သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံး၌ ဝန်ထမ်းများ စွမ်းဆောင်ရည်မြှင့်အထောက်အကူပြု Thursday Talk ကို ၂.၁၁.၂၀၂၃ ရက်နေ့တွင် ကျင်းပပြုလုပ်ခဲ့ရာ ပြည်နယ်ရုံးနှင့် မော်လမြိုင်ခရိုင်ရုံးမှ ဝန်ထမ်းစုစုပေါင်း (၂၅) ဦးတက်ရောက်ခဲ့ကြောင်း သိရှိရပါသည်။

    အဆိုပါ ဝန်ထမ်းစွမ်းဆောင်ရည်မြှင့်တင်ရေးအထောက်အကူပြု Thursday Talk အသိပညာပေး ဟောပြောဆွေးနွေးပွဲတွင် ပြည်နယ်ဦးစီးမှူးက အဖွင့်အမှာစကားပြောကြားပြီးနောက် ပြည်တွင်း ကုန်သွယ်မှုဖွံ့ဖြိုးတိုးတက်ရေးနှင့်သုတေသနဌာနခွဲ၊ ဒုဦးစီးမှူး ဦးအောင်မြင့်မြတ်က မွန်ပြည်နယ်၏ ဈေးကွက်အလားအလာရှိသော သီးနှံများအကြောင်းအရာအားလည်းကောင်း၊ စားသုံးသူရေးရာဌာနခွဲ၊ ဒုဦးစီးမှူး ဒေါ်ခင်ကြည် က Multi Level Marketing အကြောင်းအားလည်းကောင်း၊ စီမံရေးရာဌာနခွဲ အကြီးတန်းစာရေး ဦးနိုင်လင်းထက်က ပြည်သူ့ဆက်ဆံရေးပညာအကြောင်းကိုလည်းကောင်း၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ၊ အငယ်တန်းစာရေး ဒေါ်သဇင်ဖြိုးမြတ်က Communication & Public Speaking အကြောင်းအားလည်းကောင်း အသီးသီးရှင်းလင်းဆွေးနွေးခဲ့ကြပြီး တက်ရောက်လာသူများမှ သိလိုသည်များကို အပြန်အလှန် မေးမြန်းဆွေးနွေးခဲ့ကြောင်း သိရှိရပါသည်။

DOCA(မွန်)

  စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူများဘေးအန္တရာယ်ကင်းရှင်းစေရေး၊ ထုတ်ကုန်များလုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်သွားစေရေးနှင့် စားသုံးသူကာကွယ်ရေးဥပဒေပြဋ္ဌာန်းချက်ပါ ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားမှုအခြေအနေတို့နှင့်စပ်လျဉ်း၍   လုပ်ငန်းရှင်များနှင့်တွေ့ဆုံဆွေးနွေးအသိပညာ‌ပေးခြင်းလုပ်ငန်းတို့ကို တိုင်းဒေသကြီးအတွင်းရှိ ခရိုင်၊ မြို့နယ်များတွင် လစဉ် ဆောင်ရွက်လျက်ရှိပါသည်။

    ထိုသို့ လုပ်ငန်းရှင်များနှင့်တွေ့ဆုံဆွေးနွေးအသိပညာပေးရာတွင် စားသုံးသူကာကွယ်ရေးဥပဒေပါ စီးပွားလုပ်ငန်းရှင်များလိုက်နာရမည့်တာဝန်များ၊  ကုန်စည်ပေါ်တွင်ကပ်နှိပ်မည့် ကုန်အညွှန်းအမှတ်အသားဆိုင်ရာပြဋ္ဌာန်းချက်များနှင့်စပ်လျဉ်း၍ ရှင်းလင်းဆွေးနွေးအသိပညာ‌ပေးပြောကြားခြင်း၊ ကုန်အညွှန်းအမှတ်အသားဖော်ပြထားမှုအပေါ် စားသုံးသူကာကွယ်ရေးဥပဒေနှင့်ကိုက်ညီမှုရှိ/မရှိ စိစစ်ပြန်ကြားပေးစေလိုပါက သက်ဆိုင်ရာမြို့နယ်၊ ခရိုင်၊ တိုင်းစားသုံးသူရေးရာဦးစီးဌာနများမှတစ်ဆင့် တင်ပြလျှောက်ထားနိုင်ကြောင်း၊ ကုန်အညွှန်းအမှတ်အသားတင်ပြလျှောက်ထားမှုနှင့်စပ်လျဉ်း၍ ဌာနအနေဖြင့် စာရွက်စာတန်းကြေး၊ ဝန်ဆောင်ခ၊ စစ်ဆေးအတည်ပြုခ စသည့်ကုန်ကျစရိတ်တို့ကိုကောက်ခံခြင်းမရှိဘဲ ဆောင်ရွက်ပေးနေကြောင်း အသိပညာပေး‌ဆွေးနွေးခြင်းတို့ဆောင်ရွက်ခဲ့ပါသည်။

     စားသုံးသူများဘေးအန္တရာယ်ကင်းရှင်းရေး၊ ထုတ်ကုန်များလုံခြုံစိတ်ချရမှုရှိစေရေးတို့အတွက် ဈေးကွက်မရောက်မီကုန်စည်တို့ကို သွားရောက်စစ်ဆေးခြင်းနှင့် လုပ်ငန်းရှင်များအား အသိပညာပေးခြင်းများဆောင်ရွက်ရာတွင် ၂၀၂၃ခုနှစ်၊ အောက်တိုဘာလတွင် ဆီစက်လုပ်ငန်းရှင်၊ မုန့်မျိုးစုံလုပ်ငန်းရှင်၊ ဆိတ်သားခြောက်လုပ်ငန်းရှင်၊ ငရုတ်သီးမှုန့်ငန်းရှင်၊ ခေါက်ဆွဲစက်လုပ်ငန်းရှင်၊ ဆန်စက်လုပ်ငန်းရှင်၊ မုန့်တီလုပ်ငန်းရှင်၊ လောင်စာတောင့်လုပ်ငန်းရှင်၊ ဆီးဖျော်ရည်လုပ်ငန်းရှင်များနှင့် တွေ့ဆုံဆွေးနွေးအသိပညာပေးခြင်း (၂၅)ကြိမ်ဆောင်ရွက်နိုင်ခဲ့ကြောင်းသိရှိရပါသည်။  

DOCA(စစ်ကိုင်း)

  စစ်ကိုင်းတိုင်းဒေသကြီးဦးစီးမှူးရုံးအနေဖြင့် စားသုံးသူပြည်သူများအတွက် ထုတ်ကုန်လုံခြုံစိတ်ချရမှုရှိစေရန်၊  စီးပွားရေးလုပ်ငန်းရှင်များ စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်နိုင်စေရန်အတွက် တိုင်း၊ ခရိုင်၊ မြို့နယ်အလိုက် စားသုံးသူကာကွယ်ရေးအသိပညာပေလုပ်ငန်းများ၊ စားသုံးသူတိုင်ကြားမှုဖြေရှင်းခြင်းလုပ်ငန်းများဆောင်ရွက်လျက်ရှိရာ ၂၀၂၃ခုနှစ်၊ အောက်တိုဘာလအတွင်း ကလေးခရိုင်အနေဖြင့် ကလေးဝမြို့နယ်၊ အမှတ်(၂)ရပ်ကွက်၊ မူလွန်ကျောင်းတွင်လည်းကောင်း၊ တမူးမြို့နယ်တာဝန်ခံရုံးမှ  မြို့မရပ်ရှိ အခြေခံပညာမူလတန်းကျောင်းတွင်လည်းကောင်း၊ ကန့်ဘလူမြို့၊ အမှတ်(၄)အခြေခံပညာမူလတန်းကျောင်း၊ ကန့်ဘလူမြို့၊ အမှတ်(၂)ရပ်ကွက်နှင့် ကန့်ဘလူခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှပြုလုပ်သည့် Talk Show တွင်လည်းကောင်း၊ ကျွန်းလှမြို့နယ်တာဝန်ခံရုံးမှ ဇီးတောကျေးရွာ၊ အခြေခံပညာမူလတန်းကျောင်းတွင်လည်းကောင်း၊ စစ်ကိုင်းခရိုင်ဦးစီးမှူးရုံးအနေဖြင့် စစ်ကိုင်းမြို့၊ ဆီကုန်သည်များနှင့်ဆီလုပ်ငန်းရှင်များအားလည်းကောင်း၊ စစ်ကိုင်းခရိုင်အသေးစားစက်မှုလက်မှုလုပ်ငန်းဦးစီးဌာနမှကျင်းပပြုလုပ်သည့် အခြေခံစားသောက်ကုန်ထုတ်လုပ်မှုနည်းပညာသင်တန်းတွင်လည်းကောင်း၊ မုံရွာမြို့နယ်တာဝန်ခံရုံးမှ မုံရွာမြို့၊ SEC ကိုယ်ပိုင်အထက်တန်းကျောင်းတွင်လည်းကောင်း၊ မုံရွာခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင်ကျင်းပပြုလုပ်သည့် အခြေခံစားသောက်ကုန်ထုတ်လုပ်မှုနည်းပညာသင်တန်းနှင့် ကွန်ပျူတာသင်တန်းတွင်လည်းကောင်း၊  ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ အမှတ်(၃)ရပ်ကွက်၊ အခြေခံပညာအထက်တန်းကျောင်းတွင်လည်းကောင်း၊ စုစုပေါင်း (၁၁)ကြိမ် အသိပညာပေးဟောပြောဆွေးနွေးခဲ့ပါသည်။

    လုပ်ငန်းရှင်များနှင့်တွေ့ဆုံဆွေးနွေးအသိပညာပေးမှုများကိုလည်း ကလေးခရိုင်ဦးစီးမှူးရုံးအနေဖြင့် (၄)ကြိမ်၊ ကသာခရိုင်ဦးစီးမှူးရုံးအနေဖြင့် (၃)ကြိမ်၊ ကန့်ဘလူမြို့နယ်တဝန်ခံရုံးမှ (၂)ကြိမ်၊ စစ်ကိုင်းခရိုင်ဦးစီးမှူးရုံးအနေဖြင့် (၇)ကြိမ်၊ မုံရွာမြို့နယ်တာဝန်ခံရုံးမှ (၂)ကြိမ်၊ ယင်းမာပင်ခရိုင် ဦးစီးမှူးရုံးအနေဖြင့် (၂)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၅)ကြိမ် စုစုပေါင်း (၂၅)ကြိမ်ဆောင်ရွက်နိုင်ခဲ့ပါသည်။ ထိုသို့ တွေ့ဆုံဆွေးနွေးဆောင်ရွက်ခြင်းများပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့်စပ်လျဉ်း၍ ဖော်ပြရမည့်အာမခံချက်များ၊ ရိုးရှင်းမှန်ကန်သောသတင်းအချက်အလက်များပြည့်စုံစွာပေးရန်လိုအပ်ကြောင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေးသတ်မှတ်ထားသောကုန်စည်များကို သတ်မှတ်ရည်ညွှန်းဈေးဖြင့်ရောင်းချစေရေး ဆွေးနွေးဟောပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော လက်ကမ်းစာစောင်များနှင့် စားသုံးသူကာကွယ်ရေးဥပဒေစာအုပ်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

     မကွေးတိုင်းဒေသကြီး၊ စားသုံးသူရေးရာဦးစီးဌာနအနေဖြင့် စားသုံးသူပြည်သူများ၏ အခွင့်အရေးနှင့် အကျိုးစီးပွားများကို ကာကွယ်ရန်၊ လုပ်ငန်းရှင်များအားလည်း မိမိတို့လိုက်နာမည့်တာဝန်နှင့် တားမြစ်ချက်များကို သိရှိစေရန်၊ စီးပွားရေးကျင့်ဝတ်၊ စည်းကမ်းများနှင့်အညီ ဖြောင့်မတ်မှန်ကန်စွာဆောင်ရွက်နိုင်ရေးအတွက် တိုင်းဒေသကြီး/ခရိုင်/ မြို့နယ်အလိုက် စားသုံးသူအသိပညာပေးခြင်းနှင့် လုပ်ငန်းရှင်တွေ့ဆုံဆွေးနွေးခြင်း လုပ်ငန်းများကို ဆောင်ရွက်လျက်ရှိပါသည်။ ထိုသို့ ဆောင်ရွက်လျက်ရှိရာတွင် ၂၀၂၃ ခုနှစ်၊ အောက်တိုဘာလအတွင်း စားသုံးသူအသိပညာပေးဆွေးနွေးခြင်း (၄၄)ကြိမ်၊ လုပ်ငန်းရှင်များနှင့်တွေ့ဆုံဆွေးနွေးခြင်း (၇၂)ကြိမ်၊ အလုပ်ရုံဆွေးနွေးပွဲကျင်းပခြင်း(၁) ကြိမ် ဆောင်ရွက်နိုင်ခဲ့ပါသည်။

       အလုပ်ရုံဆွေးနွေးပွဲဆောင်ရွက်နိုင်မှုအနေဖြင့် "စားသုံးသူများ ဘေးကင်းလုံခြုံစိတ်ချရမှု ရှိစေရေးနှင့် ကုန်အညွှန်းအမှတ်အသား ဖော်ပြခြင်းဆိုင်ရာ" အလုပ်ရုံဆွေးနွေးပွဲကို မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီး ဦးစီးမှူးရုံးတွင် (၁၇.၁၀.၂၀၂၃)ရက်နေ့၊ နံနက် (၀၉:၀၀)မှ နေ့လည်(၁၂:၃၀)ထိကျင်းပပြုလုပ်ခဲ့ရာ မကွေးတိုင်းဒေသကြီးအစိုးရအဖွဲ့၊ စီးပွားရေးရာဝန်ကြီး ဦးအောင်ချိန်၊ တိုင်းဒေသကြီး စားသုံးသူ‌ရေးရာကော်မတီအဖွဲ့ဝင်များ၊ ဌာနဆိုင်ရာတာဝန် ရှိသူများ၊ ဆီစက်လုပ်ငန်းရှင်များ၊ ဆီကုန်သည်နှင့် ဆီလုပ်ငန်းရှင်များအသင်းဥက္ကဌနှင့် ဆီဖြန့်ဖြူး ရောင်းချသူလုပ်ငန်းရှင်များ၊  စားသောက်ကုန် ထုတ်လုပ်ဖြန့်ဖြူးရောင်းချသူအသင်းမှ တာဝန်ရှိသူများ၊ စားသောက်ကုန်ထုတ်လုပ်သူ မုန့်လုပ်ငန်းရှင်များ၊   စတိုးဆိုင်၊ ကုန်စုံဆိုင်လုပ်ငန်းရှင်များ၊ စားသုံးသူ ရေးရာဦးစီးဌာနမှဝန်ထမ်းများ စုစုပေါင်း(၆၄)ဦး တက်ရောက်နိုင်ခဲ့ပါသည်။

      အသိပညာပေးခြင်းဆောင်ရွက်နိုင်မှုအနေဖြင့် မကွေး၊ ရေနံချောင်း၊ နတ်မောက်၊ ချောက်၊ တောင်တွင်းကြီး၊ မြို့သစ်၊ မင်းဘူး၊ ပွင့်ဖြူ၊ စလင်း၊ သရက်၊ အောင်လံ၊ မင်းတုန်း၊ ကံမ၊ ဆင်ပေါင်ဝဲ၊ ပခုက္ကူ၊ ဆိပ်ဖြူ၊ ဂန့်ဂေါမြို့နယ်များအတွင်းရှိ အထက်တန်း၊ အလယ်တန်း၊ မူလတန်းကျောင်းများသို့ စားသုံးသူကာကွယ်ရေးဆိုင်ရာ အသိပညာပေးဆွေးနွေးဟောပြောခြင်း၊ စလင်း၊ မင်းတုန်း၊ ကံမမြို့ နယ်များ၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ၌ ကျင်းပပြုလုပ်သော စားသုံးသူကာကွယ်ရေးအသိပညာပေး Talk Show များဆောင်ရွက်ခြင်း၊ မကွေးမြို့ မြန်မာ့လယ်ယာဖွံ့ဖြိုးရေးဘဏ်၌ ဘဏ်ဝန်ထမ်းများ၊ ဖိုလေးလုံးကျေးရွာမှ ရွာသူ/သားများအားလည်းကောင်း၊ ပွင့်ဖြူမြို့နယ် ရှောက်တောကျေးရွာစည်ပင်ဈေးသို့ လာရောက်ဈေးဝယ်သူများအားလည်းကောင်း စားသုံးသူကာကွယ် ရေးဆိုင်ရာ အသိပညာပေးဆွေးနွေးခြင်းများ ဆောင်ရွက်နိုင်ခဲ့ပါသည်။

    လုပ်ငန်းရှင်များနှင့်တွေ့ဆုံဆွေးနွေးခြင်းများ ဆောင်ရွက်ခဲ့ရာတွင် မကွေး၊ ရေနံချောင်း၊ နတ်မောက်၊ ချောက်၊ တောင်တွင်းကြီး၊ မြို့သစ်၊ မင်းဘူး၊ ပွင့်ဖြူ၊ စလင်း၊ သရက်၊ အောင်လံ၊ မင်းတုန်း၊ ကံမ၊ ဆင်ပေါင်ဝဲ၊ ပခုက္ကူ၊ ဆိပ်ဖြူ၊ ဂန့်ဂေါ၊ မင်းလှမြို့နယ်များရှိ စားသောက်ကုန် လုပ်ငန်းရှင်များ၊  ကုန်မျိုးစုံအရောင်းဆိုင်များ၊ မုန့်ထုတ်လုပ်သူလုပ်ငန်းရှင်များ၊  စတိုးဆိုင်လုပ်ငန်းရှင်များအား ကုန် အညွှန်းအမှတ်အသားဖော်ပြခြင်းနှင့် စပ်လျဉ်း၍လည်းကောင်း၊ ဆီစက်/ ဆန်စက်/  ဆုံဆီလုပ်ငန်းရှင်များ အား ပဲဆီ/ နှမ်းဆီများကိုစားအုန်းဆီများနှင့်ရော၍ ရောဆီအဖြစ် ခွက်မှောက်ခွက်လှန်စနစ်ဖြင့် ရောင်းချခဲ့ရာ ယခုအခါတွင် စားသုံးသူများအပေါ် လိမ်လည်လှည့်ဖျားခြင်း မရှိစေရန် ပဲဆီ/ နှမ်းဆီ/ စားအုန်းဆီဟုသာရောင်းချစေပြီး စားသုံးသူတောင်းဆိုသည့်အတိုင်း ပဲဆီ/ နှမ်းဆီနှင့်စားအုန်းဆီတို့ကို စားသုံးသူ၏ရှေ့မှောက်၌ရောစပ်ရောင်းချရန် စားသုံးသူများ၏မျက်ကွယ်တွင် ရောစပ်၍ ရောဆီ အဖြစ်ရောင်းချနေမှုအား တားမြစ်ထားကြောင်းနှင့် ခွက်မှောက်ခွက်လှန်စနစ်ဖြင့် ရောင်းချလျက်ရှိရာတွင် ဆီထည့်သည့်ပုံးများအား စတီးလ်ပုံးများဖြင့် အဖုံးများဖုံးအုပ်၍ ရောင်းချသွားရန်၊ ကုန်ဈေးနှုန်း ကြီးမြင့်မှုမရှိစေရေး၊ ပစ္စည်းပြတ်လပ်မှုမရှိစေရေးအသိပေးဆွေးနွေးခြင်း၊ ဆေးဆိုင်လုပ်ငန်းရှင်များအား FDA ထောက်ခံချက်မရှိသောဆေးဝါးများ ရောင်းချခြင်းမပြုရန်နှင့် ရောင်းချခွင့်ရှိသော ဆေးဝါများကိုလည်း မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားသည့် ဆေးဝါးများကိုသာ ရောင်းချသွားရန် အသိပညာပေးဆွေးနွေးခြင်း၊ ဂန့်ဂေါမြို့နယ် ကျောက်တိုက်ရပ်နှင့် စည်ပင်သာယာရပ်ရှိ စံရှား၊ ငွေတံတား သောက်ရေသန့်လုပ်ငန်းရှင်များ၊ ပွင့်ဖြူမြို့နယ် လက်ခုပ်ကျေးရွာရှိ တမာရိပ် သောက် ရေသန့်လုပ်ငန်းရှင်တို့အား ကုန်အညွှန်းအမှတ်အသားဖော်ပြခြင်းနှင့် လုပ်ငန်းရှင်၏ တာဝန်များအကြောင်း အသိပေးဆွေးနွေးခြင်းများ ဆောင်ရွက်နိုင်ခဲ့ကြောင်း သိရှိရပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာနအနေဖြင့်   ထုတ်ကုန်လုံခြုံစိတ်ချရမှုရှိစေရေးအတွက် ရခိုင်ပြည်နယ် ၊ မောင်တောခရိုင် ၊ မောင်တောမြို့နယ် တာဝန်ခံ ဦးအောင်ထွန်းမြ (ဒု-ဦးစီးမှူး)နှင့်ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊  မြို့နယ်စည်ပင်သာယာရေးအဖွဲ့၊ မြို့နယ်မီးသတ်ဦးစီးဌာန ပါဝင်သော ပူးပေါင်းအဖွဲ့ဖြင့်   ၂၀၂၃ ခုနှစ် ၊ နိုဝင်ဘာလ (၁)ရက် နေ့ နံနက် (၁၀:၀၀) အချိန်တွင် မောင်တောမြို့ပေါ်ရှိ  မြို့မအရှေ့ ရပ်ကွက်၊ မြို့မတောင်ရပ်ကွက်ရှိ ကုန်မျိုးစုံအရောင်းဆိုင်များသို့ သွားရောက်၍ ဈေးကွက်စောင့် ကြည့် စစ်ဆေးခဲ့ပါသည်။

       ထိုသို့ ဈေးကွက်စောင့်ကြည့်စစ်ဆေးရာတွင် မောင်တောမြို့နယ်တာဝန်ခံ က ကုန်မျိုးစုံရောင်းချသည့် လုပ်ငန်းရှင်များအား စားသုံးသူကာကွယ်ရေးဥပဒေ ၂၀၁၉၊ အခန်း(၁၈)တွင် ပြဌာန်းထားသည့် ကုန်အညွှန်းအမှတ်အသားဖော်ပြခြင်းတွင် ပါဝင်သောကုန်စည်၏ တံဆိပ်အမှတ်အသား၊ အမျိုးအမည်၊ အရွယ်အစား ၊အရေအတွက်နှင့်အသားတင်ပမာဏ ၊ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း ၊ထုတ်လုပ်သည့်အမည်နှင့်လိပ်စာ၊ ပါဝင်ပစ္စည်းများ၊ ဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက် ၊ ကြိုတင်သတိပေးချက်၊ သက်ဆိုင်ရာအစိုးရ ဌာနများက သတ်မှတ်ထားသော အချက်အလက်များအား ရှင်းလင်းပြောကြားခဲ့ပြီး ၊ စီးပွားရေး လုပ်ငန်းရှင်များသိရှိလိုက်နာရမည့်တာဝန်များ၊ တားမြစ်ချက်များ၊ စီမံခန့်ခွဲရေးနည်းလမ်းအရ အရေးယူနိုင်မည့်အချက်များ ၊ ပြစ်မှုပြစ်ဒဏ်များ၊ စားသုံးသူအခွင့်အ‌ရေးနှင့်တာဝန်များပါရှိသည့် စားသုံးသူကာကွယ်ရေးအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ရခိုင်)