ပြည်တွင်းကုန်သွယ်မှုသတင်း

         ကျွန်းလှမြို့နယ်အတွင်း စားသောက်ကုန်၊ လူသုံးကုန်ဈေးနှုန်းများ အနည်းငယ်မြင့်တက်လျက် ရှိရာမှ အသားငါး ဈေးနှုန်းသည်လည်း မြင့်တက်လျက်ရှိပြီး သဖန်းဆိပ်ဆည်အတွင်းမှ ထွက်ရှိသည့် ဒေသထွက်ရေချိုငါးများကို   ဝယ်ယူရောင်းချကာ ဈေးကောင်းရရှိ၍ အရောင်းအဝယ် ဖြစ်လျက်ရှိ ကြောင်း သိရသည်။

         ၂၀၂၅ ခုနှစ်၊ စက်တင်ဘာလ ဒုတိယအပတ်တွင် ကျွန်းလှမြို့၏ ငါးကြင်း ဈေးနှုန်းများ အနေဖြင့် ငါးကြင်း(အကောင်အကြီး)လက်လီဈေး(၁)ပိဿာလျှင်(၁၆၀၀၀)ကျပ်၊ (၅၀)ကျပ်သားလျှင် (၈၀၀၀)ကျပ်၊ (၂၅)ကျပ်သားလျှင်(၄၀၀၀)ကျပ် နှင့် ငါးကြင်းခုတ်သား လက်လီ(၁)ပိဿာလျှင်(၂၅၀၀၀) ကျပ်၊ (၅၀)ကျပ်သားလျှင်(၁၃၀၀၀)ကျပ် နှင့် (၂၅)ကျပ်သားလျှင်(၆၅၀၀)ကျပ် ဈေးနှုန်းဖြင့် လည်း ကောင်း၊ အလားတူပင် ငါးမြင်း(၁)ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင်(၁၀၀၀၀)ကျပ်  ဈေးနှုန်း တို့ဖြင့် အရောင်းအဝယ်ဖြစ်လျက်ရှိကြောင်း ငါးအရောင်းအဝယ် လုပ်ကိုင်သူထံမှ သိရပါသည်။

DOCA (စစ်ကိုင်း)

          မုံရွာမြို့နယ်အတွင်းရှိ ကျေးရွာများတွင် စိုက်ပျိုးရေးလုပ်ငန်းများကို အဓိကလုပ်ကိုင်လျက်ရှိရာ စားဖိုဆောင်သီးနှံဖြစ်သည့် နံနံပင်၊ ပူစီနံပင်၊ ချဉ်ပေါင်ရွက်၊ ဆူးပုတ်ရွက်၊ ကန်ဇွန်းရွက်၊ ပဲတောင့်ရှည်သီး၊ ရုံးပတီသီး၊ ခရမ်းသီးနှင့်  ခဝဲသီးများကို စိုက်ပျိုးလျက်ရှိပါသည်။  စိုက်ပျိုးထွက်ရှိသော သီးနှံများမှ ပူစီနံပင်များနှင့် နံနံပင်များကို  မုံရွာမြို့၊ နန္ဒဝန်ဈေးသစ်တွင် လာရောက်ရောင်းချလျက်ရှိကြောင်း သိရှိရပါသည်။ နံနံပင်နှင့်ပူစီနံသည်  မြန်မာဟင်းများတွင်သာမက မုန့်ဟင်းခါးအသုပ်စုံတို့တွင်လည်း တွဲဖက်စားသုံးကြပါသည်။

          ၂၀၂၅ ခုနှစ်၊ စက်တင်ဘာလ ဒုတိယပတ်တွင် နန္ဒဝန်ဈေးသစ်တွင်  ရောင်းချနေသော နံနံပင်ဈေးနှုန်းမှာ တစ်စည်းလျှင်(၁၅၀)ကျပ်၊ (၂)စည်းလျှင်(၃၀၀)ကျပ်ဖြစ်ပြီး ပူစီနံ ဈေးနှုန်း မှာ တစ်စည်းလျှင် (၃၀၀)ကျပ်၊ (၂)စည်းလျှင် (၅၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။

DOCA(စစ်ကိုင်း)

  မြိတ်မြို့၊ စည်ပင်သာယာဈေးကြီးတွင် ရှမ်းပြည်နယ်၊ တောင်ကြီးမြို့၊ ရန်ကုန်မြို့ နှင့် ကော့ သောင်း မြို့မှ အသီးသီးဝင်ရောက်လျက်ရှိသော သစ်သီးဝလံများရှိကြောင်း သိရှိရပါသည်။

          စက်တင်ဘာလ ဒုတိယအပတ်တွင်ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ထောပတ်သီးတစ်လုံးလျှင် ကျပ် ၃၅၀၀၊နဂါးမောက်သီးတစ်လုံးလျှင် ကျပ် ၅၀၀၀၊ပန်းသီးတစ်လုံး လျှင် ကျပ် ၃၀၀၀၊ပန်းသီးစိမ်းတစ်လုံးလျှင် ကျပ် ၂၀၀၀၊စပျစ်သီးတစ်ကီလိုလျှင် ကျပ် ၁၅၀၀၀၊    မာလကာသီးတစ်လုံးလျှင် ကျပ် ၂၀၀၀၊လိမ္မော်သီးတစ်လုံးလျှင် ကျပ် ၂၀၀၀၊လိုင်ချီးသီး နို့ဆီဗူး တစ်ဗူးလျှင် ကျပ်၂၀၀၀၊သရက်သီး(ယိုးဒယားသီး)တစ်လုံးလျှင် ကျပ် ၂၅၀၀၊ပန်းသစ်တော်သီး တစ်လုံးလျှင် ကျပ် ၃၀၀၀ နှင့် ရှောက်ချိုသီးတစ်လုံးလျှင် ကျပ် ၃၅၀၀ ဖြင့် အသီးသီး အရောင်း အဝယ်ဖြစ်လျက်ရှိကြောင်း မြိတ်မြို့နယ် စည်ပင်သာယာဈေးကြီးတွင်ရောင်းချလျက်ရှိသော သစ်သီးဆိုင်များထံမှ သိရှိရပါသည်။

DOCA(တနင်္သာရီ)

တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့ပေါ်အနီးတစ်ဝိုက်ကျေးရွာများ၌ စီးပွားဖြစ် ဘုရားပန်းများ စိုက်ပျိုးရောင်းချလျက်ရှိပြီး လူကြိုက်များသော ပန်းတိမ်ငိုပန်းများနှင့် အခြားသော  ဘုရားပန်းများကို ရန်ကုန်နှင့် မော်လမြိုင်တို့ဘက်မှ အများဆုံးတင်သွင်း‌ရောင်းချလျက်ရှိကြောင်း သိရှိရပါသည်။ ပန်းတိမ်ငိုဘုရားပန်းသည် အထားခံပြီး ကျက်သရေရှိသည့်အတွက် ဈေးကောင်းရရှိ ကြောင်းလည်း သိရှိရပါသည်။

          ၂၀၂၅ခုနှစ် စက်တင်ဘာလတတိယပတ်တွင် မြိတ်မြို့ပေါ်တွင် ရောင်းချနေသော ပန်းတိမ် ငိုဘုရားပန်းဈေးနှုန်းမှာ (၁၀)ပွင့်လျှင် (၆၀၀၀)ကျပ်ရှိကြောင်းသိရှိရပါသည်။

DOCA(တနင်္သာရီ)

   မြိတ်မြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကလုပ်ကိုင်ကြရာမှ စားဖို ဆောင်သီးနှံတစ်မျိုးဖြစ်သည့် ကန်စွန်းဥများကိုလည်းတစ်နိုင်တစ်ပိုင်စိုက်ပျိုးကြကြောင်း တွေ့ရှိ ရပါသည်။

   ကန်စွန်းဥကို ပြုတ်စားတာဖြစ်ဖြစ်၊ ကြော်စားတာြဖစ်ဖြစ်၊ မုန့်လုပ်စားတာဖြစ်ဖြစ် စားသုံးလိုရပြီး အလွန်ပင် စား‌ကောင်းရုံသာမက ကျန်းမာရေးအတွက်လည်း အလွန်ပင်အထောက်အကူ ပြုသော သီးနှံတစ်မျိုးဖြစ်သည်။ ကန်စွန်းဥမှာ အဟာရဓာတ်များစွာပါဝင်သည့်အတွက် ကိုယ်ခံ အားကောင်းမွန်စေခြင်း၊ အမြင်အာရုံ‌ကောင်းမွန်စေခြင်း၊ ဦးနှောက်လုပ်ဆောင်မှုကို ကောင်းမွန် စေခြင်းနှင့် ကိုယ်အလေးချိန်ကိုကျစေခြင်း စသည့်အကျိုးကျေးဇူးတွေရရှိနိုင်သည့်အတွက် ကန်စွန်း ဥကို စားသုံးသင့်ကြောင်း သိရပါသည်။ ယခုစက်တင်ဘာလတတိယပတ်တွင် မြိတ်မြို့ပေါ် တွင်ရောင်းချနေသာ ကန်စွန်းဥဈေးနှုန်းမှာ ကန်စွန်းဥအကြီးစားတစ်ပိဿာ လျှင် (၅၅၀၀)ကျပ်နှင့် အသေးစားတစ်ပိဿာလျှင် (၄၅၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)