သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး စားသုံးသူရေးရာဦးစီးဌာန၊ တိုင်းဦးစီးမှူးရုံးတွင် ၂၀၂၃ခုနှစ်၊  ဇူလိုင်လ ၂၁ရက်နေ့၊ နေ့လယ် (၁၅:၀၀) နာရီအချိန်တွင် Virtual စနစ်ဖြင့် (ရုံးချုပ်) နေပြည်တော်၊ ရုံးအမှတ် (၅၂) ၌ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာန၊ ညွှန်ကြားရေးမှူး ဦးဆန်းမြင့်ဦးဆောင်၍ ဒုတိယညွှန်ကြားရေးမှူး ဦးသိန်းထွန်းနှင့်အတူ Commodity Price Database Software တွင် ကုန်စည်ဒိုင်များရှိ ကုန်ပစ္စည်းဈေးနှုန်းများဖြည့်သွင်းရန် အစည်းအဝေးသို့ တိုင်းဒေသကြီးဦးစီးမှူးရုံး၊ ပြည်တွင်းဌာနခွဲမှ တာဝန်ခံဦးလှိုင်ထွဋ်နှင့် အမှုထမ်းများတက်‌ရောက်ခဲ့ကြပါသည်။

  အစည်းအဝေးတွင် စားသုံးသူရေးရာဦးစီးဌာနအနေဖြင့် ပြည်တွင်းတွင်ဖြစ်ပေါ်နေသော ကုန်ပစ္စည်းများ၏ဈေးနှုန်းစာရင်းများကို စနစ်တကျထည့်သွင်းသိမ်းဆည်းရန်နှင့် အလွယ်တကူရှာဖွေကြည့်ရှုနိုင်ရန် Commodity Price Database Software အား ၂၀၂၂ခုနှစ်၊ ဒီဇင်ဘာလမှစ၍ အသုံးပြုလျက်ရှိကြောင်း၊ ကုန်စည်ဒိုင်များရှိ လယ်ယာထုတ်ကုန်များ၏ဈေးနှုန်းဆိုင်ရာအချက်အလက်များကို တောင်သူများအလွယ်တကူကြည့်ရှုနိုင်စေရန် သက်ဝင်လှုပ်ရှားမှုရှိသည့်ကုန်စည်ဒိုင်များအားရွေးချယ်၍ Myanmar Agri Market Price Mobile Application ကိုရေးဆွဲအကောင်အထည်ဖော်ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

  မွန်ပြည်နယ်၊  သထုံခရိုင်ဦးစီးမှူးရုံး၊ စားသုံးသူရေးရာဦးစီးဌာနမှဝန်ထမ်းများသည် (၂၁-၇-၂၀၂၃) ရက်နေ့တွင် သထုံမြို့နယ်၊ ကျောက်တန်းကျေးရွာရှိ မူလတန်းကျောင်း၌ စားသုံးသူကာကွယ်ရေးအသိပညာပေးဟောပြောပွဲကျင်းပခဲ့ကြောင်း သိရပါသည်။

    အဆိုပါဟောပြောပွဲတွင် ကျောင်းအုပ်ဆရာမကြီး ဒေါ်အိအိသိန်းက အဖွင့်အမှာစကားပြောကြားခဲ့ပြီးနောက် သထုံခရိုင်ဦးစီးမှူးရုံးမှ ဦးစီးအရာရှိ ဦးအောင်ကျော်မင်းက စားသုံးသူရေးရာဦးစီးဌာန၏မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေ၊ ကမ္ဘာ့စားသုံးသူအခွင့်အရေးများနေ့အကြောင်း၊ ဒု-ဦးစီးမှူး ဦးအောင်မျိုးဦးက စားသုံးသူအခွင့်အရေးနှင့်တာဝန်များ၊ ကုန်အညွှန်းအမှတ်အသားဖော်ပြချက်များကို စားသုံးသူကသေချာစွာဖတ်ရှုပြီးမှသာ ရွေးချယ်ဝယ်ယူစားသောက်သင့်ကြောင်း၊ စားသုံးသူထိခိုက်နစ်နာမှုပေါ်လာပါက စားသုံးသူရေးရာဦးစီးဌာနသို့တိုင်ကြားနိုင်ကြောင်း၊ Consumer Call Center No. (1535) သို့ဖုန်းခေါ်ဆို၍လည်းတိုင်ကြားနိုင်ကြောင်း၊ သိလိုသည်များမေးမြန်းခြင်းကို ပြန်လည်ဖြေကြားခဲ့ကြောင်းသိရပါသည်။

     အဆိုပါဟောပြောဆွေးနွေးပွဲသို့ ဆရာ/ဆရာမ၊ ကျောင်းသား/ကျောင်းသူစုစုပေါင်း (၉၅) ဦးတက်ရောက်ခဲ့ကြပြီး ကျောင်းအုပ်ဆရာမကြီးထံသို့ အသိပညာပေးလက်ကမ်းစာစောင်များပေးအပ်ခဲ့ကြောင်း သိရှိရပါသည်။

DOCA(မွန်)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးဝမြို့နယ်တာဝန်ခံ ဦးကျော်ကျော်မိုးသည်  ၂၀၂၃ခုနှစ်၊ ဇူလိုင်လ (၂၄) ရက်နေ့၊ နံနက် (၁၀:၀၀) နာရီအချိန်၌  ကလေးဝမြို့ရှိ အထွေထွေအုပ်ချုပ်ရေးခန်းမတွင် အသိပညာပေးဟောပြောပွဲ ကျင်းပပြုလုပ်ခဲ့ရာ  ဝန်ထမ်း (၄၀) ဦးတက်ရောက်ခဲ့ကြပါသည်။

     အဆိုပါဟောပြောပွဲတွင်  မြို့နယ်တာဝန်ခံ ဉီးကျော်ကျော်မိုး (ဒု-ကြီးကြပ်ရေးမှူး) က စားသုံးသူကာကွယ်ရေးဥပဒေ အခန်း (၅) တွင်ပါရှိသည့် ဉီးစီးဌာန၏လုပ်ပိုင်ခွင့်နှင့် လုပ်ငန်းတာဝန်များကို အသေးစိတ်အသိပညာပေးခဲ့ပါသည်။ ဆက်လက်၍ စားသုံးသူ၏အခွင့်အရေးနှင့်စပ်လျဉ်း၍ အကောင်အထည်ဖော်ဆောင်ရွက်ခြင်း၊ စားသုံးသူကာကွယ်ရေးလုပ်ငန်းနှင့်စပ်လျဉ်း၍ အသိပညာပေးခြင်းနှင့် သတင်းအချက်အလက်များ ဖြန့်ဝေပေးခြင်း၊ တိုင်ကြားလာမှုနှင့်စပ်လျဉ်း၍ စုံစမ်းစစ်ဆေးရန် (သို့မဟုတ်) ဘေးအန္တရာယ်ရှိသောကုန်စည် (သို့မဟုတ်) ဝန်ဆောင်မှုများကို စောင့်ကြည့်စစ်ဆေးနိုင်ရန်နှင့် ဈေးကွက်အတွင်းမှ ပပျောက်စေရန်အလို့ငှာ ဒုတိယဉီးစီးမှူးအောက်မနိမ့်သူကို စစ်ဆေးရေးမှူးအဖြစ်တာဝန်ပေးအပ်ခြင်း၊ ကုန်စည် (သို့မဟုတ်) ဝန်ဆောင်မှုများဘေးအန္တရာယ်ကင်းရှင်းစေရေးအလို့ငှာ စစ်ဆေးရန်လိုအပ်သည့်နေရာများသို့ဝင်ရောက်စစ်ဆေးခြင်း၊ အချက်အလက်များရယူစုဆောင်းခြင်း၊ နမူနာပစ္စည်းရယူခြင်းများကို စစ်ဆေးရေးအရာရှိအား တာဝန်ပေးအပ်ခြင်း စသည်တို့ကိုလုပ်ဆောင်လျက်ရှိပါကြောင်း အသိပညာပေးခဲ့မှုကိုသတင်းရရှိရပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ကလေးခရိုင်ဦးစီးမှူးရုံးမှ ခရိုင်ဦးစီးမှူး ဒေါ်သန်းသန်းဝင်း (ဦးစီးအရာရှိ) နှင့် ဝန်ထမ်းများသည် ကလေးမြို့တွင် ၂၀၂၃ခုနှစ်၊ ဇူလိုင်လ (၂၄) ရက်နေ့၊ နံနက် (၁၀:၀၀) နာရီအချိန်၌  ကလေးမြို့ရှိ လျှပ်စစ်ဦးစီးဌာနသို့သွားရောက်၍ အသိပညာပေးဟောပြောပွဲကျင်းပပြုလုပ်ခဲ့ရာ လျှပ်စစ်ဝန်ထမ်း (၁၂) ဦးတက်ရောက်ခဲ့ကြောင်းသိရှိရပါသည်။

 အဆိုပါဟောပြောပွဲတွင် ခရိုင်ဦးစီးမှူး ဒေါ်သန်းသန်းဝင်း (ဦးစီးအရာရှိ) က စားသုံးသူ၏အဓိပ္ပါယ်နှင့် စားသုံးသူကာကွယ်ရေးလုပ်ငန်း၏ရည်ရွယ်ချက်များ၊ မိမိတို့၏စားသုံးသူရေးရာဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာနတို့၏ မတူညီသေလုပ်ငန်းဆောင်ရွက်မှုများ၊ ကုန်စည်နှင့်ဝန်ဆောင်မှုများ၏အဓိပ္ပါယ်များ၊ ပြည်သူတိုင်းသည် စားသုံးသူများဖြစ်၍ စားသုံးသူများရသင့်ရထိုက်သောအခွင့်အရေးများ၊ လိုက်နာရမည့်တာဝန်များ၊ စားသုံးသူများ လုံခြုံစိတ်ချရမှုရှိစေရေးအတွက် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားများအကြောင်း၊ ကုန်စည်များကိုဝယ်ယူအသုံးပြုမည်ဆိုပါက ကုန်အညွှန်းအမှတ်အသားကိုအလေးထားပြီး ကြည့်ရှုစေလိုကြောင်းနှင့် ကုန်အညွှန်းအမှတ်အသားပါ ညွှန်ကြားချက်များကို လိုက်နာရမည်ဖြစ်ကြောင်းကိုပြောကြားခဲ့ပြီးနောက်   ဒေါ်ဇင်မိုးဝါ (အကြီးတန်းစာရေး) က စားသုံးသူကာကွယ်ရေးဥပဒေ အခန်း (၄) တွင်ပါရှိသည့် ကော်မရှင်၏လုပ်ပိုင်ခွင့်နှင့်လုပ်ငန်းတာဝန်များ၊ မိမိတို့ဌာန၏ ဥပဒေရည်ရွယ်ချက်များအောင်မြင်စေရန် အကောင်အထည်ဖော်ဆောင်ရွက်ခြင်း၊ စားသုံးသူကာကွယ်ရေးနှင့်စပ်လျဉ်းသည့်ကိစ္စများကို အစိုးရအဖွဲ့သို့အကြံပြုတင်ပြခြင်း၊ စားသုံးသူကာကွယ်ရေးဆိုင်ရာမူဝါဒများရေးဆွဲခြင်းနှင့် အစီအမံများချမှတ်ခြင်း၊  စာသုံးသူအသုံးပြုမည့် (သို့မဟုတ်) စားသုံးမည့်ကုန်စည်များလုံခြုံစိတ်ချရမှုရှိစေရန် ဉီးစားပေးကဏ္ဍများသတ်မှတ်ပေးခြင်း၊ စားသုံးသူများအား ကြီးမားသောဘေးအန္တရာယ် ဖြစ်ပေါ်စေခဲ့လျှင် (သို့မဟုတ်) နစ်နာဆုံးရှုံးစေခဲ့လျှင် လိုအပ်သလို အရေးပေါ်အစည်းအဝေးများခေါ်ယူကျင်းပ၍ စီမံဆောင်ရွက်ပေးခြင်းကိစ္စရပ်များကိုဆောင်ရွက်လျက်ရှိပါကြောင်း အသိပညာပေးခဲ့မှုကိုသတင်းရရှိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး၊ အစည်းအဝေး ခန်းမ၌ (၂၀.၇.၂၀၂၃)ရက်နေ့၊ နေ့လယ်(၁၅:၃၀)နာရီအချိန်တွင် ဝန်ထမ်းများစွမ်းဆောင်ရည်မြင့် မားစေရန်ရည်ရွယ်၍ (၉/၂၀၂၃)ကြိမ်မြောက် Thursday Talk ဝန်ထမ်းစွမ်းဆောင်ရည်မြှင့်တင်ရေး အထောက်အကူပြု အသိပညာပေးဟောပြောဆွေးနွေးပွဲကို ကျင်းပပြုလုပ်ခဲ့ရာ ဝန်ထမ်း(၉)ဦး တက် ရောက်ခဲ့ပါသည်။

      အဆိုပါ Thursday Talk ဝန်ထမ်းစွမ်းဆောင်ရည်မြှင့်တင်ရေး အထောက်အကူပြု အသိပညာပေးဟောပြောဆွေးနွေးပွဲတွင် ခရိုင်ဦးစီးမှူး ဦးဇော်မင်းသိန်းက အထက်ဌာန၏ လမ်းညွှန်ချက်နှင့်အညီ ဝန်ထမ်းတိုင်း သိရှိနားလည်စေရန်ဖြစ်ကြောင်း၊ တရုတ်ပြည်သူ့သမ္မတနိုင်ငံသို့ ဆန်၊ ဆန်ကွဲတင်ပို့မည့် ကုမ္ပဏီများ၏ ဆန်စက်များနှင့် ဆန်စက်လုပ်သားများ၏ Hygiene ပိုင်းဆိုင်ရာ သိကောင်းစရာများအကြောင်းကို အကျယ်တဝင့်ရှင်းလင်း‌ဆွေးနွေးခဲ့ကြောင်း၊ ဆန်စက်များနှင့် ဆန်စက်လုပ်သားများ ၏ Hygieneပိုင်းဆိုင်ရာများကို မြန်မာကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်းလီမိတက်မှ စစ်ဆေးမည်ဖြစ်ပြီး ရွှေဘိုခရိုင်အနေဖြင့် စစ်ဆေးရမည့်ဆန်စက်(၄)စက်နှင့် သိုလှောင်ရုံ(၃)လုံးရှိကြောင်း သတင်းရရှိပါသည်။

DOCA(စစ်ကိုင်း)