ပြည်တွင်းကုန်သွယ်မှုသတင်း

      တနင်္သာရီတိုင်းဒေသကြီး၊ ထားဝယ်မြို့၊ ကမ်းနားပျံကျဈေးတွင် သံပုရာသီးနှင့် ရှောက်သီးများ ရောင်းချလျက်ရှိကြောင်း သိရှိရပါသည်။ သံပုရာသီးနှင့် ရှောက်သီးများကို ဒေသတွင်း တစ်နိုင်တစ်ပိုင် အနေဖြင့် စိုက်ပျိုးကြပြီး သံပုရာသီးနှင့် ရှောက်သီး များစိုက်ပျိုးသော တောင်သူများ ဝင်ငွေတိုးတက် လျက်ရှိကြောင်း သိရှိရပါသည်။ သံပုရာသီးနှင့် ရှောက်သီးသည် ဗီတာမင်စီဓာတ် အလွန်ကြွယ်ဝသည့် အသီးဖြစ်သောကြောင့် ကိုယ်အလေးချိန်ကို ထိန်းညှိပေးနိုင်ခြင်း၊ အရေပြားကို ကျန်းမာစေခြင်း၊ အစာကြေရင်ချောင်စေခြင်းနှင့် ခံတွင်းအနံ့ဆိုးကို လျှော့ချပေးနိုင်ခြင်း စသည့် အကျိုးကျေးဇူးကို ရရှိပါသည်။ ၂၀၂၅ ခုနှစ်၊ နိုဝင်ဘာလ ပထမပတ်အတွင်း တနင်္သာရီတိုင်းဒေသကြီး၊ ထားဝယ်မြို့၌ ဖြစ်ပေါ်နေသော သံပုရာသီးနှင့် ရှောက်သီးဈေးနှုန်းမှာ သံပုရာသီး အရွယ်အစား အကြီး/အသေး အပေါ်မူတည်၍ တစ်လုံး လျှင် (၃၀ဝိ/-) ကျပ်မှ (၅၀၀ိ/-)ကျပ်ဖြင့် အရောင်းအဝယ်ဖြစ်လျက်ရှိပြီး၊ ရှောက်သီး(အသေး) (၁)လုံးလျှင် (၅၀၀ိ/-)ကျပ်နှင့် ရှောက်သီး(အကြီး) (၁)လုံးလျှင် (၉၀၀ိ/-)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက်ရှိကြောင်း ကုန်စိမ်းသီးနှံမျိုးစုံ ရောင်းချနေသော ဈေးသည် တစ်ဦးထံမှ သိရှိရပါသည်။

DOCA(တနင်္သာရီ)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် လယ်ယာစိုက်ပျိုးရေးလုပ်ငန်းများကို လုပ်ကိုင်ကြပြီး  သီးနှံမျိုးစုံစိုက်ပျိုးလျက်ရှိရာ ထောပတ်ပဲသီးနှံကို စိုက်ပျိုးထားရှိကြောင်း၊ ထောပတ်ပဲသီးနှံကို ကန့်ဘလူမြို့နယ် တောက္ကရှပ်ကျေးရွာ၊ နတ်ပေးကျေးရွာနှင့် အခြားသောကျေးရွာများတွင် စိုက်ပျိုးကြပြီး ကန့်ဘလူမြို့ပေါ်ရှိ  ပွဲရုံများသို့ရောင်းချကြောင်း သိရသည်။

          ၂၀၂၅ ခုနှစ်၊ နိုဝင်ဘာလ ပထမပတ်အတွင်း ထောပတ်ပဲတစ်တင်းလျှင် (၁၃၁၀၀၀)ကျပ်၊ အကွဲအနာပါတစ်တင်းလျှင် (၁၃၁၅၀၀)ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိရာ၊ ယခင် အောက်တိုဘာလ၏  ဈေးနှုန်းများနှင့်နှိုင်းယှဉ်ပါက ယခုပတ်အတွင်း ထောပတ်ပဲတစ်တင်းလျှင် (၂၀၀၀)ကျပ် ဈေးနှုန်းဆက်လက်ကျဆင်းနေကြောင်း၊ ထောပတ်ပဲသီးနှံကို မန္တလေးမြို့ရှိပွဲရုံများသို့ တင်ပို့ရောင်းချကြောင်း သီးနှံရောင်းဝယ်ရေး လုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

  တောင်ငူမြို့နယ်အတွင်းရှိ ညောင်ပင်လေးဈေးသို့ တောင်ငူဒေသနှင့်အနီးတစ်ဝိုက်ရှိ ကျေးရွာများဖြစ်သည့် ရှမ်းဝတီး၊ ဆိတ်ဖူးတောင်နှင့်ဒိုးသောင်ဘက်မှ ဒေသထွက်ဟင်းသီးဟင်းရွက် သီးနှံများလာရောက် ရောင်းချလျက်ရှိသည်။

                ဗုံးလုံသီးကို ကြော်စားခြင်း သို့မဟုတ် ကြက်ဥနှင့်တွဲဖက်၍ ကြော်စားခြင်း၊ ဗုံလုံသီးထဲသို့ ကြိုက်နှစ်သက်သည့် အသား /ငါးများအစာသွတ်၍ချက်စားခြင်း၊ ငါးပိရည်နှင့်တွဲဖက်၍ အတို့အမြှုပ် အဖြစ် စားသုံးခြင်းဖြင့် အမျိုးမျိုးပြုလုပ် စားသုံးနိုင်ပါသည်။ ယခုအချိန် အောက်တိုဘာလသည် ပေါ်ဦးပေါ်စကာလ ဖြစ်သောကြောင့် ဗုံလုံသီး ၁ တောင့်လျှင် ၆၀၀ ကျပ်၊ ၁၀ တောင့်ပါ ၁ ထုံးလျှင် ၅၀၀၀ ကျပ်ပေးရပြီး၊ ဗုံးလုံသီးများလှိုင်လှိုင်ပေါ်ချိန်ရောက်ပါက ဈေးနှုန်းကျဆင်းလာနိုင်ပြီး ၊ ပဲတောင့်ရှည်သီးမှာတော့ ပဲသီးအရွယ်အစားအလိုက် ဈေးနှုန်းကွာခြားလျက်ရှိရာ ပဲသီး ၇၅ တောင့်ပါ ၁ ထုံးလျှင် ၃၀၀၀ ကျပ် မှ ၄၅၀၀ ကျပ်အထိ ဈေးရှိပြီး အရောင်းသွက်လျက်ရှိကြောင်း ရောင်းချသည့် ဈေးသည်များထံမှ သတင်းရရှိပါသည်။

DOCA(ပဲခူး)

  ပဲခူးတိုင်းဒေသကြီး၊ တောင်ငူမြို့နယ်အတွင်းရှိ ဈေးများတွင် အထက်ရှမ်းပြည်နယ်ဘက်မှ သစ်သီးဝလံနှင့်ဟင်းသီးဟင်းရွက်များစွာ သယ်ယူရောင်းချလျက်ရှိရာ ယခုအခါပန်းဂေါ်ဖီထုပ်များ အရောင်းသွက်လျက်ရှိနေပါသည်။ ရှမ်းပြည်ဒေသထွက်ပန်းပွင့်မှာ တောင်ငူဒေသထွက် ပန်းပွင့်များ ထက်နူးညံ့ပြီး ပိုမို၍စားကောင်းပါသည်။

              ပန်းပွင့်ကိုကြော်စားခြင်း၊ ရေနွေးဖျောပြီးသုတ်စားခြင်း၊ အချဉ်စိမ်ခြင်းနှင့် ထမင်းဆိုင်များ နှင့် စားသောက်ဆိုင်များတွင် အစိမ်းကြော်ကြော်ရာ၌ အသုံးပြုကြပြီး ဈေးနှုန်းမှာလည်း တောင်ငူ ဒေသထွက်ထက် ဈေးနှုန်းပိုမိုမြင့်မားပြီး အရောင်းသွက်လျက်ကြောင်း သိရပါသည်။ ရှမ်းပြည်ထွက် ပန်းပွင့် များမှာ အပွင့် အသေး၊ အလတ်၊ အကြီးဟူ၍ရှိပြီး အပွင့်အသေး ၁ ပွင့်လျှင် ၂၀၀၀ ကျပ်၊ အပွင့်အလတ် ၁ ပွင့်လျှင် ၃၅၀၀ ကျပ်၊ အပွင့်အကြီး ၁ ပွင့်လျှင် ၅၀၀၀ မှ ၆၀၀၀ ကျပ်ထိဈေးပေးရပြီး တောင်ငူဒေသထွက်ပန်းပွင့်များသည် နိုဝင်ဘာလနောက်ဆုံးအပါတ်လောက်တွင် ပေါ်နိုင်သည့်ဟု သိရပြီး ဒေသထွက်ပန်းပွင့်များပေါ်ပါက ရှမ်းပြည်ထွက်ပန်းပွင့်များမှာ ဈေးနှုန်းကျဆင်းလာ နိုင်ကြောင်း ရောင်းချသည့်ဈေးသည်များထံမှ သတင်းရရှိပါသည်။

DOCA(ပဲခူး)

         မုံရွာမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို အဓိက လုပ်ကိုင် လျက်ရှိရာ စားဖိုဆောင်သီးနှံဖြစ်သည့် နံနံပင်၊ ပူစီနံပင်၊ ချဉ်ပေါင်ရွက်၊ ဆူးပုတ်ရွက်၊ ကန်ဇွန်းရွက်၊ ပဲတောင့်ရှည်သီး၊ ရုံးပတီသီး၊ ခရမ်းသီးနှင့်  ခဝဲသီးများကို စိုက်ပျိုးလျက်ရှိပါသည်။  စိုက်ပျိုးထွက်ရှိသော သီးနှံများမှ ပူစီနံပင်များနှင့် နံနံပင်များကို  မုံရွာမြို့၊ နန္ဒဝန်ဈေးသစ်တွင် လာရောက်ရောင်းချလျက်ရှိကြောင်း သိရှိရပါသည်။ နံနံပင်နှင့်ပူစီနံသည် မြန်မာဟင်းများတွင်သာမကမုန့်ဟင်းခါးအသုပ်စုံတို့တွင်လည်း တွဲဖက်စားသုံးကြပါသည်။

          ၂၀၂၅ ခုနှစ်၊ နိုဝင်ဘာလ ပထမပတ်တွင် နန္ဒဝန်ဈေးသစ်တွင်  ရောင်းချနေသော နံနံပင်ဈေးနှုန်းမှာ တစ်စည်းလျှင်(၁၅၀)ကျပ်၊ (၄)စည်းလျှင်(၅၀၀)ကျပ်ဖြစ်ပြီး ပူစီနံ ဈေးနှုန်း မှာ တစ်စည်းလျှင် (၂၀၀)ကျပ်မှ (၃၀၀) ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA (စစ်ကိုင်း)