တနင်္သာရီတိုင်းဒေသကြီးအစိုးရအဖွဲ့၊ စီးပွားရေး ရာဝန်ကြီးနှင့်အတူ(အတွင်းရေးမှူး)တိုင်းဒေသကြီးစားသုံးသူရေးရာဦးစီးဌာန၊ တိုင်းဦးစီးမှူး၊ အဖွဲ့ဝင် များမှလည်း တနင်္သာရီတိုင်းဒေသကြီးအစိုးရအဖွဲ့ရုံး(၃)ထပ်‌ဆောင် Zoom Meeting Room ၌ တက်ရောက်ခဲ့ကြောင်းသိရှိရပါသည်။

DOCA(တနင်္သာရီ)

          စားသုံးသူရေးရာဦးစီးဌာနသည် အများပြည်သူသိရှိစေရန်နှင့်အကျိုးဖြစ်ထွန်းစေရန်အတွက် ဌာနနှင့်ပတ်သက်သည့်အကြောင်းအရာများအား နည်းလမ်းပေါင်းစုံဖြင့်အသိပညာပေးလျက်ရှိရာ ညောင်ဦးခရိုင်မှ ခရိုင်တာဝန်ခံသည် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း ၍(၂၉.၄.၂၀၂၅)ရက်နေ့၊ နံနက် ၁၀:၀၀ နာရီအချိန်တွင် ခရိုင်ပြန်ကြားရေးနှင့်ပြည်သူ့ဆက်ဆံရေး ဦးစီးဌာန  Community Center      ခန်းမ၌ စားသုံးသူကာကွယ်ရေးအသိပညာပေးဟောပြောပွဲကို ဆောင်ရွက်ခဲ့ကြောင်းသိရသည်။

          အဆိုပါ Talk Show အစီအစဉ်တွင် စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)က စားသုံးသူများအနေဖြင့် ကုန်စည် သို့မဟုတ် ဝန်ဆောင်မှုကို ဝယ်ယူ သုံးစွဲရာတွင် ကုန်စည်၏ အရည်အသွေး၊ အရေအတွက်၊ ပါဝင်သောပစ္စည်း၊ အသုံးပြုပုံ၊ ဈေးနှုန်း၊ ဝန်ဆောင်မှုနှုန်းထားနှင့် ကုန်စည် သို့မဟုတ် ဝန်ဆောင်မှုကို ပေးအပ်နိုင်သည့်အချိန်တို့နှင့်စပ်လျဉ်း ၍ လိမ်လည်လှည့်ဖြားခြင်းရှိ/မရှိ၊ အာမခံပေးထားမှုရှိ/မရှိ၊ သက်ဆိုင်ရာအစိုးရဌာန၊ အဖွဲ့အစည်း များက သတ်မှတ်ထားသည့် စံချိန်စံညွှန်း၊ အရည်အသွေးတို့နှင့်ကိုက်ညီမှုရှိ/မရှိ၊ ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ဖော်ပြ ထားမှုရှိ/မရှိ၊ လိုအပ်သောသတင်းအချက်အလက်များကို သိရှိနိုင်ရေး စုံစမ်းမေးမြန်းနိုင်ရန်အတွက် လိပ်စာ၊ ဖုန်းနံပါတ်များ ရေးသားဖော်ပြထားမှုရှိ/မရှိ၊ အပြစ်အနာအဆာ၊ ချို့ယွင်းချက်များကို ဖုံးကွယ်ထားခြင်းရှိ/မရှိ ၊ သတင်းအချက်အလက်များကို ပြည့်စုံခိုင်မာမှု မရှိဘဲချဲ့ကားဖော်ပြထား ခြင်းရှိ/မရှိ စသည့်များအား သိရှိနားလည်ပြီး သတိရှိစွာစစ်ဆေးဝယ်ယူသုံးစွဲသင့်ပါကြောင်း ရှင်းလင်းဆွေးနွေးခဲ့သည်။

DOCA(မန္တလေး)

    (၂၁.၅.၂၀၂၅)ရက်နေ့၊နံနက်(၁၀း၀၀)နာရီအချိန်တွင် မြိတ်မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပသော စိုက်ပျိုးစရိတ်ချေးငွေများအချိန်မီထုတ်‌ချေး‌ပေးနိုင်ရေးအစည်းအဝေးအား စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး ဦးမျိုးဝင်းမှ တက်ရောက်ခဲ့ ပါသည်။

     အဆိုပါအခမ်းအနားတွင် ၂၀၂၅-၂၀၂၆ခုနှစ်၊ ဘဏ္ဍာရေးနှစ်အတွက် တောင်သူလယ်သမား များအား ၂၀၂၅ ခုနှစ် မိုးရာသီစိုက်ပျိုးစရိတ်ချေးငွေများ အချိန်မီထုတ်ချေးပေးနိုင်ရေးအတွက် (၁၅.၉.၂၀၂၅)ရက်နေ့ နောက်ဆုံးထား၍ ထုတ်ချေးပေးရန်၊ မြို့နယ်မြေစာရင်းဦးစီးဌာနမှ တောင်သူ လယ်သမားတစ်ဦးချင်း၏ ဧကများအား အမှတ်တကယ်ပိုင်ဆိုင်မှု ရှိ/မရှိ စီစစ်ထောက်ခံချက်များ ပြုလုပ်ပေးရန်နှင့် သက်ဆိုင်ရာအဖွဲ့ဝင်များမှလည်း ပူးပေါင်းဆောင်ရွက်ပေးကြပါရန်တို့ကို ညှိနှိုင်း ဆွေးနွေးခဲ့ကြောင်း သတင်းရရှိပါသည်။

DOCA(တနင်္သာရီ)

  တနင်္သာရီတိုင်းဒေသကြီး၊ မြိတ်ခရိုင်သည် ဆန်လိုအပ်သောဒေသဖြစ်သည့်အတွက်  မြိတ်ခရိုင်အတွက်လိုအပ်သောဆန်များအား ဧရာဝတီတိုင်းနှင့်ရန်ကုန်တိုင်းတို့မှ အများဆုံးဝယ်ယူ လျက် ရှိပါသည်။ ဧရာဝတီတိုင်းဒေသကြီး၊ လပွတ္တာခရိုင်၊ မော်လမြိုင်ကျွန်းမြို့နယ်မှ ၂၀၂၅ခုနှစ်၊ မေလ (၁၆)ရက်နေ့တွင် မြိတ်ခရိုင်သို့ တင်ဆောင်လာသော ဆန်တန် (၅၀၀)၊ အိတ်ရေ (၁၀၀၀၀) သည် MV-ရတနာမယ် ရေယာဉ်ဖြင့် ၂၀၂၅ခုနှစ်၊ မေလ(၂၁)ရက်နေ့တွင် မြိတ်မြို့သို့ရောက်ရှိလာ သဖြင့် အဆိုပါဆန်လှေများအား ကွင်းဆင်းစစ်ဆေး ခြင်းဆောင်ရွက်ခဲ့ကြောင်းသတင်းရရှိပါသည်။

   ကွင်းဆင်းစစ်ဆေးရာတွင် စားသုံးသူရေးရာဦးစီးဌာန အပါအဝင် အကောက်ခွန်ဦးစီးဌာန၊ ကုန်သွယ်ရေးဦးစီးဌာန၊ မြို့နယ်ရဲတပ်ဖွဲ့တို့ပါဝင်သော အထူးစုံစမ်းစစ်ဆေးရေးအဖွဲ့မှ ကွင်းဆင်း စစ်ဆေးခဲ့ကြောင်းသတင်းရရှိပါသည်။

DOCA(တနင်္သာရီ)

   စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးကျော်မိုးလွင်(ဌာနခွဲစာရေး) သည် ၃၀.၄.၂၀၂၅ ရက်နေ့တွင် မိုးညှင်းမြို့၊ အောင်သပြေရပ်ကွက် အတွင်းရှိ ဖြူစင် (ရေသန့်စက်ရုံ)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေ ပါ ပြဌာန်းချက်များ နှင့် ကိုက်ညီခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

  ဈေးကွက်စောင့်ကြည့်စစ်ဆေးခဲ့ရာ ဖြူစင် (သောက်ရေသန့်) အမှတ်တံဆိပ်ပါ သောက်ရေသန့် အမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏ၊ ထားသိုသိမ်း ဆည်းမှုအညွှန်းတို့ကို ကုန်အညွှန်းအမှတ်အသား ဖော်ပြထားရှိခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး စက်ရုံ ပိုင်ရှင်အား သောက်ရေသန့်များ ထုတ်လုပ်ဖြန့်ဖြူးရောင်းချရာတွင်လည်း ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြပါရှိသော သောက်ရေသန့်များကိုသာ ထုတ်လုပ်ဖြန့်ဖြူးရောင်းချရန် အသိ ပညာပေး ဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့် ဝေခဲ့ပါသည်။

DOCA(ကချင်)