သတင်းနှင့် လှုပ်ရှားမှုများ

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးအနေဖြင့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးလုပ်ငန်းများကိုပါဆောင်ရွက်လျက်ရှိပါသည်။

    မုံရွာခရိုင်အနေဖြင့် ၂၀၂၃ခုနှစ်၊ စက်တင်ဘာလအတွင်း စီးပွားရေးလုပ်ငန်းရှင်များနှင့်တွေ့ဆုံခြင်း (၂) ကြိမ်ဆောင်ရွက်ခဲ့ရာ ဒု-ခရိုင်ဦးစီးမှူးနှင့် ဝန်ထမ်း(၁)ဦးတို့သည် (၁၁-၁၀-၂၀၂၃)ရက်နေ့တွင် မုံရွာမြို့၊ ဒေါနခြံရပ်ကွက်ရှိ "ဒေါ်ထက်"ဆိတ်သားခြောက်လုပ်ငန်းရှင်အားလည်းကောင်း၊ ခရိုင်ဦးစီးမှူးနှင့် ဝန်ထမ်း(၂)ဦးတို့သည် (၂၄-၁၀-၂၀၂၃) ရက်နေ့တွင် မုံရွာမြို့၊ နန္ဒဝန်ရပ်ကွက်ရှိ “T & C ” မုန့်မျိုးစုံလုပ်ငန်းရှင်အားလည်းကောင်း တွေ့ဆုံပြီး စားသုံးသူကာကွယ်ရေးဥပဒေပါ အကြောင်းအရာများ၊ အမိန့်နှင့်ညွှန်ကြားချက်များ၊ ဌာနမှဆောင်ရွက်လျက်ရှိသောလုပ်ငန်းများကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊  ဆိပ်ဖြူမြို့နယ်တွင် တာဝန်ထမ်းဆောင်လျက်ရှိသော ဒု-ဦးစီးမှူး ဒေါ်မြင့်မြင့်သန်းနှင့် ဒေါ်တင်မာရီတို့သည် ခရိုင်ဦးစီးမှူး၏ လမ်းညွှန်မှုဖြင့် ဆိပ်ဖြူမြို့နယ်အတွင်းရှိ စားသုံးသူပြည်သူများ စားအုန်းဆီများကို သက်သာသော ဈေးနှုန်းများဖြင့် ဝယ်ယူစားသုံးနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ စီမံဆောင်ရွက်မှုဖြင့် စားအုန်းဆီများ ဖြန့်ဖြူးရောင်းချပေးလျက်ရှိပါသည်။ စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကော်မတီမှ ထုတ်ပြန်ပေးလျက် ရှိသော ရည်ညွှန်းဈေးအပေါ် အခြေခံ၍ အိမ်ထောင်စုတစ်စုလျှင် တစ်ပိဿာနှုန်းဖြင့် ရောင်းချပေးလျက်ရှိပါသည်။

  ဆိပ်ဖြူမြို့နယ်အတွင်းရောင်းချရာ (၁၈.၁၀.၂၀၂၃)ရက်နေ့တွင်  မြင်ကဝကျေးရွာအုပ်စုရှိ အိမ်ထောင်စု(၄၅၀)စုအတွက် စားအုန်းဆီပိဿာ(၄၅၀)ပိဿာ၊ (၁၉.၁၀.၂၀၂၃)ရက်နေ့တွင် ကမ္ဘာကြီးကျေးရွာရှိ အိမ်ထောင်စု(၄၅၀)စုအတွက် စားအုန်းဆီပိဿာ(၄၅၀)ပိဿာ၊ (၂၀.၁၀.၂၀၂၃) ရက်နေ့တွင် ချင်တောင်ကျေးရွာအုပ်စုရှိ အိမ်ထောင်စု(၄၀၀)စုအတွက် စားအုန်းဆီပိဿာ (၄၀၀)ပိဿာ၊ (၂၃.၁၀.၂၀၂၃)ရက် နေ့တွင် ကိုးတောင့်ကျေးရွာရှိ အိမ်ထောင်စု(၄၀၀)စုအတွက် စားအုန်းဆီပိဿာ (၄၀၀)ပိဿာ၊ (၂၄.၁၀.၂၀၂၃)ရက်နေ့တွင် အနောက်ပိုင်းရပ်ကွက်ရှိ အိမ်ထောင်စု(၇၀၀)စုအတွက် စားအုန်းဆီပိဿာ (၇၀၀)ပိဿာ၊  စုစုပေါင်း စားအုန်းဆီပိဿာ (၂၄၀၀)ပိဿာအား နေ့စဉ်နေလယ် (၁၃:၀၀)နာရီအချိန်တွင် ဆီတစ်ပိဿာလျှင် ကျပ်(၅၀၀၀)နှုန်းဖြင့် စားသုံးသူပြည်သူများကို အလှည့် ကျတန်းစီစနစ်ဖြင့် ရောင်းချပေးမှုအခြေအနေကို ကွင်းဆင်းစိစစ်ကြပ်မတ်ဆောင်ရွက်ခြင်းများ ပြုလုပ်ခဲ့ပါသည်။

DOCA(မကွေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေး၊ စံချိန်စံညွှန်းများနှင့်ပြည့်မီရေး၊  စားသုံးသူပြည်သူများ ကျန်းမာရေးနှင့် ညီညွတ်သောစားသုံးဆီများကို သုံးစွဲနိုင်ရေး၊ ဈေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး၊ စားအုန်းဆီကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ဖြစ်သင့်ဖြစ်ထိုက်သည့်ဈေးနှုန်းများဖြစ်ပေါ်စေရေး ထိန်ကျောင်းဆောင်ရွက်လျက်ရှိရာ မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏လမ်းညွှန်မှုဖြင့် မကွေး/ ချောက်ခရိုင်ဦးစီးမှူးနှင့် ဝန်ထမ်းများသည် (၂၃.၁၀.၂၀၂၃) ရက်နေ့၊ နေ့လယ် (၁၄:၃၀)အချိန်တွင် မကွေးတိုင်းဒေသကြီး အစိုးရအဖွဲ့ရုံး ဝန်ထမ်းများ၊ မကွေးတိုင်းအထွေထွေအုပ်ချုပ်ရေးဦးစီးဌာနရုံးနှင့် မကွေးခရိုင်အထွေထွေအုပ်ချုပ်ရေးဦးစီးဌာနရုံးမှ ဝန်ထမ်းများအား စားအုန်းဆီ (၁) ပိဿာလျှင် ကျပ်(၄၉၅၀)နှုန်းဖြင့် လူတစ်ဦးလျှင် (၁) ပိဿာနှုန်း ရောင်းချပေးနေမှုနှင့် မကွေးခရိုင် လမ်းဦးစီးမှူးရုံး၌ လမ်းဦးစီးဌာန၊ ရေအရင်းအမြစ်၊ ဟိုတယ်နှင့်ခရီးသွားလာရေးဌာန၊ တရားရုံး(တိုင်း/ ခရိုင်/ မြို့နယ်)၊ ဥပဒေ(တိုင်း/ ခရိုင်/ မြို့နယ်)ရှိ ဝန်ထမ်းများအား စားအုန်းဆီ (၁) ပိဿာလျှင် ကျပ်(၄၉၅၀) နှုန်းဖြင့် လူတစ်ဦးလျှင် (၁) ပိဿာနှုန်း ရောင်းချနေမှုအား ကွင်းဆင်းကြီးကြပ်ခြင်းဆောင်ရွက်ခဲ့ပါသည်။

   ထိုသို့ကွင်းဆင်းကြီးကြပ်ရာ၌ စားသုံးသူပြည်သူများ အဆင်‌ပြေချောမွေ့စွာဝယ်ယူနိုင်ရေး၊ စားအုန်းဆီဈေးနှုန်းများမှန်ကန်စေရေး၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီဝယ်ယူရာ၌ တန်းစီးစနစ် ဖြင့် စနစ်တကျရှိစေရေး ကြပ်မတ်ဆောင်ရွက်ခဲ့ပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူအသိပညာပေးဟောပြောပွဲများကို အခြေခံပညာကျောင်းများ၊ ဌာနဆိုင်ရာများ၊ တပ်ရင်းတပ်ဖွဲ့များ၊ ရပ်ကွက်များ၊ ကျေးရွာများ၊ ဈေးများနှင့် စက်ရုံအလုပ်ရုံတို့တွင် ဆောင်ရွက်လျက်ရှိပါသည်။

     ၂၀၂၃ခုနှစ်၊ အောက်တိုဘာလအတွင်း စားသုံးသူအသိပညာပေးဟောပြောပွဲများကို (၃-၁၀-၂၀၂၃)ရက်နေ့တွင် ကန့်ဘလူမြို့၊ အမှတ်(၄) (အ.မ.က)ကျောင်းရှိ ဆရာ/ဆရာမနှင့် ကျောင်းသား/သူ (၁၂၅)ဦး၊ (၁၀-၁၀-၂၀၂၃) ရက်နေ့တွင် ကန့်ဘလူခရိုင်၊ ကျွန်းလှမြို့နယ်၊ ဇီးတောကျေးရွာ “အ.မ.က”ကျောင်းရှိ ဆရာ/ဆရာမနှင့် ကျောင်းသား/သူ (၇၄)ဦး၊ (၁၉-၁၀-၂၀၂၃)ရက်နေ့တွင် ကန့်ဘလူမြို့၊ အမှတ်(၂)ရပ်ကွက်ရှိ ပြည်သူ(၅)ဦးနှင့် (၂၇-၁၀-၂၀၂၃)ရက်နေ့တွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ အသိပညာပေး Talk Show (၂)ဦး၊ စုစုပေါင်းစားသုံးသူ (၂၀၆)ဦးတို့ကို အသိပညာပေးဟောပြောခဲ့ရာ တာဝန်ရှိသူများက စားသုံးသူအခွင့်အရေး(၈)ချက်ကိုလည်းကောင်း၊ စားသုံးသူနစ်နာဆုံးရှုံးမှုနှင့်စပ်လျဉ်း၍ တိုင်ကြားနိုင်သည့်နည်းလမ်းများကိုလည်းကောင်း၊ Online Sales လုပ်ငန်းများ မှတ်ပုံတင်လျှောက်ထားခြင်းနှင့် မှတ်ပုံတင်ရမည့်နေရာများ၊ စားသုံးသူရေးရာနှင့်သက်ဆိုင်သည့် သတင်းအကြောင်းအရာများကို နေ့စဉ် ဖြန့်ဝေလျက်ရှိသည့် ဌာန၏ Website၊ Facebook Page နှင့် Consumer Call Center No. (1535) စသည်တို့ကို ဝင်ရောက်ကြည့်ရှုခေါ်ဆိုမေးမြန်းနိုင်ကြောင်း အသိပညာပေးဟောပြောဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များဖြန့်ဝေပေးခဲ့ကြောင်း သတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်ဦးစီးမှု၏လမ်းညွှန်မှုဖြင့် ဒုတိယခရိုင်ဦးစီးမှူး ဦးမျိုးဝင်း(မကွေးမြို့နယ်တာဝန်ခံ)နှင့်အဖွဲ့သည် မကွေးမြို့နယ်၊ ဖိုလေးလုံးကျေးရွာ၊ ရွာလယ်ဓမ္မာရုံ၌ (၂၆.၁၀.၂၀၂၃)ရက်နေ့၊ နံနက်(၀၈း၀၀)နာရီအချိန်တွင် စားသုံးသူကာကွယ်ရေးအသိပညာပေး ဆွေးနွေးပွဲဆောင်ရွက်ခဲ့ပါသည်။

  ဒုတိယခရိုင်ဦးစီးမှူး ဦးမျိုးဝင်း(မကွေးမြို့နယ်တာဝန်ခံ)က စားသုံးသူကာကွယ်ရေးဥပဒေ-၂၀၁၉ပါ စားသုံးသူ၊ စီးပွားရေးလုပ်ငန်းရှင်၊ စားသုံးသူကာကွယ်ရေး၏အဓိပ္ပါယ်များ၊ စားသုံးသူအခွင့် အရေး(၈)ချက်၊ စားသုံးသူများလိုက်နာရမည့်တာဝန်(၄)ချက်၊ စီးပွားရေးလုပ်ငန်းရှင်များ၏ တာဝန် နှင့်တားမြစ်ချက်များ၊ ပြစ်မှု/ပြစ်ဒဏ်များ၊ ကုန်စည်၊ ဝန်ဆောင်မှုနှင့်စပ်လျဉ်း၍ အာမခံပေးထားမှု အပေါ် စားသုံးသူများကတောင်းဆိုနိုင်သည့်အခွင့်အရေးများအား အသေးစိတ်ရှင်းလင်းဆွေးနွေးခဲ့ပြီး စားသုံးသူများနစ်နာမှုများဖြစ်ပေါ်လာပါက မကွေးတိုင်းဒေသကြီးဦးစီးမှူးရုံး၌ ဖွင့်လှစ်ထားသော Consumer Information & Complaint Center(CICC) သို့လည်းကောင်း၊ MPT, Mytel, Telenor, Oredoo sim Card များဖြင့် Call Center No-1535 သို့ အလွယ်တကူခေါ်ဆိုတိုင်းကြားနိုင်ပုံ၊ ဌာန၏ Website www.doca.gov.mm သို့လည်းကောင်း၊ Facebook page တွင် Myanmar DOCA သို့ ဝင်ရောက်တိုင်ကြားနိုင်ပုံများအား ရှင်းလင်းဆွေးနွေးခဲ့ပါသည်။

    ဆက်လက်၍ မကွေးတိုင်းဒေသကြီးအစိုးရအဖွဲ့စီစဉ်မှုဖြင့် မကွေးတိုင်းဒေသကြီးဆီကုန်သည်နှင့် ဆီလုပ်ငန်းရှင်များအသင်းမှ မကွေးမြို့နယ်၊ ဖိုလေးလုံးကျေးရွာအုပ်စုရှိ အိမ်ထောင်စု(၁၃၀၀)စု အား အိမ်ထောင်စုတစ်စုလျှင် စားအုန်းဆီ(၁)ပိဿာလျှင် ကျပ်(၅၀၀၀)နှုန်းဖြင့် အိမ်ထောင်စု(၁၃၀၀) စုအတွက် စားအုန်းဆီ(၁၃၀၀)ပိဿာရောင်းချမှုအား စနစ်တကျရှိစေရေး ကွင်းဆင်းကြီးကြပ်ဆောင် ရွက်ခဲ့ပါသည်။

DOCA(မကွေး)