ပြည်တွင်းကုန်သွယ်မှုသတင်း

           ပြည်ဈေးကွက်သို့ ဇွန်လနောက်ဆုံးပတ်တွင် မြေပဲဆန်များဝင်ရောက်မှုမရှိဘဲ လှောင်မြေပဲ ဆန်များဖြင့်သာ နေ့စဉ်အရောင်းအဝယ်ဖြစ်၍ အိတ် ၂၀၀/၃၀၀ခန့် ရောင်းဝယ်မှု ဖြစ်ကြောင်း သိရပါ သည်။ မြေပဲဆန် လုံးဆန်(အဖြူ)ကို မြဝတီဘက်သို့ တင်ပို့ရန်အဝယ်ရှိသလို၊ မြေပဲဆန်လုံး ဆန်(အနီ)ကို ဒေသတွင်းမြေပဲလှော်ဖိုသမားများက ဝယ်ယူမှုရှိပါသည်။ ဆီကြိတ် မြေပဲဆန်ဖြစ်သော ရွေးဆန်များကို မြေပဲဆီကြိတ်သော ဆီစက်များက အဝယ်ရှိသလို မလောက်ငှပါက မကွေးမြို့နှင့် ပခုက္ကူ ဘက်မှဝယ်ယူ၍ ကြိတ်ခွဲရပါသည်။ ယခုဇွန်လနောက်ဆုံးပတ်ရှိ မြေပဲဆန်ဈေးနှုန်းများမှာ ဆီကြိတ်မြေပဲဆန် (အဖြူ၊ အနီ) ၂မျိုးစလုံးမှာ ဈေးတူနေပြီး တစ်ပိဿာလျှင် ၄၂၀၀ကျပ်၊ လုံးဆန်(အဖြူ၊ အနီ) တစ်ပိဿာလျှင် ၄၄၀၀ကျပ်ဖြင့် ဇွန်လ တတိယပတ်ကအတိုင်း ဈေးငြိမ်သည်ကို တွေ့ရှိရပါသည်။ ဇွန်လနောက်ဆုံးပတ်ရှိ မြေပဲဆီ တစ်ပိဿာလျှင် ၉၅၀၀ကျပ်၊ ဆုံဆီ တစ်ပိဿာလျှင် ၁၁၀၀၀ ကျပ်ဖြင့် အရောင်းအဝယ်ဖြစ်လျှက် ရှိပါသည်။

DOCA(ပဲခူး)

            ပဲခူးတိုင်းဒေသကြီး (အရှေ့ခြမ်း) ပဲခူးခရိုင်နှင့် တောင်ငူခရိုင်တွင် မိုးစပါး(၁၆)သိန်းကျော်နှင့် နွေစပါး (၁)သိန်း(၇)သောင်းကျော် စိုက်ပျိုးခဲ့ပြီး စပါးအမျိုးအစားအနေဖြင့် တောင်ငူခရိုင်တွင် ဗျော့ထွန်း ၊ သုခ(၂) ၊ ဆင်းသုခ၊ ဧရာမင်း ၊ ထိုင်းနှံကောက်စပါးမျိုးများကို စိုက်ပျိုးပြီး တစ်ဧကအထွက်နှုန်း အနည်းအများအနေဖြင့် ဗျော့ထွန်း(၆၅-၁၀၀)တင်းခန့် ၊ သုခ-၂(၇၀-၈၀)တင်းခန့် ၊ ဧရာမင်း(၆၀-၈၀) တင်းခန့်၊ ဆင်းသုခ(၇၀-၈၀)တင်းခန့် ၊ထိုင်းနှံကောက်(၆၅-၁၁၀) တင်းခန့်ထွက်ရှိကြောင်း၊ တောင်သူ များအနေဖြင့် ဗျော့ထွန်း၊ သုခ(၂)၊ ဆင်းသုခ၊ ဧရာမင်း၊ ထိုင်းနှံကောက် စပါးမျိုးများကို စိုက်ပျိုးရခြင်းမှာ မျိုးလုံလောက်စွာရရှိခြင်း အထွက်နှုန်းကောင်းမွန်ပြီး ဈေးကွက်တွင်လည်းဝယ်လိုအား ကောင်းသောကြောင့် စိုက်ပျိုးလိုခြင်းဖြစ်ကြောင်း သိရှိရပါသည်။ နွေစပါးများကို ဧပြီလဆန်းပိုင်းမှ စတင်စိုက်ပျိုး ကြပြီး ဇွန်လဆန်းပိုင်းတွင် စတင်ရိတ်သိမ်း၍ လက်ရှိမြေပြင်ပေါက်ဈေးမှာ စပါးတစ်တင်းလျှင်(၈၄၀၀၀/-)ကျပ်အထိ ရှိကြောင်းနှင့် စိုက်ပျိုးသည့်နေရာများအနေဖြင့်  နွေစပါးများကို ဆည်ဘောင်ရိုး၊ ရေလှောင်တမံတည်ရှိရာတွင်  အများစုစိုက်ပျိုးကြပြီး ဆည်ရေသောက်ဧရိယာများအပြင် သဘာဝရေနှင့်လည်း စိုက်ပျိုးကြပါသည်။ယခုအခါတွင် နွေစပါးစိုက်ဧက (၇၀၁၆၁)ဧကရှိပြီး၊ ရိတ်ဧက (၇၀၁၆၁)ရှိသောကြောင့် တစ်ဧကလျှင် အထွက်နှုန်း (၇၉.၀၇)ဧကခန့်ထွက်ရှိကြောင်း သက်ဆိုင်ရာဌာနစာရင်းဇယားများအရ သိရှိရပါသည်။နွေစပါးတစ်ဧက ကုန်ကျစရိတ်အနေဖြင့်  ပျိုးခင်း မြေပြုပြင်ခ (၈၀၀၀၀/-)ကျပ်၊ စိုက်ပျိုးခြင်းနှင့် ပြုပြင်ခ(၅၅၀၀၀/-)ကျပ်၊ ရိတ်သိမ်း/သယ်ယူ/ချွေလှေ့ခ (၅၈၀၀၀/-)ကျပ်၊ ဓာတ်မြေဩဇာ၊ ပိုးသတ်ဆေး၊ ပေါင်းသတ်ဆေးအတွက် (၁၇၈၇၂၅/-)ကျပ်၊ စုစုပေါင်း ကုန်ကျငွေ (၃၇၁၇၂၅/-)ကျပ်ဝန်းကျင် ကုန်ကျကြောင်း သိရှိရပါသည်။ယခုနှစ်တွင် သွင်းအားစု ဓာတ်မြေဩဇာ ဈေးကြီးသော်လည်း အထွက်နှုန်းကောင်း၍ ဈေးကောင်း ရရှိသဖြင့်တောင်သူများ တွက်ချေကိုက်လျှက်ရှိပြီး ယခုဈေးအတိုင်း ဆက်လက် ရောင်းချနိုင်ရေး မျှော်လင့်လျှက်ရှိကြောင်း သိရှိရပါသည်။

DOCA(ပဲခူး)

                     ကယားပြည်နယ်တွင် အခြေခံစားကုန် စားဖိုဆောင်သီးနှံကို ပြည်နယ်တွင်းစိုက်ပျိုးမှု လျော့နည်းသဖြင့် စားသုံးမှုလိုအပ်ချက်အရ အခြားဒေသဖြစ်သည့်မိထ္ထီလာမှ အများဆုံး တင်သွင်းရပြီး ဇွန်လတွင် ပြည်နယ်အတွင်း ကြက်သွန်နီဝင်ရောက်မှုမှာ (၂၄၂၀)အိတ် (  ၇၂၆၀၀ ) ပိဿာရှိခဲ့ပြီး ယခုလက်ရှိ ဇူလိုင်ပထမပတ်တွင် ဈေးကွက်တွင်ဖြစ်ပေါ်နေသော ကြက်သွန်နီ ဈေးနှုန်းမှာ အလုံးကြီးတစ်ပိဿာလျှင်(၂၅၀၀)ကျပ်၊ အလုံးသေး တစ်ပိဿာလျှင် (၂၀၀၀) ကျပ်ဈေးဖြင့် အရောင်းအဝယ်ဖြစ်လျက်ရှိပြီး ယခင် ဇွန်လပထမပတ်တွင် ကြက်သွန်နီ အလုံးကြီး တစ်ပိဿာလျှင်(၁၅၀၀)ကျပ်၊အလုံးသေး တစ်ပိဿာလျှင် (၁၂၀၀)ကျပ်သာရှိခဲ့ပြီး ယခင်ဇွန်လ ပထမပတ်နှင့် ယခုဇူလိုင်လပထမပတ်နှိုင်းယှဉ်လျှင် ကြက်သွန်နီအလုံးကြီး တစ်ပိဿာလျှင် (၁၀၀၀)ကျပ်၊ အလုံးသေးတစ်ပိဿာလျှင် (၈၀၀)ကျပ်ခန့် ဈေးနှုန်းမြှင့်တက်လာကြောင်း၊ ဈေးနှုန်းမြှင့်တက်ရခြင်းမှ ပြည်နယ်တွင်း စိုက်ပျိုးထုတ်လုပ်နိုင်မှုလျော့နည်းခြင်း၊ လမ်းပန်းဆက်သွယ်ရေး အခက်အခဲများရှိခြင်း၊ စက်သုံးဆီဈေးနှုန်းများကြီးမြှင့်၍ သယ်ယူစရိတ်များ  မြင့်မားလာခြင်းကြောင့်ဖြစ်သည်ဟု နောင်ယားဈေးရှိ ကြက်သွန်နီရောင်းဝယ်ရေးလုပ်ငန်းရှင်တစ်ဦးထံမှ သိရပါသည်။

DOCA(ကယား)

           ဧရာ၀တီတိုင်းဒေသကြီးအတွင်း ပင်လယ်ကမ်းခြေတစ်လျှောက် အောင်မြင်ဖြစ်ထွန်း လျှက်ရှိသော အပင်အများစုမှာ အုန်းပင်ဖြစ်ပြီး ရေငံပိုင်းနှင့် ရေငံစပ်ဒေသတွင် အုန်းပင်ဖြစ်ထွန်း မှု အားကောင်း၍ ရေချိုပိုင်းတွင် ရေငံပိုင်းလောက် အောင်မြင်ဖြစ်ထွန်းမှု နည်းပါးကြောင်း ပင်လယ်နှင့် နီးကပ်လျှက်ရှိသော ချောင်းသာ၊ ငွေဆောင်မှ မော်တင်စွန်း ကမ်းခြေအပြင် ရေငံပိုင်းဒေသ ငပုတောမြို့နယ်၊ ဟိုင်းကြီးကျွန်းမြို့နှင့် ဆက်စပ်နေသော ကျေးရွာများ သည်လည်း အုန်းသီးအဓိက ထွက်ရှိရာ ဒေသများဖြစ်ကြောင်း သိရသည်။

          ငပုတောမြို့နယ် စားသုံးသူရေးရာဦးစီးဌာနမှ မြို့နယ်တာ၀န်ခံ ဒေါ်မြင့်မြင့်စန်းနှင့် ၀န်ထမ်းများသည် ၂၀၂၂ ခုနှစ်၊ ဇွန်လနောက်ဆုံးပတ်တွင် ငပုတောမြို့နယ်၊ ဟိုင်းကြီးကျွန်းမြို့၊ ဒီးဒူးကုန်းကျေးရွာအုပ်စု၊ သံပုရာကုန်းကျေးရွာရှိ ဦးဌေးအောင် မိသားစုမှ တစ်ပိုင်တစ်နိုင် လုပ်ကိုင်နေသည့် ဒေသထွက်အုန်းသီးမှ ပြုလုပ်သော အုန်းသားစိတ် လုပ်ငန်းသို့ “ပြည်တွင်း ကုန်သွယ်မှု ဖွံ့ဖြိုးတိုးတက်ရေး” အတွက် သွားရောက်တွေ့ဆုံခဲ့ပါသည်။

          ထိုသို့တွေ့ဆုံခဲ့ရာတွင် မြို့နယ်တာ၀န်ခံ ဒေါ်မြင့်မြင့်စန်းမှ မေးမြန်းခဲ့ရာ အုန်းသားစိတ် လုပ်ငန်းအတွက် အဓိကကုန်ပစ္စည်းမှာ အုန်းသီးဖြစ်ပြီး အုန်းသီး၀ယ်ယူရာတွင် အုန်းသီးတစ်လုံး တန်ဖိုး(၂၀၀) ကျပ် အပင်တက်ခ၊ အုန်းသီးသယ်ခ၊ အုန်းခွံစုတ်ခ၊ အုန်းသီးခွဲခနှင့် အုန်းဆံထွက်ခ အပါ လုပ်သားခနှင့် ကုန်ကျစရိတ်မှာ အုန်းသီးတစ်လုံးကို (၃၂၀) ကျပ်ကုန်ကျ၍ အုန်းသီးမှ အဆံထုတ်ပြီးသား အုန်းသားကို အစိပ်စိပ်နေပူလျှင် ၃၊ ၄ ရက် နေလှမ်းရပြီး မိုးရွာလျှင် မီးဖိုမှာ အပူပေးကြပ်တိုက်ခြင်းဖြင့် ရာသီမရွေး လုပ်ကိုင်နိုင်ကြောင်း အုန်းသီးအလုံး (၈၀)ကို အုန်းသား စိတ် (၁၀)ပိဿာခန့် ရရှိပြီး အုန်းသားစိတ် (၁)အိတ်ကို ပိဿာချိန် (၅၀)ရှိ၍ အုန်းသား စိတ် တစ်အိတ်အတွက် ကုန်ကျစရိတ် မှာ ကျပ် (၁၃၁၅၀၀) သယ်ယူစရိတ် တစ်အိတ် (၇၅၀၀) ကျပ်အပါအ၀င် တစ်အိတ်ရောင်းချရငွေမှာ ကျပ် (၁၆၅၀၀၀) ဖြစ်သောကြောင့် တစ်အိတ်ကို အကျိုးအမြတ် (၂၀၀၀၀) ကျပ် ၀န်းကျင်ရရှိပြီး ရန်ကုန်ပွဲရုံသို့ တစ်လလျှင် အိတ်ရေ (၂၀)ခန့် တင်ပို့ရောင်းချလျှက်ရှိကြောင်း အုန်းသားစိတ်ကို အုန်းဆီပြုလုပ်၍ စျေးကွက်အတွင်း ရောင်းချလျှက်ရှိကြောင်း အုန်းသားစိတ် လုပ်ငန်းရှင် ဦးဌေးအောင်က ပြောပါသည်။

          ၄င်းအပြင် ဘေးထွက်ပစ္စည်းအုန်းခွံကို အကြောတက်သူ၊ အညောင်းထိုင်သူ၊ ၀သော သူများမှာ အုန်းမာလာခွံကို နင်းပေးခြင်းဖြင့် ကျန်းမာရေးအတွက် အသုံးပြုလျှက် ရှိကြောင်း၊ အုန်းအမာခွံ ဘေးထွက်ပစ္စည်းကို လူသုံးကုန်ပစ္စည်းများဖြစ်သော အမျိုးသမီးသုံး ဆံညှပ်၊ ရင်ထိုး အလှတင် အရုပ်များ ပြုလုပ်ပြီး ကျေးရွာတစ်ရွာထွက် ကုန်တစ်မျိုးအဖြစ် ချောင်းသာ၊ ငွေဆောင်ကမ်းခြေဒေသများတွင် ပြည်တွင်းပြည်ပ ဧည့်ခရီးသွားများကို ပြုလုပ်ရောင်းချလျှက်ရှိကြောင်း အုန်းမာလာခွံကို မီးဖုတ်ခြင်းဖြင့် အုန်းမီးသွေး ရရှိပြီး ရိုးရိုးမီးသွေးထက် မီးပြင်းအား ပိုမိုကောင်းမွန်သော အုန်းခွံမီးသွေးအဖြစ်လည်း အသုံးပြုလျှက်ရှိကြောင်း အုန်းခွံခွာရာတွင် ရရှိသော အုန်းဆံဖတ်များကို တံမြက်စည်းနှင့် ခြေသုတ်ခုံတို့ ပြုလုပ်ပြီး ဆိုက္ကားကူရှင်မှာလည်း ပြုလုပ်သုံးစွဲလျှက်ရှိကြောင်း၊ အုန်းသီးတစ်လုံးတွင် စွန့်ပစ်စရာမရှိဘဲ အားလုံး အသုံး၀င်လျှက်ရှိကြောင်း လုပ်ငန်းရှင် ဦးဌေးအောင် က ဆက်လက် ပြောကြားပါသည်။

          စားသုံးသူရေးရာဦးစီးဌာန မြို့နယ်တာ၀န်ခံ ဒေါ်မြင့်မြင့်စန်းကလည်း အုန်းသားစိတ် လုပ်ငန်းအတွက် အုန်းသီး၀ယ်ယူရာတွင် အုန်းသားစိတ် ရရှိသလို ညှစ်ပြီးသား အုန်းဖတ် များကိုလည်း မွေးမြူရေး အစာအဖြစ် အသုံးနိုင်ကြောင်း၊ ကျန်သည့် ဘေးထွက် ပစ္စည်းများ မှာလည်း စွန့်ပစ်စရာ မလိုဘဲ ပြည်တွင်းစျေးကွက်မှာ ပြန်လည်အသုံးပြုနိုင်သည့် အတွက် လုပ်ငန်းရှင်မှာ အပို၀င်ငွေရရှိမှာ ဖြစ်သလို လုပ်ငန်းထပ်မံ တိုးချဲ့ ဆောင်ရွက်ခြင်းဖြင့် ဒေသတွင်း အလုပ်အကိုင် အခွင့်အလမ်းများ ပိုမိုရရှိပြီး မိမိတို့ ဒေသထွက်ကုန်များ စျေးကွက်ပိုမို ကျယ်ပြန့်လာစေရန်အတွက်သာမက “ပြည်တွင်းကုန်သွယ်မှု ဖွံ့ဖြိုးတိုးတက်ရေး” အတွက် မိမိတို့ဌာနမှ ပေါင်းစပ်ညှိနှိုင်း ဆောင်ရွက်ပေးရမည့် ကိစ္စရပ်များရှိပါကလည်း ကူညီဆောင်ရွက် ပေးသွားမှာဖြစ်ကြောင်း ဆွေးနွေးပြောကြားခဲ့ပါသည်။

DOCA(ဧရာဝတီ)

             စစ်ကိုင်းတိုင်းဒေသကြီးသည်ဇူလိုင်လ(ဒုတိယ)ပတ်၌ စပါး/ဆန်ဈေးနှုန်းများမှာ ဆန်ပိုဒေသများ ဖြစ်သော ရွှေဘိုခရိုင်နှင့် ကသာခရိုင်တို့တွင် ဈေးအနည်းငယ်တက်နေပြီး၊ မုံရွာခရိုင်တွင် စပါးဈေး အနည်း ငယ်ကျနေပြီး၊ ကျန်ခရိုင်များတွင် ဈေးအေးနေပါသည်။

            စစ်ကိုင်းတိုင်းဒေသကြီးအတွင်းဇူလိုင်လ(ဒုတိယပတ်)တွင်ဖြစ်ပေါ်နေသောအခြေခံစားကုန်ဈေးနှုန်းများမှာ ရွှေဘိုခရိုင်တွင် ရွှေဘိုပေါ်ဆန်း(စပါး) တင်း၁၀၀လျှင် ကျပ်(၁၆၀၀၀၀၀)၊ ပေါ်ဆန်း (ဆန်)၂၄ ပြည်ပါ တစ်အိတ်လျှင်ကျပ်  ၅၅၀၀၀၊ ဧရာမင်း(စပါး)တင်း ၁၀၀လျှင် ၁၀၅၀၀၀၀၊ ဧရာမင်း(ဆန်) ၂၄ ပြည် ပါ တစ်အိတ် ကျပ် ၄၄၀၀၀၊ ရေဦးမြို့မှ ပေါ်ဆန်း (စပါး) တင်း ၁၀၀လျှင် ကျပ် ၁၃၅၀၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၅၂၀၀၀၊  ဧရာမင်း (စပါး) တင်း၁၀၀ လျှင် ၉၀၀၀၀၀၊ ဧရာမင်း (ဆန်)၂၄ ပြည် ပါ တစ်အိတ်  ၄၀၀၀၀ ကျပ်များဖြင့် အရောင်းအဝယ်ဖြစ်နေကြောင်း သိရပါသည်။

          ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၈၅၀၀၀၀၊ ဧည့်မထ(ဆန်)‌ ၂၄ ပြည်ပါ တစ်အိတ်မှာ ကျပ် ၂၇၀၀၀၊ ငစိန်(စပါး) တင်း ၁၀၀ လျှင် ၈၀၀၀၀၀ ၊ ငစိန်(ဆန်)၂၄ပြည်ပါ တစ် အိတ်မှာ ၂၆၅၀၀၊ ဧရာမင်း (စပါး)တင်း ၁၀၀ လျှင် ကျပ် ၁၀၀၀၀၀၀၊ ဧရာမင်း(ဆန်)၂၄ပြည်ပါ တစ်အိတ် မှာကျပ် ၃၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

            ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀လျှင် ကျပ်၈၀၀၀၀၀၊ မှော်ဘီ(၂) ဆန် ၂၄ပြည် တစ်အိတ် လျှင် ကျပ် ၃၅၀၀၀၊ ဆင်းဧကရီ(၃)(စပါး) တင်း၁၀၀ လျှင် ကျပ် ၇၅၀၀၀၀၊ ဆင်းဧကရီ-၃ဆန် ၂၄ပြည်တစ်အိတ်မှာကျပ် ၃၂၀၀၀၊ ဧရာမင်း (စပါး) တင်း ၁၀၀ လျှင် ကျပ် ၁၀၀၀၀၀၀၊ ဧရာမင်းဆန် ၂၄ ပြည်ဆန်တစ်အိတ်လျှင် ကျပ် ၄၇၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

             မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၁၀၀၀၀၀၀၊  ဧရာမင်း(ဆန်) ၂၄ပြည် တစ်အိတ်မှာ ကျပ် ၄၀၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၅၀၀၀၀၊ ပေါ်ဆန်း(ဆန်) ၂၄ပြည် တစ်အိတ်လျှင် ကျပ် ၅၅၀၀၀၊ မနောသုခ (စပါး)တင်း ၁၀၀လျှင် ကျပ် ၈၀၀၀၀၀၊ မနောသုခ(ဆန်) ၂၄ ပြည် တစ်အိတ်လျှင် ကျပ်၃၀၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

              ကန့်ဘလူခရိုင်၊ ကန့်ဘလူမြို့တွင် ဧရာမင်း(စပါး)တင်း ၁၀၀ လျှင် ကျပ် ၉၅၀၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၃၇၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၁၄၀၀၀၀၀၊ ပေါ်ဆန်း (ဆန်) ၂၄ပြည် တစ်အိတ်လျှင် ကျပ် ၄၈၀၀၀ဖြင့် အရောင်းအဝယ် ဖြစ်နေကြောင်း သိရပါသည်။

            စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ဇူလိုင်လ(ပထမ)ပတ် တွင် ရန်ကုန်သို့ အိတ်ရေ ၄၀၀၀၀၊ မန္တလေးသို့ အိတ် ရေ ၅၄၃၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၈၀၀၀၊ ရှမ်း(တောင်)သို့ အိတ်ရေ ၇၀၀၀၊ ရှမ်း (မြောက်)သို့အိတ်ရေ ၇၀၀၀၊ စုစုပေါင်းအိတ်ရေ (၁၁၇၃၀၀)အိတ်၊ တန်အားဖြင့် (၅၈၆၅) စီးထွက်ခဲ့ပြီး၊ ယခု ဇူလိုင်လ(ဒုတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီး များသို့ ဆန်စီးထွက်မှုမှာ ရန်ကုန်သို့ အိတ်ရေ ၃၇၀၀၀၊ မန္တလေးသို့ အိတ်ရေ ၅၁၃၀၀၊ မကွေး သို့ အိတ်ရေ ၁၀၀၀၊ နေပြည်တော်သို့ အိတ်ရေ ၉၀၀၀၊ ရှမ်း (တောင်)သို့ အိတ်ရေ ၆၅၀၀၊ ရှမ်း (မြောက်)သို့အိတ်ရေ ၆၅၀၀၊ စုစုပေါင်းအိတ်ရေ (၁၁၁၃၀၀) အိတ်၊ တန်အားဖြင့် (၅၅၆၅) စီးထွက်ခဲ့သည့်အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၆၀၀၀) တန်အားဖြင့် (၃၀၀) ပိုမိုစီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)