ပြည်တွင်းကုန်သွယ်မှုသတင်း

   ၂၀၂၅ ခုနှစ်၊ စက်တင်ဘာလ (၁၁) ရက်နေ့တွင် ဘုရင့်နောင် ကုန်စည်ဒိုင်သို့ ကြက်သွန်နီ ဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မုံရွာ၊ ပခုက္ကူဒေသတို့မှ ကြက်သွန်နီ (၉၃၀၀၀၀) ပိဿာ ဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီ လက်ကျန်မှာ (၃၇၂၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ(အသစ်) အချော တစ်ပိဿာ ကျပ် ၇၀၀၊ အသန့်မှာတစ်ပိဿာ ကျပ် ၁၂၅၀၊ အကြီးမှာ ကျပ် ၁၄၅၀၊ ရှယ်မှာ ကျပ် ၁၆၀၀၊ မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၈၀၀၊ အသန့်မှာ တစ်ပိဿာ ကျပ် ၁၂၅၀ ၊ အကြီးမှာ ကျပ် ၁၄၀၀၊ ရှယ်မှာ ကျပ် ၁၆၀၀၊ မုံရွာ ကြက်သွန်နီ (အသစ်)   အချောတစ်ပိဿာ ကျပ် ၇၅၀၊ အသန့်မှာ တစ်ပိဿာ ကျပ် ၁၂၀၀ ၊ အကြီးမှာ ကျပ် ၁၄၀၀၊ ရှယ်မှာ ကျပ် ၁၅၅၀၊ တောင်သာ ကြက်သွန်နီ(အသစ်)  အချော တစ်ပိဿာ ကျပ် ၆၀၀၊ အသန့်မှာ တစ်ပိဿာ ကျပ် ၉၀၀ ၊ အကြီးမှာ ကျပ် ၁၁၀၀၊ ရွှေဘို ကြက်သွန်နီ(အသစ်) အချော  တစ်ပိဿာ ကျပ် ၁၂၀၀၊ အသန့်မှာ တစ်ပိဿာ ကျပ် ၁၆၀၀ ၊ အကြီးမှာ ကျပ် ၂၀၀၀၊ ရှယ်မှာ ကျပ် ၂၀၀၀ ဈေးတို့အသီးသီးရှိ ကြောင်း စုံစမ်းသိရှိရပါသည်။

          ယခုတစ်ပတ်တွင် ဆိပ်ဖြူကြက်သွန်နီမှာ ယခင်တစ်ပတ်အတိုင်းဈေးတူညီနေပြီး မြင်းခြံ ကြက်သွန်နီမှာ ဈေးအနည်းငယ်တက်လျက်ရှိပြီး မုံရွာကြက်သွန်နီဈေးနှုန်းမှာ ယခင်အပတ်ကထက် ဈေးအနည်းငယ်ကျလျက်ရှိကြောင်း သိရှိရပါသည်။

DOCA(ရန်ကုန်)

       ရွှေဘိုမြို့ရှိဈေးများတွင် အစားအသောက်၊ အဝတ်အထည်များနှင့် လူသုံးကုန်ပစ္စည်း အမျိုးမျိုးကို ရောင်းချလျက်ရှိရာ မြန်မာရိုးရာအဝတ်အထည်ဖြစ်သည့် အမျိုးသားဝတ် ပုဆိုးများကိုလည်း ရောင်းချလျက်ရှိပါသည်။  မိမိတို့ဒေသမှ ထွက်ရှိသည့်ပုဆိုးများအပြင် အခြားဒေသမှ ပုဆိုးများကိုလည်း မှာယူရောင်းချကြကြောင်း၊ ပုဆိုးတွင် ချည်ချောပုဆိုးနှင့် ချည်ကြမ်းပုဆိုးဟူ၍ရှိပြီး အဆင်ဒီဇိုင်းမျိုးစုံ ရောင်းချကြကြောင်း၊ အမျိုးသားများအနေဖြင့် မိမိတို့နှင့်လိုက်ဖက်မည့်ပုဆိုးများကို ဝယ်ယူဝတ်ဆင်ကြကြောင်း၊ ချည်ကြမ်းပုဆိုးများကို အလုပ်ကြမ်းလုပ်သည့်နေရာနှင့် အိမ်တွင်နေ့စဉ်ဝတ်အဖြစ် အသုံးပြုကြပြီး ချည်ချောပုဆိုး များကိုမှု ထသွားထလာအဖြစ် အသုံးပြုဝတ်ဆင်ကြပါသည်။ ၂၀၂၅ခုနှစ်၊ စက်တင်ဘာလ (ဒုတိယ)ပတ်တွင်ဖြစ်ပေါ်နေသော ချည်ချောလုံချည်ဈေးနှုန်းများမှာ ၂/၈၀(၁)ကွင်းလျှင် (၂၀၀၀ဝိ/-)ကျပ်၊ ပိုးကြီးပုဆိုး(၁)ကွင်း လျှင်(၄၁၀၀ဝိ/-)ကျပ်၊ ပိုးကချင်(၁)ကွင်းလျှင် (၄၃၀၀ဝိ/-)ကျပ်၊ ၂/၁၀၀(၁)ကွင်းလျှင် (၃၃၀၀ဝိ/-)ကျပ်ဖြင့် အရောင်းအဝယ်ဖြစ်လျက်ရှိပြီး ချည်ကြမ်းလုံချည်(၁)ကွင်းလျှင် (၁၀၀၀ဝိ/-)ကျပ်မှ(၁၄၀၀ဝိ/-)ကျပ်ဖြင့် အရောင်းအဝယ် ဖြစ်လျက်ရှိကြောင်း ပုဆိုးရောင်းချသည့် လုပ်ငန်းရှင်ထံမှ သိရှိရပါသည်။

DOCA (စစ်ကိုင်း)

      ကျွန်းလှမြို့နယ် သံဘိုကျေးရွာ၊ ရှမ်းစုကျေးရွာတို့မှ ထွက်ရှိသည့် ဒေသထွက် ခရမ်းချဉ်သီး များ ဈေးကွက်အတွင်းသို့ ဝင်ရောက်မှု နည်းပါးလာသည့်အတွက် မန္တလေးမြို့ နှင့် ရှမ်းပြည်နယ် အောင်ပန်းမြို့ တို့မှ တဆင့် မှာယူရောင်းချလျက်ရှိကြောင်းသိရသည်။

     ၂၀၂၅ ခုနှစ်၊ ယခု စက်တင်ဘာလ ဒုတိယပတ်တွင် ပိတောက်မြိုင်ဈေး၌ ဖြစ်ပေါ်နေသော ခရမ်းချဉ်သီးဈေးနှုန်းအနေဖြင့် ခရမ်းချဉ်သီး အလုံးကြီး တစ်ပိဿာလျှင်(၄၀၀၀)ကျပ်၊ (၅၀)ကျပ်သား လျှင်(၂၀၀၀)ကျပ်၊ (၂၅)ကျပ်သားလျှင်(၁၀၀၀)ကျပ်၊ ခရမ်းချဉ်သီး အလုံးသေး တစ်ပိဿာလျှင်(၃၅၀၀) ကျပ်၊ (၅၀)ကျပ်သားလျှင်(၁၈၀၀)ကျပ်နှင့်(၂၅)ကျပ်သားလျှင်(၉၀၀)ကျပ်ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း သိရသည်။

DOCA (စစ်ကိုင်း)

  ဧရာဝတီတိုင်းဒေသကြီး၊ ပုသိမ်မြို့နယ်အတွင်း၌ လူကြိုက်များလာသော ထောပတ် ခရမ်းသီးများ ဈေးကွက်တွင် တွင်ကျယ်စွာ ရောင်းချလျက်ရှိပါသည်။ မြန်မာနိုင်ငံ၏ ရာသီဥတုနှင့် လိုက်လျောညီထွေရှိသော ဤသီးနှံကို ဒေသခံလယ်သမားများက စမ်းသပ်စိုက်ပျိုးအောင်မြင် လာကြပြီဖြစ်သည်။

    ပုသိမ်မြို့နယ်ရှိ ကျေးရွာများတွင်လည်း ထောပတ်ခရမ်းသီးကို စိုက်ပျိုးလာကြပြီး ဒေသတွင်းဈေးများတွင် ရောင်းချနေကြပါသည်။ ထောပတ်ခရမ်းသီး၏ ထူးခြားသောအရသာနှင့် အာဟာရဓာတ်ပြည့်ဝမှုတို့ကြောင့် ဒေသခံများအကြား ရေပန်းစားလာခြင်းဖြစ်သည်။ ဈေးကွက် ရောင်းဝယ်မှုတွင် ပိဿာချိန်ဖြင့် ဝယ်ယူကြပြီး လက်ရှိဈေးနှုန်းများမှာ ကုန်စည်သယ်ယူ ပို့ဆောင်ခနှင့် ရာသီဥတုအခြေအနေပေါ်မူတည်၍ အနည်းငယ်ကွဲပြားမှုရှိသည်။ လက်ကားဈေး အနေဖြင့် တစ်ပိဿာလျှင် (၂,၀၀၀)မှ (၂,၅၀၀)ကျပ်အထိ ရှိပြီး လက်လီဈေးမှာ တစ်ပိဿာလျှင် (၃,၅၀၀)မှ (၄,၀၀၀)ကျပ်အထိ ရောင်းချနေကြောင်း သိရှိရသည်။

      ထောပတ်ခရမ်းသီးကို ဟင်းချိုချက်သောက်ခြင်း၊ အသုပ်သုပ်စားသုံးခြင်း၊ ကြော်ချက် စားသုံးခြင်းများ ပြုလုပ်ကြပြီး ကျန်းမာရေးအတွက်လည်း အထူးကောင်းမွန်သော ဟင်းသီးဟင်းရွက်တစ်မျိုးဖြစ်ပါသည်။ ဒေသခံများအနေဖြင့် ထောပတ်ခရမ်းသီးစိုက်ပျိုးခြင်းဖြင့် ဝင်ငွေတိုးတက်စေနိုင်သည့် အခွင့်အလမ်းကောင်းတစ်ရပ်အဖြစ် ရှုမြင်လာကြကြောင်း တင်ပြအပ်ပါသည်။

DOCA (ဧရာဝတီ)

    ဧရာဝတီတိုင်းဒေသကြီး၊ ပုသိမ်မြို့နယ်အတွင်းရှိ ဈေးများသို့ မုန်လာဥနီများ အဆက်မပြတ် ဝင်ရောက်လျက်ရှိပါသည်။ မုန်လာဥနီများကို အဓိကအားဖြင့် ရှမ်းပြည်နယ် (အောင်ပန်း၊ ပင်းတယ၊ ရွာငံ)၊ မန္တလေးတိုင်းဒေသကြီး(ရေဦး)နှင့် နေပြည်တော်(ပျဉ်းမနား၊ လယ်ဝေး)စသော အေးမြသည့်ဒေသများမှ တင်ပို့ရောင်းချလျက်ရှိကြောင်း သိရှိရသည်။

          မုန်လာဥနီသည် အေးသောရာသီဥတုတွင် ဖြစ်ထွန်းသည့် ဟင်းသီးဟင်းရွက်တစ်မျိုး ဖြစ်ပြီး အာဟာရဓာတ်များစွာ ပါဝင်ကာ ကျန်းမာရေးအတွက် အထူးကောင်းမွန်သည့် သီးနှံတစ်ခု ဖြစ်ပါသည်။ ပုသိမ်မြို့နယ်ရှိ စားသုံးသူများအနေဖြင့် မုန်လာဥနီကို ဖျော်ရည်လုပ်သောက်ခြင်း၊ အသုပ်သုပ်စားသုံးခြင်း၊ အခြားဟင်းသီးဟင်းရွက်များနှင့် ရောကြော်စားသုံးခြင်းများ ပြုလုပ်ကြ ပါသည်။

          လက်ရှိဈေးနှုန်းအခြေအနေမှာ ယခင်လများကထက် အနည်းငယ်မြင့်တက်လျက်ရှိပြီး ဖောက်သည်ဈေး(လက်ကားဈေး)အနေဖြင့် တစ်ပိဿာလျှင် (၅,၅၀၀)မှ (၆,၀၀၀)ကျပ်အထိ ရှိပြီး လက်လီဈေးမှာ တစ်ပိဿာလျှင် (၆,၅၀၀)မှ (၇,၅၀၀)ကျပ်အထိ ရောင်းချနေကြောင်း တွေ့ရှိရသည်။ ထို့အပြင် ကုန်စိမ်းသည်များမှ တစ်နိုင်ငစ်ဝယ်ယူသူများအတွက် (၁,၀၀၀)မှ (၁,၅၀၀)ကျပ်တန် အထုပ်ငယ်လေးများ ထုတ်ပိုးရောင်းချပေးသောကြောင့် စားသုံးသူများ အဆင်ပြေလျက်ရှိကြောင်း သိရှိရသည်။

          မုန်လာဥနီကို ပုံမှန်စားသုံးပေးခြင်းဖြင့် သွေးတွင်းကိုလက်စထရောကို လျော့ချပေး နိုင်ခြင်း၊ ခန္ဓာကိုယ်အလေးချိန်ကို ထိန်းညှိပေးနိုင်ခြင်း၊ အမြင်အာရုံကို ကောင်းမွန်စေခြင်း အစ ရှိသည့် ကျန်းမာရေးအကျိုးကျေးဇူးများစွာ ရရှိနိုင်သောကြောင့် နေ့စဉ်စားသုံးသင့်သည့် ဟင်းသီးဟင်းရွက်ကောင်းတစ်မျိုးဖြစ်ပါကြောင်း တင်ပြအပ်ပါသည်။

DOCA (ဧရာဝတီ)