၁၁.၄.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
စားသုံသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၌ ယခုနှစ် ဆောင်းသီးထပ်သီးနှံစိုက်ပျိုးရာသီတွင် ဒေသခံတောင်သူများက သီးနှံဝင်ငွေတိုးပွားစေရန်နှင့် ဒေသအတွင်း စားနပ်ရိက္ခာဖူလုံစေရန်အတွက် ပြည်ပသို့တင်ပို့နိုင်ရန် အားထားစိုက်ပျိုးသည့် ဆောင်းသီးနှံ မြေပဲစိုက်ပျိုးရေးကို တစ်မြို့နယ်လုံးအတိုင်းအတာအနေဖြင့် (၂၀၂၃-၂၀၂၄) ခုနှစ်၌ စိုက်ပျိုးဧက (၆၈၆)ဧကလျာထားစိုက်ပျိုးခဲ့ရာ ရာနှုန်းပြည့်ဖြစ်ထွန်းအောင်မြင်စွာစိုက်ပျိုးနိုင်ခဲ့ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှသိရှိရသည်။
သုံးခွမြို့နယ်အတွင်းရှိ ဒေသခံတောင်သူများသည် စိုက်ပျိုးရေးအဆင်ပြေမှုနှင့် စိုက်ပျိုးမြေကောင်းမွန်မှုတို့ကြောင့် နွေ၊ မိုး၊ ဆောင်း တစ်နှစ်ပတ်လုံးစိုက်ပျိုးရေးလုပ်ငန်းကို စီးပွားဖြစ်လုပ်ကိုင်လျက်ရှိရာ ယခုအခါ ပုလဲ၊ သိုက်တူးကန်၊ မြို့မပုဂံတောင်၊ ဘုရားကြီး၊ အောင်ပန်းစိန် စသည့်ကျေးရွာများတွင် စိုက်ပျိုးထားသောမြေပဲစိုက်ခင်းများအားလုံး ရိတ်သိမ်းပြီးစီးပြီဖြစ်ကြောင်း၊ အထွက်နှုန်းအနေဖြင့် တစ်ဧကလျှင် (၄၇.၃၆)တင်းထွက်ရှိသည်ဟုသိရှိရပြီး ယခုနှစ်မြေပဲစိုက်ဧကမှာ ယခင်နှစ်လျာထားစိုက်ပျိုးဧကထက် ပိုမိုစိုက်ပျိုးလာကြသည်ဟု လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှသိရှိခဲ့ရပြီး သုံးခွမြို့နယ်အတွင်းရှိ မြေပဲစိုက်တောင်သူအများစုသည် ဆောင်းသီးထပ် မြေပဲသီးနှံများအား သီးနှံအတိုင်း ရောင်းချခြင်းမျိုးမရှိဘဲ ဆီစက်များတွင် ကြိတ်ခွဲ၍ ဒေသခံစားသုံးသူပြည်သူများအား ဖြန့်ဖြူးရောင်းချပေးလျက်ရှိကြောင်းသိရှိရပါသည်။
DOCA(ရန်ကုန်)
စားသုံသူရေးရာဦးစီးဌာန၊ ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်တွင် ယခုနှစ် ဆောင်းသီးနှံစိုက်ပျိုးရာသီ၌ ပဲမျိုးစုံသီးနှံစိုက်ပျိုးထုတ်လုပ်မှု ကဏ္ဍဖွံ့ဖြိုးတိုးတက်စေရန်နှင့် ဒေသအတွင်းစားနပ်ရိက္ခာဖူလုံစေရေးအတွက် သုံးခွမြို့နယ်အတွင်းရှိ လျာထားဧက (၆၈၆)ဧကမှာ ရာနှုန်းပြည့်သည့်အပြင် ကျော်လွန်စွာစိုက်ပျိုးထားရှိသည့် မြေပဲစိုက်ခင်းများမှာလည်း အောင်မြင်စွာဖြစ်ထွန်းခဲ့ပြီး ယခုအချိန်တွင် မြေပဲသီးနှံများထွက်ပေါ်၍ ဆီစက်လုပ်ငန်းများစတင်လည်ပတ်လျက်ရှိကြောင်းသိရပါသည်။
သုံးခွမြို့နယ်တွင် မြေပဲသီးနှံထွက်ပေါ်လာပြီဖြစ်၍ ဆီစက်လုပ်ငန်းတချို့မှာလည်း ကြိတ်ခွဲထုတ်လုပ်မှုလုပ်ငန်းများစတင်လျက်ရှိရာ ရွှေလဝင်းဆီစက်လုပ်ငန်းရှင်များအနေဖြင့် (၁၈-၃-၂၀၂၄) ရက်နေ့မှစတင်ပြီး မြေပဲစိုက်တောင်သူများ၏ သီးနှံများအနက် နဝလီမြေပဲဆီများအား ကြိတ်ခွဲထုတ်လုပ်ပေးလျက်ရှိကြောင်း၊ ကြိတ်ခွဲခနှုန်းထားအနေဖြင့် မြေပဲဆီ(၁၀)ပိဿာဝင်တစ်လုံးလျှင် (၁၃၀၀၀) ကျပ်ဖြစ်ပြီး လျှပ်စစ်မီးလာသောအချိန်တွင် လျှပ်စစ်နှင့် လည်ပတ်ကြိတ်ခွဲပြီး မီးပျက်ပါက ဒီဇယ်အင်ဂျင်စက်ဖြင့် ကြိတ်ခွဲလည်ပတ်ပေးလျက်ရှိကြောင်း၊ မြေပဲစိုက်တောင်သူများအနေဖြင့် မိမိတို့၏ မိသားစုစားသုံးရန်နှင့် ပိုလျှံသောမြေပဲများအား စားသုံးသူပြည်သူများထံသို့ ဖြန့်ဖြူးရောင်းချပေးလျက်ရှိပြီး ဆီစက်လုပ်ငန်းရှင်များအနေဖြင့် မြေပဲကုန်ကြမ်းရရှိမှုအပေါ်မူတည်၍ ကြိတ်ခွဲ ထုတ်လုပ်လည်ပတ်ပေးလျက်ရှိကြောင်း မြေပဲဆီကြိတ်ခွဲပြီး ထွက်ရှိလာသည့် မြေပဲဖတ်များကိုလည်း နဝလီလာရောက်ကြိတ်ခွဲသူများက ပြန်လည်ယူဆောင်သွားပြီး အဆင်ပြေသလို ပြန်လည်ရောင်းချရာတွင် မြေပဲဖတ် (၁)ပိဿာလျှင် (၂၅၀၀-၂၇၀၀)ကျပ်အထိဈေးနှုန်းတို့ဖြင့် အရောင်းအဝယ်ဖြစ်နေပြီး မြေပဲဆီဈေးနှုန်းအနေဖြင့် (၁)ပိဿာလျှင် (၁၅၀၀)ကျပ်ဖြစ်ကြောင်း၊ ဆီစက်များအနေဖြင့် ကုန်ကြမ်းသီးနှံ မြေပဲများအား ကိုယ်တိုင်ဝယ်ယူကြိတ်ခွဲခြင်းမျိုးမဟုတ်ဘဲ လာရောက်အပ်နှံကြိတ်ခွဲမှသာ စက်ကြိတ်ခယူ၍ ကြိတ်ခွဲထုတ်လုပ်ပေးလျက်ရှိကြောင်း စုံစမ်းသိရှိရပါသည်။
DOCA(ရန်ကုန်)
အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေဖြင့် မြန်မာနိုင်ငံဆန်စပါးအသင်းချုပ်ထံမှဝယ်ယူခဲ့သည့် အရန်ဆန်အိတ်များအနက် ရခိုင်ပြည်နယ်၊ မိုခါမုန်တိုင်းဘေးသင့်ပြည်သူများအတွက် ထောက်ပံ့ပေးပြီး ကျန်ရှိသည့် (၃၀၈၄၀၇)အိတ်ကို နိုင်ငံတော်စီမံအုပ်ချုပ်ရေးကောင်စီဥက္ကဌ၏ လမ်းညွှန်ချက်အရ တိုင်းဒေသကြီး/ပြည်နယ်အသီးသီးရှိ တိုက်ပွဲရှောင်၊ နေရပ်စွန့်ခွာသူများကို ထောက်ပံ့ပေးနိုင်ရေး ဆောင်ရွက်လျက်ရှိကြောင်းသိရပါသည်။
ထိုသို့ဆောင်ရွက်ရာ၌ သက်ဆိုင်ရာတိုင်းဒေသကြီး/ ပြည်နယ်အစိုးရအဖွဲ့မှ ကိုယ်စားလှယ်များနှင့် ဆန်အိတ်များထုတ်ယူနိုင်ရေး ချိတ်ဆက်ပေးခြင်း၊ သတ်မှတ်ပုံစံအတိုင်း လွှဲပြောင်းထုတ်ပေးလျက်ရှိရာ ကရင်ပြည်နယ်အစိုးရအဖွဲ့အတွက် ဆန်အိတ် (၂၄၆၅၀)အိတ်အား သီလဝါဆိပ်ကမ်းဖွံ့ဖြိုးမှုဇုန်မှ (၃-၄-၂၀၂၄) ရက်နေ့တွင် စတင်ထုတ်ပေးလျက်ရှိပြီး ကရင်ပြည်နယ်အတွင်းရှိ စစ်ဘေးရှောင်များအတွက် ဆန်အိတ်များကို မြို့နယ်အလိုက်ခွဲ၍ ထောက်ပံ့ပေးနိုင်ရန် ကိုယ်စားလှယ်များက ထုတ်ယူလျက်ရှိရာ (၆-၄-၂၀၂၄)ရက်နေ့အထိ ဆန်အိတ်ရေစုစုပေါင်း (၆၅၅၀)အိတ်ထုတ်ယူပြီး ကရင်ပြည်နယ်၊ ဒေသအသီးသီးရှိ စစ်ဘေးရှောင်ပြည်သူများထံသို့ ပို့ဆောင်ပေးလျက်ရှိကြောင်းသိရှိရပါသည်။
DOCA(ရန်ကုန်)
ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်းမြို့နယ်များနှင့်အခြားတိုင်းဒေသကြီး/ ပြည်နယ်များရှိ ကိုယ်စားလှယ်များသို့ စားအုန်းဆီများကို နေ့စဉ်ထုတ်ပေးလျက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည်ဖြန့်ဖြူးရောင်းချသူများအနေဖြင့် ဒေသအရောက် ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေးနှင့် ဈေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးတို့အတွက်လည်း ဝန်ထမ်းများက ကွင်းဆင်းကြပ်မတ်ဆောင်ရွက်လျက်ရှိကြောင်းနှင့် (၂-၄-၂၀၂၄)ရက်နေ့မှ (၆-၄-၂၀၂၄)ရက်နေ့အထိ ဆီကုမ္ပဏီ(၁၈)ခုနှင့် စားအုန်းဆီတန်ချိန် (၃၉၂၂.၁၃၀)တန်ထုတ်ပေးခဲ့ကြောင်းသိရှိရပါသည်။
DOCA(ရန်ကုန်)
မကွေးတိုင်းဒေသကြီး၊ သရက်ခရိုင်၊ သရက်မြို့၊ မြို့မစည်ပင်သာယာဈေးအတွင်း စားသုံးသူရေးရာဦးစီးဌာနမှ ဝန်ထမ်းများနှင့် မိတ်ဖတ်ဌာနများဖြစ်သည့် စည်ပင်သာယာရေးအဖွဲ့၊ သဘာဝပတ်ဝန်းကျင်ထိန်းသိမ်းရေးဦးစီးဌာန၊ ကျန်းမာရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီး ဌာနတို့ပူးပေါင်း၍ (၈.၄.၂၀၂၄)ရက်နေ့၊ နံနက်(၀၈း၃၀)အချိန်တွင် ဈေးအတွင်းရောင်းချနေသော ဈေးသည်များအား ပလတ်စတစ်အစာထိုး အင်ဖက်များ၊ ငှက်ပျောဖက်များ အသုံးပြုလာစေရန် (Plastic Campaign) အသိပညာပေးလုပ်ငန်းများ ဆောင်ရွက်ခဲ့ပါသည်။
ထို့နောက် မြို့နယ်စည်ပင်သာရေးအဖွဲ့နှင့် ပူးပေါင်း၍ ၂၀၂၄ခုနှစ်၊ ဧပြီလ(ဒုတိယပတ်)အတွင်း ဖြစ်ပေါ်နေသော အခြေခံစားကုန်ဈေးနှုန်းများအား လေ့လာစုံစမ်းမေးမြန်းခဲ့ရာ ပဲဆီ(၁)ပိဿာလျှင် ကျပ်(၁၄၀၀၀ - ၁၅၅၀၀)၊ နှမ်းဆီ(၁)ပိဿာလျှင် ကျပ်(၁၅၀၀၀)၊ ကြက်သွန်နီ (၁)ပိဿာလျှင် (အကြီးအသေးအလိုက်) ကျပ်(၁၈၀၀- ၂၀၀၀)၊ ကြက်သွန်ဖြူ (ကြူကုတ်)(၁)ပိဿာလျှင် ကျပ်(၁၁၅၀၀ - ၁၂၀၀၀)၊ ကြက်သွန်ဖြူ(ဗမာ)အသေး(၁)ပိဿာလျှင် ကျပ်(၁၄၀၀၀)၊ ခရမ်းချဉ်သီး (အခွံမာသီး) (၁)ပိဿာလျှင် ကျပ်(၁၀၀၀)၊ ကုလားပဲခွဲခြမ်း (၁)ပိဿာလျှင် ကျပ်(၇၀၀၀ - ၇၂၀၀)၊ ငရုတ်သီးအစို (၁)ပိဿာလျှင် ကျပ်(၂၅၀၀ - ၃၀၀၀)၊ ငရုတ်သီးအခြောက်(၁)ပိဿာလျှင် ကျပ်(၁၆၀၀၀ - ၁၈၀၀၀)၊ ကြက်ဥတစ်လုံးလျှင် ကျပ်(၂၅၀ - ၃၀၀)၊ ငါးကြင်းခုတ်သား(၁)ပိဿာလျှင် ကျပ်(၁၅၀၀၀ - ၁၆၀၀၀)၊ ငါးတံခွန် ခြောက်(၁)ပိဿာလျှင် ကျပ်(၁၆၀၀၀)၊ ငါးဘတ်ခြောက်(၁)ပိဿာလျှင် ကျပ်(၁၆၀၀၀)၊ ပုဇွန်ခြောက် (အကောင်အကြီး၊ အသေးအလိုက်) (၁)ပိဿာလျှင် ကျပ်(၇၀၀၀ - ၈၀၀၀)၊ ငါးကျည်းခြောက် (အကောင် အကြီး၊ အသေးအလိုက်)(၁)ပိဿာလျှင် ကျပ်(၆၀၀၀-၈၀၀၀-၁၀၀၀၀)ဖြင့် ဈေးနှုန်းများအသီးသီး ဖြစ်ပေါ် လျက်ရှိရာ ယခင်တစ်ပတ်နှင့်နှိုင်းယှဉ်ပါက ယခုတစ်ပတ်တွင် ဈေးနှုန်းမှာပြောင်းလဲမှုမရှိကြောင်းနှင့် ပုံမှန် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(မကွေး)
မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် ၂၀၂၄ခုနှစ်၊ ဧပြီလ (ပထမပတ်)အတွင်း လယ်ယာထွက်ကုန်သီးနှံမျိုးစုံဖြစ်သည့် နှမ်းနှင့်ပဲမျိုးစုံသီးနှံများ ဖြစ်ပေါ်နေသော ဈေးနှုန်း များနှင့် အရောင်းအဝယ်အခြေအနေများမှာ နှမ်းနက်(စမုံ) (၄၅)ပိဿာပါ (၁)အိတ်လျှင် ကျပ်(၃၅၀၀၀၀ -၃၈၀၀၀၀)ဖြင့် အိတ်(၅၅၀)ကိုလည်းကောင်း၊ နှမ်းပြာ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၁၃၀)ကို လည်းကောင်း၊ နှမ်းနီ(၄၅)ပိဿာပါ (၁)အိတ်လျှင် ကျပ်(၃၄၀၀၀၀)ဖြင့် အိတ်(၇၀)ကို လည်းကောင်း၊ နှမ်းဖြူ(၄၅)ပိဿာပါ (၁)အိတ်လျှင် ကျပ်(၃၅၀၀၀၀)ဖြင့် အိတ်(၆၀)ကိုလည်းကောင်း နှမ်းသီးနှံဈေးနှုန်းများ ပြောင်းလဲခြင်းမရှိပဲ ပုံမှန်အရောင်းအဝယ်သာ ဖြစ်လျက်ရှိပြီး ကုလားပဲ (HL) (၁)တင်းလျှင် ကျပ်(၈၀၀၀၀-၈၂၀၀၀)ဖြင့် (၃၀)ပိဿာပါ အိတ် (၆၀၀)အိတ်ကိုလည်းကောင်း၊ ကုလားပဲ (မြကြေး) (၁)တင်းလျှင် ကျပ်(၈၄၅၀၀-၈၇၀၀၀)ဖြင့် (၃၀)ပိဿာပါအိတ် (၅၀၀)အိတ်ကိုလည်း ကောင်း၊ မတ်ပဲ(၁)တင်းလျှင် ကျပ်(၉၀၅၀၀-၉၇၀၀၀)ဖြင့် (၃၀)ပိဿာပါ အိတ်(၂၂၀)အိတ်ကို လည်းကောင်း၊ ပဲစဉ်းငုံနီ(၁)တင်းလျှင် ကျပ်(၁၁၉၅၀၀-၁၂၃၄၀၀)ဖြင့် (၃၀)ပိဿာပါ အိတ်(၄၅၀)အိတ်ကိုလည်း ကောင်း၊ ဘိုကိတ်ပြာ(၁)တင်းလျှင် ကျပ်(၆၀၀၀၀)ဖြင့် (၃၀)ပိဿာပါ အိတ်(၉၀)အိတ်ကိုလည်း ကောင်း၊ ပဲကြီး(၁)တင်းလျှင် ကျပ်(၈၉၀၀၀-၉၆၀၀၀)ဖြင့် (၃၀)ပိဿာပါ အိတ်(၃၈၀)အိတ်ကိုလည်း ကောင်း၊ မြေပဲလုံးဆံ (ဖြူ)(၁)ပိဿာလျှင် ကျပ်(၆၃၀၀)ဖြင့် (၃၀)ပိဿာဝင်အိတ် (၄၈၀)အိတ် ကိုလည်းကောင်း၊ မြေပဲ လုံးဆံ(နီ) (၁)ပိဿာလျှင် ကျပ်(၇၂၀၀-၇၉၀၀)ဖြင့် (၃၀)ပိဿာဝင် အိတ် (၃၀၀)အိတ်ကိုလည်းကောင်း၊ ဝါ(၁)ပိဿာလျှင် ကျပ်(၂၉၀၀-၃၀၀၀)ဈေးနှုန်းဖြင့် ပိဿာ(၁၂၀၀၀) အသီးသီးအရောင်း အဝယ်ရှိခဲ့ ပါသည်။
မတ်ပဲဈေးနှုန်းမှာ မတ်လ(စတုတ္ထပတ်)တွင် ရှိခဲ့သည့်ဈေးထက် ဧပြီလ(ပထမပတ်)တွင် အနည်းငယ်ဈေးမြင့်တက်ခဲ့သဖြင့် အရောင်းအဝယ်မှာ ပိုမိုမြင့်တက်ခဲ့ပြီး အခြားပဲမျိုးစုံသီးနှံဈေးနှုန်းမှာ ကွာခြားခြင်းမရှိသည့်အတွက် ပုံမှန်အရောင်းအဝယ်သာ ဖြစ်လျက်ရှိကြောင်း၊ ဝါသီးနှံမှာ ယခုအချိန်တွင် ဝယ်/သို ကုန်သည်များမှ ရောင်းချသည့်အချိန်အခါဖြစ်သည့်အတွက် ယခုတစ်ပတ်အတွင်း အနည်းငယ် ပိုမိုအရောင်းအဝယ်ဖြစ်လျက်ရှိကြောင်း အောင်လံကုန်စည်ဒိုင်မှ သိရှိရပါသည်။
DOCA(မကွေး)
မကွေးတိုင်းဒေသကြီး၊ သရက်ခရိုင်၊ ကံမမြို့နယ် မြောက်ချောင်းဘက်ရှိ ပတ်ဝန်းကျင် ကျေးရွာများဖြစ်သော ရေနံ့သာ၊ ဆုံကုန်း၊ ခြောက်ပင်၊ သံပရာ၊ ကျောက်ပတောင်း၊ ကျောက်ဆောင်း၊ ကျီးမီး၊ ရွာသာယာ စသည့်ကျေးရွာများမှ ထွက်ရှိသည့်သီးနှံများအနက် မတ်ပဲသီးနှံမှာ ၂၀၂၄ခုနှစ်၊ ဧပြီလ(ပထမပတ်)တွင် (၃၀)ပိဿာဝင်တစ်အိတ်လျှင် ကျပ်(၁၄၇၀၀၀)ဖြစ်ပြီး ယခုဧပြီလ (ဒုတိယပတ်)တွင် ကျပ်(၁၅၁၅၀၀)ဈေးဖြင့် ယခင်အပတ်ထက် ကျပ်(၄၅၀၀)အတက်ဈေးဖြင့် တစ်နေ့လျှင် အိတ်ရေ(၂၀မှ၃၀)ဝန်းကျင်ခန့်ဝင်ရောက်ပြီး အရောင်းအဝယ်ဖြစ်လျက်ရှိကြောင်း သိရှိရပါသည်။
မြေပဲသီးနှံများမှာ ၂၀၂၄ခုနှစ်၊ ဧပြီလ(ပထမပတ်)နှင့် (ဒုတိယပတ်)တို့တွင် (၁)ပိဿာလျှင် အရည်အသွေးပေါ်မူတည်၍ ကျပ်(၅၅၀၀မှ၅၆၀၀)ဈေးဖြင့် တစ်နေ့လျှင်ပိဿာ(၃၀၀ မှ ၅၀၀)အတွင်း ဝင်ရောက်လျက်ရှိပါကြောင်း၊ အရောင်းအဝယ်မှာ အေးလျက်ရှိကြောင်း၊ ပဲကြီးသီးနှံမှာ ဧပြီလ(ပထမပတ်)တွင် (၃၀)ပိဿာဝင်တစ်အိတ်လျှင် ကျပ်(၁၄၄၀၀၀)ဈေးဖြင့် အရောင်းအဝယ် ဖြစ်လျက်ရှိပြီး ယခုဧပြီလ(ဒုတိယပတ်)တွင် (၃၀) ပိဿာဝင် တစ်အိတ်လျှင်ကျပ်(၁၃၈၀၀၀)ဈေးဖြင့် ယခင်အပတ်ထက် ကျပ်(၆၀၀၀)အကျဈေးဖြင့် နေ့စဉ်အိတ်ရေ(၂၀မှ၃၀)ဝန်းကျင်ခန့် ဝင်ရောက်လျက်ရှိပြီး ပဲခူးတိုင်းဒေသကြီး၊ ပြည်မြို့သို့ နေ့စဉ်တင်ပို့ရောင်းချလျက်ရှိပါကြောင်း ကုန်သည်ကိုထိုက်သူအောင်ထံမှ သိရှိရပါသည်။
DOCA(မကွေး)
