သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန၊ ပြည်ခရိုင်၊ ပြည်မြို့နယ်တာဝန်ခံ ဦးထွန်းနိုင်လင်းနှင့် ဝန်ထမ်းများသည် (၁၉.၉.၂၀၂၅)ရက်နေ့၊ နံနက် (၈:၀၀)နာရီအချိန်တွင် မိတ်ဖက်ဌာနဆိုင်ရာများဖြစ်သည့် ပဲခူးတိုင်း ဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်ခရိုင်၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်တိမွေးကု၊ မြို့နယ်စည်ပင်၊ မြို့နယ်ရဲတပ်ဖွဲ့တို့မှ တာဝန်ရှိသူ များနှင့် ပူးပေါင်း၍ ပြည်မြို့၊ ဆံတော်ရပ်ကွက်၊ အောင်မင်္ဂလာဈေးအတွင်းရှိ ဆေးဝါးနှင့် ဆေးပစ္စည်းအရောင်း ဆိုင်များ၊ အလှကုန်ပစ္စည်းအရောင်း ဆိုင်များသို့ သွားရောက်၍ ပြည်ဈေးကွက်အတွင်း ဆေးဈေးနှုန်းများကြီးမြင့်မှု မရှိစေရေး၊ သိုလှောင်၍ ဈေးကစားမှုမရှိစေရေး၊တရားမဝင်ပစ္စည်းများရောင်းချမှုမရှိစေရေးနှင့် စားသုံးသူကာကွယ်ရေး ဥပဒေ ၂၀၁၉၊ အခန်း (၁၈)ပါ ကုန်အညွှန်းအမှတ်အသားပြုလုပ်ခြင်းဆိုင်ရာ ပြဌာန်းချက်များနှင့်အညီ ဆောင်ရွက်မှုမရှိစေရေး မြို့နယ်အစားအသောက်နှင့်ဆေးဝါးကြီးကြပ်ကွပ်ကဲရေး ကော်မတီဖြင့် ရှောင်တခင်ဝင်ရောက်စစ်ဆေးခဲ့ကြောင်း သိရှိရပါသည်။

DOCA(ပဲခူး)                      

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၊ ရှာဘွားကျေးရွာအုပ်စု၊ ဆူးကလပ်ရာဘာခြံ မွေးမြူရေးဇုန်နှင့် ကော့မှူးမြို့နယ်အနောက်ခြမ်းကျေးရွာများ၏ ဒေသဖွံ့ဖြိုးမှုလုပ်ငန်းများအား ခရိုင်အဆင့်ဌာနဆိုင်ရာများ၊ မြို့နယ်အဆင့်ဌာနဆိုင်ရာတာဝန်ရှိသူများသည်  စက်တင်ဘာလ(၁၆)ရက်နေ့၊ နံနက်(၁၀:၀၀)နာရီအချိန် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

          ထိုသို့ ကွင်းဆင်းစစ်ဆေးခဲ့ရာတွင် တွံတေးခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌနှင့် တာဝန်ရှိသူများ၊ ခရိုင်မြေစာရင်းဦးစီးဌာနမှူးတို့သည် ကော့မှူးမြို့နယ် ရှာဘွားကျေးရွာအုပ်စု၊ ဆူးကလပ်ရာဘာခြံ မွေးမြူရေးဇုန်နှင့် ရှင်းလင်းဆောင်တွင် မြို့နယ်အဆင့်ဌာနဆိုင်ရာ တာဝန်ရှိသူများ၊ မြို့နယ်စိုက်ပျိုးရေးကြီးကြပ်မှုအဖွဲ့ဝင်များဖြင့် လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ပြီး ပန်းတိုင်အထွက်နှုန်းတိုးရေး၊ လယ်ယာမြေများကွင်းပြည့်စိုက်ပျိုးနိုင်ရေး၊ တောင်သူပညာပေးလုပ်ငန်းများ ဆောင်ရွက်နိုင်ရေး၊ Seeder ဖြင့် စိုက်ပျိုးနိုင်အောင် စည်းရုံးဆောင်ရွက်ရေးတို့အား ဆွေးနွေးမှာကြားခဲ့ပြီး ဆက်လက်၍ ညောင်ကုန်းကျေးရွာအုပ်စုနှင့် မဆယ်ဆိပ်ကျေးရွာအုပ်စုရှိ ဝက်မွေးမြူရေးခြံနှင့် စက်ရုံတို့အား အခြားနည်းအသုံးပြုခွင့်ကျသည့် နေရာများအား ခွင့်ပြုသည့်နည်းလမ်းအတိုင်း ဆောင်ရွက်ခြင်းရှိ/ မရှိ၊ ကျိုက်ထော်(မ)ကျေးရွာ အတွင်းရှိ မြစ်ရေတင်လုပ်ငန်း၊ အုတ်၊ သဲ၊ ကျောက်လုပ်ငန်းနှင့် ငါးမွေးမြူရေးလုပ်ငန်းများနှင့် ကျေးလက်ဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ဆောင်ရွက်ရန် လျာထားသည့် ကျိုက်ထော်-ကျုံလတာ- အောက်ကျောင်း-ဥတို-သမဲ့)လမ်းအား ကွင်းဆင်းကြည့်ရှု့ စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ရန်ကုန်)

         ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်အတွင်းရှိ စားသုံးသူပြည်သူများ ဆေးဝါးအမျိုးမျိုးတို့အား ဝယ်ယူစားသုံးရာ၌ ဘေးအန္တရာယ်ကင်းရှင်းစေရေးနှင့် ထုတ်ကုန်များ လုံခြုံစိတ်ချရမှုရှိစေရေးတို့အတွက် စားသုံးသူရေးရာဦးစီးဌာန၊ ရန်ကုန်တောင်ပိုင်းခရိုင်ဦးစီးမှူး ရုံး၏ညွှန်ကြားချက်နှင့်အညီ ရပ်ကွက်များနှင့် စည်ပင်သာယာမြို့မဈေးအတွင်း/ အပြင်ရှိ ဆေးဆိုင်များသို့ စက်တင်ဘာလ(၁၇)ရက်နေ့၊ နံနက်(၀၉:၀၀)နာရီအချိန်တွင် ဆေးဝါးများ၏ ဈေးနှုန်းပြောင်းလဲမှု အခြေအနေအား ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းစစ်ဆေးရာခဲ့တွင် မြို့နယ်စားသုံးသူရေးရာဦးစီးဌာန၊ မြို့နယ်စည်ပင် သာယာရေးအဖွဲ့မှ တာဝန်ရှိသူတို့သည် ကော့မှူးမြို့နယ်၊ မကျီးတန်းရပ်ကွက်၊ မြို့မရပ်ကွက်၊ ပြည်တော်သာရပ်ကွက်နှင့် မြို့နယ်စည်ပင်သာယာမြို့မဈေးအတွင်း/အပြင်ရှိ ဆေးဆိုင်များသို သွားရောက်ခဲ့ပြီး ဆိုင်ပိုင်ရှင်စီးပွားရေးလုပ်ငန်းရှင်များနှင့် တွေ့ဆုံ၍ မိမိတို့၏ဆေးဆိုင်တွင် ဖြန့်ဖြူးရောင်းချလျက်ရှိသော ဆေးဝါးအမျိုးမျိုးတို့အား စံချိန်စံညွှန်းနှင့်ကိုက်ညီသောဆေးဝါးများ အစားအသောက်နှင့်ဆေးဝါးကွပ်ကဲရေးဦးစီးဌာနမှ ခွင့်ပြုထောက်ခံချက်ပါရှိသော ဆေးဝါးများကို သာ ဝယ်ယူဖြန့်ဖြူးရောင်းချပေးကြရန်နှင့် သက်တမ်းလွန်ဆေးဝါးများ သက်ဆိုင်ရာဌာနများမှ တားမြစ်ထားသောဆေးဝါးများနှင့် စပ်ဆေးများအား ဈေးကွက်အတွင်း ဝယ်ယူဖြန့်ဖြူးရောင်းချ ခြင်းများ မပြုလုပ်ကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး ဆေးဝါးများ၏ ဈေးနှုန်းပြောင်းလဲမှု အခြေအနေတို့အား စာရင်းကောက်ယူ ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

         စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးသိန်းထွန်း (ဌာနခွဲစာ ရေး)သည် အထူးစုံစမ်းစစ်ဆေးရေးဦးစီးဌာနတို့နှင့်ပူးပေါင်း၍ (၂၂. ၉. ၂၀၂၅)ရက်နေ့၊ နံနက် (၁၁:၃၀)အချိန်တွင် တာမွေမြို့နယ်၊ Super One သို့ ဈေးကွက်စောင့်ကြည့်စစ်ဆေးခဲ့ရာ ထိုင်နိုင်ငံမှတင်သွင်းသည့် စားသောက်ကုန်နှင့်လူသုံးကုန်ပစ္စည်းများနှင့်ပတ်သက်၍ ဈေးနှုန်းမြှင့် တက်မှုရှိ/မရှိ၊ ကုန်ပစ္စည်းကန့်သတ်ရောင်းချခြင်းရှိ/မရှိ၊ ပစ္စည်းပြတ်လပ်မှုရှိ/မရှိနှင့် ကုန်ပစ္စည်း များသိုလှောင်ခြင်း ၊  ဖြန့်ဖြူးရောင်းချမှုများရှိ/မရှိ၊  သက်ဆိုင်ရာဌာနများ၏ ထောက်ခံချက်များ ပြည့်စုံစွာဖော်ပြပါရှိသော ကုန်စည်များကိုသာရောင်းချရန်နှင့် သက်ဆိုင်ရာအဖွဲ့များဖြင့် ဈေးနှုန်း များတည်ငြိမ်စေရေးအတွက် ကြပ်မတ်ဆောင်ရွက်လျက်ရှိကြောင်း သိရှိရပါသည်။

DOCA (ရန်ကုန်) 

             ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ် စည်ပင်သာယာမြို့မဈေးအတွင်း/ အပြင်ရှိ အလှကုန်ပစ္စည်းအရောင်းဆိုင်များတွင် စားသုံးသူပြည်သူများ ဘေးအန္တရာယ်ကင်းရှင်းစေရန် အလှကုန်ပစ္စည်းအမျိုးမျိုး (၁၀)ဂရမ်နှင့်အထက်တို့တွင် သတ်မှတ်ထားသော ကုန်အညွှန်းအမှတ်အသားပြည့်စုံစွာ ဖော်ပြပါရှိခြင်းရှိ/ မရှိအား စက်တင်ဘာလ(၁၇)ရက်နေ့၊ နံနက်(၀၉:၃၀) နာရီအချိန်တွင် ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

             ထိုသို့ ဈေးကွက်ကွင်းဆင်းစစ်ဆေးခဲ့ရာတွင် မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်နှင့် မြို့နယ်စည်ပင်သာယာရေးအဖွဲ့မှ ဒုဈေးတာဝန်ခံ ဦးသန်းထွန်းတို့ပူးပေါင်း၍ မြို့နယ်စည်ပင်သာယာ မြို့မဈေးအတွင်း/ အပြင်ရှိ အလှကုန်ပစ္စည်းအရောင်းဆိုင်များ (၁၀)ဂရမ်နှင့်အထက် အလှကုန်ပစ္စည်းအမျိုးမျိုးတို့တွင် အမျိုးအမည်၊ အရွယ်အစား၊ အရေအတွက်၊ အသားတင်ပမာဏသုံးစွဲပုံ နည်းလမ်းထားသိုသိမ်းဆည်းမှုအညွှန်း၊ ဓာတ်မတည့်ကြောင်း ဖော်ပြချက်များအား ကုန်စည်အုပ်စုအလိုက် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေ ကုန်အညွှန်းအမှတ်အသားပြည့်စုံစွာ ဖော်ပြပါရှိခြင်းရှိ/ မရှိ ကွင်းဆင်းစစ်ဆေးခဲ့ပြီး ဆိုင်ပိုင်ရှင်စီးပွားရေးလုပ်ငန်းရှင်များအား ကုန်အညွှန်းအမှတ်အသားပြည့်စုံစွာ ဖော်ပြပါရှိသော အလှကုန်ပစ္စည်းအမျိုးမျိုးတို့ကိုသာ ဈေးကွက်အတွင်း ပြန်လည်ဖြန့်ဖြူး ရောင်းချပေးကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ကြကြောင်း သိရှိရပါသည်။

DOCA(ရန်ကုန်)