ဆီစက်ချေးငွေအဆိုပြုလွှာတင်ပြထားသည့် လုပ်ငန်းရှင်များအားတွေ့ဆုံ
စားသုံးသူရေးရာဦးစီးဌာန၊ ရခိုင်ပြည်နယ်၊ စစ်တွေခရိုင်၊ ခရိုင်ဦးစီးမှူး ဦးမောင်လှဝင်း (ဦးစီးအရာရှိ) သည် ဆီစက်ချေးငွေအဆိုပြုလွှာတင်ပြထားသောလုပ်ငန်းများသို့သွားရောက်၍ ကွင်းဆင်းစစ်ဆေးရာ အဖွဲ့ဝင်များအဖြစ် ခရိုင်စက်မှုကြီးကြပ်ရေးနှင့်စစ်ဆေးရေးဦးစီးဌာန၊ ခရိုင်စိုက်ပျိုးရေးဦးစီးဌာန၊ ခရိုင်လယ်ယာဖွံ့ဖြိုးရေးဘဏ်၊ ခရိုင်မြန်မာ့စီးပွားရေးဘဏ်၊ ခရိုင်အထွေထွေအုပ်ချုပ်ရေးဦးစီးဌာနများမှ ကိုယ်စားလှယ်များနှင့်အတူ (၃-၁၁-၂၀၂၃) ရက်နေ့နှင့် (၆-၁၁-၂၀၂၃) ရက်နေ့တို့တွင် ရခိုင်ပြည်နယ်၊ မြောက်ဦးခရိုင်၊ ကျောက်တော်မြို့နယ်ရှိ ဦးရွှေသာထွန်း (သမဝါယမအသင်းစုချုပ်) ဆီကြိတ်စက်၊ ဦးမောင်အေးစိန်၊ မြို့သစ်ရပ်ကွက်၊ ဆီကြိတ်စက်၊ ဦးမောင်စိုးဝင်း (စိုးရတနာဆီစက်၊ မြို့သစ်ရပ်ကွက်) နှင့် စစ်တွေမြို့၊ မင်းဂံအကွက် (၇) ရပ်ကွက်ရှိ ဦးသော်ပိုင်ထွန်း (ဖူးပွင့်စုံဆီကြိတ်စက်) စသည့်ဆီစက်များတွင် ဒုတိယအကြိမ်တွေ့ဆုံဆွေးနွေးခဲ့ပါသည်။ အဆိုပါစစ်ဆေးရာတွင် ဆီစက်ချေးငွေအဆိုပြုလွှာတင်ပြထားခြင်းနှင့်ပတ်သက်၍ ဆီစက်များလည်ပတ်မှုရှိ/မရှိနှင့် ဆီစက်များအနေဖြင့် အဆင့်မီဆီစက်များတိုးချဲ့တပ်ဆင်ခြင်း၊ ခေတ်မီဆီစက်အသစ်များထပ်မံတည်ဆောက်ခြင်း၊ လက်ရှိဆီစက်များအဆင့်မြင့်တင်နိုင်ရန်၊ အဆင့်မီစက်ယူနစ်များပြောင်းလဲတပ်ဆင်ခြင်းတို့ဆောင်ရွက်နိုင်ရန် ဆီစက်ချေးငွေများထုတ်ချေးပေးလျက်ရှိရာ ဒုတိယအကြိမ် ဆီစက်ချေးငွေထုတ်ချေးနိုင်ရေး၊ ဘဏ်လုပ်ထုံးလုပ်နည်းများနှင့်ညီ/မညီ တစ်ပါတည်းစစ်ဆေးပြီး ပိုမိုမြန်ဆန်စွာထုတ်ချေးနိုင်ရေးအတွက် ဆီစက်ချေးငွေစီမံကိန်းအကဲဖြတ်အမှတ်ပေးလွှာနှင့်ကိုက်ညီမှု ရှိ/မရှိနှင့်ဆီစက်လုပ်ငန်းရှင်များ၏ လုပ်ငန်းအချက်အလက်အကျဉ်းချုပ်တွင် ဖော်ပြထားမှုများနှင့်ကိုက်ညီမှုရှိ/မရှိ ကွင်းဆင်းစီစစ်မှုလုပ်ငန်းများဆောင်ရွက်ပြီး ချေးငွေအဆိုပြုလွှာတင်ပြထားရှိသည့်ငွေပမာဏနှင့် ၎င်းတို့၏ပိုင်ဆိုင်မှုများမှာ မြေပြင်တွင် ချေးငွေထုတ်ပေးနိုင်မည့်အခြေအနေရှိ/မရှိနှင့် မြန်မာ့စီးပွားရေးဘဏ်၏ လုပ်ထုံးလုပ်နည်းများနှင့်ကိုက်ညီမှုရှိ/မရှိ ကွင်းဆင်းစီစစ်စစ်ဆေးခဲ့ကြကြောင်း သတင်းရရှိပါသည်။
DOCA(ရခိုင်)
