သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်မှ ဦးစီးမှူးသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ရေး အသိပညာပေး Talk Showကို ၂၀၂၃ခုနှစ်၊ အောက်တိုဘာလ ၁၉ရက်နေ့ နေ့လယ်(၁၃:၀၀)နာရီအချိန်တွင် လူထုအခြေပြုဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။

   အဆိုပါ အသိပညာပေး ဆွေးနွေးပွဲတွင် ဓနုဖြူမြို့နယ် ဦးစီးမှူး ဦးဝင်းမင်းစိုးက စားသုံးသူ ရေးရာဦးစီးဌာနတွင် တာဝန်ယူဆောင်ရွက်ရမှု ကဏ္ဍကို မိတ်ဆက်တင်ပြခြင်း၊ စားသုံးသူကာကွယ်ရေး ဥပဒေ (၂၀၁၉) အခန်း(၉) စားသုံးသူ၏အခွင့်အရေးနှင့် တာဝန်များအနက် စားသုံးသူအခွင့်အရေး(၈)ချက်ကို အကျယ်တဝင့်ရှင်းလင်းဆွေးနွေးခြင်း၊ စားသုံးသူအခွင့်အရေးများရှိသလို တာဝန်အနေဖြင့် (၄)ချက်ရှိပါကြောင်း ဆက်လက်ရှင်းလင်းခြင်း၊ စားသုံးသူကာကွယ်ရေးဥပဒေ အခန်း(၁၂) ပုဒ်မ (၂၄)မှာ ပါဝင်တဲ့ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင့်သည့်အခွင့်အရေးများနဲ့ ပတ်သက်ပြီး စီးပွားရေးလုပ်ငန်းရှင်က ပုဒ်မ (၂၃)အရ စားသုံးသူအပေါ် အာမခံချက်ပေးထားသည့် ကာလ(သို့) အသုံးပြုနိုင်သည့် ကာလအတွင်း အသုံးပြုနိုင်ရန် ကုန်စည်ကို အရည်အသွေးထုတ်လုပ်ခြင်းမပြုလျှင်ဖြစ်စေ သတင်းအချက်အလက်ပြည့်စုံစွာ ဖော်ပြခြင်းမရှိလျှင်ဖြစ်စေ၊ စားသုံးသူက တောင်းဆိုနိုင်ခွင့်ရှိသည့် အချက်အလက်များကိုထပ်ဆင့်၍ အကျယ်တဝင့်ရှင်းလင်းပြောကြားခြင်းတို့ကို ဆောင်ရွက်ခဲ့ပါကြောင်း  စားသုံးသူပြည်သူများအနေဖြင့် နစ်နာဆုံးရှုံးမှု ဖြစ်ပေါ်လာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာများ ဖွင့်လှစ်ထားရှိပြီးဖြစ်၍ တိုင်ကြားမှုများကို ညှိနှိုင်းဖြေရှင်း ဆောင်ရွက်ပေးလျက်ရှိကြောင်းကို ဆွေးနွေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

    မင်္ဂလာဒုံမြို့နယ်ရှိ Terminal M Shopping Mall သို့ အစားအသောက်နှင့်ဆေးဝါးကွပ်ကဲရေးဉီးစီးဌာနမှ ဒေါ်ခိုင်သင်းဦး၊ ဉီးစီးအရာရှိပါ (၂)ဦး၊ မြို့နယ်အထွေထွေအုပ်ချုပ်ရေးဦးစီးဌာနမှ ဉီးအေးကျော်၊ ရုံးအုပ်၊ မြို့နယ်ပြည်သူ့ကျန်းမာရေးဉီးစီးဌာနမှ ဉီးဟောက်ခန့်ခိုင်၊ ကျန်းမာရေးမှူး၊ ရန်ကုန်မြို့တော်စည်ပင်သာယာရေးကော်မတီမှ ဒေါ်စန်းစန်းသွင်၊ ကျန်းမာရေးမှူး-၁နှင့် စားသုံးသူရေးဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဒေါ်ခိုင်ရွှေ၊ ဒုကြီးကြပ်ရေးမှူးပါ (၂)ဦးတို့သည် (၂၄-၁၀-၂၀၂၃) ရက်နေ့၊ နံနက်(၁၀:၁၅)နာရီအချိန်တွင် Terminal M Shopping Mall အား ကွင်းဆင်းစစ်ဆေးခဲ့ကြပါသည်။

   ထိုသို့ကွင်းဆင်းစစ်ဆေးရာတွင် အစားအသောက်၊ ဆေးဝါးနှင့် အလှကုန်ပစ္စည်းများ ဘေးအန္တရာယ်ကင်းရှင်းစေရေးနှင့် အရည်အသွေးပြည့်မီစေရေးတို့အတွက် ဈေးကွက်မတင်မီနှင့် ဈေးကွက်တင်ပြီးသော အစားအသောက်၊ ဆေးဝါးနှင့်အလှကုန်များစစ်ဆေးခြင်းကို စဉ်ဆက်မပြတ် အရှိန်အဟုန်မြှင့်တင်ဆောင်ရွက်ခဲ့ပြီး Labelling ပြည့်စုံစွာရှိ/မရှိ ပထမကွင်းဆင်းစစ်ဆေးပြီး ဒုတိယအကြိမ်ကိုလည်း ထပ်မံစစ်ဆေးသွားမည်ဖြစ်ရာ မပြည့်စုံလျှင် လုပ်ငန်းရှင်များကို စာဖြင့်သတိပေးထုတ်ပြန်ပြီး တတိယအကြိမ်စစ်ဆေးချိန်၌ ပြည့်စုံမှုမရှိလျှင် ဥပဒေအရ တရားစွဲဆိုမည်ဖြစ်ကြောင်း ရှင်းလင်းအသိပေးပြောကြားခဲ့ပါသည်။

DOCA(ရန်ကုန်)

      စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ကြီးကြပ်မှုအောက်ရှိ အရှေ့ပိုင်းခရိုင်ဦးစီးမှူးရုံးမှ စားသုံးသူရေးရာဦးစီးဌာန၊ အရှေ့ပိုင်းခရိုင်ရုံးမှ ဦးနေလင်း (စစ်ဆေးရေးမှူး)နှင့် တာဝန်ရှိဝန်ထမ်းများသည် (၂၀-၁၀-၂၀၂၃) ရက်နေ့၊ နံနက် (၁၁:ဝဝ) နာရီအချိန်တွင် မင်္ဂလာတောင်ညွန့်မြို့နယ်၊ ရွှေပြည့်စုံဈေးနှင့် မင်္ဂလာဈေး၊ ဆေးဆိုင်များရှိ ‌ဆေးဝါးများမှ Parbisure သည် အစားအသောက်နှင့်ဆေးဝါးကွပ်ကဲရေးဦးစီးဌာန (FDA) ၏ ထောက်ခံချက်မရှိဘဲ ရောင်းချခြင်းရှိ/မရှိကို မင်္ဂလာတောင်ညွန့်မြို့နယ်၊ ပြည်သူ့ကျန်းမာရေးဦးစီးဌာနမှဝန်ထမ်းများ၊ ဈေးတာဝန်ခံများနှင့် တာဝန်ရှိသူများပူးပေါင်းအဖွဲ့စုံဖြင့် ဈေးကွက်စစ်ဆေးခဲ့ကြပါသည်။

  ထို့နောက် ဆေးဆိုင်များရှိ ဆေးဝါးများကိုစစ်ဆေးခြင်းနှင့် ဆေးဆိုင်ပိုင်ရှင်များ၊ ဆိုင်တာဝန်ခံများနှင့်တွေ့ဆုံပြီး ဆေးဝါးများဖြန့်ဖြူးရောင်းချရာတွင် သက်ဆိုင်ရာဌာနများ၏ ထောက်ခံချက်ရှိသောဆေးဝါးများကိုသာရောင်းချရန်နှင့် စားသုံးသူရေးရာဦးစီးဌာန၏ စားသုံးသူကာကွယ်ရေးဥပဒေပါ ကုန်အညွှန်းအမှတ်အသားပြဋ္ဌာန်းခြင်းဆိုင်ရာဖော်ပြချက်များကို လိုက်နာရန်လိုအပ်ကြောင်း၊ လိုက်နာမှုမရှိပါက သက်ဆိုင်ရာဌာနများ၏ ဥပဒေ၊ နည်းဥပဒေနှင့် လုပ်ထုံးလုပ်နည်းများအတိုင်း အရေးယူခံရနိုင်ကြောင်း အသိပညာအပေးပြောကြားခဲ့ရာ ရွှေပြည့်စုံဈေးတွင် ဆိုင်(၁၁)ဆိုင်နှင့် မင်္ဂလာ‌ဈေးတွင် ဆေးဆိုင် (၈)ဆိုင်တို့အား စစ်ဆေးခဲ့ကြောင်းသိရှိရပါသည်။

DOCA(ရန်ကုန်)

   မြန်မာနိုင်ငံဆန်စပါးကဏ္ဍဖွံ့ဖြိုးတိုးတက်စေရေးနှင့် သိုလှောင်မှုများစနစ်တကျရှိစေရေးအတွက် စပါးတင်း ၅၀၀၀ (သို့) ဆန်တန် ၅၀အထက် ဆန်စပါးသိုလှောင်မှုအခြေအနေတို့ကို   ဒီဂျစ်တယ်နည်းလမ်း အွန်လိုင်းမှတ်ပုံတင်စနစ် Myanmar Rice Online(MyRO) ဖြင့် မှတ်ပုံတင် နိုင်ရေး၊ သိုလှောင်လုပ်ငန်းများ စနစ်တကျဖွံ့ဖြိုးတိုးတက်နိုင်စေရေး၊ ဆန်စပါးဈေးကွက်တည်ငြိမ်မှန်ကန်စွာဖွံ့ဖြိုးတိုးတက်ရေး၊ ဆန်စပါးသိုလှောင်မှုကို စနစ်တကျမှတ်ပုံတင်စာရင်း ပြုစုထားနိုင်ရေး၊ သင့်တင့်မျှတတည်ငြိမ်သော ဆန်ဈေးကွက်နှင့်ဈေးနှုန်းများဖြစ်ပေါ်စေရေး စသည့်ရည်ရွယ်ချက်ကောင်းများဖြင့် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့၏ အစိုးရ၊ ပုဂ္ဂလိကပူးပေါင်းစီစဉ်မှုဖြင့် ဆောင်ရွက်လျက်ရှိသည့် Myanmar Rice Online(MyRO) ၏ Key User Training သင်တန်းကို (၂၃-၁၀-၂၀၂၃) တနင်္လာနေ့၊ နေ့လယ်(၁၃း၃၀) နာရီအချိန်မှ ညနေ(၁၇း၀၀)နာရီအချိန်ထိ မြန်မာနိုင်ငံဆန်စပါးအသင်းချုပ် (အစည်းအဝေးခန်းမ)တွင် ကျင်းပပြုလုပ်ခဲ့ရာ  ဌာနဆိုင်ရာနှင့်အသင်းအဖွဲ့များမှ သင်တန်းသား (၂၅)ဦးဖြင့် ဖွင့်လှစ်ခဲ့ကြပါသည်။  Key User Training သင်တန်းဖွင့်ပွဲတွင် မြန်မာနိုင်ငံဆန်စပါးအသင်းချုပ်၊ ဥက္ကဋ္ဌ ဦးရဲမင်းအောင်က အဖွင့်အမှာစကားပြောကြားခဲ့ပြီး တာဝန်ရှိသူများက Warehouse Registration User Manual Version No.(2.0) နှင့်ပတ်သက်၍ တက်ရောက်လာကြသူများအား ရှင်းလင်းမိတ်ဆက်ပေးခဲ့ပါသည်။                    အဆိုပါ လွယ်ကူလျင်မြန်သော ဒစ်ဂျစ်တယ်နည်းလမ်းဖြင့် မှတ်ပုံတင်စာရင်းတင်ပြဆောင်ရွက်နိုင်မည့် Online Registration စနစ် (MyRO) ကို ၂၀၂၃ ခုနှစ်အတွင်း မကြာမီ စတင်အသုံးပြုနိုင်ရေးအတွက် Digital Certificate ထုတ်ပေးနိုင်သည့်ဝန်ဆောင်မှုဖြင့် သိုလှောင်မှုလုပ်ငန်းများစနစ်တကျဖွံ့ဖြိုးတိုးတက်စေရန်ရည်ရွယ်ချက်ဖြင့် စီစဉ်ဆောင်ရွက်ခဲ့သည့် Myanmar Rice Online (MyRO) ၏ ရည်ရွယ်ချက်ပန်းတိုင်သို့ရောက်ရှိနိုင်မည့် Key User Training သင်တန်း Warehouse Registration User Manual Version No.(2.0) ရှင်းလင်းမိတ်ဆက်ပွဲကို ပထမခြေလှမ်းအနေဖြင့် စတင်ခဲ့ခြင်းဖြစ်ပါကြောင်းနှင့်  အသေးစိတ်သိရှိလိုပါက www. myro. com. mm သို့ ဝင်ရောက်လေ့လာနိုင်ပါကြောင်း သင်တန်းဖွင့်ပွဲအခမ်းအနားမှသိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာ၊ ခရိုင်ဦးစီးမှူး ဦးစီးမှူး၏ လမ်းညွှန်မှုဖြင့်  မိတ္ထီလာခရိုင်ဦးစီးမှူးရုံးမှ စစ်ဆေးရေးအရာရှိ နှင့်ဝန်ထမ်းများသည် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန တို့နှင့်ပူးပေါင်း၍  ဈေးကွက် အတွင်း၌ Parbisure (IV/HN Injection) ဆေးဝါးနှင့် (Composition & Strength) ဘူးခွံ design ဆင်တူပြီး အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်နှင့်တရားဝင်ဆေးဝါး မှတ်ပုံတင် ခွင့်ပြုDRC No. နှင့်  Insert ပါရှိခြင်းမရှိသာ Parbisure အမှတ်တံဆိပ်ဆေးဝါးများ ရောင်းချမှုမရှိ စေရေးအတွက် ၂၀၂၃ ခုနှစ်၊ အောက်တိုဘာလအတွင်း စျေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် (မိတ္ထီလာ/ရမည်းသင်း)ခရိုင်အတွင်းရှိ ဆေးဆိုင်(၃၅)ဆိုင် အားကွင်းဆင်းစစ်ဆေးရာတွင် ဈေးကွက်အတွင်း ဆေးဝါးမှတ်ပုံတင်ခွင့်ပြုအမှတ်မပါရှိသော တရား မဝင်တင်သွင်း ဖြန့်ချိလျက်ရှိသည့် Parbisure အမှတ်တံဆိပ်(IV/HN Injection) ဆေးအား ရောင်းချ မှုမရှိကြောင်း သိရှိရပါသည်။

DOCA(မန္တလေး)