ပြည်တွင်းကုန်သွယ်မှုသတင်း

    မင်္ဂလာဒုံမြို့နယ်ရှိ ရတနာသီရိဈေးအတွင်းသို့ မတ်လ (၁၃)ရက်နေ့မှ မတ်လ (၁၉) ရက်နေ့အထိ တပ်ကုန်း၊ ရွှေတောင်၊ ဝက်ပုတ်၊ ပုတီးကုန်း၊ အောင်ပန်း၊ မင်းလှ၊ နတ်တလင်း၊ ကြို့ပင်ကောက်နှင့် ခရမ်းသုံးခွတို့မှ ဟင်းသီးဟင်းရွက်များ ဝင်ရောက်ရောင်းချနေကြောင်း သိရှိရပါသည်။ ထိုသို့ ဝင်ရောက်ရာတွင် ယခုရက်သတ္တပတ်အတွင်း ဂေါ်ဖီ(ထုပ်) ကျပ် ၅၀၀ မှ  ၉၀၀၊ ဂေါ်ရခါးသီး(လုံး)ကျပ် ၁6၀ မှ  ၂၀၀၊ ခရမ်းချဉ်သီး (ပိဿာ) ကျပ် ၆၀၀ မှ  ၁၅၀၀၊ ပန်းဂေါ်ဖီ(ထုပ်) ကျပ် ၄၀၀ မှ ၈၀၀၊ ခရမ်းသီး(ပိဿာ) ကျပ် ၉၀၀ မှ  ၁၅၀၀၊ ခဝဲသီး(တောင့်) ကျပ် ၃၅၀ မှ  ၅၀၀၊ ဂျူးမြစ်(ပိဿာ) ကျပ် ၂၀၀၀ မှ ၃၀၀၀၊ ငရုတ်သီးစိမ်း (ပိဿာ) ကျပ် ၂၀၀၀ မှ  ၃၀၀၀၊ ပဲသီး(စီး) ကျပ် ၂၀၀ မှ ၄၀၀၊ ကန်စွန်းရိုးနီ (စီး) ကျပ် ၂၀၀ မှ ၂၅၀၊ ချဉ်ပေါင်ရွက်(စီး) ကျပ် ၁၀၀ မှ ၂၀၀၊ ဗုံလုံသီး(တောင့်)ကျပ် ၄၀၀ မှ   ၅၀၀၊ သံပုရာသီး(လုံး) ကျပ် ၁၅၀ မှ  ၃၀၀၊ ကင်ပွန်းချဉ်(စီး)ကျပ် ၁၅၀ မှ  ၂၅၀၊ ငရုတ်အာဝါးသီး(တောင့်) ကျပ် ၅၀ မှ ၇၅၊ ကြက်ဟင်းခါးသီး(လုံး)ကျပ် ၂၅၀ မှ ၃၅၀၊ ရှမ်းနံနံ(စီး) ကျပ် ၁၅၀ မှ ၂၅၀၊ ပင်စိမ်း(စီး) ကျပ် ၁၅၀ မှ ၂၀၀၊ ရွှေဖရုံသီး(ကြီး/လတ်/သေး) ကျပ် ၅၀၀ မှ ၁၈၀၀၊ ကျောက်ဖရုံသီး(လုံး) ကျပ် ၈၀၀ မှ ၂၅၀၀၊ ဗူးသီး(လုံး)ကျပ် ၄၀၀ မှ ၁၃၅၀၊ ကြောင်လျှာသီး(တောင့်) ကျပ် ၃၅၀ မှ ၄၀၀၊ ရုံပတီသီး(တောင့်) ကျပ် ၄၀ မှ ၅၀၊ ခရမ်းကျွတ်သီး (လုံး) ကျပ် ၃၀ မှ ၄၀၊ ပဲစောင်းလျားသီး(ပိဿာ) ကျပ် ၁၃၀၀ မှ ၂၀၀၀၊ ရွှေပဲသီး(ပိဿာ) ကျပ် ၁၂၀၀၀ မှ ၁၃၀၀၀၊ ငရုတ်ပွ(ပိဿာ) ကျပ် ၄၀၀၀ မှ ၅၀၀၀၊ မုန်လာဥနီ (ပိဿာ) ကျပ် ၄၀၀၀ မှ ၅၀၀၀၊ ဘိုစားပဲ(ပိဿာ) ကျပ် ၄၀၀၀ မှ ၅၀၀၀၊ ဂေါ်ရခါးညွန့်(စီး) ကျပ် ၅၀၀ မှ ၆၀၀၊ တရုတ်နံနံ (စီး)ကျပ် ၅၀၀ မှ ၆၅၀၊ ဗမာနံနံ(ပိဿာ) ကျပ် ၄၀၀၀ မှ ၅၀၀၀၊ မျှစ်(ပိဿာ) ကျပ် ၂၀၀၀ မှ ၂၈၀၀၊ တရုတ်ကန်စွန်း(စီး) ကျပ် ၂၅၀ မှ ၃၀၀၊ ဆူးပုတ်(စီး) ကျပ် ၂၀၀ မှ ၃၅၀၊ မြင်းခွာရွက် (စီး) ကျပ် ၃၀၀ မှ ၄၅၀၊ ဟင်းနုနွယ်(စီး) ကျပ် ၃၀၀ မှ ၄၅၀၊ ပြောင်းဖူး(ဖူး)ကျပ် ၂၅၀ မှ ၄၀၀၊ မုန့်ညှင်းရွက်(စီး) ကျပ် ၁၅၀ မှ ၂၅၀၊ ဆလပ်ရွက်(စီး) ကျပ် ၁၅၀ မှ ၂၅၀ အတွင်းဖြစ်ကြောင်း သိရှိရပါသည်။ ရတနာသီရိဈေးအတွင်းသို့ နေ့စဉ်ကုန်အဝင်မှာ ရုံးပတီသီးကုန်ချိန်ပိဿာ (၅၀၀)ကျော်၊ ငရုတ်ပွကုန်ချိန် ပိဿာ (၃၀)ကျော်၊ ခရမ်းသီးကုန်ချိန်ပိဿာ (၅၀၀၀)ကျော်၊ ရွှေဖရုံသီးကုန် ချိန်ပိဿာ (၃၃၀၀) ကျော်၊ နံနံပင်ကုန်ချိန်ပိသာ (၆၀၀)ကျော် အသီးသီးအဝင်ရှိကြောင်း သိရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးတွင် မတ်လ ( ၁၃ ) ရက်နေ့ မှ မတ်လ ( ၁၉ ) ရက်နေ့အထိဖြစ်ပေါ်ခဲ့သော သစ်သီးဝလံဈေးနှုန်းများမှာ ခရမ်း၊ ပဲခူး မှ ဖရဲသီး (855) အလုံးကြီး ကျပ် ၁၀၀၀၀ ၊ အလုံးလတ် ကျပ် ၉၀၀၀၊ အလုံးသေး ကျပ် ၈၀၀၀ ၊ ခရမ်း၊ ပဲခူး မှ ဖရဲသီး (211) အလုံးကြီး ကျပ် ၅၀၀၀၊ အလုံးလတ် ကျပ် ၄၅၀၀ ၊ အလုံးသေး ကျပ် ၃၀၀၀ ၊ မော်လမြိုင် မှ ကျွဲကောသီး အလုံးကြီး ကျပ် ၂၀၀၀၊ အလုံးလတ် ကျပ် ၁၅၀၀ ၊ ပုပ္ပါး မှ မာလကာသီး အလုံးကြီး ကျပ် ၈၀၀၊ အလုံးလတ် ကျပ် ၆၀၀၊ အလုံးသေး ကျပ် ၄၀၀ ၊ ပြင်ဦးလွင်မှ ဘောက်သီး တစ်ပိဿာ အလုံးကြီး ကျပ် ၇၀၀၀၊ အလုံးလတ် ကျပ် ၆၀၀၀၊ အလုံးသေး ကျပ် ၅၀၀၀ ၊ ပြင်ဦးလွင်မှ စတော်ဘယ်ရီ (မြန်မာ) အလုံးကြီးတစ်ခြင်း ကျပ် ၄၅၀၀၀၊  ပြင်ဦးလွင်မှ စတော်ဘယ်ရီ (ဂျပန်) အလုံးကြီးတစ်ခြင်း ကျပ် ၆၀၀၀၀၊ ညောင်နှစ်ပင် မှ ပိန္နဲသီး အလုံးကြီး ကျပ် ၂၀၀၀၀၊ အလုံးလတ် ကျပ် ၁၅၀၀၀၊ မှော်ဘီ မှ စိမ်းစားဥ တစ်တွဲ အလုံးကြီး ကျပ် ၁၀၀၀၊ ပြည်မှ ဇီးသီး(အချို) တစ်ပြည် အလုံးကြီး ကျပ် ၁၅၀၀ ၊ ကျိုက်လတ် မှ နှင်းသီး အလုံးကြီးတစ်ခြင်း ကျပ် ၁၀၀၀၀၊ အလုံးလတ်ကျပ် ၉၀၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံပန်းမန် ဟင်းသီးဟင်းရွက်စိုက်ပျိုးထုတ်လုပ်တင်ပို့ရောင်းချသူများအသင်း (MFVP) မှ သိရှိရပါသည်။

DOCA(ရန်ကုန်)

     ဝါးတန်းဆန်စပါးကုန်စည်ဒိုင်သို့ (၁၂.၃.၂၀၂၄) မှ (၁၈.၃.၂၀၂၄) နေ့ထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး၊ ဖျာပုံ၊ မြောင်းမြ၊ ဘိုက‌လေး၊ မော်ကျွန်း၊ ကျိုက်လတ်၊ ဓနုဖြူ၊ ဟင်္သာတ၊ လပ္ပတ္တာ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၅၄၆၄၀) အိတ်၊ ပေါ်ကျွဲ (၇၂၇၀) အိတ်၊ ဧည့်မထ(၁၁၈၉၁၀) အိတ်နှင့် ဆန်ကွဲ (၂၇၀၇၀) အိတ်ဝင်ရောက်ခဲ့ပြီး ပဲခူး (အရှေ့) ညောင်လေးပင်နှင့် ဖြူးမြို့နယ်များမှ ဧည့်မထ (၈၂၅၄) အိတ် နှင့် ပဲခူးတိုင်း(အနောက်)၊ သာယာဝတီ၊ လက်ပံတန်း၊ သုံးဆယ်မြို့နယ်များမှ ဧည့်မထ (၂၁၈၁၀) အိတ်၊ ငစိန် (၁၆၅၀) အိတ်နှင့် ရန်ကုန်တို်ငး ပြင်ပမြို့နယ်များဖြစ်သော ကော့မှူး၊ လက်ခုတ်ကုန်း၊ တိုက်ကြီး၊ ပျော်ဘွယ်၊ ဥက္ကံမြို့နယ်များမှ ဧည့်မထ (၂၂၁၂၀) အိတ်တို့ဝင်ရောက်မှုရှိကြောင်း ဝါးတန်းဆန်စပါးကုန်စည်ဒိုင်၏ ပြောကြားချက်အရ သိရှိရပါသည်။

DOCA(ရန်ကုန်)

      မတ်လ တတိယပတ်တွင် ကော့မှူးမြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစားအလိုက် ဧည့်မထတစ်ပြည်လျှင် (၃၈၀၀-၄၀၀၀)ကျပ်ထိ၊ မီးဒုံးဆန်(ရိုးရိုး) တစ်ပြည်လျှင်(၄၅၀၀-၄၆၀၀)ကျပ်ထိ၊ တောင်ပျံဆန်(ရိုးရိုး)တစ်ပြည်လျှင်(၄၈၀၀-၅၀၀၀)ကျပ်ထိ၊ ဧရာဝတီပေါ်ဆန်း တစ်ပြည်လျှင် (၅၆၀၀-၅၈၀၀) ကျပ်ဖြင့်လည်းကောင်း၊ စားအုန်းဆီ တစ်ပိဿာလျှင် ယခင်ပတ်တွင် (၅၄၁၅)ကျပ်၊ ယခုပတ်တွင်(၅၄၅၀)ကျပ် ဈေးနှုန်း အနည်းငယ်မြင့်ပြီး၊ ပဲဆီတစ်ပိဿာလျှင် (၁၇၅၀၀)ကျပ်ဖြင့်လည်းကောင်း၊ ကြက်သွန်နီ အသစ်ဆိုဒ်စုံ တစ်ပိဿာလျှင်(၃၀၀၀-၃၃၀၀)ကျပ်၊ ကြက်သွန်ဖြူ(အမွှာ)တစ်ပိဿာလျှင်(၁၉၀၀၀)ကျပ်၊ ကြက်သွန်ဖြူ(ကြက်ကုတ်)တစ်ပိဿာလျှင် (၁၄၀၀၀)ကျပ်၊ အာလူးတစ်ပိဿာ လျှင်(၃၅၀၀)ကျပ်၊ နနွင်းမှုန့်တစ်ပိဿာလျှင်(၁၀၀၀၀)ကျပ်၊ ရိုးရိုးဆားတစ်ပိဿာလျှင်(၅၀၀)ကျပ်၊ အိုင်အိုဒင်းဆားတစ်ထုပ်လျှင်(၆၀၀)ကျပ်၊ ငြုပ်တောင့်(အရှည်) တစ်ပိဿာလျှင် (၁၃၀၀၀) ကျပ်၊ ငြုပ်တောင့်(အပု)တစ်ပိဿာလျှင်(၂၈၀၀၀)ကျပ်၊ ကုလားပဲဇံခြမ်း တစ်ပိဿာလျှင်(၆၆၀၀)ကျပ်၊ မန်ကျီးသီးမှည့် တစ်ပိဿာလျှင်(၃၀၀၀-၃၅၀၀)ကျပ်၊ ငါးပိတစ်ပိဿာလျှင် (၅၅၀၀)ကျပ်၊ ငါးရံ့ခြောက်တစ်ပိဿာလျှင် (၆၀၀၀၀) ကျပ်၊ ငံပြာရည်တစ်ပိဿာလျှင်(၁၀၀၀)ကျပ်၊ ခေါက်ဆွဲ ခြောက်တစ်ထုပ်လျှင်(၅၀၀)ကျပ်၊ ကြက်ဥတစ်လုံးလျှင်(၂၅၀)ကျပ်နှင့် ဘဲဥတစ်လုံးလျှင် (၃၀၀-၃၅၀)ကျပ်တို့ဖြင့် အရောင်းအဝယ်ဖြစ်လျှက်ရှိပါသည်။

     အလားတူ ဗမာကြက်တစ်ပိဿာလျှင်(၂၀၀၀၀)ကျပ်၊ CPကြက်တစ်ပိဿာ လျှင်(၁၀၀၀၀) ကျပ် ဝက်သားတစ်ပိဿာလျှင်(၁၆၀၀၀)ကျပ်၊ အမဲသားတစ်ပိဿာလျှင်(၁၅၀၀၀)ကျပ်၊ ဆိတ်သား တစ်ပိဿာလျှင်(၂၅၀၀၀)ကျပ်၊ ငါးမြစ် ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင်(၈၀၀၀)ကျပ် စသည့်ဖြင့်လည်းကောင်း ဈေးနှုန်းအသီးသီးတို့ဖြင့် ရန်ကုန်တိုင်းဒေသကြီး ကော့မှူးမြို့နယ်၊ စည်ပင်သာယာမြို့မဈေးအတွင်းအရောင်းအဝယ် ဖြစ်လျှက်ရှိ ကြောင်းသိရပါသည်။

        ယခင်အပတ်နှင့်ယခုအပတ်နှိုင်းယှဉ်ရာတွင် စားသောက်ကုန်ဈေးနှုန်းများမှာ ပြောင်းလဲမှု မရှိသော်လည်း စားအုန်းဆီဈေးနှုန်းမှာ အနည်းငယ်မြင့်တက်လျက်ရှိကြောင်း သိရှိရပါသည်။

DOCA(ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်၌ ယခုနှစ်ဆောင်းသီးနှံစိုက်ပျိုးရာသီတွင် ဒေသခံတောင်သူများ သီးနှံဝင်ငွေတိုးပွားစေရန်နှင့် နိုင်ငံအတွင်း စားားနပ်ရိက္ခာဖူလုံစေရန်၊ ပြည်ပဝင်ငွေတိုးပွားစေရန်နှင့် ပြည်ပသို့တင်ပို့နိုင်ရန်အတွက် အားထားစိုက်ပျိုးသည့် ပဲတီစိမ်းနှင့် ပဲတီရွှေဝါစိုက်ပျိုးရေးကို တစ်မြို့နယ်လုံးအတိုင်အတာအနေဖြင့် (၂၀၂၃-၂၀၂၄) ခုနှစ်တွင် စိုက်ဧက (၁၄၀၃၆၃)ဧကအောင်မြင်စွာစိုက်ပျိုးနိုင်ခဲ့ပြီး ယခုအချိန်တွင် ရာနှုန်းပြည့်အောင်မြင်စွာရိတ်သိမ်းပြီးစီးခဲ့ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှသိရှိရပါသည်။

      သုံးခွမြို့နယ်အတွင်းရှိ ကျေးရွာများဖြစ်သော ကံမြင့်၊ ပုလဲ၊ သိုက်တူးကန်၊ ညောင်ဦး၊ သုံးခွအနောက်၊ ရဲနွဲ့၊ ရှမ်းစု၊ ရေပေါ်ကန်၊ သခွတ်ကုန်း၊ ပလုပ်၊ ထုံးကြီး၊ ပုဂံတောင်၊ ဘုရားကြီး၊ အဇန်းတောစွန်း၊ ကျားဘို၊ ဆယ်ရွာ၊ တမံကြီး၊ ကုန်ခလာ စသည့်ကျေးရွာအုပ်စု(၆၄)အုပ်စုတွင် စိုက်ပျိုးထားသော ပဲတီစိမ်းနှင့် ပဲတီရွှေဝါစိုက်ဧကများကို ရာနှုန်းပြည့်အောင်မြင်စွာရိတ်သိမ်းနိုင်ခဲ့ပြီး (၁)ဧကအထွက်နှုန်းမှာ ပျမ်းမျှအားဖြင့် (၁၆.၄၂)တင်းထွက်ရှိခဲ့ကြောင်းသိရှိရပါသည်။ ထွက်ရှိထားသော ပဲတီစိမ်းများအား Bright Light Co.,Ltd နှင့် အခြားပဲအဝယ်ဒိုင်များက ဝယ်ယူပေးလျက်ရှိပြီး ပဲ(၁)တင်းနှုန်းအနေဖြင့် ပဲတီစိမ်းရေဆင်းမျိုးမှာ (၁)တင်းလျှင် (၇၃၀၀၀) ကျပ်၊ ပဲတီရွှေဝါမျိုးမှာ (၁)တင်းလျှင် (၈၀၀၀၀)ကျပ်တို့ဖြင့် အရောင်းအဝယ်ဖြစ်လျက်ရှိကြောင်း ယခင်နှစ်ကာလတူ ပဲတီစိမ်းရေဆင်းမျိုးမှာ (၁)တင်းလျှင် (၇၄၀၀၀)ကျပ်၊ ပဲတီရွှေဝါမျိုး (၁)တင်းလျှင် (၇၇၀၀၀)ကျပ်ရှိကြောင်းသိရှိရပါသည်။ ခရမ်းမြို့နယ်အတွင်းရှိ ပဲတီစိမ်း၊ ပဲတီရွှေဝါ ကုန်အဝယ်ဒိုင်များအနေဖြင့် မိမိတို့ကုန်အဝယ်ဒိုင်များမှ ရရှိလာသော ပဲတီစိမ်း၊ ပဲတီရွှေဝါတို့ကို ရန်ကုန်မြို့ရှိ လှိုင်သာယာ၊ ရွှေပြည်သာ၊ ရွှေလင်ဗန်းစက်မှုဇုံနှင့် ဒဂုံဆိပ်ကမ်းမြို့နယ်များရှိ ကုမ္ပဏီနှင့် စက်ရုံများသို့ တင်ပို့ရောင်းချလျက်ရှိကြောင်းသိရှိရပါသည်။

DOCA(ရန်ကုန်)