သတင်းနှင့် လှုပ်ရှားမှုများ

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ မုံရွာခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားခြင်းရှိ/ မရှိ၊ စားသုံးသူများနေ့စဉ် အသုံးပြုလျက်ရှိသော ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ညွှန်ကြားချက်များနှင့်ကိုက်ညီမှုရှိ/မရှိ ဈေးကွက် စောင့်ကြည့်စစ်ဆေးခြင်းများ ဆောင်ရွက်လျက်ရှိပါသည်။ ဈေးကွက်စောင့်ကြည့်စစ်ဆေးရာတွင် မိတ်ဘက်ဌာနဆိုင်ရာများနှင့်ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရခန့် အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိကြောင်းသိရသည်။

           မုံရွာခရိုင်အနေဖြင့် (၁/၂၀၂၅) လအတွင်း ခရိုင်ဦးစီးမှူး၊ ခရိုင်ဦးစီးမှူးနှင့် မှဦးဆောင်၍ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် စားသုံးသူရေးရာဌာနခွဲတာဝန်ခံတို့သည် မုံရွာမြို့ပေါ်ရှိ ဆေးနင့်ဆေးပစ္စည်းအရောင်းဆိုင်များ၊ မုံရွာမြို့၊ ထန်းတောရပ်ကွက်ရှိ လူသုံးကုန်နှင့် စားသောက် ကုန်ပစ္စည်းအရောင်းဆိုင်များ၊  မုံရွာမြို့၊ နန္ဒဝန်ရပ်ကွက်ရှိ လူသုံးကုန်နှင့် စားသောက်ကုန်ပစ္စည်း အရောင်းဆိုင်များအား  ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ကြပြီးဌာန၏ ဥပဒေ၊ အမိန့်နှင့် ညွှန်ကြားချက်ပါအကြောင်းများကို အသိပညာပေးခြင်းများ ဆောင်ရွက်ခဲ့ကြကြောင်း သတင်းရရှိပါသည်။

           စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်တာဝန်ခံ ဦးမျိုးဝင်းသန်းသည်၂၀၂၅ ခုနှစ်၊ ဖေဖော်ဝါရီလ ၃ ရက် နံနက်(၁၀:၀၀)နာရီအချိန်တွင် ကန့်ဘလူမြို့နယ် ဆီကိုယ်စားလှယ်၏ မန္တလေးမြို့ရှိစားအုန်းဆီကုမ္ပဏီမှ ခွဲတမ်းရစားသုံးဆီ(၃၀)ပေပါ(သို့)ပိဿာ ၃၃၀၀ ရောက်ရှိမှုအား ကွင်းဆင်းစစ်ဆေးခဲ့ကြောင်း သိရသည်။

            ထိုသို့ကွင်းဆင်းစစ်ဆေးခဲ့ရာတွင် ကန့်ဘလူမြို့နယ် ဆီကိုယ်စားလှယ်မှ ခွဲတမ်းရရှိလာသောစားအုန်းဆီများကို ရည်ညွှန်းဈေး၊ သယ်ယူပို့ဆောင်ခကုန်ကျစရိတ်နှင့် ၂% အမြတ်တို့ဖြင့် လက်လီ/ လက္ကားဆိုင်များသို့ ခွဲဝေရောင်းချပေးသွားမည်ဖြစ်ကြောင်း၊ လက်လီ/ လက္ကားဆိုင်များမှ စားသုံးသူပြည်သူများသို့ ၂% အမြတ်ဖြင့် ပြန်လည်ရောင်းချပေးသွားမည်ဖြစ်ကြောင်း စားအုန်းဆီခွဲတမ်းရရှိသော လက်လီ/ လက္ကားကိုယ်စားလှယ်ထံမှ သတင်းရရှိပါသည်။

DOCA(စစ်ကိုင်း)

          ပဲခူးတိုင်းဒေသကြီး၊သာယာဝတီခရိုင်၊အုတ်ဖိုမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့်ဝန်ထမ်းများသည် ၄.၁.၂၀၂၅ ရက်နေ့နံနက် (၁၁:၃၀)အချိန်တွင် မြို့နယ်ဆီကုန်သည် အသင်း အဖွဲ့မှဥက္ကဌ၊ စည်ပင်သာယာရေးအဖွဲ့တို့နှင့်ပူးပေါင်း၍ အုတ်ဖို့မြို့နယ်မြို့မဈေးကြီးအတွင်းရှိ ဆီ ရောင်းချသောကုန်စုံဆိုင်ကြီးများအား ရှောင်တခင်ဝင်ရောက်၍ ဈေးကွက်စောင့်ကြည့်စစ်ဆေး ခြင်း ဆောင်ရွက်ခဲ့ပါသည်။

          ဈေးကွက်အတွင်းစားသုံးဆီရောင်းချလျက်ရှိသော ဆီကုန်သည်ကြီးများသည် ကုန်အမှတ် တံဆိပ်ပြည့်စုံစွာပါရှိသော ဆီများနှင့်စားအုန်းဆီ၊ပဲဆီ၊နှမ်းဆီများရောင်းချလျက်ရှိပြီး ရောနှောဆီ များရောင်းချခြင်းလုံးဝမရှိကြောင်းစစ်ဆေးတွေ့ရှိရပါသည်။

          ယခုဇန်နဝါရီလတတိယပတ်တွင် ရောင်းဝယ်နေသောဈေးနှုန်းများမှာ စားအုန်းဆီ(၁)ပိဿာ လျှင် ၇၉၅၀ ကျပ်/၊ရွှေခေတ္တရာပဲဆီသန့်(၁)ပိဿာလျှင် ၁၆၀၀၀/ကျပ်၊Lotus ၅၀ကျပ်သား(၁)ဗူး လျှင် ၇၀၀၀ကျပ်/၊Duck တံဆိပ်ဟင်းရွက်ဆီ(၁)ပိဿာလျှင် ၁၅၀၀၀ကျပ်နှင့် အမေသီတာ(၁)ပိဿာ လျှင် ၁၅၅၀၀/ကျပ်တို့ဖြစ်ကြောင်းစုံစမ်းသိရှိရပါသည်။

DOCA(ပဲခူး)

စားသုံးသူပြည်သူများအား ထုတ်ကုန်လုံခြုံစိတ်ချရမှုရှိစေရေး ဘေးအန္တရာယ်ရှိသော ကုန်စည် များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပြဌာန်းချက်ပါ ကုန်စည် များတွင် မြန်မာဘာသာဖြင့် ကုန်အညွှန်းအမှတ်အသား ဖေါ်ပြထားမှုအခြေအနေ တို့နှင့် စပ်လျဉ်း၍ သက်ဆိုင်ရာ မိတ်ဖက်ဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်း လုပ်ငန်းများ ဆောင်ရွက်လျက်ရှိရာ ၂၀၂၅ ခုနှစ်၊ ဇန်နဝါရီလ (၁၅)ရက်နေ့မှ (၃၀)ရက်နေ့ အတွင်းတွင် ပြည်ခရိုင်၊ ပြည်မြို့တွင် ကျောင်းကြီးအိုးတန်းရပ်ကွက်၊ ရွာဘဲရပ်ကွက်၊ ဆံတော်ရပ်ကွက်များရှိ လျှပ်စစ်ပစ္စည်း အမျိုးမျိုးအရောင်းဆိုင်များသို့ သွားရောက်၍ အိမ်တွင်းလျှပ်စစ်ပစ္စည်း အမျိုးမျိုးကို လည်းကောင်း၊ ရွှေတောင်မြို့နယ်တွင် ကြာနီကန်ရပ်ကွက်ရှိ အိမ်တွင်းလျှပ်စစ်ပစ္စည်းရောင်းချသည့် ဆိုင်များ၊ မြို့မ ဈေးရှိ စားသုံးဆီအမျိုးမျိုးနှင့် အလှကုန်ပစ္စည်းရောင်းချသည့် ဆိုင်များသို့ လည်းကောင်း၊ ပန်းတောင်း မြို့နယ်ရှိ မြို့ပေါ်ရပ်ကွက်၊ အိမ်သုံးလျှပ်စစ်ပစ္စည်းအရောင်းဆိုင်များနှင့် ဥသျှစ်ပင်မြို့ပေါ် ကုန်စုံဆိုင် များရှိ စားသုံးဆီအမျိုးမျိုးကိုလည်းကောင်း၊ သက်ဆိုင်ရာ မြို့နယ် တာဝန်ခံနှင့် ဝန်ထမ်းများသည် သွားရောက်၍ ကုန်အညွှန်း အမှတ်အသားပါ သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချခြင်း ရှိ/မရှိ၊ သက်ဆိုင်ရာဌာန၏ ထောက်ခံမှု ရှိ/မရှိ ဈေးကွက် စောင့်ကြည့်စစ် ဆေးခဲ့ပါကြောင်းနှင့် စောင့်ကြည့်စစ်ဆေးခဲ့သည့် ကုန်စည်များတွင် ကုန်အညွှန်းအမှတ်အသား ဖေါ်ပြချက်များနှင့် ကိုက်ညီမှုရှိပါကြောင်း သတင်းရရှိပါသည်။

DOCA(ပဲခူး)

စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာ သုံးစွဲနိုင်ရေးအတွက် ခရိုင်အတွင်းရှိ  ထုတ်လုပ်လျက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ် အသားများ ပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ ဆောင်ရွက်လျှက် ရှိရာ ပြည်ခရိုင်အတွင်း ၂၀၂၅ ခုနှစ်၊ ဇန်နဝါရီလ (၁၅)ရက်မှ(၃၀)ရက် အတွင်း ပြည်မြို့နယ်၊ ကျောင်းကြီးအိုးတန်းရပ်ကွက်၊ ရွှေဘုန်းပွင့်ဘုရားလမ်းရှိ ဒေါ်သန်းသန်း၊ လက်ဖက်စို/ခြောက်နှင့် အကြော်စုံလုပ်ငန်း၊ နဝဒေးရပ်ကွက်၊ ဦးထွန်းထွန်းဦး၏ ရွှေဝါထွန်းကောက်စိုက်စက် ထုတ်လုပ်သည့် လုပ်ငန်း၊ တီတွတ်စံပြကျေးရွာရှိ ဦးအောင်ဌေး၏ (၅၅၄)ဆန်စက်၊ ခေတ္တရာမြို့သစ်၊ အနောက်မြို့ပတ် (၂)လမ်းရှိ ဒေါ်နီနီမြင့်၏ နန်းမြင့်အိမ်ဆောက်ပစ္စည်းဆိုင်၊ နဝဒေးရပ်ကွက်ရှိ ဦးမြင့်သန်း၏ မျှစ်လုပ်ငန်း၊ ပြည်-အောင်လံလမ်း၊ တာဂွရှိ ဒေါ်အေးသက်ခိုင်၏ မိဘဂုဏ်ရည် စိုက်ပျိုးရေးပစ္စည်းအရောင်းဆိုင်၊ ကျောင်းကြီးအိုးတန်းရပ်ကွက်ရှိ ဦးအောင်သူရ၏ နေလ စိုက်ပျိုးရေးပစ္စည်းဆိုင်များသို့လည်းကောင်း၊ ရွှေတောင်မြို့နယ်တွင် ကြာနီကန်ရပ်ကွက်၊ ကင်ပွန်းခြုံလမ်းရှိ ဦးဇော်ဝင်း၏ လင်းရောင်ခြည်ယိုလုပ်ငန်းသို့ လည်းကောင်း၊ ပန်းတောင်း မြို့နယ်တွင် ဥသျှစ်ပင်ဈေးရှေ့ရှိ ဦးဝင်းဌေး၏ ပေါပြည့်ဝ ဆန်အရောင်းဆိုင်နှင့် ဦးဘိုစံ၏ ဇူဇင်တိုး ဆန်အရောင်းဆိုင်တို့သို့လည်းကောင်း၊ ပေါက်ခေါင်းမြို့နယ်တွင် အမှတ်(၄)ရပ်ကွက်ရှိ ဒေါ်ဆိတ်မ၏ ဣစိ္ဆတံမုန့်လုပ်ငန်းသို့လည်းကောင်း၊ သက်ဆိုင်ရာမြို့နယ်တာဝန်ခံနှင့် ဝန်ထမ်းများသည် သွား ရောက်၍ မိမိတို့ ဖြန့်ဖြူး ရောင်းချလျက်ရှိသော ကုန်စည်များတွင် အရည်အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာ ဖြန့်ဖြူးရောင်းချမှုရှိစေရေး၊ စီးပွားရေး ကျင့်ဝတ်၊ စည်းကမ်းနှင့်အညီ ထုတ်လုပ် ရောင်းချမှုရှိစေရေး၊ ကုန်စည်အလိုက် ဖေါ်ပြရမည့် ကုန်အညွှန်း အမှတ်အသားများ၊ ပြည့်စုံ မှန်ကန်စွာဖေါ်ပြမှုရှိစေရေး လိုက်နာဆောင်ရွက်ကြရန်နှင့် နောက်ပိုင်း ကာလများတွင် ကွင်းဆင်း စစ်ဆေးမှုများနှင့်အတူ အရေးယူဆောင်ရွက်မှုများ ပြုလုပ် ဆောင်ရွက်သွားမှာဖြစ်သည့် အတွက် စီးပွားရေးလုပ်ငန်းရှင်များ အနေဖြင့် အထူးအလေးထား လိုက်နာဆောင်ရွက်ကြရန် ရှင်းလင်း ဆွေးနွေးပြောကြားခဲ့ကြောင်း သတင်းရရှိပါသည်။

DOCA(ပဲခူး)