သတင်းနှင့် လှုပ်ရှားမှုများ

ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ရှိ ကြိမ်ချောင်း အ.မ.က ကျောင်းတွင် စားသုံးသူရေးရာဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ တိုင်းရင်း ဆေးပညာ‌ရေးဦးစီးဌာန၊ ပြည်သူကျန်းမာရေးဦးစီးဌာန တို့ ပူးပေါင်းပါဝင်၍ ကျောင်း အသိပညာ ပေးဟောပြောခြင်းကို ၃.၂.၂၀၂၅ ရက်နေ့ နေ့လယ် (၁၀:၀၀)နာရီအချိန်တွင် အသိပညာပေး ဟောပြောခြင်း ပြုလုပ်ခဲ့ကြသည်။

      အဆိုပါ အသိပညာပေးဟောပြောပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ  အဖွင့်အမှာစကားပြောကြားပြီး လူငယ်များကျောင်းစာအပြင် ပြင်ပ ဗဟုသုတစာပေများဖတ်ကြား နိုင်ရေးနှင့် ဌာနဆိုင်ရာ အသိပညာနှင့် သတ်မှတ်ထားသည် နည်းဥပဒေများကို သိရှိလေ့လာနိုင်ရေး၊ လူငယ်နှင့် မူးယစ်ဆေးဝါးအန္တရာယ်များအကြောင်း ဟောပြောခဲ့ပြီးနောက်၊ စားသုံးသူရေးရာ ဦးစီးဌာနမှ မြို့နယ်ဦးစီးမှူးရုံးက ဒေါ်ချိုမီဇင်(ဒု-ဦးစီးမှူး)က စားသုံးသူကာကွယ်ရေး အသိ ပညာပေးခြင်းဆိုင်ရာ လုပ်ငန်းစဉ် ကျောင်းသား၊ ကျောင်းသူများ မိမိတို့ကျောင်းတွင် ဝယ်ယူ စားသောက်နေသော မုန့်များကို ရွေးချယ်ဝယ်ယူစားသောက်ရာတွင် စားသုံးသူကာ ကွယ်ရေးဥပဒေ (၂၀၁၉)အခန်း (၁၈)တွင် ပြဌာန်းထားသော ကုန်အညွှန်းအမှတ်အသား ဖော်ပြချက်နှင့် စပ်လျဉ်း၍ ကြည်ရှုဝယ်ယူရမည့် အချက်အလက်များ ဖြစ်သည့် ကုန်စည်အမျိုးအစား၊ အရွယ်အစား၊ အရေအတွက်နှင့် အသားတင်ပမာဏ၊ ထားသိသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေး ဆိုင်ရာဘေးထွက်ဆိုးကျိုး သို့မဟုတ် ဓါတ်မတည့်ကြောင်း ‌ဖော်ပြချက်နှင့် ကြိုတင် သတိပေးချက်တို့သည် မဖြစ်မနေ ပါဝင်ရမည်ဖြစ်၍ သတိပြုလေ့လာ၍ ဝယ်ယူအသုံးပြုရန် ကိုလည်းကောင်း ကြည့်ရှုဝယ်ယူတက်စေရန် ရှင်းလင်းဟောပြောခြင်း၊ ကုန်စည်ကြောင့် စာ’သုံးသူ အခွင့်အရေး ထိခိုက်နစ်နာမှု ရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့် နည်းလမ်း (၇)မျိုး ရှိကြောင်း www.doca.gov.mm   တွင်ဝင်ရောက်တိုင်ကြားနိုင်ကြောင်း။ Consumer call center 1535။ Doca Mobile Appဖြင့်လည်းကောင်း၊ ဦးစီးမှူးရုံးများရှိ CICCရုံးများသို့ လူကိုယ်တိုင် သော်လည်းကောင်း၊ ဖုန်းဖြင့်ဖြစ်စေ၊ စားသုံးသူကာကွယ်ရေး အသင်းအဖွဲ့များမှ လည်းကောင်း၊ CICC Nay PyiTaw FaceBook Page, Messengerသို့လည်းကောင်း၊ ConsumerWebsitedoca@gmail.com သို့တိုင်ကြားနိုင်ကြောင်းကို အကျယ်တဝင့် ရှင်းလင်း ဟောပြောခဲ့ပြီး ဟောပြောပွဲသို့ ကျောင်းသားကျောင်းသူ ဆရာ/ဆရာမ (၈၀)ဦးတက် ရောက်ခဲ့ကြောင်း သိရသည်။

DOCA (ဧရာဝတီ)

            ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊  လပွတ္တာမြို့နယ် တာဝန်ခံဦးမြင့်ဌေးနှင့် ဝန်ထမ်းများသည် (၃.၂.၂၀၂၅)ရက်နေ့     နေ့လည်(၁၂;၀၀)နာရီကလပွတ္တာမြို့၊    အမှတ်(၂)ရပ်ကွက်ရှိ အမှတ်(၂) မူလွန်ကျောင်းတွင် ဆရာ/ဆရာမ၊ ကျောင်းသား/ ကျောင်းသူများအား စားသုံးသူကာကွယ်ရေး အသိပညာပေး ဟောပြောပွဲ ဆောင်ရွက်ခဲ့ပါသည်။

            ထိုသို့ဟောပြောဆွေးနွေးရာတွင်  မြို့နယ်တာဝန်ခံဦးမြင့်ဌေးမှ မိတ်ဆက်စကားပြောကြားပြီး၊ စားသုံးသူ ရေးရာ ဦးစီးဌာန၏ မျှော်မှန်းချက်၊ ရည်မှန်းချက်များ မိမိတို့ဌာနအနေဖြင့် လက်ရှိဆောင်ရွက်လျှက်ရှိသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီး၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ ပါပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ ဥပဒေ အခန်း(၁၈)ပါ ပုဒ်မ(၄၁)ပုဒ်မခွဲ(ခ)နှင့် (ဂ)တို့ပါ ကုန်စည်၏အမျိုးအမည် အရွယ်အစား၊ အရေအတွက်နှင့်အသား တင်ပမာဏ ထားသိုသိမ်း ဆည်းမှုအညွှန်းသုံးစွဲပုံနည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်၊ ကျန်းမာရေးဆိုင်ရာဘေးထွက်ဆိုးကျိုး (သို့)ဓါတ်မတည့် ကြောင်းဖော်ပြချက်နှင့် ကြိုတင် သတိပေးချက်များအား အသေးစိတ်ရှင်းလင်းဟောပြောခဲ့ပြီး ကျောင်းတွင် ရောင်းချနေသော ကျောင်းမုန့်ဈေးတန်း အဖွဲ့ဖြင့်သွားရောက်စစ်ဆေးပြီး မုန့်ဆိုင်ပိုင်ရှင်အား ဌာနမှထုတ် ပြန်ထားသော ဥပဒေ ညွှန်ကြားချက်များအား သိရှိလိုက်နာဆောင်ရွက်ကြရန် သက်တမ်းလွန်မုန့်များ၊ ဆိုးဆေးများအလွန်အကျုးပါဝင်သော အစားအသောက် များအား ရောင်းချခြင်းမပြုရန် မုန့်ဆိုင်ပိုင်ရှင်အား ရှင်းလင်းဆွေးနွေးခဲ့ပါသည်၊  ဟောပြောပွဲသို့ ဆရာ/ဆရာမ (၄)ဦး ကျောင်းသား/သူ(၅၀)ဦး၊ ပေါင်း(၅၄)ဦး တက်ရောက်ခဲ့ကြောင်း သိရှိရပါသည်။

DOCA (ဧရာဝတီ)

၃.၂.၂၀၂၅ ရက်နေ့ နံနက်(၁၀:၃၀)နာရီအချိန်တွင် ဧရာဝတီတိုင်းဒေသကြီး၊ မအူပင်ခရိုင် စားသုံးသူရေးရာဦးစီးဌာန၊ ခရိုင် ယာဉ်ထိန်းရဲတပ်ဖွဲ့ အဖွဲ့တို့ပူးပေါင်း မအူပင်ခရိုင် အစိုးရနည်းပညာ အထက်တန်းကျောင်းတွင် စားသုံးသူကာကွယ်ရေး ဥပဒေနှင့် အရေးကြီးကုန်စည် ဝန်ဆောင်မှုဥပဒေ၊ ယာဉ်စည်းကမ်း လမ်းစည်းကမ်း အကြောင်း တို့ကို ဟောပြောဆွေးနွေးခဲ့ပါသည်။

ဟောပြောဆွေးနွေးရာ မအူပင်ခရိုင် ဒုခရိုင်ဦးစီးမှူး ဦးအောင်ဇော်ဦးက အဖွင့်စကားပြော ကြားပြီးနောက် စားသုံးသူကာကွယ်ရေးဥပဒေနှင့် အရေးကြီးကုန်စည် ဝန်ဆောင်မှု ဥပဒေ အကြောင်း ကိုရှင်းလင်းဟောပြောရာ စားသုံးသူအခွင့်အရေးများနှင့် တာဝန်များအကြောင်း၊ ကုန်အညွှန်းအမှတ်အသားများအကြောင်းနှင့် စားသုံးသူ နစ်နာဆုံးရှုံးမှုများအား တိုင်ကြားနိုင်သည့် နည်းလမ်းများ အကြောင်း၊ အရေးကြီးကုန်စည်နှင့် ဝန်ဆောင်မှု ဥပဒေ အဓိပ္ပာယ်၊ အရေးကြီး ကုန်စည် ဝန်ဆောင်မှု များအကြောင်း၊ ပြစ်မှု ပြစ်ဒဏ်များအကြောင်း တို့ကို ရှင်းလင်း ဟောပြောဆွေးနွေးခဲ့ပြီး နောက်၊ ခရိုင် ယာဉ်ထိန်းရဲတပ်ဖွဲ့မှ ယာဉ်စည်းကမ်း လမ်းစည်းကမ်းများ အကြောင်းကို အသိပညာ ပေးဟောပြောခဲ့ ကြောင်း သိရှိရပါသည်။

DOCA (ဧရာဝတီ)

          ပုသိမ်ခရိုင်၊ ကန်ကြီးထောင့်မြို့နယ်၊ စားသုံးသူရေးရာဦးစီးဌာနမှ ဝန်ထမ်းများသည် မြို့နယ်စည်ပင်၊ မီးသတ်ဌာနများနှင့် ပူးပေါင်း၍ ၂၀၂၅ ခုနှစ်၊ ဖေဖော်ဝါရီလ ၃.၂.၂၀၂၅ ရက်နေ့၊ နံနက် (၁၀:၀၀) နာရီ အချိန်တွင် မြို့မဈေးအတွင်းရှိ ကုန်စုံဆိုင်များ၌ အသင့်စားမုန့်အမျိုးမျိုးတွင် ကုန်အညွှန်း အမှတ်အသားဆိုင်ရာ သတ်မှတ်ချက်များပြည့်စုံစွာ ဖော်ပြထားမှု ရှိ/မရှိ ဈေးကွက် စောင့်ကြည့်စစ်ဆေး ခြင်းများ ဆောင်ရွက်ခဲ့ကြောင်း သတင်းရရှိပါသည်။

          စားသုံးသူရေးရာဦးစီးဌာန၊ ကန်ကြီးထောင့်မြို့နယ်မှ ဝန်ထမ်းများသည် ကုန်မျိုးစုံဆိုင်များ၌ ရောင်းချလျက်ရှိသော အသင့်စားမုန့်အမျိုးမျိုးတို့တွင် ကုန်အညွှန်းအမှတ်အသားနှင့် ပတ်သက်သည့် အချက်များ ပြည့်စုံစွာဖော်ပြထားခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ပြီး စားသုံးသူ ကာကွယ်ရေး ဥပဒေ အခန်း(၁၈) ပါ ပုဒ်မ (၄)နှင့် (၄၃)တွင် ကုန်အညွှန်းအမှတ်အသားဖော်ပြရာ၌ ပါဝင်ရမည့် အချက်များ မြန်မာဘာသာဖြင့် ဖော်ပြရမည့်အချက်များကို ပြဋ္ဌာန်းထားပြီးဖြစ်ကြောင်း ကုန်အညွှန်း အမှတ်အသားများပြည့်စုံစွာဖော်ပြထားခြင်းမရှိသည့် ကုန်စည်များအား လုပ်ငန်းရှင်မှ ရောင်းချခြင်းမပြု ကြရန်နှင့် အထူးအလေးပေးလိုက်နာဆောင်ရွက်နိုင်ရေး ရှင်းလင်းပြော ကြားခဲ့ ကြောင်း သိရှိရပါသည်။

DOCA(ဧရာဝတီ)

             စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကျွန်းလှမြို့နယ် တာဝန်ခံရုံးသည့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှု ဖွံ့ဖြိုးတိုးတက်ရေးလုပ်ငန်းများအပြင် စားသုံးသူကာကွယ်ရေးလုပ်ငန်းများကိုလည်း ဆောင်ရွက်လျက်ရှိပါသည်။

             ကျွန်းလှမြို့နယ်တာဝန်ခံရုံးအနေဖြင့် ၂၀၂၅ ခုနှစ်၊ ဇန်နဝါရီလအတွင်း စားသုံးသူအကာအကွယ် ပေးရေးအသိပညာပေးဟောပြောဆောင်ရွက်ခြင်း(၁)ကြိမ်ဆောင်ရွက်ခဲ့ရာ ကျွန်းလှမြို့နယ်တာဝန်ခံသည် ၂၀၂၅ ခုနှစ် ၊ ဇန်နဝါရီလ (၈)ရက်နေ့ နံနက် (၀၉း၃၀) နာရီ အချိန်တွင် စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်၊ ဇီးတောကျေးရွာရှိ မူလတန်းကျောင်းတွင် စားသုံးသူအကာအကွယ်ပေးရေး အသိပညာပေးဟောပြောပွဲကျင်းပခြင်း ဆောင်ရွက်ခဲ့ပြီး အဆိုပါ မူလတန်းကျောင်းတွင် စားသုံးသူအခွင့်အရေးများ နေ့ဖြစ်ပေါ်လာပုံ၊ စားသုံးသူကာကွယ်ရေးဥပဒေပါ စားသုံးသူနှင့်စားသုံးသူကာကွယ်ရေး၏ အဓိပါယ်ဖွင့် ဆိုချက်၊ စားသုံးသူများအနေနဲ့ မဖြစ်အနေသိထားရမည့် စားသုံးသူအခွင့်အရေး(၈)ချက်၊ စားသုံးသူများ လိုက်နာဆောင်ရွက်ရမည့် တာဝန်(၄)ချက်၊ စားသုံးသူအကာကွယ်ပေးရေးဥပဒေအခန်း(၁၈)ပါ ကုန်အညွှန်းအမှတ်အသားများအကြောင်း တိုင်ကြားနိုင်သည့် နေရာများအား အကျယ်တဝင့် ရှင်းလင်းပြေားကြားခဲ့ပြီး အမိန့်ကြော်ငြာ စာအမှတ်(၂/၂၀၁၉)ပါ ကုန်အညွှန်းအမှတ်အသားနှင့် ပတ်သက်သည့် အသေးစိတ် စိစစ်ချက်များပါရှိသည့် လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)