ပြည်တွင်းကုန်သွယ်မှုသတင်း

      မြင်းခြံမြို့ပေါ်ရှိ ဘူးသီးဘူးညွှန့်များသည် စားသုံးသူများပြားသည့် သီးနှံဖြစ်သည်။ ရာသီပေါ်သီးနှံဖြစ်သည့် ဘူးသီးများကို ခရမ်းချဉ်သီးနှင့် ချဉ်ရည်ဟင်းချက်ပြုတ်၍ စားသောက်ခြင်း၊ ဘူးသီးနှင့် ပဲ၊ပုဇွန်ခြောက်၊ ဘူးသီးနှင့် ကြက်သားတို့ရောပြီး ကြက်ဘူးသီးဟင်းကိုနှစ်သက်စွာ ချက်စားကြသည်။အကြော်ဆိုင်များတွင်လည်း ဘူးသီးကြော်များ ရောင်းချကြ၍ ဝယ်ယူမှုများ သောကြောင့် စိုက်ပျိုးရောင်းချသူများအတွက်လည်း ဝင်ငွေရရှိစေပါသည်။ ဘူးပင်မှရရှိသောဘူးညွှန့်များကိုလည်း ကြော်ချက်၍ စားကြသလို တို့စရာအဖြစ်လည်း စားသုံးကြပါသည်။ ယခုအခါ ဘူးသီးများကို အလုံးအကြီးအသေးပေါ်မူတည်၍ ၃၀၀၀/၄၀၀၀ ကျပ်၊ ဘူးသီးအနုမှာ (၁၂၀၀)ကျပ်၊ ဘူးညွှန့်တစ်စည်းလျှင် (၂၀၀)ကျပ်နှင့် (၃)စည်းလျှင် (၅၀၀)ကျပ်ဖြင့် အရောင်းအဝယ်ရှိနေကြောင်း သိရသည်။

DOCA(မန္တလေး)

              ဖရဲသီးတွင် ရေဓာတ်၉၂%ပါဝင်သောကြောင့် ရင်ကိုအေးမြစေပြီး ရေငတ်ပြေစေကာ ခန္ဓာကိုယ် အတွင်းရှိ အပူရှိန်ကိုလည်းလျှော့ချပေးနိုင်ပါသည်။ ဖရဲသီးတွင်အဆီနှင့် ကိုလက်စထရော လုံးဝမပါရှိဘဲ ရေဓာတ် ၉၂ ရာခိုင်နှုန်းပါဝင်ခြင်းက ထူးခြားလှပါသည်။ အမျှင်ဓာတ်၊ ဗီတာမင်အေ၊ ဗီတာမင်ဘီ နှင့်ဗီတာမင်စီဓာတ်ပေါများစွာပါဝင်ပြီး ကယ်လ်လိုရီအလွန်နည်းသောကြောင့်အာဟာရ လည်းဖြစ်စေ ပါသည်။ ဖရဲသီးကိုစားသုံးပေးခြင်းဖြင့် ရရှိနိုင်သောကျန်းမာရေး ကောင်းကျိုးများမှာ နှလုံးကျန်းမာရေး ကောင်းမွန်ခြင်း၊ ကျောက်ကပ်ကျန်းမာခြင်း၊ အမြင်အာရုံတိုးတက်ကောင်းမွန်ခြင်း၊ သွေးတိုးရောဂါကို သက်သာစေခြင်း၊ အသားအရေဝင်းပစေခြင်း၊ အရိုးကျန်းမာသန်စွမ်းခြင်း၊ ကြွက်သားများနာကျင်မှုကို ခုခံပေးခြင်းနှင့် ပန်းနာရောဂါကိုတိုက်ဖျတ်ပေးခြင်းစသည့်အကျိုးကျေးဇူးများစွာကိုရရှိစေနိုင်ပါသည်။ဖရဲသီးတွင်ဗီတာမင်စီများစွာပါဝင်သဖြင့် ကိုယ်ခံစွမ်းအား ကိုလည်းမြှင့်တင်ပေးကာ အနာများကိုလည်း လျှင်မြန်စွာကျက်စေနိုင်ပါသည်။ သွားနှင့်ခံတွင်း ကိုလည်းကျန်းမာစေပါသည်။ ဖရဲသီးထဲရှိ အချိုဓာတ် သည် အင်ဆူလင်ကိုထိန်းညှိပေးပြီး သွေးထဲရှိသကြားပမာဏကိုကျစေသဖြင့် ဆီးချိုရောဂါရှိသူများ အနေဖြင့်လည်း စားသုံးပေးသင့်ပါသည်။ ဖရဲသီးတွင်ရေဓာတ်ကြွယ်ဝစွာ ပါဝင်သဖြင့် ဖရဲသီးစားသုံး ပေးခြင်းဖြင့် မကြာခဏ ဆီးသွားစေပြီး ကျောက်ကပ်ကိုသန့်စင်စေကာ ဆီးကျောက်တည်ခြင်း မှလည်း ကာကွယ်ပေးပါသည်။ ဗီတာမင်အေပါဝင်ခြင်းကြောင့် ကြက်မျက်သင့်ရောဂါ၊ မျက်စိအတွင်းတိမ်ဖြစ် ခြင်းစသည့် မျက်စိရောဂါအမျိုးမျိုးအပြင်ဖရဲသီးတွင်ပါဝင်သော ပိုတက်ဆီယမ်၊ မဂ္ဂနီဆီယမ်ဓာတ်များ ကြောင့် သွေးတိုးရောဂါကိုလည်းသက်သာစေနိုင်ပါသည်။ ဘေးထွက်ဆိုးကျိုးမရှိဘဲ  ကျန်းမာရေးအ တွက်ကောင်းကျိုးများစွာပြုသော ဖရဲသီးမှာတစ်လုံးလုံးအသုံးဝင်ပါသည်။ဖရဲသီးအသားကိုလူသားတို့စားသားကြသည်သာမက ဖရဲစေ့ကိုလည်(ကွာစေ့) ပြုလုပ်၍စားသုံးကြပါသည်။ ထို့အပြင် ဖရဲသီး အခွံများကိုလည်း နွားများကြိုက်နှစ်သက်ပြီး တိရစ္ဆာန်အစာအဖြစ်လည်းအသုံးဝင်ပါသည်။ကျန်းမာရေးအတွက်အကျိုးပြုရုံသာမကတစ်လုံးလုံးအသုံးဝင်သောဖရဲသီးကိုမြင်းခြံမြို့ရှိသစ်သီးဆိုင်များနှင့်အေးမြသီတာဈေးထဲတွင် တစ်လုံးလျှင် (၃၀၀၀ -၄၀၀၀ -၅၀၀၀) ကျပ်ဖြင့်အရောင်းအဝယ် ဖြစ်လျက်ရှိပါသည်။         

DOCA(မန္တလေး)       

             မန္တလေးမြို့ ၄၁လမ်းစျေးနှင့် သီရိမာလာစျေးအတွင်းသို့ ကုန်စိမ်းမျိုးစုံ ဝင်ရောက်လျက်ရှိပြီး၊ မုန့်ညင်းဖြူဟင်းရွက်မှာ တန်ဆောင်မုန်းလရာသီချိန်အတွင်း   ဝင်ရောက်မှုများပြား သည့်အတွက် စျေးအနည်းငယ်ကျဆင်းသွားကြောင်း သိရှိရပါသည်။ မုန်ညင်းဖြူမှာမန္တလေးတိုင်း‌ဒေသကြီး၊ စစ်ကိုင်းတိုင်းဒေသကြီးနှင့် ရှမ်းပြည်နယ်မှ ဝင်ရောက်လျက်ရှိကြောင်း သိရှိရပါသည်။ ၂၀၂၅ ခုနှစ်  နိုဝင်ဘာလပထမပတ်အတွင်း  မုန်ညင်းဖြူတစ်ပိဿာလျှင် လက္ကားစျေး ၂၅၀ဝိ/- နှင့် ၃၀၀ဝိ/- ကျပ်၊ လက် လီစျေး  ၃၅၀ဝိ/- နှင့် ၄၀၀ဝိ/-စျေးဖြင့်ရောင်းချလျက်ရှိပြီး အရောင်းသွက်လျက်ရှိကြောင်း သိရှိရပါသည်။  

DOCA(မန္တလေး)      

           တန်ဆောင်မုန်းလအခါသမယတွင် မန္တလေးစျေးကွက်အတွင်း သစ်သီးမျိုးစုံအရောင်းသွက် လျက်ရှိကြောင်းသိရပါသည်။ မန္တလေးမြို့၊စျေးချိုစျေး၊ ၂၉လမ်း နှင့်၃၁လမ်းကြား၊ ၈၄လမ်းရှိ သစ်သီး ပွဲရုံများသို့ သစ်သီးမျိုးစုံဝင်ရောက်လျက်ရှိပြီး၊ ၂၀၂၅ ခုနှစ်နိုဝင်ဘာလပထမပတ်အတွင်း သစ်သီး စျေးများအနေဖြင့် တစ်ပိဿာလျှင် စပျစ်သီး ၁၃၀၀ဝိ/-နှင့် ၁၈၀၀ဝိ/-၊ လိမေ္မာ်သီးအပွ(အလုံးကြီး)  ၂၅၀၀ဝိ/နှင့်၃၀၀၀ဝိ/-၊ပျားလိမ္မော်နှင့်ရွှေလိမ္မော်၁၂၀၀ဝိ/-နှင့်၁၅၀၀ဝိ/-စျေး၊ထောပတ်သီး(Hassမျိုး) ၁၀၀၀ဝိ/- နှင့်၁၃၀၀ဝိ/-စျေးတို့နှင့် အလုံးအရေအတွက်ဖြင့် ရောင်းချသည့်သစ်သီးတစ်လုံးစျေးတို့မှာနဂါးမောက်သီး(ခရမ်းရောင်) ၁၂၀ဝိ/-နှင့်၁၅၀ဝိ/-၊နဂါ်းမောက်သီး(အဖြူ) ၁၅၀ဝိ/- နှင့် ၁၈၀ဝိ/-၊ကျွဲကောသီး(မော်လမြိုင်သီး)၃၀၀ဝိ/-နှင့်၅၀၀ဝိ/-၊ပန်းသီးအလုံးကြီး(အကျွတ်သီး) ၂၅၀ဝိ/- နှင့်၃၅၀ဝိ/-၊ဆန်းကစ်သီး၂၅၀ဝိ/နှင့်၃၀၀ဝိ/၊ ပန်းသစ်တော်သီး(အလုံးကြီး) ၃၀၀ဝိ/နှင့်၄၀၀ဝိ/-  စျေး၊ သခွားသီး ၃၅၀ဝိ/- နှင့် ၅၀၀ဝိ/-၊ တည်သီးတစ်လုံးလျှင် ၁၅၀ဝိ/-နှင့် ၁၈၀ဝိ/- စျေးတို့ဖြင့် အသီးသီး ရောင်းချလျက်ရှိကြောင်း သိရှိရပါသည်။

DOCA(မန္တလေး)      

         မန္တလေးစျေးကွက်သို့  မန္တလေးတိုင်းဒေသကြီး ၊ စစ်ကိုင်းတိုင်းဒေသကြီး နှင့်ရှမ်းပြည်နယ် တို့မှ သံပုရာသီးနှင့် သံပုယိုသီးများ  တန်ဆောင်မုန်းလရာသီအချိန်တွင်  ဝင်ရောက်မှုများပြားလျက် ရှိပြီး စျေးအနည်းငယ်ကျဆင်းကာ အရောင်းသွက်လျက်ရှိကြောင်း သိရှိရပါသည်။၂၀၂၅ ခုနှစ်  နိုဝင် ဘာလပထမပတ်အတွင်း   ဖြစ်ပေါ်သည့်စျေးနှုန်းများမှာ သံပုရာသီး ၁၀ လုံး လျှင် ၁၂၀၀ ကျပ်နှင့် ၁၅၀၀ကျပ်၊သံပုယိုသီး ၁၀ လုံးလျှင် ၈၀၀ ကျပ်နှင့် ၁၀၀၀ ကျပ်စျေး တို့ ဖြစ်ပေါ်လျက်ရှိပြီး၊ အလုံး အရွယ်အစားပေါ်မူတည်၍ စျေးအနည်းငယ် ပြောင်းလဲမှုရှိကြောင်း သိရပါ သည်။ တန်ဆောင်မုန်း ရာသီအချိန်အတွင်း သံပုရာသီးနှင့် သံပုယိုသီးမှာ  ဝင်ရောက်မှုများပြားသည့်အတွက် စျေးအနည်း ငယ်လျော့ကျသွားကြောင်း သိရှိရပါသည်။ 

DOCA(မန္တလေး)