သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဦးစီးမှူး ပုသိမ်ခရိုင်ဦးစီးမှူးနှင့် မေလ ၂၅ ရက်နေ့ သာပေါင်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးတွင် တိုင်းအတွင်း သီဟိုဠ်စိုက်ဧက ၂၀၀၀၀ ဝန်းကျင်နှင့် အများဆုံးစိုက်ပျိုးထုတ်လုပ်လျက်ရှိ‌သော သာပေါင်းမြို့နယ် သီဟိုဠ်စိုက်ပျိုးထုတ်လုပ်ရောင်းချသူများအသင်းဥက္ကဋ္ဌအပါအဝင် အသင်းသားများနှင့် တွေ့ဆုံခဲ့ပါသည်၊၊

    ထိုသို့တွေ့ဆုံခဲ့ရာတွင် တိုင်းဦးစီးမှူးမှ သာပေါင်းမြို့နယ်သည် ပြည်တွင်း/ပြည်ပဈေးကွက် ဝယ်လိုအားရှိသော သီဟိုဠ်အများဆုံး စိုက်ပျိုးလျက်ရှိသည့် မြို့နယ်တစ်ခုဖြစ်ပြီး မိမိတို့ မြို့နယ်အတွင်း သီဟိုဠ်အထွက်နှုန်းတိုးတက်လာစေရန်နှင့် အပင်များရေရှည်ထိန်းသိမ်းနိုင်ရန် စိုက်ပျိုးရရှိရေးအတွက် ရေကန်များတူးဖော်ရန်နှင့် သီဟိုဠ်ထွက်ရှိချိန်အလေအလွင့်မရှိစေရေး သီဟိုဠ်စေ့ပေါ်ချိန် တောဆင်ရိုင်းအန္တရာယ်များကျရောက်ပါက ကာကွယ်ရန်နည်းလမ်းများ သီဟိုဠ်စိုက်တောင်သူများ စိုက်ပျိုးမြေတရားဝင်အမည်ပေါက် အခွန်အခပေးဆောင်ရွက်ရန်ကိစ္စရပ်များအသင်း၏အားသာချက်၊ အားနည်းချက်များ ဆွေးနွေးလာမှုအပေါ် တိုင်းဦးစီးမှူးမှ မိမိတို့ ဒေသတွင် သီဟိုဠ်စေ့ ကုန်ကြမ်းများ ထွက်ရှိသည့်အတွက် သီဟိုဠ်ကုန်ချောထုတ်လုပ်သည့် စက်ရုံတည်ဆောက်နိုင်ပါက မိမိတို့ဒေသတွင်း စီးပွားရေးလုပ်ငန်းများ ပိုမိုဖွံ့ဖြိုးတိုးတက် လာမှာဖြစ်သလို သီဟိုဠ်ကုန်ချောထုတ်လုပ်နိုင်ရန် စက်ရုံအတွက်မြေနေရာရရှိရေး စိုက်ပျိုးမြေရရှိရန်ကန်များ တူးဖော်ရန်အသင်းအဖွဲ့မှ တင်ပြပေးရမှာဖြစ်ပြီး မိမိတို့အနေဖြင့် တိုင်းဒေသကြီး အစိုးရအဖွဲ့သို့ ဆက်လက်တင်ပြပေးမှာဖြစ်ကြောင်း ၎င်းအပြင် သက်ဆိုင်ရာဌာနများနှင့်လည်း ပေါင်းစပ်ကူညီဆောင်ရွက်ပေးမှာဖြစ်ကြောင်း ဈေးကွက်ချဲ့ထွင်နိုင်ရေးနှင့် ပြည်ပဈေးကွက် ပိုမိုတင်ပို့ရောင်းချနိုင်ရေး ဝိုင်းဝန်းကူညီဆောင်ရွက်ပေးမှာဖြစ်ကြောင်း ဆွေးနွေးပြောကြားခဲ့ပါသည်၊၊

DOCA(ဧရာဝတီ)

       စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများသည် (၂၈-၅-၂၀၂၄) ရက်နေ့တွင် ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်အတွင်းရှိ စားအုန်းဆီ လက်ကားရောင်းချသည့်ဆိုင်များ၊ ဆန်ပွဲရုံ/ဆန်ဆိုင်များအား ကွင်းဆင်းစစ်ဆေးခဲ့ကြပါသည်။

         ထို့သို့စစ်ဆေးရာတွင် စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဦးထွန်းမင်းသန့်၊ အကြီးတန်းစာရေးနှင့် လယ်ဝေးမြို့နယ်၊ အထွေထွေအုပ်ချုပ်ရေးဦးစီးဌာန၊ နေပြည်တော်စည်ပင်သာယာရေးကော်မတီမှ ဝန်ထမ်းများသည် လယ်ဝေးမြို့နယ်၊ သီရိရတနာ(မြို့မဈေး)ရှိ စားအုန်းဆီ လက်လီရောင်းချသည့်ဆိုင်(၅)ဆိုင်၊ သပြေပင်ကျေးရွာရှိ စားအုန်းဆီလက်လီရောင်းချသည့်ဆိုင် (၈)ဆိုင်၊ ပတ္တာကျေးရွာရှိ စားအုန်းဆီလက်လီရောင်းချသည့်ဆိုင် (၁)ဆိုင်၊ အမှတ်(၂)ရပ်ကွက်ရှိ စားအုန်းဆီလက်လီရောင်းချသည့်ဆိုင် (၁)ဆိုင်တို့မှာ စားအုန်းဆီများကို သတ်မှတ်ရည်ညွှန်းဈေးနှုန်းအတိုင်း ရောင်းချခြင်းရှိ/မရှိစစ်ဆေးခဲ့ကြပါသည်။

         ထိုကဲ့သို့စစ်ဆေးရာတွင် လယ်ဝေးမြို့နယ်အတွင်းရှိ စားအုန်းဆီ လက်လီရောင်းချသည့်ဆိုင်များအား သတ်မှတ်ရည်ညွှန်းဈေးအတိုင်း ရောင်းချနေကြောင်း စစ်ဆေးတွေ့ရှိရပါသည်။ သတ်မှတ်ရည်ညွှန်းဈေးအတိုင်းမရောင်းချပါက စားသုံးသူကာကွယ်ရေးဥပဒေ၊ အရေးကြီးကုန်စည်နှင့်ဝန်ဆောင်မှုဥပဒေများအရ အရေးယူခံရမည်ဖြစ်ကြောင်း ဆီလုပ်ငန်းရှင်များအား အသိပညာပေးပြောကြားခဲ့သည်။ ပူးပေါင်းအဖွဲ့သည် လယ်ဝေးမြို့နယ်အတွင်းရှိ ဆန်ပွဲရုံ/ဆန်ဆိုင်များအား ၎င်းတို့ရောင်းချသော ဆန်အမျိုးအစားများ၊ တစ်နေ့ရောင်းအား၊ ယခုနှစ်ဈေးနှုန်း၊ ယခင်နှစ်ဈေးနှုန်းများကိုလည်း ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(နေပြည်တော်)

      စားသုံးသူရေးရာဦးစီးဌာန၊ မြောက်ပိုင်းခရိုင်၊ တိုက်ကြီးမြို့နယ်၊ ဦးပိုင်အမှတ် (၈၀/၆၇)၊ အဖျောက်(၃)ရပ်ကွက်၊ အဖျောက်မြို့ရှိ  UK (ဦးကျော်ကျော်)သို့ ၂၇-၅-၂၀၂၄ ရက်နေ့၊ နေ့လယ် (၁၃:၀၀) နာရီအချိန်တွင် တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေး(ရုံးအုပ်)သည် သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

        ထိုသို့ကွင်းဆင်းစစ်ဆေးရာတွင် စက်သုံးဆီအရောင်းဆိုင်များ၌ စက်သုံးဆီများပြတ်လပ်မှုရှိ/မရှိ၊ ရည်ညွှန်းဈေးနှုန်းများအပေါ်  ညွှန်ကြားချက်များနှင့်အညီ ရောင်းချခြင်းရှိ/မရှိ၊ Led Board၊ ဆိုင်အတွင်း ကားတန်းစီးမှုအခြေအနေ၊ ဆီကားအဝင်စာရင်းတို့ကို နေ့စဉ်စာရင်းကောက်ယူခြင်း၊ ဆီကန်များ၏ ဆီကန်ဝင်ဆံ့မှုပမာဏ၊ ဆီကန်လက်ကျန်၊ ဆီအရောင်းပြေစာ/ ဖြတ်ပိုင်း၊ အလေးချိန်မှန်ကန်စွာချင်တွယ်စေရန် ဆိုင်တာဝန်ခံ ဦးကျော်ကျော်နှင့် ဝန်ထမ်းများအား အသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်ခိုင်ရွှေ၊ ဒုကြီးကြပ်ရေးမှူးပါ (၃)ဦးတို့သည် (၂၈-၅-၂၀၂၄)ရက်နေ့၊ နံနက်(၁၁:၀၀)နာရီအချိန်တွင် အင်းစိန်မြို့နယ်၊ မြို့နယ်ကျန်းမာရေးဦးစီးဌာနမှ ကျန်းမာရေးမှူး-၄ ဦးသန်းထိုက်ဇော်၊ အင်းစိန်မြို့နယ်၊ လေဟာပြင်ဈေးတာဝန်ခံ ဒေါ်သီတာဝင်းပါ(၂)ဦးတို့နှင့်အတူ ဈေးအတွင်းရှိ ဆေးနှင့်ဆေးပစ္စည်းများအား ဈေးကွက်စောင့်ကြည့်ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

         ထိုသို့ဆောင်ရွက်ရာတွင် ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်ချက်အရ အင်းစိန်မြို့နယ်၊ လေဟာပြင်ဈေးအတွင်းရှိ ဆေးဆိုင်များဖြစ်သော ဇီဝသုခ၊ နဂါးနီ၊ ရွှေဝါဝင်းဆေးဆိုင်များမှ ဆိုင်ပိုင်ရှင်များနှင့်သွားရောက်တွေ့ဆုံကာ ဈေးအတွင်း ဆေးအမျိုးအမည်အများဆုံးရောင်းချနေသော နဂါးနီဆေးနှင့်ဆေးပစ္စည်းဆိုင်တွင် အမျိုးအစားပေါင်း(၂၀၀)ခန့်ရှိရာ လတ်တလောရောင်းရနေသော ဆေးဝါး (၅)မျိုးမှာ Decolgen(အဝိုင်း/အတောင့်)၊ Biogesic၊ Alexan၊ Kremits (Pink/ White)၊ Air-X တို့ဖြစ်ပြီး ၎င်းဆေးဝါးများကို United Phama, Medi Myanmar ကုမ္ပဏီတို့မှ မှာယူပြီး ကုမ္ပဏီမှပေးပို့သော ဈေးနှုန်းများအပေါ်  (၅%)မှ (၁၀%)အမြတ်တင်၍ရောင်းချနေကြောင်း ကွင်းဆင်းစစ်ဆေးမှုများအရသိရှိရပါသည်။

DOCA(ရန်ကုန်)

     စားသုံးသူရေးရာဦးစီးဌာန၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့် ဒုကြီးကြပ်ရေးမှူးပါ (၂)ဦးတို့သည် မြို့နယ်အစားအသောက်နှင့်ဆေးဝါးကြီးကြပ်ကွပ်ကဲရေးဦးစီးဌာန၏ ဦးဆောင်မှုဖြင့် ဒေါ်ခိုင်သီတာဝင်း(လက်ထောက်ညွှန်ကြားရေးမှူး)ပါ (၇)ဦး၊ မြို့နယ်ကျန်းမာရေးဦးစီးဌာနမှ ဒေါ်ဝင်းကလျာထွန်း(ဦးစီးအရာရှိ)၊ ဒေါ်အေးမွန်(အမျိုးသမီးကျန်းမာရေးဆရာမ/မိခင်နှင့်ကလေး) နှင့် ဦးဝေလင်းအောင်(ဈေးတာဝန်ခံ)တို့ပူးပေါင်းပါဝင်လျက် ၂၇-၅-၂၀၂၄ ရက်နေ့၊ နေ့လယ် (၁၂:၀၀) နာရီအချိန်တွင် မှော်ဘီမြို့နယ်ရှိ မြို့မဈေးသို့သွားရောက်၍ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာ မြို့မဈေးအတွင်းရှိ စားသောက်ကုန်များဖြစ်သော မုန့်ဖတ်၊ ပဲပြား၊ ပဲသွေး၊ ငါးပိများကို ရွေ့လျားဓာတ်ခွဲခန်းကား(၂)စီးဖြင့် စမ်းသပ်စစ်ဆေးခဲ့ပါသည်။ ထိုသို့စစ်ဆေးရာတွင် ပဲသွေးမှာ ဖော်မလင်ပါဝင်မှုရှိနေပါသဖြင့် ရောင်းချသူအား မြို့နယ်အစားအသောက်နှင့် ဆေးဝါးကြီးကြပ်ကွပ်ကဲရေးဦးစီးဌာနမှ ပူးပေါင်းအဖွဲ့ရှေ့မှောက်တွင် ခံဝန်ကတိလက်မှတ်ရေးထိုးခဲ့ပါသည်။ နောင်တွင်လည်း ယခုကဲ့သို့ စားသုံးသူကိုအန္တရာယ်ဖြစ်သော အစားအသောက်များကိုမရောင်းချရန် မှာကြားခဲ့ကြောင်းသိရှိရပါသည်။

DOCA(ရန်ကုန်)