သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၄.၂.၂၀၂၅ ရက်နေ့ နံနက်(၉:၃၀)အချိန်တွင် အင်းစိန်ဈေးစည်ပင်သာယာရေးအဖွဲ့နှင့်အတူ အင်းစိန်ဈေး အတွင်းရှိ အခြေခံစားသောက်ကုန်များ၏ ဈေးနှုန်းအခြေအနေများကို စာရင်းကောက်ယူစုံစမ်း စစ်ဆေးခဲ့ပါ သည်။

စာရင်းကောက်ယူခဲ့သည့် အခြေခံစားကုန်များတွင် ဆန်ကြမ်း/ဆန်ချောနှင့် စားအုန်းဆီ တို့မှာ သက်ဆိုင်ရာဌာန/အသင်းအဖွဲ့များမှ သတ်မှတ်ပေးထားသည့် ရည်ညွှန်းဈေးနှုန်းအပေါ် အခြေခံ ရောင်းချရသဖြင့် ဈေးကွက်အတွင်း ဈေးနှုန်းအဆမတန်ကြီးမြင့်မှုမရှိဘဲ ကြက်ဥ ဈေးနှုန်းမှာလည်း အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးကော်မတီ၏ ကြီးကြပ်မှုဖြင့် ရောင်းချ ပေးခြင်းတို့ကြောင့် စားသုံးသူများအနေဖြင့် ဈေးနှုန်းချိုသာစွာ ဝယ်ယူ စားသုံးနိုင်ကြောင်း တွေ့ရှိရ ပါသည်။ အခြားအခြေခံစားသောက်ကုန်များအနေဖြင့် ဈေးကွက် အတွင်း ကုန်ပစ္စည်းပုံမှန်ဝင်ရောက်လျက်ရှိပြီး ပစ္စည်းပြတ်လပ်မှုမရှိပဲ အမှန်တကယ်ဖြစ်ပေါ် နေသည့်ဈေးကွက်ဆိုင်ရာ ဈေးနှုန်းအခြေ အနေများကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

၄.၂.၂၀၂၅ ရက်နေ့ နံနက်(၁၀:၃၀)အချိန်တွင် စားသုံးသူရေးရာဦးစီးဌာန၊ မှော်ဘီမြို့နယ် ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးပါ (၂)ဦးတို့သည်  တပ်ကြီးကုန်းနှင့်ပြည်လမ်းမပေါ်ရှိ ဆန်အရောင်း ဆိုင်များသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးရာတွင် ဆန်ဆိုင်များဖြစ်သော ဦးအောင်ဝင်း၊ ဒေါ်ကျော့ကေခိုင် နှင့် ဒေါ်ပပဝင်းဆိုင်တို့တွင် ရွှေဘိုပေါ်ဆန်း၊ ရက် (၉၀)၊ သုခ၊ ဧရာဝတီပေါ်ဆန်းနှင့် သုခဆန်များ တွင် မြန်မာနိုင်ငံဆန်စပါးအသင်းချုပ်မှ သတ်မှတ်ရည်ညွှန်းဈေးအတိုင်းရောင်းချလျက်ရှိပြီး ဆန်အရည် အသွေးများလည်း မှန်ကန်မှုရှိကြောင်း စစ်ဆေးတွေ့ရှိရပြီး ရောင်းချနေသော ဆန်များကို ဈေးနှုန်း မြှင့်တင်ရောင်းချမှု မရှိစေရေးနှင့် ရောင်းချခြင်းတွေ့ရှိပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူခြင်းခံရမည်ဖြစ်ကြောင်း အသိပညာပေးပြောကြား ခဲ့ကြောင်း သိရှိရပါသည်။

DOCA(ရန်ကုန်)

၃.၂.၂၀၂၅ ရက်နေ့ နံနက် (၉:၄၅)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးနှင့်ဝန်ထမ်းများသည် အမှတ်(ဈ)/၂)၊ နံ့သာကုန်းရပ်ကွက်၊ သာယာကုန်းလမ်း၊ အင်းစိန်မြို့နယ်ရှိ ဂုဏ်ရည်ဆေးတိုက်သို့ အွန်လိုင်းမှတ်ပုံတင်မြေပြင် စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/မရှိကို ကွင်းဆင်းစစ်ဆေးဆောင်ရွက် ခဲ့ပါသည်။

ထိုသို့ ကွင်းဆင်းစစ်ဆေးရာတွင် ဒေါ်နီလာဝင်း၊ ဦးစီးမှူးက ဂုဏ်ရည်ဆေးတိုက်ပိုင်ရှင် ဦးသန်းထိုက်အောင်နှင့်တွေ့ဆုံကာ အွန်လိုင်းစနစ်ဖြင့် ရောင်းချခြင်းလုပ်ငန်းများ၊ လျှောက်လွှာ နှင့် မြေပြင်စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/မရှိတို့ကို စစ်ဆေးခဲ့ပြီး စားသုံးသူ ကာကွယ်ရေးဥပဒေပါ အခန်း(၁၈)တွင် ကုန်အညွှန်းအမှတ်အသားနှင့်ပတ်သက်၍ ရှင်းလင်းဆွေးနွေး ခဲ့ကြောင်း သိရှိရပါသည်။

DOCA(ရန်ကုန်)

ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှုအရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ဦးဇော်မင်းလတ် ခရိုင်ဦးစီးမှူး ဦးဆောင်သောပူးပေါင်းအဖွဲ့သည်  ၂၈.၁.၂၀၂၅ ရက်နေ့ မှ ၃.၂.၂၀၂၅ ရက်နေ့ အထိ ကမ်းရိုးတန်းသွားရေယာဉ်များဆိုက်ကပ်သည့် ဆိပ်ကမ်းများဖြစ်သော သိန်းဦးဆိပ်ကမ်း၊ ဝါးတန်း ဆိပ်ကမ်း၊ ချောင်းဝဆိပ်ကမ်း၊ ထူးဆိပ်ကမ်း၊ နိုင်ဂရုဆိပ်ကမ်း၊ ဘုရင့်နောင်ဆိပ်ကမ်းများအား အကောက်ခွန် ဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီး ဌာန၊ မြန်မာ့ဆိပ်ကမ်းအာဏာပိုင်၊ အမှတ်(၃) ရေကြောင်းရဲတပ်ဖွဲ့စသည့် ပူးပေါင်းအဖွဲ့များဖြင့် ပူးပေါင်း၍ ရေယာဉ်များတွင် တင်ဆောင်ထားသောတင်ဆောင်ကုန်များအား ရှောင်တခင် ဝင်ရောက် စစ်ဆေးခဲ့ပြီး လက်နက်ခဲယမ်းများ တင်ဆောင်မှုမရှိစေရေးအတွက် ရဲတပ်ဖွဲ့နှင့်ပူးပေါင်း၍ စစ်ဆေးမှုများပြုလုပ်ခဲ့ကြောင်းသိရှိရပါသည်။

DOCA(ရန်ကုန်)

          ၂၀၂၅ ခုနှစ် ၊ ဖေဖော်ဝါရီလ ၄ ရက်နေ့၊ (၁၃း၄၅)နာရီ အချိန်တွင် ထားဝယ်မြို့၊ စားသုံးသူရေးရာ ဦးစီဌာန၊တနင်္သာရီတိုင်းဒေသကြီးဦးစီးမှူးရုံးမှ စစ်ဆေးရေးအရာရှိနှင့်ဝန်ထမ်းများသည် အွန်လိုင်းရောင်း ချမှုနှင့်စပ်လျဥ်း၍ မှတ်ပုံတင်လျှောက်ထားသည့် ထားဝယ်မြို့ပေါ်ရှိ အလှကုန်နှင့်ဆံပင်အားဖြည့်ဆီ၊ ကုန်စည်ပို့ဆောင်ရေး၊ အဝတ်အထည်နှင့်အလှကုန်ပစ္စည်းများ ရောင်းချလျက်ရှိသည့် Online လုပ်ငန်း များအား မြေပြင်စစ်ဆေးခြင်းဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် စစ်ဆေးရေးအရာရှိမှ အွန်လိုင်းမှတ်ပုံတင်စနစ်တွင် မှတ်ပုံတင်ထား ရှိသည့်အချက်အလက်များအား မြေပြင်စစ်ဆေးရာတွင် ကိုက်ညီမှုများ ရှိ/မရှိနှင့် အခြားလိုအပ်သည့် အချက်အလက်များ ပြည့်စုံမှန်ကန်မှု ရှိ/မရှိ အား DOCA Application  အသုံးပြု၍ စစ်ဆေးခြင်းနှင့် စားသုံးသူကာကွယ်ရေးဥပဒေပါ စားသုံးသူအခွင့်အရေး၊ တာဝန်များ၊ စီးပွားရေးလုပ်ငန်းရှင်များ လိုက်နာ ရမည့် တာဝန်များ အကြောင်း၊ ကုန်အညွှန်းအမှတ်အသား ဖော်ပြခြင်းဆိုင်ရာများနှင့် ပတ်သက်၍လည်း ရှင်းလင်းဆွေး နွေးခဲ့ကြောင်းသိရှိရပါသည်။