ပြည်တွင်းကုန်သွယ်မှုသတင်း

     ဂျူးမြစ်သည် ပူပြင်းသောရာသီဥတုကို မကြိုက်ဘဲ အေးမြသောရာသီဥတုကိုနှစ်သက်ပြီး မည့်သည့်မြေအမျိုးအစားတွင်မဆိုစိုက်ပျိုးနိုင်ပါသည်။ အများအားဖြင့် ရှမ်းပြည်နယ်ရှိ ပင်းတယ၊ အောင်ပန်း၊ ရေဦးနှင့်ရွာငံဒေသများ စိုက်ပျိုးကြပြီး အောင်ပန်း‌ဒေသတွင် အများဆုံး စိုက်ပျိုးကြကြောင်း ၊ ယခုအချိန်တွင် ကျောက်ဆည်မြို့ရှိ အေးမြကြည်လင်စျေး နှင့် မြို့မစျေး အတွင်းသို့ ၎င်းဒေသများမှ ထွက်ရှိသော ဂျူးမြစ်များ  စျေးကွက်အတွင်းသို့ ဝင်ရောက်လျက်ရှိရာ ဖောက်သည်စျေးအနေဖြင့် ဂျူးမြစ်(၁)ပိဿာလျှင် (၅၀၀၀)ကျပ်ရှိပြီး လက်လီစျေးအနေဖြင့် (၁)ပိဿာလျှင် (၆၀၀၀/-)ကျပ် စျေးနှုန်းများဖြင့် ရောင်းချလျက်ရှိကြောင်း၊ ဂျူးမြစ်ကို အိမ်ရှင်မ များက ငါးနှင့်ဘဲဖြစ်ဖြစ်၊အခြားသောဟင်းလျာတစ်မျိုး မျိုးနှင့်ဖြစ်ဖြစ် ချက်ပြုတ် စားသုံးကြသလို၊ ကြော်၍လည်း စားကြသလို၊ အချဉ်တည်ပြီးလည်း မြိန်ယှက်စွာ စားသောက်တက်ကြ ကြောင်း၊  ဂျူးမြစ်ကို နေ့စဉ်ပုံမှန်စားသုံးပါက သွေးဖိအားပုံမှန်ဖြစ်စေခြင်း၊ နှလုံးသွေးလွှတ်ကြော ဆိုင်ရာရောဂါ ၊ အယ်ဇိုင်းမားဖြစ်တာတွေနဲ့ အိုမင်းရင့်ရော်ခြင်းကို ကာကွယ်နိုင်ခြင်း၊ ဘက်တီး ရီးယား၊ ဗိုင်းရပ်စ်နဲ့ မှိုကြောင့်ဖြစ်တဲ့ ရောဂါတွေ၊ အရိုးပါးရောဂါ၊ အဆုတ်နဲ့ အူလမ်းကြောင်း ကင်ဆာတွေကို ကာကွယ်နိုင်ခြင်းစတဲ့ ကောင်းကျိုးတွေရရှိစေမှာ ဖြစ်ပါကြောင်း၊ ဂျူးမြစ်ကို ဟင်းသီးဟင်းရွက်အဖြစ် စားသုံးပေးခဲ့ရင် သွေးတိုး၊ အစာအိမ် အနာပေါက် ခြင်းနဲ့ ခန္ဓာကိုယ်အပူချိန် အလွန်မြင့်တက်ခြင်းတို့ကို လျော့နည်းစေကြောင်းစသည့် ကျန်းမာရေး ဗဟုသုတများအရ လေ့လာ သိရှိရပါသည်။

DOCA(မန္တလေး)

       မန္တလေးတိုင်းဒေသကြီး၊ကျောက်ဆည်ခရိုင်သည် အညာဒေသလယ်တွင်းကိုးခရိုင်တွင် တစ်ခုအပါအဝင်ဖြစ်ပြီး စိုက်ပျိုးရေးကိုအခြေခံ၍ စပါး၊ပဲမျိုးစုံ၊ဆီထွက်သီးနှံမျိုးစုံ၊ ငရုတ်၊ သရက်နှင့်ငှက်ပျော စသည့်သီးနှံများအား ရာသီအလိုက်စိုက်ပျိုးလျက်ရှိပါသည်။ ၄င်းသီးနှံများ အနက်ငှက်ပျောသီးနှံအားတစ်နိုင်တစ်ပိုင်စိုက်ပျိုးရာမှ စီးပွားဖြစ်စိုက်ပျိုးလာကြပါသည်။၂၀၂၅-၂၀၂၆ဘဏ္ဍာနှစ်တွင် ငှက်ပျောစိုက်ဧက ကျောက်ဆည်မြို့နယ်တွင်(၁၂၈၂)ဧက စိုက်ပျိုးထားရှိကြောင်း သက်ဆိုင်ရာဌာန၏ စာရင်းများအရ သိရှိရပါသည် ။ ငှက်ပျောကို ရာသီမရွေး စိုက်ပျိုးနိုင်ကြောင်း ၊ ငှက်ပျောစိုက်ပျိုးရာတွင် (၁)ဧကလျှင်အပင်(၈၀၀)စိုက်ပျိုးရကြောင်း၊တစ်ပင်နှင့်တစ်ပင်(၈)ပေခြားကာစိုက်ပျိုးရပြီး(၉-၁၀)လ အကြာတွင် ငှက်ပျောဖူးများစတင်ထွက်ရှိ၍ ငှက်ပျောဖူးထွက်ပြီး(၃)လကြာလျှင် ရောင်းတန်းဝင် ငှက်ပျောခိုင်များရရှိလာပါသည်။ ကျောက်ဆည်ဒေသ၌ အများအားဖြင့် ဖီးကြမ်းငှက်ပျောမျိုးများကို အဓိကထားစိုက်ပျိုးကြပါသည်။ (၁)ဧက စိုက်ပျိုးမှု ကုန်ကျစရိတ်အနေဖြင့် ပျိုးပင်၊သွင်းအားစု ၊ လုပ်သားခအပါအဝင် စုစုပေါင်း(၂၀)သိန်းကျပ်ဝင်းကျင် ခန့်ကုန်ကျကြောင်း သိရှိရပါသည် ။ ငှက်ပျောခြံများမှ ငှက်ပျောအခိုင်(၄၀)ပါ လှည်းတစ်စီးလျှင် (၄၆၀၀၀၀/-)ကျပ်စျေးနှုန်းများဖြင့် အ‌ရောင်းအဝယ်ဖြစ်နေကြောင်း၊ ငှက်ပျောသီးဖီးကြမ်း တစ်ဖီးစျေးနှုန်းမှာ လက်ရင်း(၄၀၀၀/-)ကျပ် ၊ လက်ဖျား(၃၀၀၀/-)ကျပ် စျေးနှုန်းများဖြင့် ရောင်းဝယ်လျက်ရှိကြောင်း ၊ (၁)ဧက အကျိုးအမြတ် အနေဖြင့် သိန်း(၇၀)ဝန်းကျင်ခန့်မြတ်ကြောင်း၊ ကျောက်ဆည်မြို့နယ်ရှိ ငှက်ပျောပွဲစားများသည် ငှက်ပျောခြံအထိ လာရောက်ဝယ်ယူကြကြောင်း ၊ စျေးကွက်အနေဖြင့် ရန်ကုန်၊ မန္တလေး၊ပဲခူးမြို့များသို့ တင်ပို့ရောင်းချကြောင်း၊ကျောက်ဆည်မြို့နယ်ရှိ ငှက်ပျော ပွဲစားများသည် ရွှေသိမ်တော်ဘုရားရှိ ကန်တော့ပွဲရောင်းချသည့်ဆိုင်များသို့လည်း ရောင်းချလျက်ရှိပါကြောင်း ၊ ရွှေသိမ်တော်ဘုရားသည် ဆုတောင်းပြည့်စေတီဖြစ်၍ အနယ်နယ်အရပ်ရပ်မှ ဘုရားဖူးများ စဉ်ဆက်မပြတ်လာရောက်ကြပြီး ကန်တော့ပွဲထိုး၍ ဆုတောင်းအဓိဌာန်များပြုလုပ်မှု နေ့စဉ်များပြားပြီး အခါကြီးရက်ကောင်းရက်မြတ် များတွင် ပိုမိုများပြားသဖြင့် ငှက်ပျောသီးရောင်းအား အလွန်ကောင်းမွန်လျက်ရှိပါကြောင်း ၊ ငှက်ပျောစိုက်တောင်သူများအနေဖြင့် ဖီးကြမ်းငှက်ပျောများ စိုက်ပျိုးရာတွင် အကျိုးအမြတ်များ ရရှိပြီး တွက်ခြေကိုက်သဖြင့် စီးပွားဖြစ်စိုက်ပျိုးလာကြကြောင်း ၊ ငှက်ပျောပင် စိုက်ပျိုးရာတွင် (၁)နှစ်နီးပါးအချိန်ကြာကြာစောင့်ရသော်လည်း စိုက်ပျိုးပြီးစီး၍ ရောင်းတန်းဝင်အပင်များဖြစ်လာ ပါက ငှက်ပျောခိုင်၊ ငှက်ပျောအရွက်၊ ငှက်ပျောပင်ပေါက်က‌လေးများပါ ရောင်းချရသည့်အတွက် တစ်ပင်လုံးအသုံးဝင်သောကြောင့် ဖီးကြမ်းငှက်ပျောမျိုးများကို စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

     စစ်ကိုင်းတိုင်းဒေသကြီး၊ ကန့်ဘလူမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် ဒေသအတွင်းမှထွက်ရှိသည့် သဘာဝမျှစ်များ၊ စိုက်မျှစ်များကို မျှစ်စိမ်းနှင့် မျှစ်ပြုတ်အဖြစ်ရောင်းချသလို မျှစ်ချဉ်သိပ်၍ သိုလှောင်ထားကြပြီး ဈေးကွက်အတွင်းသို့ ရောင်းချလျက်ရှိကြောင်း သိရသည်။

          ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ကန့်ဘလူမြို့မဈေး၌ ဖြစ်ပေါ်နေသော မျှစ်စိမ်းနှင့် မျှစ်ပြုတ်ဈေးနှုန်းမှာ မျှစ်စိမ်း(၁)ပိဿာလျှင်(၂၀၀၀)ကျပ်၊ (၅၀)ကျပ်သားလျှင် (၁၀၀၀)ကျပ် နှင့်မျှစ်ပြုတ် (၁)ပိဿာလျှင်(၂၅၀၀)ကျပ်၊ (၅၀)ကျပ်သားလျှင် (၁၃၀၀)ကျပ်ဈေးနှုန်းတို့ဖြင့် ရောင်းချ လျက်ရှိကြောင်း၊ ယခုလိုမိုးရာသီတွင် မျှစ်များလှိုင်လှိုင်ပေါ်နေသောကြောင့် မျှစ်ခြောက်လှန်းရန်နှင့် မျှစ်ချဉ်ပြုလုပ်ရန် ဝယ်ယူကြသည့်အတွက် မျှဉ်စိမ်းများ အရောင်းအဝယ်သွက်လျှက်ရှိကြောင်း၊ မျှစ်ချဉ် သည် မျှစ်စိမ်းရှားပါးလာသည့် အချိန်၌သာ အရောင်းသွက်လေ့ရှိကြောင်း မျှစ်စိမ်း၊ မျှစ်ခြောက်နှင့် မျှစ်ချဉ် ရောင်းချသည့် လုပ်ငန်းရှင်များထံမှ  သတင်းရရှိပါသည်။

DOCA(စစ်ကိုင်း)                           

         ပြောင်းသီးနှံမှာမွေးမြူရေး အစားစပ်လုပ်ငန်းတွင် သုံးစွဲမှုများပြားခြင်း၊ ပြည်ပတင်ပို့ခြင်းတို့ကြောင့် အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက် နှုန်း  ၄၉.၅၅  တင်း၊ အထွက်တင်းစုစုပေါင်း  ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ်စက်တင်ဘာလဒုတိယပတ်အတွင်း ဖြစ်ပေါ်သည့်အစေ့ထုတ်ပြောင်းစျေးမှာပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ)၈၀၀၀၀ ကျပ်နှင့် ၈၁၀၀၀ ကျပ်၊တစ်ပိဿာစျေးအနေဖြင့် ပြောင်းဖူးစေ့(ရှမ်း) နှင့်ပြောင်းဖူးစေ့(စီပီ)  ၁၄၈၁ ကျပ်နှင့် ၁၅၀၀ကျပ်စျေးတို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပြောင်းဖူးစေ့ (ဗမာ) ၁၅၅၆ ကျပ်နှင့် ၁၅၇၄ကျပ်၊ ပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ) ၁၆၃၀ ကျပ်တို့ဖြစ်ကြောင်း သိရပါသည်။ ယခုနှစ် စေျး နှင့်ယခင်နှစ်ကာလတူ စျေးနှိုင်းယှဉ်ပါက အစေ့ထုတ်ပြောင်းစျေးမှာ လျော့နည်းသွားကြောင်း သိရှိရပါသည်။

DOCA(မန္တလေး)

          မန္တလေးစျေးကွက်အတွင်း ဆီကြိတ်ဖတ်အမျိုးမျိုးအရောင်းသွက်လျက်ရှိပြီး၊ စျေးနှုန်းမြင့်တက်လျက်ရှိကြောင်း သိရှိရပါသည်။ဆီထွက်သီးနှံမြေပဲ၊ နှမ်းနှင့် နေကြာသီးနှံများအား ပြည်တွင်းစားဆီကြိတ်ခွဲခြင်းတွင် အရေးပါသကဲ့သို့ မြေပဲနှင့် နှမ်းမှာ ပြည်ပသို့တင်ပို့သည့် ကုန်စည်အမယ်များ ဖြစ်ပါသည်။ မြေပဲ၊ နှမ်း၊ နေကြာသီးနှံများအား စားဆီကြိတ်ခွဲပြီး ထွက်ရှိလာသည့်မြေပဲဖတ်၊ နှမ်းဖတ်နှင့်နေကြာဖတ်များကို တိရိစ္ဆာန်အစာအဖြစ် အသုံးပြုလျက်ရှိပါသည်။ မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင်၂၀၂၅ခုနှစ်စက်တင်ဘာလပထမပတ်အတွင်း ဖြစ်ပေါ်လျက်ရှိသည့်စားဆီတစ်ပိဿာပေါက်စျေးများမှာ မြေပဲဆီ၁၆၀၀ဝိ/-နှင့် ၁၆၅၀ဝိ/-၊နှမ်းဆီ ၁၂၅၀ဝိ/-နှင့်၁၃၀၀ဝိ/-စျေး၊နေကြာဆီ ၂၂၀၀၀ ကျပ်နှင့် ၂၃၀၀၀ ကျပ်တို့ဖြစ်ကြောင်း သိရှိရပါသည်။ ပဲဖတ်တစ်ပိဿာ ပေါက်စျေးများအနေဖြင့် မြေပဲဖတ် ၅၅၀ဝိ/- နှင့် ၅၆၀ဝိ/-၊နှမ်းဖတ် ၃၃၀ဝိ/-နှင့်၃၃၅ဝိ/-၊နေကြာဖတ် ၂၇၀၀ကျပ်နှင့်၂၈၀ဝိ/-၊ပန်းနှမ်းဖတ်၂၇၀၀ကျပ်နှင့်မုန်ညင်းဖတ် ၂၇၀၀ကျပ် တို့ဖြင့် အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)