ပြည်တွင်းကုန်သွယ်မှုသတင်း

         ဘုရင့်နောင်ကုန်စည်ဒိုင်သို့ ၇.၁၁.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၃၃၂၆ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၃၁၈၄ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၁၈၂၄ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၉၆၂ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၅၉၆ နှင့် ဈေးနှုန်းများမှာ ၄၄၀၀၀ မှ ၄၆၅၀၀ကျပ်၊ ပဲခူး(အနောက်) ၃၆၉၀ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၃၃၆၇ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၁၉၆၅ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၁၀၂၅ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၃၆၄ နှင့် ဈေးနှုန်းများမှာ ၄၄၀၀၀ မှ ၄၆၅၀၀ကျပ်၊ ဧရာဝတီတိုင်းမှ ရှယ်စ ၃၀၂၅ အိတ်နှင့် ဈေးနှုန်းမှာ ၅၃၀၀၀ မှ ၅၄၀၀၀ ကျပ်၊ ဆန်ကြမ်းထိပ်စအိတ်ရေ ၃၀၂၇ နှင့် ဈေးနှုန်းမှာ ၄၆၅၀၀ မှ ၄၈၅၀၀ ကျပ်၊ လက်စအိတ်ရေ ၂၁၇၀ နှင့် ဈေးနှုန်းမှာ ၄၆၀၀၀ မှ ၄၇၅၀၀ ကျပ်၊ ၂၅ မတ်ဆန်အိတ် ၈၄၀ နှင့် ဈေးနှုန်းများမှာ ၄၄၅၀၀ မှ ၄၆၀၀၀ ကျပ်၊ ဆန်ကွဲအိတ်ရေ ၅၁၈၅ နှင့် ဈေးနှုန်းများမှာ ၄၄၀၀၀ မှ ၄၆၅၀၀ ကျပ်တို့ဝင်ရောက်ကြောင်း သိရှိရပါသည်။         

        ၇.၁၁.၂၀၂၅ ရက်နေ့တွင် ဘုရင့်နောင်ကုန်စည်ဒိုင်သို့ရှယ်စ(၁၀၀၄၃)၊ ဆန်ကြမ်း(၉၅၇၈)၊ လတ်စ(၅၉၅၉)၊ ၂၅ မတ်ဆန်(၂၈၂၇)၊ ဆန်ကွဲ(၁၆၁၄၅) အိတ်တို့ဝင်ရောက်ခဲ့ရာ ၆.၁၁.၂၀၂၅ ရက်နေ့ထက် အနည်းငယ်လျော့နည်း၍  ဝင်ရောက်ခဲ့ပြီး ဆန်ဈေးနှုန်းမှာ ပြောင်းလဲမှုမရှိကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးအတွင်းသို့ နေ့စဉ်အနယ်နယ်အရပ်ရပ်မှ သစ်သီးများ၊ ပန်းနှင့် ကုန်စိမ်းများ ဝင်ရောက်လျက်ရှိရာ အောင်ပန်း၊ တောင်ကြီး၊ ကလော၊ ဟဲဟိုး၊ အင်းလေး၊ မှော်ဘီ၊ တိုက်ကြီး၊ တွံတေး၊ ကျောင်းကုန်း၊ ရွှေညောင်၊ ညောင်နှစ်ပင်၊ ခရမ်း၊ သုံးခွ၊ ဝါးနက်ချောင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်းတို့မှ ၇.၁၁.၂၀၂၅ ရက်နေ့တွင် ကုန်စိမ်းကုန်ချိန် ပိဿာချိန်ပေါင်း (၈၂၀၀၀၀) ကား (၁၀၅) စီးဝင်ရောက်လျက်ရှိကြောင်း၊ ပြင်ဦးလွင်၊ ကလော၊ မိုးကုတ်၊ တောင်ကြီး၊ အောင်ပန်း၊ ဘီးလင်း၊ တပ်ကုန်း၊ ရဲမွန်၊ ရေး၊ အင်းမ၊ မှော်ဘီ၊ တိုက်ကြီး၊ မန္တလေး၊ သီပေါ၊ ကျိုက်ကော်၊ မော်လမြိုင်၊ ပုပ္ပါး၊ ကျောက်ဆည်၊ တောင်ငူ၊ တွံတေး၊ ထားဝယ်၊ ကြံခင်း၊ ခရမ်းတို့မှ သစ်သီးများ ကုန်ချိန်ပိဿာချိန်ပေါင်း (၁၅၉၅၀၀) ကား (၃၀) စီးဝင်ရောက်ပြီး  ကလော၊ ဟဲဟိုး၊ တောင်ကြီး၊ ပြင်ဦးလွင်၊ ရွှေတောင်၊ ငွေတောင်၊ လှည်းကူး၊ ကျွန်းကလေး၊ ဇီးဖြူကုန်း၊ တွံတေး၊ ကော့မှူး၊ ညောင်တုန်းတို့မှ ပန်းများ ကုန်ချိန်ပိဿာပေါင်း (၅၀၅၀၀)  ကား (၃၆) စီးဝင်ရောက်ကြောင်း သိရှိရပါသည်။

DOCA(ရန်ကုန်)

           ဆူးပုတ်ရွက်သည် ပဲကြီးဟင်းချိုထဲ ထည့်ချက်လေ့ရှိသလို ကြက်ဉ ၊ ဘဲဉတို့နဲ့ ခေါက်ကြော်စား လေ့ရှိတဲ့ ဆူးပုတ်ရွက်က ဟင်းလျာတွေကိုအရသာတိုးစေပါသည်။ ဆူးပုတ်ရွက်ကို ပြုတ်ပြီးတော့ လည်းတို့စားလို့ရတဲ့ ဆူးပုတ်ရွက်ဟာ ကျန်းမာရေးအတွက် အကျိုးကျေးဇူးများလည်း ပေးစွမ်းနိုင် ပါသည်။ ဆူးပုတ်ရွက်ပင်၏ ကျန်းမာရေးအကျိုးကျေးဇူးများမှာအသားမာပေါက်လျှင် ဆူးပုတ်ရွက်ကိုမကြာခဏစားသုံးပေးခြင်းဖြင့် ပျောက်ကင်းစေနိုင်ခြင်း၊ ဆူးပုတ်အမြစ်ကိုသွေးလိမ်းပေးလျှင် အသာမာ ပျောက်ကင်းစေနိုင်ခြင်း ၊ လေအထက်ဆန်လျှင် ဆူးပုတ်ရွက်ကိုစားသုံးပေးခြင်းဖြင့် လေကိုအောက်သို့ သက်သာစေနိုင်ခြင်း ၊ ဆူးပုတ်ရွက်နှင့်ပဲကြီးကို ဟင်းချိုချက်၍ သောက်လျှင်လေရောဝမ်းပါသက်သာစေနိုင်ခြင်း၊သွားဖုံးမှသွေးယိုစီးလျှင်ဆူးပုတ်ရွက် သတ္တုရည်ကို ငုံပေးခြင်းဖြင့် ပျောက်ကင်းစေနိုင်ခြင်း၊မြွေဆိပ်ဖြေဆေးဖော်စပ်ရာတွင် ဆူးပုတ်ကြပင်၏အခေါက်ကို အခြားဆေးဖက်ဝင်အပင်များဖြင့်ရော၍ ဖော်စပ်နိုင်ခြင်း ၊ လျှာတွင်ကြာဆူးထွက်လျှင် လျှာနာပေါက်လျှင်ဆူးပုတ်ကြီးအမြစ်ကိုသွေး၍ စပါးကြီး သည်းခြေအနည်းငယ်နှင့်ရော၍ လျှာကိုပွတ်ပေးပါက ပျောက်ကင်းစေနိုင်ခြင်း ၊အူကျရောဂါ ၊မုတ္တရောဂါ တို့အတွက် ဆူးပုတ်ကြီးပင်အမြစ် ကိုသွေးလိမ်းပေးခြင်းဖြင့်ပျောက်ကင်းစေနိုင်ခြင်း ၊ ညအိပ်မပျော် ရောဂါဖြစ်လျှင် ဆူးပုတ်ကြီးအရွက်ကို အတို့အမြှုပ် ပြုလုပ်စားခြင်းဖြင့်အိပ်ပျော်စေနိုင်ခြင်း ၊ အမျိုးသမီး များမီးယပ်သွေးဆုံးကိုင်ရောဂါဖြစ်လျှင် ဆူးပုတ်ကြီးအရွက်ကိုဘဲဉနှင့်ရော၍ကြော်စားခြင်းဖြင့်သွေးဆုံး ကိုင်ခြင်းမှ သက်သာပျောက်ကင်းစေနိုင်ကြောင်း ကျန်းမာရေးဆိုင်အချက်အလက်များမှစုစည်း ရေးသားလိုက်ရပါသည်။

DOCA(မန္တလေး)

           ကြောင်လျှာပင်သည် မြန်မာနိုင်ငံနေရာအနှံအပြားတွင် ‌ပေါက်ရောက်သော အပင်မြင့်မျိုး ဖြစ်ကြောင်း၊ ကြောင်လျှာရွက်၏နုနယ်သောအညွှန့်များသည် သွေးတွင်းကိုလက်စထ‌ရောကို လျော့ချပေးနိုင်ကြောင်း၊ အရွက်နုကိုစားသုံးခြင်းဖြင့် အဖျားပျောက်စေခြင်း၊ နှာခေါင်းလမ်းကြောင်း အတွင်း အမြှေးရောင်ရမ်းခြင်းကို သက်သာစေကြောင်း၊ သွေးကိုသန့်စင်စေပြီး သွေးလှည့်ပတ်မှု ကိုကောင်းစေခြင်း၊ ခန္ဓာကိုယ်အတွင်းရှိ ဆဲအမျိုးမျိုးယိုယွင်းမှုကိုနှေးကွေးစေခြင်း၊ မျက်စိအား ကောင်းစေခြင်း၊ ဝမ်းဗိုက်အတွင်း လေထိုးလေအောင့်များကိုသက်သာစေခြင်း၊ အစာစားချင်စိတ်က ပိုတိုးစေခြင်း၊ ခြေလက်အဆစ်အမြစ်ကိုက်ခဲခြင်းများကိုသက်သာကြောင်း၊ အရွက်ကိုပြုတ်ပြီး သောက်ရင် ဗိုက်အောင့်တာကိုသက်သာစေ၍ အစာကြေစေပြီး အစာစားချင်စိတ်ကို ဖြစ်စေကြောင်း၊ အူထဲက လေထိုးလေအောင့်တာများကို သက်သာစေကြောင်း ဖတ်ရှု့သိရှိရသည်။  ကြောင်လျှာရွက် ၏ နုနယ်တဲ့အညွှန့်များကို ဟင်းချိုချက်စားခြင်း၊ အတို့အမြှပ် အဖြစ်ငါးပိရည်နှင့်စားခြင်း၊ ကြောင်လျှာသီးများကိုကြော်ချက်စားခြင်း၊ကြောင်လျှာသီးအစိမ်းကို ကြက်သွန်နီဆီချက်၊ မြေပဲထောင်း၊ ပုစွန်ခြောက်၊ ပဲကျက်မှုံတို့ဖြင့်သုပ်စားခြင်း၊ အသီးကိုချဉ်ဖတ်လုပ်စားရင်လည်း အရမ်းအရသာရ၍ စသည်ဖြင့် အမျိုးမျိုးပြုလုပ်စားကြကြောင်းသိရှိရသည်။ မြင်းခြံမြို့ အေးမြသီတာဈေးတွင်ရောင်းချ နေသောကြောင်လျှာရွက်နု တစ်စီးလျှင် (၅၀၀) ကျပ်ဖြင့်ရောင်းချလျက်ရှိကြောင်း သိရှိရသည်။

DOCA(မန္တလေး)

         ထောပတ်သီးပင်သည်နှစ်ရှည်ပင်အမျိုးအစားအပင်ကြီးမျိုးဖြစ်၍စိုက်ပျိုးပြီးသုံးနှစ်ကြာမှအသီးများစတင်သီးကြောင်း၊မြန်မာနိုင်ငံတွင်ထောပတ်သီးကို ရှမ်းပြည်နယ်(တောင်ပိုင်းနှင့် မြောက်ပိုင်း) မန္တလေးတိုင်းဒေသကြီး ပြင်ဦးလွင်၊ကချင်ပြည်နယ်နှင့် ချင်းပြည်နယ်တို့တွင်အဓိက စိုက်ပျိုးထွက်ရှိကြောင်းသိရှိရသည်။ ထောပတ်သီးများထွက်ပေါ်ချိန်မှာ အောက်တိုဘာလမှ ဇန်န ဝါရီလအထိဖြစ်ပြီး၊ မျိုးကွဲများအနေဖြင့်ဟာစ်(Hass)၊ဘေးကွန်(Bacon)၊ ဖွတ်(Fuerte)၊လမ် (Lamb Hass) စသည့်တို့ဖြစ်ကြောင်း၊ ထောပတ်သီးအခွံသည် အစိမ်းရင့်ရောင်ရှိပြီးအဆီဓာတ်ပိုများ၍ ဖောလစ်အက်ဆစ်၊ပိုတက်ဆီယမ်၊အမျှင်ဓာတ်၊များနှင့် Omega-3 ဓာတ် များပါဝင်ပြီး၊ သွေးပေါင်ချိန်ထိန်းချုပ်ရန်၊ ဝမ်းချုပ်မှုမှကာကွယ်ရန်နှင့် ဦးနှောက်ဖွံ့ဖြိုးမှုအတွက် အထောက်အကူ ဖြစ်ကာကင်ဆာနှင့် အဆစ်အမြစ်ရောင်ရမ်းမှုကိုကာကွယ်ပေးကြောင်း၊ ဗီတာမင်အီးကြွယ်ဝ သောကြောင့် အသားအရေကြည်လင်ပြီး နှလုံးကျန်းမာရေးကိုကောင်းမွန်ကြောင်း၊ အာရုံကြော လုပ်ဆောင်မှုနှင့် သွေးကြောများကျန်းမာခြင်းကိုအထောက်အကူပြုကြောင်း၊အမျှင်ဓာတ်ကြွယ်ဝ သောကြောင့်ဝမ်းချုပ်ခြင်းကိုကာကွယ်ပေး၍ ထောပတ်သီးတွင် အာဟာရဓာတ်များစွာပါဝင် ကြောင်းလေ့လာဖတ်ရှု့ရသည်။ ထောပတ်သီးဝယ်ယူလျှင် အညှာအောက်အစိမ်းရောင်ရှိပါက မှည့်ရန်အသီးဖြစ်ပြီးရွေးချယ်ဝယ်ယူသင့်ကြောင်း၊ အသီးကိုလက်ဖဝါးပေါ်တင်၍ ကိုင်ဆကြည့်ပါက အလေးချိန်ပါလျှင် ၎င်းထောပတ်သီးကို ရွေးချယ်ဝယ်ယူသင့်ကြောင်းသိရှိရပြီး၊ မြင်းခြံမြို့၊‌ အေးမြသီတာဈေးတွင် ရောင်းချနေသောထောပတ်သီးတစ်လုံးလျှင် ၇၀၀ ကျပ်မှ ၁၅၀၀ ကျပ်ခန့်ပေါက်ဈေးများဖြင့်ရောင်းချကြောင်း သိရှိရသည်။ 

DOCA(မန္တလေး)