သတင်းနှင့် လှုပ်ရှားမှုများ

  ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြို့၊ အောင်စိုးမိုးကျေးရွာရှိ ‘ရဲထွန်း’ ဆန်စက်၊ ဆီစက်လုပ်ငန်းရှင် ဦးရဲမြင့်၏လုပ်ငန်းခွင်၌ ဇူလိုင်လ၂၇ရက်နေ့၊ နံနက်( ၁၀:၀၀) နာရီအချိန်တွင် စပါးခွံလျှပ်စစ်ဓာတ်အားထုတ်လုပ်ရေးစက်ရုံ (Gasifire Power Plant) စက်ရုံအား ကြည့်ရှု့ စစ်ဆေးခြင်းကို ဒိုက်ဦး၌ ကျင်းပပြုလုပ်ခဲ့ပါသည်။

     အခမ်းအနားတွင် ပဲခူးတိုင်းဒေသကြီး၊ စီးပွားရေးရာဝန်ကြီး ဦးတင်ဦးက နှုတ်ခွန်းဆက်အမှာစကားပြောကြားခဲ့ပြီးနောက်  သိပ္ပံနှင့်နည်းပညာဝန်ကြီးဌာန၊ ဒုတိယဝန်ကြီး ဒေါက်တာ အောင်ဇေယျက စပါးခွံလျှပ်စစ်ဓာတ်အားထုတ်လုပ်ရေးစက်ရုံ (Gasifire Power Plant) စက်ရုံများအား ကြည့်ရှု့စစ်ဆေးခြင်းနှင့်ပတ်သက်၍ ဆွေးနွေးမှာကြားခဲ့ပါသည်။ ထို့နောက် တိုင်းဒေသကြီးလျှပ်စစ်ဓာတ်အားဖြန့်ဖြူးရေးလုပ်ငန်း၏ တိုင်းလျှပ်စစ်အင်ဂျင်နီယာ ဦးရဲဝဏ္ဏက တိုင်းဒေသကြီးအတွင်း တည်ဆောက်အသုံးပြုနေသည့် Gasifire စက်ရုံများနှင့်ပတ်သက်၍ ရှင်းလင်းပြောကြားခဲ့ပါသည်။

     ထို့နောက် ‘ရဲထွန်း’ ဆန်စက်၊ ဆီစက်လုပ်ငန်းရှင် ဦးရဲမြင့်က အဆင့်မြင့်နည်းပညာဖြင့်တည်ဆောက်ထားသော စပါးခွံလျှပ်စစ်ဓာတ်အားထုတ်လုပ်ရေးစက်ရုံ (Gasifire Power Plant) တည်ဆောက်မှုနှင့်ပတ်သက်၍ ရှင်းလင်းပြောကြားခဲ့ပြီးနောက် အထွေထွေဆွေးနွေးခြင်းအခမ်းအနားကျင်းပကာ ဝန်ကြီးနှင့် တက်ရောက်လာသောဧည့်သည်တော်များက အဆင့်မြင့်နည်းပညာဖြင့်တည်ဆောက်ထားသော စပါးခွံလျှပ်စစ်ဓာတ်အားထုတ်လုပ်ရေးစက်ရုံလည်ပတ်နေမှုအား လှည့်လည်ကြည့်ရှုလေ့လာခဲ့ကြပါသည်။ အခမ်းအနားသို့ ခရိုင်စီမံအုပ်ချုပ်ရေးအဖွဲ့၊ မြို့နယ်စီမံအုပ်ချုပ်ရေးအဖွဲ့၊ ဖိတ်ကြားထားသော ဌာနဆိုင်ရာအကြီးအကဲများနှင့် ဆန်စက်၊ ဆီစက်လုပ်ငန်းရှင်စုစုပေါင်း (၁၀၀) ဦးခန့်တက်ရောက်ခဲ့ကြကြောင်းသိရပါသည်။

DOCA(ပဲခူး)

    (၂၅-၇-၂၀၂၃) ရက်နေ့တွင် မြို့နယ်တာဝန်ခံနှင့် ဝန်ထမ်းများသည် ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့၊ စည်ပင်သာယာဈေးအတွင်းသို့သွားရောက်၍ ဈေးအတွင်းရောင်းချလျက်ရှိသော အသင့်စားခေါက်ဆွဲခြောက်ထုပ်အမျိုးမျိုးကို မိတ်ဖက်ဌာနဆိုင်ရာများနှင့်အတူ ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

      ထိုသို့စစ်ဆေးရာတွင် စည်ပင်သာယာဈေးအတွင်းရှိ ဆိုင်များတွင်ရောင်းချလျက်ရှိသော MA MA ခေါက်ဆွဲခြောက်၊ ဦးဦးခေါက်ဆွဲ၊ ကောင်းစံ (ဆန်ကြာဇံ) အစရှိသော အသင့်စားခေါက်ဆွဲခြောက်များတွင်   ၂၀၁၉ စားသုံးသူကာကွယ်ရေးဥပဒေ အခန်း (၁၈)၊ ပုဒ်မ(၄) အရ ကုန်ညွှန်းအမှတ်အသားများပြည့်စုံစွာပါဝင်မှုရှိ/မရှိ၊  ၂၀၂၁ခုနှစ်၊ ဒီဇင်ဘာလ (၂၀) ရက်နေ့တွင် စားသုံးသူကာကွယ်ရေးကော်မရှင်ကထုတ်ပြန်သော ညွှန်ကြားချက်အမှတ် (၁/၂၀၂၁) နှင့်ကိုက်ညီမှုရှိ/မရှိကိုစစ်ဆေးခဲ့ရာ၌ အထက်ဖော်ပြပါအချက်များနှင့်ကိုက်ညီမှုရှိကြောင်း ဈေးကွက်စောင့်ကြည့်စစ်ဆေးခဲ့မှုအရသိရှိရပါသည်။

DOCA(ပဲခူး)

    ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် စားသုံးသူကာကွယ်ရေးလုပ်ငန်းများအပြင် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ  (MSMEs) ဖွံ့ဖြိုးတိုးတက်လာစေရေး အရင်းအနှီးရရှိ‌ရေးအတွက် ပေါင်းစပ်ဆောင်ရွက်ရေးလုပ်ငန်းများကိုပူးပေါင်းဆောင်ရွက်လျက်ရှိပါသည်။

     ထိုသို့ဆောင်ရွက်ရာတွင် အုတ်ဖိုမြို့နယ်ရှိ အသေးစား၊ အငယ်စားနှင့် အလတ်စားစီးပွားရေးလုပ်ငန်းများဖြစ်သော မိုးညိုတန်းလမ်းရှိ တောင်သူအကျိုးပြု လယ်ယာသုံးပစ္စည်းနှင့် အာမခံပန်းပဲလုပ်ငန်း၊ အုတ်ဖိုမြို့နယ်၊ အောင်မင်္ဂလာ (၂) လမ်းရှိ ဝါးခမောက်လုပ်ငန်းနှင့် ကျောင်းကြီးရပ်ကွက်၊ ဓမ္မသီရိလမ်းရှိ အချိုရည်ထုတ်ကုန်လုပ်ငန်းတို့ကို နိုင်ငံ့စီးပွားမြှင့်တင်ရေးရန်ပုံငွေဖြင့် လုပ်ငန်းများတိုးချဲ့၍ ရင်းနှီးမတည်ဆောင်ရွက်နိုင်ရန် ပူးပေါင်းဆောင်ရွက်ခဲ့ကြောင်းသိရှိရပါသည်။

     ယခုအခါ လုပ်ငန်းများတိုးချဲ့ဆောင်ရွက်လာနိုင်သဖြင့် သွင်းကုန်အစားထိုး တောင်သူအကျိုးပြုလယ်ယာထုတ်ကုန်လုပ်ငန်းသုံးပစ္စည်းနှင့် ဝါးခမောက်လုပ်ငန်းမှာ ပဲခူးမြို့၊ နှစ်ထပ်ဈေးကြီးတွင် ဈေးကွက်ချဲ့ထွင်ရောင်းချနိုင်ရန် စီစဉ်ဆောင်ရွက်ထားရှိပြီးဖြစ်ကြောင်းသိရှိရပါသည်။

DOCA(ပဲခူး)

   ပဲခူးတိုင်းဒေသကြီး၊ ညောင်းလေးပင်ခရိုင်၊ ညောင်းလေးပင်မြို့တွင် (၂၄-၇-၀၂၃) ရက်နေ့၊ နေ့လယ် (၁၃:၀၀) နာရီအချိန်၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာ ဦးစီးဌာနတို့ပူးပေါင်း၍ ညောင်လေးပင်မြို့၊ အ-လ-က (ခွဲ) ဖအောင်ဝဲကျေးရွာကျောင်းသို့သွားရောက်၍ ဟောပြောပွဲကျင်းပပြုလုပ်ခဲ့ပါသည်။

     အ-လ-က (ခွဲ) ဖအောင်ဝဲကျောင်း၌ ဆရာ/ဆရာမ (၁၅) ဦး၊ ကျောင်းသား/ကျောင်းသူ (၁၅၀) ဦးတက်ရောက်ခဲ့ကြပြီး ပထမဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒေါ်နီနီဝင်း (ဦးစီးအရာရှိ) က တက်ရောက်လာသူများအား မိတ်ဆက်စကားပြောကြားကာ စာပေနှင့်ပတ်သက်သော အသိပညာဗဟုသုတတို့ကို အကျယ်တဝင့်ဟောပြောခဲ့ပါသည်။

    ထို့နောက် စားသုံးသူရေးရာဦးစီးဌာနမှ ဒေါ်ယဉ်ယဉ်ထွေး (ဒု-ဦးစီးမှူး) က မိတ်ဆက်စကားပြောကြားပြီးနောက် စားသုံးသူအခွင့်အရေးများ၊ တာဝန်များနှင့် စားသုံးသူများနစ်နာဆုံးရှုံးမှုရှိပါက တိုင်ကြားနိုင်သည့်အကြောင်းအရာများကို အကျယ်တဝင့်ရှင်းလင်းဟောကြားခဲ့ကြောင်း သိရှိရပါသည်။

DOCA(ပဲခူး)

    ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်၏လမ်းညွှန်မှုဖြင့် တိုင်းဒေသကြီးအတွင်း စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှုလုပ်ငန်းများဖွံ့ဖြိုးတိုးတက်ရေး ဆောင်ရွက်ရာတွင် လျှပ်စစ်ဓာတ်အားလုံလောက်စွာရရှိစေရန်အတွက် ပဲခူးတိုင်းဒေသကြီးအတွင်း စပါးခွံဓာတ်ငွေ့ ပိုမိုတိုးတက်စွာသုံးစွဲနိုင်ရေး ပဲခူးတိုင်းဒေသကြီးအနောက် သာယာဝတီ၊ ပြည်၊ နတ်တလင်းခရိုင်များသို့ တိုင်းဒေသကြီး စားသုံးသူရေးရာဦးစီးဌာနနှင့် တိုင်းဒေသကြီးလျှပ်စစ်ဓာတ်အားဖြန့်ဖြူးရေးဌာနတို့ပူးပေါင်း၍ (၂၀-၇-၂၀၂၃) ရက်နေ့နှင့် (၂၁-၇-၂၀၂၃) ရက်နေ့များ၌ ဆန်စက်လုပ်ငန်းရှင်များနှင့် Gasifier Power Plant တပ်ဆင်ရာတွင် စိတ်ပါဝင်စားသည့်လုပ်ငန်းရှင်များနှင့်တွေ့ဆုံ၍ ဆွေးနွေးပွဲကျင်းပဆောင်ရွက်ခဲ့ပါသည်။

     ထိုသို့တွေ့ဆုံရာတွင် ပဲခူးတိုင်းဒေသကြီး၊ လျှပ်စစ်ဓာတ်အားဖြန့်ဖြူးရေးလုပ်ငန်းဌာန၊ တိုင်းဒေသကြီးလျှပ်စစ်အင်ဂျင်နီယာ ဦးရဲဝဏ္ဏက Gasifier စက်တပ်ဆင်ခြင်းနှင့်စပ်လျဉ်း၍ အားသာချက်၊ အားနည်းချက်များကို ရှင်းလင်းဆွေးနွေးပြီးနောက် ပဲခူးတိုင်းဒေသကြီး၊ စားသုံးသူရေးရာဦးစီးဌာ၊ တိုင်းဒေသကြီးဦးစီးမှူးက Gasifier စတင်ပေါ်ပေါက်ခဲ့သောသမိုင်းကြောင်းနှင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ဆောင်ရွက်ခဲ့မှုအခြေအနေများ၊ ပြဿနာများနှင့် ဖြစ်ပေါ်ရသည့်အကြောင်းအရင်းများကို ရှင်းလင်းဆွေးနွေးခဲ့ကြောင်းသိရှိရပါသည်။

DOCA(ပဲခူး)