သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်၊ မြန့်မာ့စီးပွားရေးဘဏ်သို့ ပင်စင်လစာလာရောက်ထုတ်ယူကြသည့်  နိုင်ငံဝန်ထမ်းအငြိမ်းစားများအား စက်တင်ဘာလ(၂၃)ရက်၊ နံနက်(၈)နာရီမှစတင်၍  မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၏ ကြီးကြပ်မှုဖြင့် ဌာနဆိုင်ရာ များ၊ လူမှုရေးအသင်းအဖွဲ့များ ပူးပေါင်းကာ ကျန်းမာရေးစောင့်ရှောက်မှုပေးခြင်း၊ UID နံပါတ် ထုတ်ပေးခြင်းလုပ်ငန်းများဆောင်ရွက်ခဲ့ကြသည်။
           ကျန်းမာရေးစောင့်ရှောက်မှုပေးရာတွင် မြို့နယ်ပြည်သူ့ကျန်းမာရေး ဦးစီးဌာနမှူး၊ ဒေါက်တာ ရဲဝင်းထွန်းနှင့် အဖွဲ့က နိုင်ငံ့ဝန်ထမ်းအငြိမ်းစားများအား လိုအပ်သည့် ကျန်းမာရေးစောင့်ရှောက်မှု ပေးအပ်ခဲ့ကြောင်း၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဘိုကလေးမြို့နယ် ဦးစီးမှူး ဦးထွန်းထွန်းနိုင်နှင့် အဖွဲ့က နိုင်ငံ့ဝန်ထမ်းအငြိမ်းစားများအား ဇီဝဆိုင်ရာ အချက်အလက်များ ကောက်ယူ၍ UID နံပါတ်များ ထုတ်ပေးခြင်းတို့ ဆောင်ရွက်ခဲ့ကြကြောင်းနှင့် ၎င်းလုပ်ငန်းများ အဆင်ပြေချောမွေ့စေရေးအတွက် လူမှုရေးအသင်းအဖွဲ့များက ဝိုင်းဝန်း ကူညီဆောင်ရွက်ပေးကြပြီး မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ၊  ဥက္ကဌ ဦးဇော်ဝင်းလှိုင်နှင့် အဖွဲ့ဝင်များက လှည့်လည် ကြည့်ရှုအားပေး၍ လိုအပ်သည်များအား ပေါင်းစပ်ကူညီ ဆောင်ရွက်ပေးခဲ့ကြောင်း သိရသည်။

DOCA (ဧရာဝတီ)

              ဧရာဝတီတိုင်းဒေသကြီး၊ ဖျာပုံခရိုင်၊ဖျာပုံမြို့နယ်တွင် စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီအတွင်းရေးမှူး စားသုံးသူရေးရာဦးစီးဌာန၊ ညွှန်ကြားရေးမှူးချုပ်ဦးခင်မောင်လှိုင်နှင့်တာဝန်ရှိသူများသည် စားအုန်းဆီများ သတ်မှတ်ချက် များနှင့်အညီ ဖြန့်ဖြူးစေရေးနှင့် သတ်မှတ်စျေးနှုန်းဖြင့် ရောင်းချစေရေး အတွက်ခရိုင်အတွင်းရှိ စားအုန်းဆီလက်လီ၊လက်ကား ကိုယ်စားလှယ်များနှင့်တွေ့ဆုံဆွေးနွေးပွဲကို စက်တင်ဘာလ (၁)ရက်နေ့နေ့လယ်ပိုင်းအချိန်ကဖျာပုံမြို့သီရိအဏ္ဏဝါခန်းမ၌ကျင်းပသည်။
        အဆိုပါ စားအုန်းဆီများ သတ်မှတ်ချက်များနှင့်အညီ ဖြန့်ဖြူးစေရေးနှင့် သတ်မှတ် စျေးနှုန်းဖြင့် ရောင်းချစေရေး ဆွေးနွေးရာတွင် စားသုံးဆီတင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီအတွင်းရေးမှူးစားသုံးသူရေးရာဦးစီးဌာန၊ ညွှန်ကြားရေးမှူးချုပ် ဦးခင်မောင်လှိုင်က ခရိုင်အတွင်းရှိ စားအုန်းဆီလက်လီ၊လက်ကား ကိုယ်စားလှယ်များအနေဖြင့် ပြည်သူများသို့ စားအုန်းဆီကို သတ်မှတ်ချက်များနှင့်အညီ ဖြန့်ဖြူးကြစေရေး၊ သတ်မှတ် စျေးနှုန်းဖြင့်ရောင်ချကြစေရေးနှင့်စားအုန်းဆီဖြန့်ဖြူးမှုလုပ်ငန်းစဉ်တစ်လျှောက်မှန်(၆)မှန်ဖြင့်စနစ်တကျ၊ မှန်ကန်စွာဆောင်ရွက်ရန်ကိစ္စများနှင့် စပ်လျဉ်း၍ဆွေးနွေးပြောကြားသည်။ ထိုနောက် စားသုံသူရေးရာဦးစီးဌာန တိုင်း​ဒေသကြီးဦးစီးမှူးဦးဝင်းထွန်းက တိုင်းဒေသကြီးအတွင်း စားအုန်းဆီဖြန့်ဖြူးရောင်းချပေးနေမှုများပတ်သက်၍အသေးစိတ်ရှင်းလင်းဆွေးနွေးပြောကြား ပြီး အခမ်းအနားသို့တက်ရောက်လာကြသောခရိုင်အတွင်းရှိ စားအုန်းဆီလက်လီ၊လက်ကား ကိုယ်စားလှယ်များက သိရှိလိုသည်များပြန်လည်မေးမြန်းကြရာ သက်ဆိုင်ရာ တာဝန်ရှိသူများက ပြန်လည်ဆွေးနွေးဖြေကြားပေးခဲ့သည်။
       အဆိုပါအခမ်းအနားသို့ခရိုင်/မြို့နယ်အဆင့်ဌာနဆိုင်ရာများနှင့်ခရိုင်အတွင်းရှိ စားအုန်းဆီ လက်လီ၊လက်ကား ကိုယ်စားလှယ်များတက်ရောက်ကြကြောင်းသိရှိရသည်။

DOCA (ဧရာဝတီ)

      ဧရာဝတီတိုင်းဒေသကြီး၊ဖျာပုံခရိုင်၊ဖျာပုံမြို့နယ်အတွင်း၌ လူဦးရေစာရင်း မှန်ကန်စေရေး၊ မြေပြင်ကွင်းဆင်းစာရင်းစိစစ်မှုများအားတစ်မြို့နယ်လုံးအတိုင်းအတာဖြင့်လိုက်လံစစ်ဆေး ဆောင်ရွက်လျက်ရှိရာစက်တင်ဘာလ၄နေ့လယ်ပိုင်းအချိန်က အမှတ်(၁၈/ ၁၉ )ရပ်ကွက်သို့ ခရိုင်/မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီမှ လံစစ်ဆေး ကြည့်ရှုခဲ့ကြောင်းသိရသည်။
        အဆိုပါကွင်းဆင်းဆောင်ရွက်လျက်ရှိသည့်လုပ်ငန်းများအား ဖျာပုံခရိုင်စီမံခန့်ခွဲရေး နှင့် အုပ်ချုပ်ရေး ကော်မတီဥက္ကဋ္ဌ ဦးဇော်လွင်ဦးနှင့်၊ တာဝန်ရှိသူများက စစ်ဆေးရာတွင်
အိမ်ထောင်စု အမှတ်စဥ်နှင့် မိသားစုအမှတ်စဥ်များကို နေရပ်လိပ်စာအတိုင်း၊ နေထိုင်ခြင်း ရှိ/မရှိ၊ စာရင်းပြုစုခြင်း၊ သေဆုံးစာရင်းများ အတည်ပြုခြင်း၊ စာရင်းရှိသော်လည်း မြေပြင်တွင် နေထိုင်မှုမရှိသူများနှင့် စာရင်းမရှိ နေထိုင်သူများ စာရင်းပြုခြင်း၊ မည်သည့်လက်မှတ်မျှ ကိုင်ဆောင်ခြင်း မရှိသူများ၊ အိမ်ထောင်စုစာရင်း မရှိသူများအား စိစစ်၍ အိမ်ထောင်စုစာရင်းနှင့် ကိုင်ဆောင်လက်မှတ်တစ်ခုခုရရှိစေရေးတို့ကို ကွင်းဆင်းဆောင်ရွက်ပေးလျက်ရှိသည့် လုပ်ငန်း များအား​ကြည့်ရှုစစ်ဆေးပြီးလုပ်ငန်းလိုအပ်ချက်များလမ်းညွှန်မှာကြားခဲ့သည်။ဖျာပုံမြို့နယ်တွင် အဆိုပါလူဦးရေစာရင်း မှန်ကန်စေရေး၊ မြေပြင်ကွင်းဆင်းစာရင်း စိစစ်မှုများ အားနေ့ရက် အလိုက် မြို့နယ်အတွင်းရှိ ရပ်ကွက်/ ကျေးရွာများသို့ ဆက်လက်ကွင်းဆင်းစစ်ဆေး ဆောင်ရွက် သွားမည်ဖြစ်ကြောင်း သိရှိရသည်။

DOCA (ဧရာဝတီ)

             ညောင်ဦးမြို့တွင် (၂၃.၉.၂၀၂၅ )ရက်နေ့၊ နေ့လည် ၁၄:၀၀ နာရီအချိန်တွင် အထွေထွေ အုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အသေးစားစက်မှုလက်မှုလုပ်ငန်းဦးစီးဌာနတို့ပူးပေါင်း၍ ပုဂံ-ညောင်ဦးဒေသထွက်ကုန်များ ပြသနိုင်ရေးနှင့် စပ်လျဉ်း၍ တွေ့ဆုံဆွေးနွေးပွဲကျင်းပခဲ့ပါသည်။

          ဆွေးနွေးပွဲတွင် ညောင်ဦးမြို့ရှိ MSME လုပ်ငန်းရှင်များအနေဖြင့် ဒေသထွက်ကုန်များ ပြသနိုင် ရေး၊ ပြခန်းများတွင်လိုအပ်သည်များဆောင်ရွက်ထားနိုင်ရေးတို့ကို သက်ဆိုင်ရာဌာနများအလိုက် ဆွေးနွေးခဲ့ရာ စားသုံးသူရေးရာဦးစီးဌာန၊ ညောင်ဦးခရိုင်တာဝန်ခံ ဦးတင်မျိုးခိုင်(ဦးစီးအရာရှိ)တက် ရောက်ဆွေးနွေးခဲ့ပါသည်။ ပုဂံ-ညောင်ဦးဒေသသည် ပြည်တွင်းပြည်ပ ခရီးသွားများ စိတ်ဝင်စားသော နေရာဒေသတစ်ခုဖြစ်၍ လာရောက်လည်ပတ်သော ခရီးသွားများအတွက် အပြန်လက်ဆောင်အဖြစ် ဝယ်ယူကြမည့်ဒေသထွက်ကုန်များကို အရည်အသွေးပြည့်မီကောင်းမွန်စွာထုတ်လုပ်ခြင်းဖြင့် ဒေသခံ များ၏ အကျိုးစီးပွားနှင့်ဒေသဖွံဖြိုးမှုများ ဖြစ်ထွန်းလာကာ ဒေသရဲ့ဂုဏ်ကိုလည်း ပိုမိုမြှင့်တင်နိုင်မည် ဖြစ်ပါသည်။

DOCA (မန္တလေး)   

     (၃၀.၉.၂၀၂၅)ရက်နေ့ နံနက် (၁၀:၃၀)နာရီ တွင် ရှမ်းပြည်နယ်ဦးစီးမှူးရုံးမှ လက်ထောက် ညွှန်ကြားရေးမှူး ဦးခွန်ကျော်ဌေးနှင့်ဝန်ထမ်းများသည် အွန်လိုင်းမှတ်ပုံတင်လျောက်ထားသည့် Penoy’S Closet  အထည်အလိပ်၊အဝတ်အထည်နှင့်ဆက်စပ်ပစ္စည်းများရောင်းချသည့်လုပ်ငန်းအား မှတ်ပုံတင်ထားသည့် အချက်အလက်များနှင့် ကိုက်ညီမှုရှိ/မရှိ မြေပြင်ကွင်းဆင်းစစ်ဆေးခဲ့ပါသည်။

     မြေပြင်ကွင်းဆင်း စစ်ဆေးဆောင်ရွက်ရာတွင် ရှမ်းပြည်နယ်ဦးစီးမှူးရုံးမှ စစ်ဆေးရေးအရာရှိ ဒေါ်တင်တင်အေးက  ရှမ်းပြည်နယ်၊ အမှတ်(ည/၁၈)ယုဇနလမ်း၊ ညောင်ဖြူစခန်းရပ်ကွက် ၊တောင်ကြီး မြို့ရှိ အွန်လိုင်းရောင်းချခြင်းလုပ်ငန်းအတွက် မှတ်ပုံတင်လျောက်ထားရာ အချက်အလက်များအတိုင်း မှန်ကန်မှု ရှိမရှိကို စစ်ဆေးခြင်း၊ စစ်ဆေးရေးအရာရှိမှ စစ်ဆေးရန် သတ်မှတ်ချက် များအတိုင်း လုပ်ငန်းခွင်၏ ရောင်းချမှု ကုန်စည်များကို စစ်ဆေးခဲ့ပြီး အွန်လိုင်းရောင်းချခြင်းနှင့်ပတ်သက်၍ အမိန့်ကြေငြာစာပါ အချက်အလက်များကို လုပ်ငန်းရှင်သိရှိနိုင်ရန် အသိပညာပေးပြောကြားခဲ့ကြောင်း သိရသည်။

DOCA(ရှမ်း)