ပြည်တွင်းကုန်သွယ်မှုသတင်း

          မန္တလေးတိုင်းဒေသကြီး ၊ ကျောက်ဆည်ခရိုင်တွင် နွေနှမ်းများ စတင်စိုက်ပျိုးလျှက်ရှိပါသည်။ ၂၀၂၅ခုနှစ်အတွင် နွေနှမ်းစိုက်ပျိုးရန်အတွက် ဆည်မြောင်းဝန်ကြီးဌာနမှ ရေပေးဝေသောကြောင့် နွေနှမ်းများစိုက်ပျိုးလျှက်ရှိကြောင်း၊နှမ်းစိုက်ပျိုးမှုအနေဖြင့် ဘောင်ကြောင်းပေးစနစ်ဖြင့် စိုက်ပျိုးကြ ပြီးအများဆုံးစိုက်ပျိုးသောမျိုးများမှာနှမ်းဖြူ၊နှမ်းညိုနှင့်နှမ်းနက်မျိုးများကိုစိုက်ပျိုးကြပါသည်။(၁)ဧက စိုက်ပျိုးမှုအနေဖြင့် နှမ်းမျိုး ၁ပြည်လျှင် (၈၀၀၀-၈၂၀၀)ကျပ်အထိ ပေးဝယ်ရကြောင်း  ၊ (၁)ဧက ကုန်ကျစရိတ် အနေဖြင့် မျိုး၊သွင်းအားစု၊လုပ်သားခအပါအဝင်  စုစုပေါင်း(၂၆၀၀၀၀/-)ကျပ်ခန့် ကုန်ကျကြောင်း၊ (၁)ဧက မျိုး(၂-၃)ပြည် စိုက်ပျိုးရကြောင်း ၊ နှမ်းစျေးနှုန်းအနေဖြင့် ယခုလက်ရှိ ပေါက်စျေးမှာ နှမ်းဖြူတစ်တင်းလျှင်(၁၃၀၀၀၀/-)ကျပ် ၊ နှမ်းညိုတစ်တင်းလျှင်(၉၆၀၀၀/)ကျပ်နှင့် နှမ်းနက်တစ်တင်းလျှင်(၉၆၀၀၀/-)ကျပ်ဖြစ်ပြီး နှမ်းဆီ ၁ပိဿာလျှင်(၁၈၀၀၀/-)ကျပ်ဖြင့် ရောင်းဝယ် လျှက်ရှိပါသည် ။ ကုန်သွယ်ရောင်းဝယ်မှုအနေဖြင့် တောင်သူများမှ နှမ်းပေါ်ချိန်တွင် နီးစပ်ရာ ကျောက်ဆည်မြို့ပေါ်ရှိပွဲရုံများသို့တိုက်ရိုက်သွားရောက်ရောင်းချကြကြောင်း၊ပွဲရုံများမှတဆင့် ရန်ကုန်၊ မန္တ‌လေးမြို့များသို့ တင်ပို့ရောင်းချလျှက်ရှိပါသည် ။ တောင်သူများမှာ နှမ်းကိုဆီထွက်သီးနှံအဖြစ် ကျယ်ကျယ်ပြန့်ပြန့်စိုက်ပျိုးလျှက်ရှိပါသည်။နှမ်းပေါ်ချိန်တွင် စျေးနှုန်းများကောင်းမွန်ပါက တောင်သူ များအကျိုးအမြတ်ပိုမိုဖြစ်ထွန်းနိုင်ကြောင်း၊(၁)ဧကအထွက်နှုန်း ခန့်မှန်းချက်(၁၀-၁၁)တင်းခန့်ထွက်ရှိ နိုင်ကြောင်း၊ နှမ်းစိုက်ပျိုးသော တောင်သူများအနေဖြင့်  မိသားစု စားသုံးဆီဖူလုံရုံမျှမက အကျိုးအမြတ် များရရှိသောကြောင့်ဆီထွက် သီးနှံဖြစ်သော နှမ်းသီးနှံကိုလည်း နှစ်စဉ်စိုက်ပျိုးသင့်ကြောင်း ရေးသား တင်ပြအပ်ပါသည်။

DOCA(မန္တလေး)

          မန္တလေးတိုင်းဒေသကြီး ၊ ကျောက်ဆည်ခရိုင်သည် လယ်တွင်းကိုးခရိုင် ဒေသတစ်ခုဖြစ်ပြီး ဆည်ရေသောက်ဒေသဖြစ်သည့်အလျောက် သီးနှံပင်များ ပန်းမာန်များလဲ ရောင်စုံဖူးပွင့်လျက်ရှိပါ သည်။ ရာသီအလိုက်ပွင့်သောပန်းများအနက် သရဖီပန်းပင်များကို အရိပ်ရရန်အတွက် စိုက်ပျိုးရုံ သာမက စီးပွားဖြစ်ခြံထောင့်များတွင် သရဖီပင်များကိုလဲ စိုက်ပျိုးလာကြပါသည်။ တပေါင်းလတွင် ပွင့်သော သရဖီပန်းများလည်း စတင်ပွင့်ဖူးလျက်ရှိပါသည် ။ သရဖီပန်းအသက်သည် (၇)ရက်သာ ပွင့်လန်းကြပါသည်။သရဖီပန်းကို ခူးဆွတ်ရောင်းချသူများသည် အပင်ကို ငြမ်းဆင်ပြီး ငြမ်းပေါ်မှ နေ၍ ရောင်းတန်းဝင် အပွင့်အဖူးလေးများကို ခူးဆွတ်ရောင်းချကြပါသည်။ လှသောပန်းဖူးလေးများကို ရရှိရန်အတွက် မနက်(၄)နာရီတွင် ဓာတ်မီး၊ မီးအိမ်များဖြင့် တက်၍ ခူးဆွတ်ရကြောင်း၊ ပန်းများကို အနေတော်အကုံးလေးများ သီကုံးကာ ဈေးထဲတွင် တစ်ကုံးလျှင်(၅၀၀)ကျပ်ဖြင့် ရောင်းချပေးပြီး၊ သီကုံးမရောင်းချနိုင်သူများမှာ နို့ဆီဗူးချင်ဖြင့် ရောင်းချပေးကြောင်း၊ နို့ဆီဗူးတစ်ဗူးလျှင်(၁၀၀၀)ကျပ် ဖြစ်ကြောင်း၊ အချို့သရဖီပန်းပင်ပိုင်ရှင်များသည် အပွင့်အစိုများကို ခူးမရောင်းဘဲ အပင်အောက်တွင် မိုးကာများခင်းကာ ပွင့်ခြောက်များ အကြွေစောင့်၍ စုယူကောက်ယူပြီး အခြောက်ရောင်းချကြ ကြောင်း၊ အခြောက်(၁)ပိဿာလျှင် (၂၀၀၀၀/-)ကျပ်ဖြင့် ရောင်းချရကြောင်း၊ ပင်ကြီးသရဖီတစ်ပင် လျှင်တစ်နှစ်ကို(၁၅၀၀၀၀-၂၀၀၀၀၀)ကျပ် အထိဝင်ငွေရှိကြောင်း၊ သရဖီပန်းခြောက်များကို သနပ်ခါး၊ ရေမွှေးထုတ်သူများမှ လာရောက်ဝယ်ယူကြကြောင်း သိရှိရပါသည် ။ သရဖီပင်စိုက်ပျိုးလိုသူများ အနေဖြင့် ပျိုးပင်များဝယ်ယူ၍ရကြောင်း ၊ သရဖီပင်အရွယ်အစားအလိုက်(၁)ပင်လျှင် (၂၀၀၀/-)ကျပ် မှ (၃၀၀၀/-)ကျပ်ထိရှိကြောင်း ၊  သရဖီပင်စိုက်ပျိုးခြင်းဖြင့် အရိပ်လဲရ ဝင်ငွေတိုးသောကြောင့် သရဖီပန်းပင်များကိုလည်း တိုးချဲ့စိုက်ပျိုးသင့်ပါကြောင်း ရေးသားတင်ပြအပ်ပါသည်။   

DOCA(မန္တလေး)

ကျောက်ဆည်ခရိုင်အတွင်းရှိ တောင်သူဦးကြီးများသည် စပါး ၊ ပဲ ၊ ပြောင်း သီးနှံများအပြင် စီးပွားဖြစ်ဝင်ငွေတိုးသော ဂွေးတောက်သီးနှံကိုလည်း စိုက်ပျိုးလာကြပါသည် ။ ရှေးယခင်က ဂွေးတောက်ရွက်ကို တော/တောင်များမှ ခူးယူ၍ ရပ်ရွာနှင့်မြို့ပေါ်ရှိဈေးများသို့ တင်ပို့ရောင်းချရ ကြောင်း ၊ ပင်ကြီးဂွေးတောက်ရွက်နုချိန်မှာ မိုးဦးကျ သင်္ကြန်ကာလများတွင် ဖြိုင်ဖြိုင်နုကြောင်း ၊ စားသုံးသူများမှာ ပင်ကြီးဂွေးတောက်ရွက်ပေါ်ချိန်မှသာ စားသုံးရကြောင်း ၊ ယခုအခါတွင် တောင်သူ များမှရာသီမရွေးစိုက်ပျိုးနိုင်ပြီး အချိန်မရွေးစားသုံးနိုင်သော ဂွေးတောက်သီးနှံကို လယ်ယာမြေများ တွင် မျိုးစေ့ကိုပျိုးထောင်၍ စိုက်ပျိုးရကြောင်း ၊ မျိုးစေ့ကို (၁)နာရီခန့် ရေစိမ်ထားပြီး ပျိုးဖောင်တွင် မျိုးစေ့ပါးပါးဖြူးပြီး ပလပ်စတစ်အိပ်အကြည်ဖြင့် (၃)ရက်ခန့် အုပ်ထားပေးရကြောင်း၊ အညှောင့်ထွက် လာသောဂွေးတောက်မျိုးစေ့များကို ပျိုးအိပ်ထဲ ပြောင်းရွှေ့စိုက်ပျိုးရကြောင်း၊ အပင်အရွက်လေးရွက် မှငါးရွက်ခန့်ထွက်လာသောအခါ အသင့်စိုက်ပျိုးရန် ပြုလုပ်ထားသော ဖောင်များပေါ်သို့ ရွှေ့ပြောင်း စိုက်ပျိုးပေးရကြောင်း၊ တစ်ဧကတွင် ဂွေးတောက်မျိုးစေ့တစ်ပြီခန့် အသုံးပြုရကြောင်း၊ မျိုးစေ့တစ်ပြီ ဈေးနှုန်းအနေဖြင့်(၁၀၀၀၀/-)ကျပ်ခန့်ရှိကြောင်း ၊ မျိုး၊သွင်းအားစု၊လုပ်သားခအပါအဝင်(၅၀၀၀၀၀/-) ကျပ်ခန့်ကုန်ကျကြောင်း၊ စိုက်ပျိုးပြီး(၃)လသားအရွယ်တွင် စတင်ခူးဆွတ်ရောင်းချရပြီဖြစ်ကြောင်း ၊ ခူးဆွတ်၍ရသောအချိန်မှ စတင်၍(၇/၁၀)ရက်တစ်ကြိမ်ခူးရကြောင်း ၊ တစ်ဧက အထွက်နှုန်းအနေဖြင့် (၁)ကြိမ် ခူးဆွတ်ရောင်းချရပါကပိဿာ(၈၀) ထွက်ရှိကြောင်း၊ (၁)လကို(၃)ကြိမ်ခူးဆွတ်ပါက ပိဿာ (၂၄၀) ကျော်ထွက်ရှိကြောင်း၊ ဂွေးတောက်ရွက်တစ်ပိဿာ လက်လီဈေးနှုန်းအနေဖြင့်(၅၀၀၀/-)ကျပ် ခန့် ရောင်းချရပြီး လက်ကားဈေးအနေဖြင့်တစ်ပိဿာလျှင်(၃၀၀၀/-)ကျပ်ခန့် ရောင်းချပေးကြောင်း၊ ဈေးကွက်အနေဖြင့် ကုန်စိမ်းပွဲစားများမှ သုံးဘီးဆိုင်ကယ်များဖြင့် အခင်းထဲအရောက် လာရောက် ဝယ်ယူကြကြောင်း၊ ပွဲစားများမှတစ်ဆင့် ရန်ကုန်-မန္တလေးမြို့များရှိ ဈေးများသို့ တင်ပို့ရောင်းချ လျက်ရှိကြောင်း ၊ ဂွေးတောက်ပင်သည် နှစ်ရှည်ပင်ဖြစ်သည့်အတွက် အပင်အပြုအစု ကောင်းပါက တစ်နှစ်ပတ်လုံး အထွက်နှုန်းကောင်းမွန်ကြောင်း ဈေးနှုန်းပုံမှန် မရှိသော်လည်း အကျိုးအမြတ် ဖြစ်ထွန်းကြောင်း၊ တစ်ဧကစိုက်ပျိုးမှု အကျိုးအမြတ်အနေဖြင့် ခန့်မှန်း(၁၀၀၀၀၀၀)ကျပ်ခန့်မြတ် ကြောင်း၊ဂွေးတောက်စိုက်ပျိုးခြင်းဖြင့် စီးပွားဖြစ်ဝင်ငွေတိုးကြောင်း ဂွေးတောက်ရွက်ကို စားသုံးသူ များကြိုက်နှစ်သက်၍အရောင်းသွက်ကြောင်း၊ဂွေးတောက်ရွက်ကိုအတို့အမြုပ်အနေဖြင့် စားသုံးကြ သလို ဂွေးတောက်ရွက်ကြော်၊ ကြက်ဂွေးတောက်၊ ပဲကြီး ဂွေးတောက်ဟင်းရည် စသည်ဖြင့် အမျိုးမျိုးချက်ပြုတ်သုံးဆောင်ကြကြောင်း ၊ ဝယ်လိုအားရှိပြီး စီးပွားလည်းဖြစ် ဝင်ငွေတိုးသော ဂွေးတောက်ရွက်သီးနှံကို တောင်သူဦးကြီးများ စိုက်ပျိုး သင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် သီးနှံမျိုးစုံ စိုက်ပျိုးဖြစ်ထွန်းလျှက်ရှိရာ ၄င်းသီးနှံများအနက် ပဲတီစိမ်းသီးနှံကို ၂၀၂၄- ၂၀၂၅ဘဏ္ဍာနှစ် တွင်ကျောက်ဆည်မြို့နယ်တွင် (၂၄၈၀)ဧကစိုက်ပျိုးနိုင်ခဲ့ပြီး  (၈၉၅)ဧကရိတ်သိမ်းပြီးစီးပြီဖြစ်ကြောင်း၊ ခရိုင်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရသည် ။ ပဲတီစိမ်းကို မျိုးအနေဖြင့် ကျောက်စိမ်းမျိုးနှင့်ရေဆင်း-၁၁ မျိုးများကိုသာ အများဆုံးစိုက်ပျိုးကြကြောင်း ၊ (၁)ဧက ကုန်ကျစရိတ် အနေဖြင့်(၃၀၀၀၀၀/-)ကျပ်ဝန်းကျင်ခန့်ကုန်ကျကြောင်း ၊ ပဲတီစိမ်း (ဆောင်း)ကို အောက်တိုဘာလ နှင့်နိုဝင်ဘာလများတွင် စိုက်ပျိုးကြပြီး ၊ ယခုအချိန်တွင် ပဲတီစိမ်းများ ဖြိုင်ဖြိုင်ရိတ်သိမ်းနေပြီဖြစ် ကြောင်း၊ ယခင်နှစ်စျေးနှုန်းအနေဖြင့် ပဲတီစိမ်းတစ်တင်းလျှင် (၅၅၀၀၀/-)ကျပ်ရှိခဲ့ပြီး ယခုလက်ရှိ ပေါက်စျေးအနေဖြင့် ပဲတီစိမ်းတစ်တင်းလျှင်(၈၀၀၀၀/-)ကျပ် စျေးနှုန်းများဖြင့် ရောင်းဝယ်လျှက်ရှိ ကြောင်း၊(၁)ဧကအထွက်နှုန်းအနေဖြင့်(၁၂-၁၃)တင်းခန့်ထွက်ရှိကြောင်း၊ ပဲတီစိမ်းကို တောင်သူများမှ ပွဲရုံများသို့သွားရောက်ရောင်းချကြကြောင်း ၊ ပွဲရုံများမှတဆင့် ရန်ကုန် ၊ မန္တလေးမြို့များသို့ တင်ပို့ ရောင်းချကြကြောင်း၊(၁)ဧကအကျိုးအမြတ်အနေဖြင့်(၆၅၀၀၀၀/-)ကျပ်ကျော်မြတ်ခဲ့ကြောင်း၊ပဲတီစိမ်း

စိုက်ပျိုးသော တောင်သူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)

ကျောက်ဆည်ခရိုင်အတွင်းရှိ တောင်သူဦးကြီးများသည် စားဖိုဆောင်သီးနှံဖြစ်သော ငရုတ်၊ ကြက်သွန်၊ ပဲ၊ နှမ်းသီးနှံများအပြင် မိသားစုအပိုဝင်ငွေရရှိစေရန်အတွက်လည်းကောင်း ၊ ကျေးလက် ဒေသများတွင် မြေဆိုးအန္တရာယ်မှ ကာကွယ်ရန်အတွက်လည်း‌ကောင်း ဆူးချုံပင်တစ်မျိုးဖြစ်သော ကင်ပွန်းချဉ်ပင်များကို ခြံစည်းရိုးအပင်အဖြစ်လည်းကောင်း စိုက်ပျိုးလာကြပါသည် ။ ထို့ပြင် ကင်ပွန်းချဉ်ပင်သည် မြန်မာနိုင်ငံနေရာအနှံအပြားတွင်လည်း သဘာဝအလျောက် ပေါက်ရောက် လေ့ရှိကြပါသည်။ကင်ပွန်းချဉ်ပင် စိုက်ပျိုးရာတွင် အစေ့မှမျိုးယူ၍ စိုက်ပျိုး၍ရကြောင်း၊ ဖေဖော်ဝါရီလ စတုတ္ထပတ်တွင် စျေးကွက်ထဲ၌ ကင်ပွန်းချဉ်ရွက်များ စတင်ရောင်းနေသည်ကို တွေ့ရှိနေရပြီဖြစ်ပါ သည်။ ယခုစျေးကွက်ထဲ၌ ကင်ပွန်းချဉ်ရွက် တစ်ဆယ်သားလျှင်(၁၅၀၀/-)ကျပ် ၊ တစ်ပိဿာလျှင် (၁၃၀၀၀၀/-)ကျပ်ဖြင့်အရောင်းအဝယ်ဖြစ်လျှက်ရှိကြောင်း၊ ကင်ပွန်းရွက်သည်  အပူကြောင့်ဖြစ်သော အခိုးအကင်းကိုလည်းကောင်း၊ ဝမ်းရပ်ခြင်းကိုလည်းကောင်း၊ သည်းခြေကို ငြိမ်းစေတက်သည်ဟု ဓာတု ဆေးကျမ်းများတွင် ဖော်ပြထားသည်ကိုလေ့လာဖတ်ရှုရပါသည်။  ကျွန်မတို့မြန်မာလူမျိုး များသည် ကင်ပွန်းချဉ်ရွက်ကို အကြော် ၊ ဟင်းချို ၊ အချဉ်ဟင်း စသည်ဖြင့် အမျိုးမျိုးပြုလုပ်၍ နေ့စဉ် စားသုံးလျှက်ရှိကြ၍ မိသားစုတစ်နိုင်တစ်ပိုင်မှသည် စီးပွားဖြစ်စိုက်ပျိုးသင့်ပါကြောင်းရေးသားအပ်ပါ သည်။

DOCA(မန္တလေး)