၉.၄.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၉.၄.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၉.၄.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
စားသုံးသူရေးရာဦးစီးဌာနမှ ဝန်ထမ်းများသည် ဌာန၏မျှော်မှန်းချက်ဖြစ်သော “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ပေးရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်”ဟူသော မျှော်မှန်းချက်သို့ရောက်ရှိစေရေးအတွက် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများတွင် အဓိကဖြစ်သော ပြည်တွင်းအသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များနှင့် တွေ့ဆုံဆွေးနွေးမှုများဆောင်ရွက်နေသကဲ့သို့ စားသုံးသူကာကွယ်ပေးရေးအတွက် အသိပညာပေးဆွေးနွေးပွဲများ၊ စျေးကွက်စောင့်ကြည့်စစ်ဆေးခြင်းလုပ်ငန်းများကို ယှဉ်တွဲဆောင်ရွက်လျက်ရှိပါသည်။
စားသုံးသူရေးရာဦးစီးဌာန၊ မကွေးခရိုင်ဦးစီးမှူး၏ လမ်းညွှန်မှုဖြင့် (၅-၄-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် မကွေးခရိုင်ဦးစီးမှူးရုံးမှ ဒုတိယခရိုင်ဦးစီးမှူး ဦးမျိုးဝင်းနှင့် ချောက်ခရိုင်၊ ရေနံချောင်းမြို့နယ်တာဝန်ခံ ဒေါ်ချိုဝေလွင်တို့သည် ချောက်ခရိုင်၊ စလေမြို့ရှိ “ပွင့်ကောင်း” ပဲကြော်လုပ်ငန်းသို့ သွားရောက်ကွင်းဆင်း၍ ထုတ်လုပ်မှုအခြေအနေများကိုလေ့လာခဲ့ကြောင်းသိရှိရပါသည်။
“ပွင့်ကောင်း” ပဲကြော်လုပ်ငန်းအနေဖြင့် တစ်ရက်လျှင် ကုန်ကြမ်းပဲကြီးပိဿာ (၃၀)ပိဿာပါ (၃၀)အိတ်၊ ကုန်ချိန်ပိဿာ(၉၀၀)ပိဿာခန့်ကြော်ရပြီး ကုန်ချောပိဿာ(၈၇၅)ပိဿာခန့်ထွက်ရှိကြောင်း၊ ထွက်ရှိသောကုန်ချောပဲကြော်များကို ပိဿာ(၃၀)ပိဿာဝင်အိတ်များဖြင့်ထည့်၍ ရန်ကုန်မြို့သို့ အဓိကတင်ပို့ရောင်းချကြောင်း၊ အိမ်၌လည်း လက်လီရောင်းချကြောင်း၊ ကုန်ကြမ်းပဲကြီးပိဿာ(၃၀)ပိဿာဝင် တစ်အိတ်လျှင် ကျပ်(၁၂၀၀၀၀)ဖြင့်ဝယ်ယူရပြီး ကုန်ချောပဲကြော် (၁) ပိဿာလျှင် ကျပ်(၁၀၀၀၀-၁၀၅၀၀)တို့ဖြင့် ပြန်လည်ရောင်းချကြောင်းသိရှိရပါသည်။
လုပ်သားအင်အားအနေဖြင့် အမျိုးသား(၅)ဦးနှင့် ပဲခွံချွတ်အမျိုးသမီး (၉၀)ဦးရှိကြောင်း၊ အမျိုးသား (၁)ဦးကို တစ်ရက်လျှင် ကျပ်(၉၀၀၀)ပေးချေရပြီး အမျိုးသမီးပဲခွံချွတ်သူများအား (၁)ပိဿာလျှင် ကျပ်(၂၀၀)နှုန်းဖြင့် အမျိုးသမီး (၁)ဦးကို တစ်ရက်လျှင် အနည်းဆုံးပိဿာ (၂၅)ပိဿာခန့်ပြီးစီး၍ လုပ်အားခအနေဖြင့် တစ်ရက်လျှင် ကျပ်(၅၀၀၀)အနည်းဆုံးရရှိကြောင်းလေ့လာသိရှိရပြီး “ပွင့်ကောင်း” ပဲကြော်လုပ်ငန်းအနေဖြင့် မိမိစီးပွားရေးအဆင်ပြေစေရုံသာမက အနီးရှိရပ်ကွက်/ ကျေးရွာများမှ လုပ်သား(၁၀၀)ခန့်အား အလုပ်အကိုင်အခွင့်အလမ်းများဖန်တီးပေးနိုင်သဖြင့် နိုင်ငံ့စီးပွားရေးဖွံ့ဖြိုးတိုးတက်ရေးအတွက်ပါ တစ်ဖက်တစ်လမ်းမှ ဆောင်ရွက်ပေးနေကြောင်း လေ့လာသိရှိရပါသည်။
DOCA(မကွေး)
မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ကျစ်ကိုင်းကျေးရွာအုပ်စုရှိ မအူပင်၊ အုတ်ဖို၊ ကျစ်ကိုင်း၊ သနပ်ဝကျေးရွာများသည် စပါး၊ နှမ်း၊ ကုလားပဲ၊ ပဲကြီး၊ ပဲစင်းငုံ၊ မြေပဲ၊ ဝါသီးနှံများအပြင် ချဉ်ပေါင်၊ ကျောက်ဖရုံ၊ ဘူး၊ ရွှေဖရုံ၊ သခွား၊ ပြောင်း၊ ငရုတ်၊ ရုံးပတီ စသောမီးဖိုချောင်သုံးသီးနှံများကိုလည်း ရာသီအလိုက် စိုက်ပျိုးကြကြောင်းသိရှိရပါသည်။
မအူပင်ကျေးရွာ၌ ထောပတ်ပဲစိုက်တောင်သူ(၃၀)ဦးခန့်ရှိပြီး စိုက်ဧကမှာ (၅၀၀)ဧကခန့်ရှိကြောင်းသိရပါသည်။ စိုက်ပျိုးမှုအနေဖြင့် ၂၀၂၃ခုနှစ်၊ နိုဝင်ဘာလတွင် စတင်စိုက်ပျိုးပြီး (၄)လအကြာတွင် ရိတ်သိမ်းရကြောင်း၊ မိမိအနေဖြင့် ထောပတ်ပဲ(၅)ဧကခွဲစိုက်ပျိုးထားကြောင်း၊ (၁)ဧကလျှင် မျိုး(၈)ပြည်ခန့်ကုန်ကျပြီး ထွန်တုံးဖြင့် ထွန်ကြောင်းဆွဲကာ မျိုးစေ့ချ၍ စိုက်ပျိုးကြောင်း၊ မျိုးကို ယခင်နှစ်တွင် ထောပတ်ပဲစိုက်ခင်းမှထွက်ရှိသည့် ထောပတ်ပဲများကို မျိုးအဖြစ်ဖယ်ချန်ကာ စိုက်ပျိုးခဲ့ခြင်းဖြစ်ကြောင်း၊ ကုန်ကျစရိတ်အနေဖြင့် ယခင်နှစ်တွင် (၁)ဧကလျှင် ကျပ်(၁၅၀၀၀၀)ခန့်ကုန်ကျခဲ့ပြီး ယခုနှစ်တွင်မှု သွင်းအားစုစရိတ်မြင့်တက်လာမှုနှင့်အတူ မြေပြုပြင်ခ၊ လုပ်အားခနှင့် ရိတ်သိမ်းခအပါအဝင် စုစုပေါင်းကုန်ကျစရိတ်မှာ ကျပ်(၂၀၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်တွင် ထောပတ်ပဲစိုက်ခင်း(၁)ဧကလျှင် တင်း(၂၀) နီးပါးထွက်ရှိခဲ့ပြီး ယခုနှစ်တွင် (၂၅)တင်းထွက်ရှိကြောင်း၊ ယခင်နှစ်တွင် (၁)တင်းလျှင် အမြင့်ဆုံးဈေး ကျပ်(၇၀၀၀၀)အထိရရှိခဲ့ပြီး ယခုနှစ်တွင် ထောပတ်ပဲပေါ်စအချိန် ၂၀၂၄ခုနှစ်၊ မတ်လ(ပထမပတ်)၌ ကျပ်(၁၂၀၀၀၀)ဈေးနှုန်းရရှိခဲ့ပြီး ဧပြီလ (ဒုတိယပတ်)တွင် ထောပတ်ပဲ(၁)တင်းလျှင် ကျပ်(၁၀၀၀၀၀)ဈေးရရှိနေကြောင်း၊ ထွက်ရှိသည့် ထောပတ်ပဲများကို ပွင့်ဖြူမြို့ပေါ်ရှိ ပွဲရုံများသို့ တိုက်ရိုက်တင်ပို့ရောင်းချကြောင်း၊ ယခုနှစ်တွင် အထွက်နှုန်းကောင်းပြီး ဈေးကောင်းရရှိသဖြင့် ထောပတ်ပဲစိုက်တောင်သူများမှာ ထိုက်သင့်သည့်အကျိုးအမြတ်များရရှိ၍ အဆင်ပြေလျက်ရှိကြောင်း မအူပင်ကျေးရွာတွင်နေထိုင်သည့် ထောပတ်ပဲစိုက်တောင်သူတစ်ဦးထံမှသိရှိရပါသည်။
DOCA(မကွေး)
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် စပါးစိုက်ဧကနည်းပြီး ဆန်လိုဒေသ ဖြစ်သောကြောင့် အခြားတိုင်းဒေသများနှင့် မြို့နယ်များမှ ဆန်တင်သွင်းရသောမြို့ဖြစ်ပါသည်။ ဧရာဝတီတိုင်းဒေသကြီး ပုသိမ်၊ မြောင်းမြမြို့များမှ ရေလမ်းကြောင်းဖြင့် အများဆုံးဝင်ရောက်ပြီး ရွှေဘိုခရိုင်၊ ဆင်ဖြူကျွန်း၊ စလင်း ဒေသများမှလည်း နေ့စဉ်ဝင်ရောက်လျက်ရှိပါသည်။
ယခုအချိန်တွင် ပခုက္ကူဒေသ၌ ဆန်အသစ်များ ဝင်ရောက်လျက်ရှိပြီး မတ်လ(စတုတ္ထပတ်) တွင် ဖြစ်ပေါ်ခဲ့သော ဈေးနှုန်းများသည် ယခု ဧပြီလ(ပထမပတ်)ထိ ဈေးငြိမ်နေသည်ကို တွေ့ရှိရ ပါသည်။ အများသုံးဆန်ဖြစ်သော မြောင်းမြ ဧရာပဒေသာ ဆန်ဈေးနှုန်းမှာ တစ်အိတ်လျှင် ကျပ် (၁၄၀၀၀၀) စလင်းမြို့နယ်၊ ရှောက်တောမှလာသော ဧရာပဒေသာဆန်(အသစ်)တစ်အိတ်လျှင် ကျပ်(၁၆၀၀၀၀) ရှိပါသည်။ ဧည့်မထ ဆန်မျိုးဖြစ်သော ချန်ဧရာ တစ်အိတ်လျှင် ကျပ်(၁၁၀၀၀၀)၊ မနောဖြူ (အသစ်)တစ်အိတ်လျှင် ကျပ်(၁၁၂၀၀၀)၊ နေလဆန် တစ်အိတ်လျှင် ကျပ်(၉၅၀၀၀)၊ ဝန်ကြီးပဒေသာ ဆန်တစ်အိတ်လျှင် ကျပ်(၁၆၀၀၀၀)၊ ဧရာမင်းဆန်(ရှယ်)တစ်အိတ်လျှင် ကျပ် (၁၁၂၀၀၀)၊ မနောသုခ(အသစ်) တစ်အိတ်လျှင် ကျပ်(၉၅၀၀၀)၊ ချန်သုခ(အသစ်) တစ်အိတ်လျှင် ကျပ်(၈၇၀၀၀)၊ နေလ ဧရာပဒေသာဆန်(ရှယ်) တစ်အိတ်လျှင် ကျပ်(၁၆၀၀၀၀)၊ နေလ/၂၂ တစ်အိတ်လျှင် ကျပ် (၉၅၀၀၀) ၊မိုးဇလပ် (နွေဆန်အသစ်) တစ်အိတ်လျှင် ကျပ်(၇၅၀၀၀) ၊ နွေဇလပ် (အသစ်) တစ်အိတ်လျှင် ကျပ် (၇၂၀၀၀)၊ ဇီယာဆန်(အသစ်) တစ်အိတ်လျှင် ကျပ်(၉၅၀၀၀)၊ ပွင့်ဖြူသစ်(မနောဖြူ အသစ်)တစ်အိတ်လျှင် ကျပ်(၁၀၅၀၀၀)၊ အောင်သုခ (အသစ်) ကျပ်(၉၅၀၀၀) ဈေးဖြင့် အသီးသီး အရောင်းအဝယ်ဖြစ်လျက်ရှိပြီး ကောက်ညှင်းဆန်(အသစ်) တစ်အိတ်လျှင် ကျပ်(၁၂၀၀၀၀)ဖြင့် ဈေးတည်ငြိမ်နေကြောင်း သိရှိရပါသည်။ ဧရာဝတီဘက်မှဝင်ရောက်လာသော ဆန်များမှာ အရည်အသွေး အနည်းငယ်နိမ့်သော်လည်း ပြည်သူများစားသုံးနိုင်သော ဈေးနှုန်းရှိသော ကြောင့် အရောင်းအဝယ် ပိုဖြစ်ကြောင်း သိရှိရပါသည်။
ပေါ်ဆန်းမွှေးမှာ ဒုတိယအများဆုံး စားသုံးသော ဆန်ဖြစ်ပြီး မြောင်းမြဒေသမှ ဝင်ရောက်သလို ရွှေဘိုဒေသမှလည်း အများဆုံးဝင်ရောက်ပါသည်။ ရွှေဘို ပေါ်ဆန်းမွှေးမှာ ပိုမိုအရည်အသွေးကောင်းမွန်ပြီး ယခုဧပြီလ (ပထမပတ်)တွင် (ရှယ်)တစ်အိတ်လျှင် ကျပ်(၁၆၀၀၀၀-၁၆၅၀၀၀)၊ ရွှေထိုက် (ပေါ်ဆန်းအသစ်)တစ်အိတ်လျှင် ကျပ်(၁၅၅၀၀၀)၊ တိုးတိုးနွယ် တစ်အိတ်လျှင် ကျပ်(၁၆၅၀၀၀)၊ မြောင်းမြပေါ်ဆန်းမှာ တစ်အိတ်လျှင်ကျပ်(၁၅၀၀၀၀)နှင့်အရောင်းအဝယ်ဖြစ်နေကြောင်း ဆန်ရောင်းဝယ်ရေးလုပ်ငန်းရှင်ထံမှ သိရှိရပါသည် ။
DOCA(မကွေး)
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၌ မတ်လ(စတုတ္ထပတ်)တွင် ဖြစ်ပေါ်ခဲ့သော ဘိလပ်မြေဈေးနှုန်းများမှာ ဧပြီလ(ပထမပတ်)ထိ ဈေးငြိမ်နေသည်ကို တွေ့ရှိရပါသည်။ ကြံ့နှစ်ကောင် ဘိလပ်မြေ တစ်အိတ်လျှင် ကျပ် (၁၀၃၀၀)၊ အယ်လဖာဘိလပ်မြေ တစ်အိတ်လျှင် ကျပ်(၁၀၀၀၀)ဈေးဖြင့် အရောင်းအဝယ် ဖြစ်နေကြောင်း သိရှိ ရသည်။
ယခု ဧပြီလ(ပထမပတ်)တွင် အရောင်းအဝယ်ဖြစ်နေသော ဓာတ်မြေဩဇာဈေးနှုန်းများမှာ အာမိုယူရီးယား (50)kgပါ တစ်အိတ်လျှင် ကျပ်(၈၃၀၀၀)၊ ဩဘာ ယူရီးယား(50)kgပါ တစ်အိတ်လျှင် ကျပ်(၈၃၀၀၀)၊ ရွှေနဂါး ယူရီးယား တစ်အိတ်လျှင် ကျပ်(၈၀၀၀၀)၊ တရုတ်တီစူပါသံကွင်း (50)kgပါ တစ်အိတ်လျှင် ကျပ်(၁၂၂၀၀၀)၊ တရုတ်ပုလဲရွှေတောင် (50)kgပါ တစ်အိတ်လျှင် ကျပ်(၈၃၀၀၀)၊ မြန်မာဩဘာ ရွှေကောမက် (50)kg ပါ တစ်အိတ်လျှင် ကျပ်(၁၂၅၀၀၀)၊ အာမို ကွန်ပေါင်း (50)kg ပါ တစ်အိတ်လျှင် ကျပ်(၁၆၅၀၀၀)၊ ဩဘာကွန်ပေါင်း (50)kg ပါ တစ်အိတ်လျှင် ကျပ်(၁၅၅၀၀၀)၊ ကောမက်ကွန်ပေါင်း ၁၅း၁၅း၁၅ (50kg)ပါ တစ်အိတ်လျှင် ကျပ်(၁၅၅၀၀၀)၊ တရုတ်အာမို ၁၆း၁၆း၁၆ (50kg)ပါ တစ်အိတ်လျှင် ကျပ်(၁၄၅၀၀၀)ဖြင့် ဈေးနှုန်းတည်ငြိမ်နေသည်ကို တွေ့ရှိရပါသည်။
သီးနှံစိုက်ပျိုးချိန်နှင့် ရိတ်သိမ်းချိန်များတွင် ပိုးမကျအောင် လုပ်ဆောင်ရသောကြောင့် ယခု ဧပြီလ (ပထမပတ်)တွင်လည်း မတ်လ(စတုတ္ထပတ်)ဈေးနှုန်းများအတိုင်း တည်ငြိမ်နေသည်ကို တွေ့ရှိရပါသည်။ အာမိုမက်နီဖော့ (500) cc တစ်ဘူးလျှင် ကျပ်(၂၈၅၀၀)၊ အာမိုစတား (၁)လီတာ တစ်ဘူးလျှင် ကျပ်(၅၀၀၀၀)၊ အာမိုအီမာ(၁) လီတာဘူး တစ်ဘူးလျှင်ကျပ်(၄၁၀၀၀)၊ ဂျက်ကက် မင်းမဟော်(၁၀၀)cc တစ်ဘူးလျှင် ကျပ်(၁၀၅၀၀)၊ ဩဘာပို့စ်(၂၅၀)cc ဘူး တစ်ဘူးလျှင် ကျပ်(၁၁၅၀၀)၊ ဩဘာအဆီဖိတ် (500)gပါ တစ်ထုပ်လျှင် ကျပ်(၂၂၅၀၀)၊ ဩဘာငှက်ကြီးတောင် (၁၀၀)cc တစ်ဘူးလျှင် ကျပ်(၁၇၈၀၀)၊ ဩဘာငှက်ကြီး တောင်(၂၅၀)cc တစ်ဘူးလျှင်ကျပ်(၄၂၅၀၀)၊ မင်းမဟော်ဖော်ယူဘိုး (500)cc တစ်ဘူး လျှင် ကျပ်(၃၄၀၀၀)၊ မင်းမဟော်ဖော်ယူဘိုး (250)cc တစ်ဘူးလျှင် ကျပ်(၁၉၀၀၀) အသီးသီးရှိပြီး ပိုးသတ်ဆေးများ အရောင်းအဝယ်ဖြစ်လျက်ရှိကြောင်း သိရှိရပါသည်။
ယခု ဧပြီလ(ပထမပတ်)အထိ ဓာတ်မြေဩဇာနှင့် ပိုးသတ်ဆေး ဈေးနှုန်းများတည်ငြိမ်နေ သည်ကို တွေ့ရှိရပြီး အရောင်းအဝယ်ပုံမှန်ဖြစ်လျက်ရှိကြောင်း လုပ်ငန်းရှင်များ ထံမှသိရှိရပါသည်။
DOCA(မကွေး)
မြင်းခြံခရိုင်သည် စိုက်ပျိုးရေးအနေဖြင့် မြေပဲကိုအဓိထား စိုက်ပျိုးကြပါသည်။ မြေပဲတွင် ပင်တောင်နှင့်ပင်ပြန့်(၂)မျိုးရှိပါသည်။ပင်တောင်မြေပဲမျိုးသည်စိုက်ပျိုး ရက်ပေါင်း(၁၁၀)မှ (၁၃၀) အတွင်း ခူးဆွတ်ရိတ်သိမ်းရပြီးပင်ပြန့်မျိုးသည်ရက်ပေါင်း(၁၃၀)မှ (၁၅၀) အထိ သက်တမ်းရှိပါ သည်။မြင်းခြံခရိုင်၏ ၂၀၂၂-၂၀၂၃ခုနှစ်ယခင်နှစ်မြေပဲစိုက်ဧကမှာ (၂၂၆၇၃)ဧကရှိပြီး၊ရိတ်သိမ်းဧက မှာ(၂၂၆၇၃)ဧက၊ အထွက်နှုန်းမှာ(၄၇.၁၄) တင်းနှုန်းဖြင့်တင်းပေါင်း (၁၀၆၈၈ဝ၅) တင်းထွက်ရှိခဲ့ပါ သည်။ ၂၀၂၃-၂၀၂၄ယခုနှစ်တွင်မိုးမြေပဲကို(၂၃၄၂၃)ဧက စိုက်ပျိုးခဲ့ပြီး၊ယနေအထိ ရိတ်သိမ်းဧကမှာ (၂၃၄၂၃)ဧက၊အထွက်နှုန်းမှာ(၄၇.၁၄)တင်းနှုန်းဖြင့် တင်းပေါင်း(၁၁၀၄၁၅၉) တင်းထွက်ရှိခဲ့ကြောင်း သက်ဆိုင်ရာဌာနများ၏စာရင်းများအရသိရပါသည်။ ယခင်နှစ်စိုက်ဧကထက်ပိုမိုစိုက်ပျိုး နိုင်ခဲ့ပြီး အထွက်နှုန်းအနေဖြင့်လည်း ပိုမိုထွက်ရှိခဲ့ပြီး ၂၀၂၃-၂၀၂၄ခုနှစ် ခရိုင်အတွင်းရှိမြို့နယ်များ၏ စိုက်ပျိုးထုတ်လုပ်မှုအခြေအနေများမှာမြင်းခြံမြို့နယ်တွင်စိုက်ဧက(၂၃၄၂၃)၊ ရိတ်ဧက(၂၃၄၂၃)ဧက၊ အထွက်နှုန်း (၄၇.၁၄)တင်း၊ အထွက်တင်းပေါင်း (၁၁၀၄၁၅၉)တင်း၊ တောင်သာမြို့နယ်တွင် စိုက်ဧက (၁၀၆၂၅ဝ)ဧက ၊ရိတ်ဧက(၁၀၆၂၅၀)ဧက ၊အထွက်နှုန်း (၄၃.၅၆)တင်းနှင့် အထွက် တင်းပေါင်း(၄၆၂၈၂၅၀)တင်း၊ နွားထိုးကြီးမြို့ နယ်တွင်စိုက်ဧက(၄၀၄၆၂)ဧက၊ ရိတ်သိမ်းဧက (၄၀၄၆၂)ဧက၊ အထွက်နှုန်း(၄၃.၁၀)တင်း၊ အထွက်တင်းပေါင်း (၁၇၄၃၈၇ဝ)တင်း ထွက်ရှိ ခဲ့ပါသည်။ မြေပဲကို စားသုံးဆီအဖြစ် အသုံးပြုသည် သာမကမြေပဲကြော် မြေပဲဆားလှော်နှင့် မုန့်ပဲသွားရေစာ အဖြစ်လည်းကောင်း၊ အခြားမုန့်အမျိုးမျိုးတွင်ရောစပ်၍လည်းကောင်း၊ ဟင်းချက် စရာ အဖြစ် လည်းကောင်း အသုံးပြုကြပါသည်။ ထို့အပြင် ဆီထုတ်ယူပြီး မြေပဲကြိတ်ဖတ်ကို တိရိစ္ဆာန်အစာ အဖြစ်မွေးမြူရေးလုပ်ငန်းများတွင် အရေးပါသည့် ကုန်ကြမ်းအနေဖြင့် အသုံးပြုကြပါသည်။ ယခင်လ မြေပဲဆံဈေးအနေဖြင့် ဆီဆီတစ်ပိဿာလျှင်(၆၇၀၀)ကျပ်၊ လုံးဆီတစ်ပိဿာလျှင် (၈၀၀၀)ကျပ် ဖြစ်ပေါ်ခဲ့ပြီး၊ ယခုလအတွင်း ဆီဆံ(၆၅၀၀)ကျပ်၊ လုံးဆံ (၇၂၀၀)ကျပ်နှင့် မြေပဲဆီ သန့်တစ်ပိဿာလျှင် (၁၃ဝဝဝ)ကျပ်ဖြင့် အရောင်းအဝယ်ဖြစ်နေကြောင်း သိရပါသည်။
DOCA(မန္တလေး)
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူကုန်စည်ဒိုင် ကြက်သွန်နီဈေးကွက်သို့ ဧပြီလ (ပထမပတ်)တွင် နွေကြက်သွန်နီ (ပင်စိုက်) အသစ်များ တစ်ရက်လျှင် ကုန်ချိန်(၁)သိန်းမှ (၅)သောင်း အထိ ဒေသတွင်းကြက်သွန်နီ အများဆုံးစိုက်ပျိုးသော ဆိပ်ဖြူမြို့၊ ရွာသစ်ရပ်ကွက်၊ ကိုးတောင့်အုပ် နှင့် ကံတွင်း၊ ရေပုတ်ကျေးရွာများမှ အများဆုံးဝင်ရောက်မှုရှိပြီး တစ်ပတ်အတွင်း ကုန်ချိန်ပိဿာ (၄)သိန်းခန့် ဝင်ရောက်လျက်ရှိကြောင်း ယခုတစ်ပတ် ကုန်ဝင်ပိဿာချိန်လျော့နည်းသွားကြောင်း ကုန်စည်ဒိုင်ဈေးကွက်မှ သိရှိရသည်။
ကြက်သွန်နီဈေးကွက်အနေဖြင့် ဧပြီလ(ပထမပတ်)တွင် ဈေးဆက်လက်ကျဆင်းပြီး အရောင်း အဝယ်ဖြစ်လျက်ရှိသည်။ နွေကြက်သွန်နီ(ပင်စိုက်)(ဂျွန်)တစ်ပိဿာလျှင် အမြင့်ဈေး (ထိပ်စရှယ်) ကျပ်(၁၈၀၀)၊ အလတ်စဈေး ကျပ်(၁၇၀၀)၊ အသေးစ ကျပ်(၁၅၀၀) ဈေးအသီးသီးဖြင့် အရောင်းအဝယ် ဖြစ်ခဲ့ပြီး ယခင်မတ်လ(စတုတ္ထပတ်)တွင် ထိပ်စအမြင့်ဈေး ကျပ်(၁၉၇၅)၊ အလတ်စကျပ် (၁၇၅၀)၊ အသေးစ ကျပ်(၁၆၀၀)ဖြင့် အရောင်းအဝယ်ဖြစ်ခဲ့ပါသည်။
ယခင်မတ်လ(စတုတ္ထပတ်)နှင့် ဈေးနှုန်းနှိုင်းယှဉ်ရမည်ဆိုလျှင် ယခုဧပြီလ(ပထမပတ်)တွင် အမြင့်ဈေး(ထိပ်စ) ကျပ်(၁၇၅)၊ အလတ်စ ကျပ်(၅၀)၊ အသေးစကျပ်(၁၀၀) အသီးသီးဈေးနှုန်း ကျဆင်းသွားကြောင်း၊ ဈေးကျဆင်းရခြင်းမှာ ကြက်သွန်နီဈေးကွက်သို့ ကုန်ချိန်ဝင်ရောက်မှုများ ခြင်းနှင့် ပြည်ပ ဝယ်လိုအားဈေးကွက်နည်းခြင်းကြောင့် ဈေးနှုန်းကျဆင်းသွားကြောင်း သိရှိရပါသည်။
ဆိပ်ဖြူမြို့မှ ကြက်သွန်နီများကို ဧပြီလ(ပထမပတ်)တွင် ရန်ကုန်ဘုရင့်နောင်ကုန်စည်ဒိုင်၊ ပြည်၊ ပုသိမ်မြို့များနှင့် ပြည်ပပို့ကုန်အဖြစ် မြဝတီ၊ မော်လမြိုင် ဝယ်လက်များမှတစ်ဆင့် ထိုင်း၊ ဗီယက်နမ် နိုင်ငံများသို့ မော်တော်ယာဉ်များဖြင့် ဆိပ်ဖြူမြို့မှ တိုက်ရိုက်ကုန်စည်စီးဆင်းခဲ့ကြောင်း ကြက်သွန်နီ ဈေးကွက်မှ သိရှိရပါသည်။
DOCA(မကွေး)
မကွေးတိုင်းဒေသကြီး၊ ပခုက္ကူခရိုင်အတွင်းရှိ ပေါက်မြို့နယ်သည် စိုက်ပျိုးရေးကို အခြေပြု၍ သီးနှံမျိုးစုံ စိုက်ပျိုးရာတွင် ကုလားပဲသီးနှံကိုလည်း နှစ်စဉ်အဓိကသီးနှံအဖြစ်ထားပြီး စိုက်ပျိုး လျက်ရှိသည်။ ကြက်သွန်ခင်း၊ စပါးခင်းကျွတ်များတွင် အများဆုံးစိုက်ပျိုးပြီး နှစ်စဉ် စိုက်ဧက (၃၅၀၀)ခန့် စိုက်ပျိုးကြောင်း၊ ယခုနှစ်တွင် နယ်မြေအခြေအနေအရ စိုက်ဧကအနည်းငယ် လျော့နည်း သွားကြောင်း၊ စိုက်ပျိုးရာတွင် ကုလားပဲလုံးကြီးဖြူမျိုးကို အများဆုံးစိုက်ပျိုးကြောင်း၊ အောက်တိုဘာ လတွင် စတင်စိုက်ပျိုးပြီး ဖေဖော်ဝါရီလတွင် သီးနှံရိတ်သိမ်းကြောင်း သိရှိရသည်။
ကုလားပဲသီးနှံ တစ်ဧကစိုက်ပျိုးထွက်ရှိမှုအနေဖြင့် တစ်ဧကလျှင် မျိုးစေ့(၂)တင်းခန့် ကုန်ကျပြီး အထွက်တင်းမှာ (၁၂-၁၅)ထိထွက်ရှိကြောင်း၊ ဒေသအခြေအနေအရ စိုက်ခင်းအတွင်း သွင်းအားစုများ ဝယ်ယူသုံးစွဲနိုင်မှုမရှိခြင်းနှင့် စက်ဆီဈေးနှုန်းမြင့်၍ ရေသွင်းစိုက်ပျိုးနိုင်ခြင်း မရှိခြင်းကြောင့် သီးနှံ အထွက်နည်းကြောင်း၊ ကုန်ကျစရိတ်မှာ ကျပ်(၅)သိန်းခန့် ကုန်ကျကြောင်း၊ ယခုနှစ်တွင် ပြည်တွင်းပဲ မျိုးစုံဈေးကွက် ကျဆင်းခြင်းကြောင့် ဒေသတွင်းကုလားပဲ ဈေးနှုန်း ဈေးကွက်မှာလည်းကျဆင်းပြီး ဒေသ ပေါက်ဈေး ကုလားပဲလုံးဖြူ တစ်တင်းလျှင် ကျပ်(၇၈၀၀၀)ဖြင့် ရောင်းချရ၍ဝင်ငွေမှာ ကျပ်(၁၁၇၀၀၀၀) ရရှိ၍ အကျိုးအမြတ်အနေဖြင့် ကျပ် (၆၇၀၀၀၀)ခန့် ရရှိကြောင်း၊ ကုလားပဲသီးနှံသည် စိုက်ပျိုးရလွယ်ကူပြီး ဈေးကွက်ခိုင်မာမှုရှိ၍ စိုက်တောင်သူများမှ နှစ်စဉ်မပြတ် စိုက်ပျိုးကြောင်း ဒေသခံ တောင်သူမှ တဆင့်သိရှိရပါသည်။
DOCA(မကွေး)
