ပြည်တွင်းကုန်သွယ်မှုသတင်း

          ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်းရှိ ဈေးများတွင် ကိုင်းခရမ်းချဉ်သီးများ ရောင်းချနေကြောင်းသိရသည်။ ပြည်မြို့၊ ကိုးသောင်းဈေးတွင် ရောင်းချနေသော ခရမ်းချဉ်သီးများကို ရွှေတောင်မြို့မှ မှာယူရောင်းချကြောင်း သိရသည်။ ခရမ်းချဉ်သီးများကို ရွှေတောင်မြို့၊ ကျေးရွာအချို့တွင် မြစ်ရေကျချိန်၌ သဲသောင်ပြင်များပေါ်တွင် စိုက်ပျိုးကြကြောင်း သိရသည်။

          ယခုအချိန်၌ ဈေးကွက်တွင် ခရမ်းချဉ်သီးများ လှိုင်လှိုင်ပေါ်လာပြီဖြစ်၍ ပြည်မြို့၊ ဈေးများသို့ နေ့စဉ်တင်ပို့ရောင်းချကြောင်း သိရသည်။ ပိုလျှံသောခရမ်းချဉ်သီးများကို ရန်ကုန်သို့လည်း တင်ပို့ရောင်းချကြောင်း သိရသည်။ ပြည်ဈေးကွက်တွင် ရောင်းချနေသော ခရမ်းချဉ်သီးဈေးနှုန်းများမှာ လက်လီတစ်ပိဿာလျှင် (၈၀၀၀)ကျပ်၊ လက်ကားတစ်ပိဿာလျှင် (၁၀၀၀၀)ကျပ်ဖြင့် ရောင်းချကြောင်း သိရှိရပါသည်။

DOCA(ပဲခူး)   

          ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်အတွင်းရှိ ကျေးရွာများနှင့် မြို့နယ်ရပ်ကွက်များတွင် စိုက်ပျိုးရေးလုပ်ငန်းကို လုပ်ကိုင်စားသောက်ကြပြီး နှစ်ရှည်သီးနှံဖြစ်သည့် မာလကာသီးပင်များကို မိမိတို့၏ ဥယျာဉ်ခြံမြေနှင့် နေအိမ်ခြံစည်းရိုးတွင် တစ်နိုင်တစ်ပိုင် စိုက်ပျိုးလျက်ရှိပါသည်။ စိုက်ပျိုးရရှိသော သီးနှံများထဲမှ မာလကာသီးများကို ပြည်မြို့နယ်အတွင်းရှိ မြို့မဈေးကြီးနှင့် အခြားဈေးများတွင် လာရောက်ရောင်းချကြကြောင်း သိရှိရပါသည်။

          ၂၀၂၅ ခုနှစ်၊ နိုဝင်ဘာလ၊ တတိယပတ်တွင် မာလကာသီးဈေးနှုန်းများမှာ အရွယ်အစား အလိုက် ဈေးအမျိုးမျိုးရှိပြီး ရာသီချိန်ထက် ဈေးပိုမိုကောင်းမွန်ကြောင်း သိရသည်။ မာလကာသီး အလုံးကြီး၊ အလုံးလှ တစ်လုံးလျှင် (၈၀၀)ကျပ်၊ အလုံးသေး တစ်လုံးလျှင် (၆၀၀)ကျပ်ဖြစ်ပြီး အကြီး/ အသေးပေါ်မူတည်ပြီး ရောင်းချလျက်ရှိကြောင်း သိရပါသည်။

DOCA(ပဲခူး)                                

        မန္တလေးတိုင်းဒေသကြီး၊ မိတ္ထီလာခရိုင်၊ မိတ္ထီလာမြို့ရှိ မန်ကျီးပင်တန်း၊ အိုင်ကြီးလည်ကျေးရွာတွင် ထန်းပင်မြစ်ပျိုးထောင်စိုက်ပျိုးရောင်းချသူများထံမှ သိရပါသည်။

     မန်ကျီးပင်တန်းရှိ ကျေးလက်တောင်သူများသည် ထန်းပင်မြစ်ပျိုးထောင်ခြင်းအားထန်းသီးမှည့် ချိန်ဖြစ်သည့် ဝါဆို၊ ဝါခေါင်လတို့တွင် ထန်းသီးမှည့်များကောက်ဘူစုဆောင်းပြီး မြေကျင်းများတူးဖော်ကာ ရရှိလာသောထန်းသီးမှည့်များကိုထည့်ထားပြီးနောက် တူးဖော်ဖို့လွယ်ကူစေရန်သဲမြေများဖြင့် ဖုံးထားကြကြောင်းသိရသည်။ ပျိုးထောင်ထားသောထန်းပင်မြစ်များကို သုံးလကျော်လေးလတွင် စတင်တူးဖော်ရောင်းချကြပြီး ထန်းပင်မြစ်(၂၅)ချောင်းပါတစ်စည်းကို(၂၅၀၀)ကျပ်မှ(၃၀၀၀)ကျပ်ထိရှိကြောင်း သိရှိရပါသည်။

        မိတ္ထီလာ(၈)နာရီဈေးအတွင်းတွင် နိုဝင်ဘာလ၊ဒုတိယပတ်အတွင်း ထန်းပင်မြစ်(၂၅)ချောင်းပါ တစ်စည်းကို (၂၅၀၀-၃၀၀၀)ကျပ်ထိရှိကြောင်းသိရပါသည်။ တစ်ခါဖော်လျှင် (၅၀၀၀)မှ(၈၀၀၀)ပင်ထိရရှိကြောင်း ဖောက်သည်ဈေးနှုန်းမှာ (၂၅)ပင်တစ်စည်းကို (၁၉၀၀)မှ(၂၂၀၀)ထိရှိကြောင်း ဈေးရောင်းချသူတစ်ဦးထံမှ သိရှိရပါသည်။

DOCA(မန္တလေး)

      မိတ္ထီလာခရိုင်၊ မလှိုင်မြို့နယ်ရှိ သပြေပင်ကျေးရွာမှာ နှစ်စဉ်ကြက်သွန်နီကိုအများအပြားစိုက်ပျိုး သောကျေးရွာဖြစ်ပြီး ယခုအခါဆောင်းကြက်သွန်နီစိုက်ပျိုးမည့်ပျိုးပင်များကိုပါရောင်းချရပြီဖြစ်ကြောင်း သိရသည်။ သပြေပင်ကျေးရွာမှာ ရေချိုချောင်းဘေးရှိ ကျေးရွာဖြစ်သည့်အတွက် ချောင်းရေကိုအားပြု၍ နှစ်စဉ်ကြက်သွန်နီကို ကြက်သွန်ဥအနေဖြင့်စိုက်ပျိုးရောင်းချသကဲ့သို့ မိုးကြက်သွန်နီစိုက်ပျိုးရန်အတွက် ဇော်မွှားဥ၊ ၎င်းနောက်မြိတ်စားကြက်သွန်နီတို့အပြင် ဆောင်းကြက်သွန်နီအတွက် မျိုးစေ့အပြင် ပျိုးပင်များကိုပါစိုက်ပျိုးရောင်းချကြောင်း သိရသည်။ ပျိုးဘောင်အနေဖြင့်အနံဥတောင်၊ အလျား(၁၉-၂၀) တောင်ရှိပျိုးစုံတစ်စုံလျှင် ယခင်နှစ်က (၇၀၀၀၀)ကျပ်ဈေးဖြင့်ရောင်းချရပြီး ယခုနှစ်မှာတော့ကြက်သွန် နီဈေမကောင်းသည့်အတွက် (၅၀၀၀/၅၅၀၀)ကျပ်တို့ဖြင့် ရောင်းချရကြောင်း သိရသည်။ သပြေပင်ကျေးရွာအနေဖြင့် ယခုနှစ်ကြက်သွန်နီဈေးမကောင်းသော်လည်း နှစ်စဉ်စိုက်ပျိုးသီးနှံဖြစ်၍ ပုံမှန်စိုက်ပျိုးကြောင်း သိရှိရပါသည်။

DOCA(မန္တလေး)

        မိတ္ထီလာမြို့ ပေါက်ချောင်းဈေးအတွင်းသို့ အာလူးများဝင်ရောက်လျက်ရှိရာ အာလူးသီးကို ပေါက်ချောင်းဈေးရှိ လက်လီဈေးသည်များအနေဖြင့် မြို့မဈေးကြီးရှိပွဲရုံများမှတစ်ဆင့် ဝယ်ယူရောင်းချကြပါသည်။ အာလူးအကြီးအသေးပေါ်မူတည်၍ တစ်ပိဿာလျင် (၆၅၀၀-၇၀၀၀) ကျပ် ဖြင့်ရောင်းချကြကြောင်း၊ အာလူးစားသုံးခြင်းဖြင့် ကျန်းမာရေးအနေဖြင့် အာဟာရဓာတ် ဗီတာမင်ဘီစစ်ပါဝင်သောကြောင့် ကျန်းမာရေးအတွက် အထူးကောင်းမွန်ကြောင်း သိရှိရပါသည်။ အာလူးဈေး မှာတက်ဈေးဖြင့်ငြိမ်သည့်အတွက်  ရှမ်းပြည်ဘက်မှ  အာလူးစိုက်တောင်သူဦးကြီးများ အကျိုးအမြတ်ဖြစ်ထွန်းကြောင်း၊ ပေါက်ချောင်းဈေးရှိ အာလူးရောင်းဝယ်သော သူတစ်ဦးထံမှ သိရှိရပါသည်။

DOCA(မတင်ပါ)