သတင်းနှင့် လှုပ်ရှားမှုများ

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တာဝန်ခံရုံးအနေဖြင့်  ၂၀၂၃ခုနှစ်၊ ဒီဇင်ဘာလ ၁၉ရက်နေ့တွင် မြို့နယ်တာဝန်ခံ ဦးမျိုးဝင်းသန်းနှင့် ဝန်ထမ်း(၁)ဦး၊ စည်ပင်သာယာရေးအဖွဲ့မှ ဝန်ထမ်းများပူးပေါင်း၍ ကန့်ဘလူမြို့၊ မြို့မဈေးရှိ ကုန်မျိုးစုံရောင်းချသည့်ဆိုင်များအား ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

      ဈေးကွက်အတွင်းရောင်းချနေသည့် ကုန်စည်များတွင် ကုန်အညွှန်းအမှတ်အသားများကို မြန်မာနိုင်ငံစားသုံးသူကာကွယ်ရေကော်မရှင်၏ ညွှန်ကြားချက်အမှတ်(၂/၂၀၁၉)ပါ ကုန်စည်အုပ်စု အလိုက် မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အသေးစိတ်စိစစ်ချက်အတိုင်း ဖော်ပြထားခြင်းရှိ/မရှိနှင့် သက်တမ်းလွန်ကုန်စည်များရောင်းချမှုရှိ/မရှိကို သက်ဆိုင်ရာမိတ်ဖက်ဌာနများနှင့်ပူးပေါင်း၍ ဈေးကွက်စောင့်ကြည့်စစ်ဆေးရခြင်းဖြစ်ကြောင်း၊ ကုန်မျိုးစုံရောင်းချသည့် စီးပွားရေးလုပ်ငန်းရှင်များအား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များကို သိရှိနားလည်းထားရန်လိုအပ်ကြောင်း၊ ထုတ်ကုန်လုံခြုံစိတ်ချရမှုရှိပြီး ကုန်အညွှန်းအမှတ်အသားပြည့်စုံသော၊ သက်ဆိုင်ရာဌာနများ၏ ထောက်ခံချက်ပါရှိသော ကုန်စည်များကိုသာရောင်းချရန်လိုအပ်ကြောင်း အသိပညာပေးပြောကြားခဲ့ပြီးနောက် စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှု၊ ခရိုင် ဦးစီးမှူး၏ကြီးကြပ်မှူဖြင့် စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ ထုတ်ကုန်လုံခြုံ စိတ်ချရမှုဌာနခွဲတာဝန်ခံ ဒေါ်ခင်သူဇာနှင့် ဝန်ထမ်းများသည် စားသုံးပြည်သူများ ဘေးအန္တရာယ် ကင်းရှင်းပြီး လုံခြုံစိတ်ချရမှုရှိသော ဆေးနှင့်ဆေးပစ္စည်းများဝယ်ယူသုံးစွဲနိုင်ရန်အတွက် (၁၉.၁၂. ၂၀၂၃)ရက်နေ့၊ နံနက်(၀၉:၃၀)အချိန်တွင် ပခုက္ကူမြို့အတွင်းရှိ ဆေးဆိုင်များသို့ အစားအသောက် နှင့်ဆေးဝါးကွပ်ကဲရေးဦးစီးဌာန(FDA)၊ ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ နှင့်ပူးပေါင်း၍ ဈေးကွက်စောင့်ကြည့် စစ်ဆေးခဲ့ပါသည်။

         ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူပြည်သူများ ဘေးအန္တရာယ်ကင်းရှင်း စေရန်အတွက် ဈေးကွက်အတွင်းရောင်းချနေသော  ဆေးနှင့်ဆေးပစ္စည်းများတွင် အစားအသောက် နှင့် ဆေးဝါးကွက်ကဲရေးဦးစီးဌာနမှ သုံးစွဲရန်မသင့်ထုတ်ပြန်ထားသော ဆေးဝါးများ၊ သက်တမ်းလွန် ဆေးဝါးများရောင်းချမှု ရှိ/မရှိ၊ ကိုဗစ်-၁၉ ဆေးနှင့်ဆေးဝါးပစ္စည်းများ ဈေးနှုန်းမြှင့်တင်ရောင်းချခြင်း (သို့)ဈေးကစားရန် ရည်ရွယ်ချက်ဖြင့် သိုလှောင်ခြင်း ရှိ/မရှိ အား ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင်များ  ဖြန့်ဝေခဲ့ကြောင်း သိရှိရပါသည်။

DOCA(မကွေး)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ် တာဝန်ခံ ဦးဇော်နေလင်းနှင့်ဝန်ထမ်းများသည် စားသုံးသူများ ဘေးကင်းလုံခြုံမှုရှိစေရေးအတွက် (၁၉.၁၂.၂၀၂၃)ရက်နေ့၊ နံနက်(၀၉:၃၀)နာရီအချိန် တွင် ဆိပ်ဖြူမြို့အနောက်ပိုင်းရပ်ကွက်ရှိ ပတ္တမြားဈေးအတွင်း ကုန်မျိုးစုံရောင်းဝယ်ရေးဆိုင် (၃) ဆိုင်မှ ရောင်းချလျက်ရှိသော ကုန်ပစ္စည်းများအား ကုန်အညွှန်းအမှတ်အသားမျာ ပြည့်စုံစွာပါဝင် မှုရှိ/ မရှိ မြို့နယ်စည်ပင်သာယာအဖွဲ့ဖြင့် ပူးပေါင်း ၍ ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ဈေးကွက်စောင့်ကြည့်စစ်ဆေးရာတွင် ထုတ်လုပ်ရောင်းချဖြန့်ဖြူး ရောင်းဝယ်ဖောက် ကားသူ ဈေးဆိုင်ပိုင်ရှင်များကို စားသုံးသူကာကွယ်ရေးဥပဒေ ၂၀၁၉ တွင်ပါရှိသော အခန်း(၁၈) ကုန်အညွှန်းအမှတ်အသားဆိုင်ရာ ပြဌာန်းချက်များ၊ ကုန်အညွှန်းအမှတ်အသားများပြည့်စုံစွာ ဖော်ပြ ထားသည့် ကုန်စည်များကိုသာရောင်းချရန်၊ မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ် ပြန်ထားသည့်ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြလာစေရေးနှင့် မြန်မာ ဘာသာနှင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက် ဖြစ်စေ ရေးသားဖော်ပြခြင်းပါရှိသော ကုန်စည်များကိုသာ ‌စားသုံးသူများဘေးကင်းလုံခြုံမှုရှိစေ ရေးအတွက် ရောင်းချဖြန့်ဖြူးရမည်ဖြစ်ကြောင်း အသေးစိတ်ရှင်းလင်းဆွေးနွေးခဲ့ပြီး စားသုံးသူ ကာကွယ်ရေးဥပဒေအခန်း(၁၀)ပါ စီးပွားရေးလုပ်ငန်းရှင်၏ တာဝန်များ၊ တားမြစ်ချက်များ၊ ပြစ်မှု ပြစ်ဒဏ်များအကြောင်းကို အသိပေးပြောကြားခဲ့ပြီး စားသုံးသူအသိပညာပေး လက်ကမ်းစာစောင် များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

    ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်အတွင်းရှိ စက်သုံးဆီ အရောင်းဆိုင်များနှင့် စားအုန်းဆီကိုယ်စားလှယ်အရောင်းဆိုင်များတွင် ဆီရောင်းချနေမှု အခြေအနေများအား ဒီဇင်ဘာလ (၁၃) ရက်နေ့၊ နေ့လယ် (၁၂:၀၀) နာရီတွင် ဗိုလ်ချုပ်လမ်းမကြီး၊ ဘေးဝဲယာတွင် ဖြန့်ဖြူး ရောင်းချလျက်ရှိသော စက်သုံးဆီဆိုင်များနှင့် စည်ပင်သာယာမြို့မဈေးအတွင်း/အပြင်နှင့် ရပ်ကွက်များတွင် ဖြန့်ဖြူးရောင်းချပေးနေသော စားအုန်းဆီကိုယ်စားလှယ်အရောင်းဆိုင်များသို့ သွားရောက်ကွင်းဆင်းစစ်ဆေးခဲ့ကြောင်း သိရပါသည်။

   ထိုသို့ ကွင်းဆင်းစစ်ဆေးခဲ့ရာတွင် ကွမ်းခြံကုန်းမြို့နယ် အထွေထွေအုပ်ချုပ်ရေး ဦးစီးဌာနမှ မြို့နယ်အုပ်ချုပ်ရေးမှူး၊ မြို့နယ်စီမံအုပ်ချုပ်ရေး အဖွဲဝင် (၁)၊ မြို့နယ်ရဲမှူးနှင့် တပ်ဖွဲ့ဝင်များ၊ မြို့နယ်စည်ပင်သာယာရေး ဦးစီးဌာနမှဝန်ထမ်းများနှင့် စားသုံးသူရေး ဦးစီးဌာနမှမြို့နယ်တာဝန်ခံတို့သည် ဗိုလ်ချုပ်လမ်းမကြီး ဝဲယာတွင် ရောင်းချလျက်ရှိသော UP ဆီဆိုင်၊ Winner ဆီဆိုင်နှင့် Apex စက်သုံးဆီအရောင်းဆိုင်တို့တွင် ယာဉ်များ တန်းစီစောင့်ဆိုင်းဝယ်ယူနေရခြင်း ရှိ/မရှိ၊ခွဲတမ်းအချိုးကျစနစ်ဖြင့် ရောင်းချနေမှု ရှိ/မရှိ၊ လယ်ယာသုံးစက်ကိရိယာများ အသုံးပြုနိုင်ရန် စက်သုံးဆီလုံလောက်မှု ရှိ/မရှိ အခြေအနေများအား သွားရောက်ကွင်းဆင်းစစ်ဆေးခဲ့ကြောင်း သိရပါသည်။ ဆက်လက်၍ ၎င်းအဖွဲ့သည် စည်ပင်သာယာမြို့မဈေးအတွင်း/အပြင်နှင့် ရပ်ကွက်များတွင် ဖြန့်ဖြူး ရောင်းချပေးလျက်ရှိ‌သော စားအုန်းဆီကိုယ်စားလှယ်အရောင်းဆိုင်များမှ လုပ်ငန်းရှင်များ အားဈေးကွက်နှင့် ဈေးနှုန်းဖြစ်ပေါ်မှုအရ ဒီဇင်ဘာလ ၁၁ရက်နေ့မှ ၁၇ ရက်နေ့အထိ ရန်ကုန်အထိုင် ဈေးအခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် (၄၈၁၅) ကျပ်ဖြစ်ကြောင်း၊ ပြီးခဲ့သည့်တစ်ပတ် ရန်ကုန်အထိုင်ဈေး (၄၉၂၀) ကျပ် ယခုတစ်ပတ်အတွင်း တစ်ပိဿာလျှင် (၁၀၅) ကျပ်ခန့် ကျဆင်းသွားခဲ့သည့်အတွက် သယ်ယူစရိတ်ပါရာခိုင်နှုန်းအမြတ်ယူကာ စားသုံးသူပြည်သူများအား ဖြန့်ဖြူးရောင်းချ ပေးသွားရမည်ဖြစ်ကြောင်း သက်ဆိုင်ရာဌာနများမှ တာဝန်ရှိသူများက ရှင်းလင်းဆွေးနွေး အသိပညာပေး ကွင်းဆင်းစစ်ဆေးခဲ့ကြောင်း သိရပါသည်။

DOCA(ရန်ကုန်)  

      ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ စက်သုံးဆီ အရောင်းဆိုင်များတွင် စက်သုံးဆီရောင်းချနေမှုအခြေအနေများအား ဒီဇင်ဘာလ (၁၄) ရက်နေ့၊ နံနက်ပိုင်း (၉:၃၀) နာရီတွင် သက်ဆိုင်ရာတာဝန်ရှိပုဂ္ဂိုလ်များနှင့် ပူးပေါင်းအဖွဲ့တို့ သွားရောက် ကွင်းဆင်းစစ်ဆေးခဲ့ကြောင်း သိရှိရပါသည်။

    ထိုသို့ ကော့မှူးမြို့နယ်အတွင်းရှိ ဗိုလ်ချုပ်လမ်းမကြီး၊ မကျီးကန်ကျေးရွာတွင် စက်သုံးဆီ ရောင်းချပေးလျက်ရှိသော ရတနာဆီဆိုင်၊ ဗိုလ်ချုပ်လမ်း ဇလုတ်ကြီးကျေးရွာမှ MAXဆီဆိုင်နှင့် ဗိုလ်ချုပ်လမ်း အဖျောက်ကျေးရွာရှိ ရွှေသရဖူဆီဆိုင်များတွင် စက်သုံးဆီ ရောင်းချပေးမှုအခြေအနေများအား ကွင်းဆင်းစစ်ဆေးခဲ့ရာတွင် ဗိုလ်မှူးထွန်းဇော်မင်းမှ မိမိတို့ဆီဆိုင်များအနေဖြင့် ယာဉ်များတန်းစီ စောင့်ဆိုင်းဝယ်ယူနေရခြင်းရှိ/မရှိ၊ ခွဲတမ်းအချိုးကျစနစ်ဖြင့် ရောင်းချနေမှု ရှိ/မရှိ၊ လုပ်ငန်းရှင်များနှင့် လယ်သမားများ လာရောက် ဝယ်ယူရာတွင် အပြည့်အဝရောင်းချဖြန့်ဖြူးပေးနိုင်ခြင်း ရှိ/မရှိတို့အား မေးမြန်းခဲ့ရာ ၎င်းဆိုင်မှ တာဝန်ရှိမန်နေဂျာတို့သည် မိမိတို့၏ဆီဆိုင်တွင် သတ်မှတ်ထားသည့်ခွဲတမ်းများ အချိန်မီထုတ်ယူရရှိနေပါသဖြင့် မည်သည့်စက်သုံးဆီအမျိုးစားကို မဆိုဖြန့်ဖြူး ရောင်းချပေး လျက်ရှိကြောင်း ယာဉ်တန်းစီတိုး၍ ဝယ်ယူနေရသည့်အခြေအနေမရှိကြောင်း ပြန်လည်ဖြေကြားခဲ့ပါသည်။ ဆက်လက်၍ ဌာနဆိုင်ရာတာဝန်ရှိသူများက လယ်သမားများအနေဖြင့် ယခုအချိန်သည်မိုးစပါးအချိန် မီရိတ်သိမ်းနိုင်ရေး၊ သီးထပ် သီးညှပ် စိုက်ပျိုးဖြစ်ထွန်း အောင်မြင်နိုင်ရေးသည် အရေးကြီးသည့်အချိန် ကာလဖြစ်နေသည့်အတွက် ရိတ်သိမ်းခြွေလှေ့ စက်ဆီရိုးရိုး၊ ဒီဇယ်နှင့် ပရီမီယံ ဒီဇယ်ဆီတို့အား အပြည့်အဝဖြန့်ဖြူးရောင်းချနိုင်ရေး၊ လက်ရှိဖြစ်ပေါ်နေသော အခြေအနေများအရ စက်သုံးဆီသို လှောင်ကန်များတွင် ဆီရှိလျက် ဖြန့်ဖြူးရောင်းချခြင်းမရှိသော စက်သုံးဆီအရောင်းဆိုင်များအား ဥပဒေနှင့်အညီ အရေးယူဆောင်ရွက်သွားရန်နှင့် ဆောင်ရွက်ထားရှိမှုအခြေအနေများအား ဖွဲ့စည်းမိန့်နှင့်အတူ ပြန်လည်တင်ပြရန် မြို့နယ်စက်သုံးဆီစိစစ်ရေးအဖွဲ့အား ဖွဲ့စည်းဆောင်ရွက် လျက်ရှိကြောင်း အသိပညာပေးကွင်းဆင်း စစ်ဆေးခဲ့ကြောင်း သိရပါသည်။

DOCA(ရန်ကုန်)