သတင်းနှင့် လှုပ်ရှားမှုများ

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၊ ခရိုင်ဦးစီးမှူးတို့၏ လမ်းညွှန်မှုဖြင့် သရက်ခရိုင်၊ သရက်မြို့နယ်တာဝန်ခံ ဦးအုန်းမြင့်၊ ဦးစီးမှူးဦးဆောင်သော ဝန်ထမ်း များသည် ပြည်တွင်းဒေသဖွံ့ဖြိုးရေး၊ ကုန်စည်နှင့်ဝန်ဆောင်မှုများ လုံခြုံစိတ်ချရမှု ရှိစေရေးအတွက် (၁၆-၁၂-၂၀၂၃)ရက်နေ့၊ နံနက်(၀၉း၀၀)နာရီအချိန်တွင် မြခဲတောင်ကျောင်းတိုက်အနီးရှိ ‘ရွှေကမ္ဘာ’ အမှတ်တံဆိပ်ဖြင့် ထုတ်လုပ်ရောင်းချနေသော  ပဲကြော်လုပ်ငန်းရှင် ဦးစိုးလွင်၊ အနောက်ရပ်တောင် ပိုင်း၊ အောင်သီရိရပ်ကွက်ရှိ ‘ရွှေပန်ဒါ’ အမှတ်တံဆိပ်ဖြင့် ထုတ်လုပ်ရောင်းချနေသောပဲကြော်ဖို လုပ်ငန်းရှင် ဦးခင်ဇော်ဝင်းနှင့် ‘ဇာမဏီ’ အမှတ်တံဆိပ်ဖြင့် ထုတ်လုပ်ရောင်းချနေသော ပဲကြော်ဖို လုပ်ငန်းရှင် ဦးရင်မောင်ထွန်းတို့အားတွေ့ဆုံ၍လုပ်ငန်းသုံး စားအုန်းဆီများ အမှန်တကယ်သုံးစွဲမှု ရှိ/မရှိ၊ လုပ်ငန်းများ အမှန်တကယ်ဆောင်ရွက်ခြင်းရှိ/မရှိတို့အား လိုက်လံကြည့်ရှု့စစ်ဆေးခဲ့ပြီး စားသုံးသူများဝယ်ယူ သုံးစွဲရာတွင် ဘေးကင်းလုံခြုံစိတ်ချရမှုရှိစေရေး ကုန်အညွှန်းအမှတ်အသား ပြည့်စုံသည့် ကုန်စည်များ ထည့်သွင်း ထုတ်လုပ်နိုင်ရေးအတွက် အသိပညာပေးဆွေးနွေးခဲ့ပါသည်။

       ထိုသို့တွေ့ဆုံဆွေးနွေးရာတွင် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ လိုက်နာရမည့်အချက်များအကြောင်း၊ ကုန်စည်များထုတ်ပိုးရာတွင် ကုန်အညွှန်းအမှတ် အသားများပြည့်စုံစွာ ထည့်သွင်းဖော်ပြစေလိုကြောင်း၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ကုန်အညွှန်းအမှတ်အသားဖော်ပြခြင်းဆိုင်ရာ အမိန့်ညွှန်ကြားချက်အမှတ် (၂/၂၀၁၉) ထုတ်ပြန်ထားရှိခြင်းအကြောင်း၊  ကုန်အညွှန်းအသားပြည့်စုံစွာ ထုတ်လုပ်ရောင်းချခြင်း သည် မိမိတို့၏ ကုန်စည်နှင့်ဝန်ဆောင်မှုများအား အာမခံချက်အပြည့်အဝရရှိစေပြီး ဈေးကွက်တွင်လည်း ပိုမိုတွင်ကျယ် စွာ ရောင်းဝယ်ဖောက်ကားလာနိုင်မည်ဖြစ်ပါကြောင်း အသိပညာပေးဆွေးနွေးပြောကြားခဲ့ကြောင်း သိရှိ ရပါသည်။

DOCA(မ‌ကွေး)

    ပဲခူးတိုင်ဒေသကြီး၊ ပြည်ခရိုင်၊ ရွှေတောင်မြို့နယ်ရှိ စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ မြို့နယ်တာဝန်ခံနှင့်ဝန်ထမ်းများသည် (၁၉-၁၂-၂၀၂၃) ရက်နေ့၊ နေ့လယ် (၁၃:၀၀)နာရီ အချိန်တွင် အ.လ.က (ခ.လ.ရ -၁၄) စာသင်ကျောင်းသို့သွားရောက်၍ စားသုံးသူအသိပညာပေးဆွေးနွေးဟောပြောခဲ့ပါသည်။

       ထိုဆွေးနွေးဟောပြောပွဲတွင် ရွှေတောင်မြို့နယ် စားသုံးသူရေးရာဦးစီးဌာနမှ ဒေါ်ယဉ်ယဉ်ဆင့် (ဒု-ဦးစီးမှူး)က စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူများနစ်နာဆုံးရှုံးမှုမရှိစေရေးနှင့် နစ်နာဆုံးရှုံးမှုဖြစ်ပေါ်လာပါက စားသုံးသူကာကွယ်ရေးဥပဒေပြဋ္ဌာန်းထားရှိကြောင်း၊ စားသုံးသူကာကွယ်ရေးဥပဒေတွင်ပါရှိသော ကုန်အညွှန်းအမှတ်အသားများအကြောင်းရှင်းလင်းခြင်း၊ စားသုံးသူနစ်နာဆုံးရှုံးမှုဖြစ်ပေါ်လာပါက တိုင်ကြားနိုင်ကြောင်း၊ တိုင်ကြားရန်နည်းလမ်းများကိုလည်း ရှင်းလင်းဆွေးနွေးဟောပြောခဲ့ပါသည်။ အဆိုပါဆွေးနွေးဟောပြောပွဲသို့ ဆရာ/ဆရာမ နှင့် ကျောင်းသား/ကျောင်းသူစုစုပေါင်း (၂၈၇)ဦးတက်ရောက်ခဲ့ကြောင်းသိရှိရပါသည်။

DOCA(ပဲခူး)

          မကွေးတိုင်းဒေသကြီးအတွင်း ထုတ်လုပ်သည့် ပဲဆီ/ နှမ်းဆီများအား စားအုန်းဆီများနှင့် ရောနှော၍ ရောဆီအဖြစ် ခွက်မှောက်ခွက်လှန်စနစ်ဖြင့် ရောင်းချခဲ့ရာ ယခုအခါတွင် စားသုံးသူများ အပေါ် လိမ်လည်လှည့်ဖျားခြင်းမရှိစေရန် ပဲဆီ/ နှမ်းဆီ/ စားအုန်းဆီဟုသာ ရောင်းချစေပြီး စားသုံး သူများ၏မျက်ကွယ်တွင် ရောဆီအဖြစ် ရောစပ်၍ရောင်းချနေမှုမရှိစေရန်၊ စားသုံးသူတောင်းဆို သည့်အတိုင်း ပဲဆီ/ နှမ်းဆီနှင့် စားအုန်းဆီတို့ကို စားသုံးသူ၏ ရှေ့မှောက်တွင် ရောစပ်ရောင်းချရန်၊ ခွက်မှောက် ခွက်လှန်စနစ်ဖြင့် ရောင်းချရာတွင် ဆီထည့်သည့် ပုံးများအား စတီးလ်ပုံးများဖြင့် အဖုံးများဖုံးအုပ်၍ ရောင်းချသွားရန်၊ စားအုန်းဆီများရောင်းချရာတွင်လည်း ကုန်ဈေးနှုန်းကြီး မြင့်ရောင်းချမှုမရှိစေရေးနှင့် ပစ္စည်း ပြတ်လပ်မှုမရှိစေရေးတို့အား အသိပေး ဆွေးနွေးခြင်းများကို စဉ်ဆက်မပြတ်ဆောင်ရွက်ခဲ့ပြီး လိုက်နာမှုရှိ/ မရှိအား ကွင်းဆင်းစစ်ဆေးခြင်းမျာအား လစဉ် ဆောင်ရွက်လျက်ရှိပါသည်။

          ထိုသို့ဆောင်ရွက်ရာတွင် ၂၀၂၃ခုနှစ်၊ ဒီဇင်ဘာလအတွင်း စားသုံးဆီအရောင်းဆိုင်များသို့ ကွင်းဆင်းစစ်ဆေးရာတွင် မကွေးမြို့ ကန်သာဈေးတွင် (၁)ကြိမ်၊ ချောက်မြို့ စည်ပင်သာယာ ဈေးတွင်(၁)ကြိမ်၊ တောင်တွင်းကြီးမြို့ မောင်းတိုင်(၁/ ၂) ရပ်ကွက်ရှိ ကုန်စုံဆိုင်များတွင် (၁)ကြိမ်၊ မင်းဘူးမြို့၊ စည်ပင်သာယာဈေး တွင် (၁)ကြိမ်၊ ပွင့်ဖြူမြို့၊ စည်ပင်သာယာဈေးတွင် (၁)ကြိမ်၊ စလင်း (ဆင်ဖြူကျွန်း) စည်ပင်သာယာ ဈေးတွင် (၁)ကြိမ်၊ အောင်လံမြို့ မြို့မ စည်ပင်သာယာဈေးတွင် (၁)ကြိမ်၊ ကံမမြို့ အမှတ်-၄ရပ်ရှိ စားသုံးဆီအရောင်းဆိုင်များတွင် (၁)ကြိမ်၊ ဆင်ပေါင်ဝဲမြို့၊ မြို့မ စည်ပင်သာယာဈေးတွင် (၁)ကြိမ်၊ သရက်မြို့ဈေးရပ်ရှိ စားသုံးဆီနှင့် ကုန်မျိုးစုံအရောင်းဆိုင်များ တွင် (၁)ကြိမ်၊ ပခုက္ကူခရိုင်ဦးစီးမှူးရုံးအနေဖြင့် ပခုက္ကူမြို့ အမှတ်-၁၁ ရပ်နှင့် မြို့မဈေးတွင် (၁)ကြိမ်၊ ဆိပ်ဖြူမြို့၊  ပတ္တမြားဈေးတွင် (၁)ကြိမ်၊ စုစုပေါင်း (၁၂)ကြိမ် ဆောင် ရွက်နိုင်ခဲ့ပါသည်။

          ကွင်းဆင်းစစ်ဆေးခြင်းများ ဆောင်ရွက်ခဲ့ရာတွင် မကွေးတိုင်းဒေသကြီးအတွင်း ဈေးကွက် များ၌ ရောင်းချလျှက်ရှိသော ဘူးသွပ်ဆီများဖြစ်ကြသည့် (Meizan, Lotus, Goody, Duck, Good Choice, Cook, ရွှေအုံ, ပွင့်ဖြူ, ငွေဇင်ယော်, ရွှေလမင်း, အမေထွား) စသည့်အမှတ်တံဆိပ်များတွင် ကုန်အညွှန်းအမှတ်အသား ပြည့်စုံစွာဖော်ပြထားရှိပြီး FDA ထောက်ခံချက်များပါရှိသည်ကို စစ်ဆေး တွေ့ရှိရကြောင်း သတင်းရရှိပါသည်။

DOCA(မကွေး)

            ဧရာဝတီတိုင်းဒေသကြီး စားသုံးသူရေးရာဦးစီးဌာန၊ လပွတ္တာခရိုင် မော်ကျွန်းမြို့နယ် တာဝန်ခံ ဦးမင်းဇော်လတ်သည် (၂၀.၁၂.၂၀၂၃)ရက်နေ့ နံနက်(၁၀:၀၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေး ဦးစီးဌာနတို့နှင့် ပူးပေါင်းကာ စားသုံးသူ ပြည်သူများအား မော်ကျွန်းမြို့နယ် ပြန်ကြားရေးနှင့် ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူ အသိပညာပေး  Talk  Show  ပြုလုပ်ခဲ့ပါသည်။

            ထိုသို့ပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ  စားသုံးသူ အသိပညာပေး Talk Show ပြုလုပ်ရခြင်း၏ရည်ရွယ်ချက်အားရှင်းလင်းပြောကြားပြီး၊ စားသုံးသူ ရေးရာဦးစီးဌာန မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များအား ရှင်းလင်း ပြောကြားခဲ့ပြီး၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါပြဌာန်းချက်များမှ အခန်း (၉)ပါ စားသုံးသူ၏အခွင့်အရေးနှင့် တာဝန်များ၊ ဥပဒေအခန်း(၁၀)ပါ စီးပွားရေး လုပ်ငန်းရှင်၏တာဝန်များနှင့် ဥပဒေ အခန်း(၂၃)ပါ တားမြစ်ချက်များ၊ ဥပဒေ အခန်း(၂၄)ပါ ပြစ်မှုပြစ်ဒဏ်များ၊ ဥပဒေအခန်း(၁၈)ပါ ကုန်အညွှန်း အမှတ်အသား ဖော်ပြခြင်းနှင့်စပ်လျဉ်း၍ မည်သည့် စီးပွားရေး လုပ်ငန်းရှင် မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ အခြား ဘာသာတစ်ခု(သို့) တစ်ခု ထက်ပို၍ တွဲလျှက် ဖြစ်စေ၊ ရေးသားဖော်ပြရမည်ဖြစ်ပြီး၊ ကုန်စည်အမျိုးအစား အလိုက် သတ်မှတ်ထားသည့် ဥပဒေများ နှင့်အညီ လိုက်နာဆောင်ရွက်ကြရန် ဥပဒေတားမြစ်ချက်များအား လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွား မည်ဖြစ်ကြောင်း စီးပွားရေး လုပ်ငန်းရှင်များအနေဖြင့် ဥပဒေပါ အချက် အလက်များသိရှိလိုပါက မြို့နယ် စားသုံးသူတာဝန်ခံရုံးတွင် လည်းကောင်း၊ စားသုံးသူရေးရာဦးစီးဌာနရုံးချုပ်၏ www.doca. gov.mm web site တွင် ဝင်ရောက် လေ့လာနိုင်ပါကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံ ဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေးဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

      မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်အတွင်းရှိ ဆေးဆိုင်နှင့်ကုန်စုံဆိုင်များအား မကွေးတိုင်းဒေသကြီး၊ အစားအသောက်နှင့် ဆေးဝါးကွပ်ကဲရေး ဦးစီးဌာန(FDA)မှ  ဦးစီးအရာရှိ  ဒေါ်ဖူးလှိုင်ညွန့်ဦး၊ ဦးစီးအရာရှိ ဦးဝေလင်းဦးဆောင်၍ မြို့နယ် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးစစ်ငြိမ်းအေး၊ မြို့နယ်ဆရာဝန်ကြီး ဒေါက်တာမျိုးသက်ဦးနှင့် ကျန်းမာရေးဝန်ထမ်းများ၊ မြို့နယ်ရဲတပ်ဖွဲ့မှူး ရဲမှူးဝင်းသန်း၊ မြို့နယ်စည်ပင်သာယာရေးအဖွဲ့ဦးစီးအရာရှိ ဒေါ်လတ်လတ်ဌေး ၊ မြို့နယ်စားသုံးသူရေး ရာဦးစီးဌာန၊ မြို့နယ်တာဝန်ခံ ဒေါ်မြတ်မြတ်မိုးတို့ ပူးပေါင်း၍ (၂၀.၁၂.၂၀၂၃)ရက်နေ့၊ နံနက်(၁၁း၀၀)နာရီအချိန်တွင်ဆေးဆိုင်နှင့်ကုန်စုံဆိုင်များ၌ ရောင်းချသော ဆေးဝါးနှင့်စားသောက်ကုန်များတွင် အညွှန်းများ တပ်ဆင်မှု ရှိ/မရှိ  သက်တမ်းလွန်စားသောက်ကုန်များ ရောင်းချမှုရှိ/ မရှိနှင့် (FDA)မှ တားမြစ်ထားသော ဆေးဝါးနှင့်စားသောက်ကုန်များအား ရောင်းချခြင်း ရှိ/မရှိကို ကွင်းဆင်းစစ်ဆေးခဲ့ကြောင်း သိရပါသည်။

    ထိုသို့ကွင်းဆင်းစစ်ဆေးရာတွင် ဈေးကွက်အတွင်းရောင်းချနေသော ဆေးဝါးနှင့် စားသောက်ကုန် ပစ္စည်းများအား ဝယ်ယူသုံးစွဲကြသော စားသုံးသူမိဘပြည်သူများအနေဖြင့် ဘေးဥပါဒ်ကင်းရှင်းစွာ သုံးစွဲနိုင်စေရန်၊ သတင်းအချက်အလက်များ ပြည့်စုံမှန်ကန်စွာ ဖော်ပြထားသော အရည်အသွေးပြည့်မီသော ဆေးဝါးနှင့် ကုန်ပစ္စည်းများကိုသာ ဝယ်ယူသုံးစွဲနိုင်စေရန်၊ မြန်မာနိုင်ငံအစားအသောက်နှင့်ဆေးဝါး ကွပ်ကဲရေးဥပဒေနှင့်ညီညွတ်သော ဆေးဝါးနှင့် ကုန်ပစ္စည်းများကိုသာရောင်းချနိုင်စေရန်၊ ရောင်းချသည့် ဈေးဆိုင်လုပ်ငန်းရှင်များအနေဖြင့်လည်း ဌာနဆိုင်ရာများ၏ တည်ဆဲဥပဒေနှင့် ညီညွတ်သော ဆေးဝါးနှင့်ကုန်ပစ္စည်းများကိုသာ  ရောင်းချစေရန် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(မကွေး)