ပြည်တွင်းကုန်သွယ်မှုသတင်း

ပြည်ကုန်စည်ဒိုင်သည် သွားရေးလာရေးအချက်အခြာကျသော ပြည်မြို့တွင်ရှိသောကြောင့် ပဲမျိုးစုံအရောင်းအဝယ်မှာ သွက်လျက်ရှိပါသည်။
မတ်ပဲ
ပြည်ကုန်စည်ဒိုင်၏ အောက်တိုဘာလ ပထမပတ်၌ မတ်ပဲတစ်တင်းလျှင် (၁၂၆၀၀၀-၁၂၆၅၀၀) ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် မတ်ပဲတစ်တင်းလျှင် ၁၂၂၅၀၀ကျပ်၊ တတိယပတ်တွင် မတ်ပဲတစ်တင်းလျှင် ၁၂၃၀၀၀ကျပ်ဖြင့် ရန်ကုန်သို့တင်ပို့မှုရှိခဲ့ပါသည်။ အောက်တိုဘာလ စတုတ္ထပတ်တွင် မတ်ပဲတစ်တင်းလျှင် ၁၂၃၅၀၀ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်အဝယ်ရှိပါသည်။
ပဲစင်းငုံ
အောက်တိုဘာလ ပထမပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ရန်ကုန်အဝယ်ရှိခဲ့ပါသည်။ အောက်တိုဘာလ ဒုတိယပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ရန်ကုန်အဝယ်တစ်ရက်ကို အိတ်၂၀၀ခန့်ရှိခဲ့ပါသည်။ အောက်တိုဘာလ တတိယပတ်တွင် ပဲစင်းငုံတစ်တင်းလျှင် ၁၅၂၀၀၀ကျပ်ဖြင့် ဈေးအေးနေပြီး ရန်ကုန်အဝယ်ရှိပါသည်။ အောက်တိုဘာလ စတုတ္ထပတ်တွင် ပဲစင်းငုံတစ်တင်းကို ၁၅၂၀၀၀ကျပ်ဖြင့် အရောင်းအဝယ်ဖြစ်လျက်ရှိပါသည်။
ကုလားပဲ
အောက်တိုဘာလ ပထမပတ်တွင် ကုလားပဲ (HL) တစ်တင်းကို ၁၀၂၀၀၀-၁၀၃၀၀၀ ကျပ်၊ မြကြေးမှုံတစ်တင်းလျှင် ၁၁၃၅၀၀-၁၁၄၀၀၀ ကျပ်ဖြင့် မြို့တွင်းပဲခွဲစက်သမားနှင့် ရန်ကုန်အဝယ် တစ်ရက်ကို အိတ်၃၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ကုလားပဲ (HL) တစ်တင်းလျှင် ၁၀၁၀၀၀-၁၀၂၀၀၀ ကျပ်၊ မြကြေးမှုံတစ်တင်းလျှင် ၁၁၃၀၀၀ကျပ်ဖြင့် မြို့တွင်းအဝယ်ရှိခဲ့ပါသည်။ အောက်တိုဘာလ တတိယပတ်တွင် ကုလားပဲ (HL) တစ်တင်းကို ၁၀၂၅၀၀-၁၀၃၀၀၀ ကျပ်၊ မြကြေးမှုံတစ်တင်းလျှင် ၁၁၃၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ်(၃၀၀)ခန့်အဝယ်ရှိပါသည်။ အောက်တိုဘာလ စတုတ္ထပတ်တွင် ကုလားပဲ (HL) တစ်တင်းလျှင် ၁၀၂၀၀၀ကျပ်၊ မြကြေးမှုံတစ်တင်းလျှင် ၁၁၄၀၀၀ကျပ်ဖြင့် မြို့တွင်းအဝယ်တစ်ရက်ကို အိတ်(၂၀၀) ခန့်အဝယ်ရှိပါသည်။
ပဲကြီး
အောက်တိုဘာလ ပထမပတ်တွင် ပဲကြီး(ရွှေကျွန်း)တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ) တစ်တင်းလျှင် ၈၇၀၀၀ကျပ်ဖြင့် မြို့တွင်းပဲကြော်သမားများနှင့် ရန်ကုန်အဝယ်တစ်ရက်ကို အိတ်၃၀၀ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ပဲကြီး(ရွှေကျွန်း)တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ)တစ်တင်းလျှင် ၈၇၀၀၀ကျပ်ဖြင့် ရန်ကုန်အဝယ်နှင့် မြို့တွင်းအဝယ် တစ်ရက်ကို အိတ်၂၅၀ခန့်အဝယ်ရှိပါသည်။ အောက်တိုဘာလ တတိယပတ်တွင် ပဲကြီး(ရွှေကျွန်း) တစ်တင်းလျှင် ၉၂၀၀၀ကျပ်၊ ပဲကြီး(ကုန်းပဲ)တစ်တင်းလျှင် ၈၇၀၀၀ကျပ်ဖြင့် မြို့တွင်းအဝယ်ရှိခဲ့ ပါသည်။ အောက်တိုဘာလ စတုတ္ထပတ်တွင် ပဲကြီးဈေးအေးနေပြီး (ရွှေကျွန်း)တစ်တင်းလျှင် ၂၀၀၀၀ကျပ်၊ ပဲကြီး(ကုန်းပဲ) တစ်တင်းလျှင် ၈၇၀၀၀ကျပ်ဖြင့် မြို့တွင်းနှင့် ရန်ကုန်အဝယ်ရှိပါသည်။
ဘိုကိတ်ပဲ
အောက်တိုဘာလ ပထမပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ် ၁၀၀/၁၅၀ ခန့်အဝယ်ရှိပါသည်။ အောက်တိုဘာလ ဒုတိယပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် ဈေးအေးနေပြီး ရန်ကုန်အဝယ် အိတ်၁၀၀ခန့်ရှိပါသည်။ အောက်တိုဘာလ တတိယပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်ကို အိတ် ၁၀၀/၁၅၀ ခန့်ရှိပါသည်။ စတုတ္ထပတ်တွင် ဘိုကိတ်ပဲတစ်တင်းလျှင် ၁၀၀၀၀၀ကျပ်ဖြင့် မြို့တွင်းနှင့်ရန်ကုန်အဝယ်ရှိပါသည်။
ပဲတီစိမ်း
အောက်တိုဘာလ ပထမပတ်တွင် ပဲတီစိမ်းတစ်တင်းလျှင် ၅၀၀၀၀ကျပ်ဖြင့် အရောင်းအဝယ် တစ်ခါတရံဖြစ်ပါသည်။ ဒုတိယအပတ်တွင် ပဲတီစိမ်းတစ်တင်းကို ၅၀၀၀၀ကျပ်၊ တတိယအပတ်တွင် ပဲတီစိမ်းတစ်တင်းလျှင် ၅၀၀၀၀ကျပ်ဖြင့် ဈေးအေးနေပြီး အရောင်းအဝယ်မှာ တစ်ခါတရံသာဖြစ်ပါသည်။ အောက်တိုဘာလ စတုတ္ထပတ်တွင် ပဲတီစိမ်းသစ်မှာ ဝင်စပြုနေပြီး တစ်ရက်ကို အိတ် ၁၀၀/၂၀၀ ခန့်အဝင်ရှိပါသည်။ ပဲတီစိမ်းတစ်တင်းကို ၇၀၀၀၀ကျပ်ဖြင့် ဈေးစဖွင့်ပြီး တစ်ရက်ကို အိတ် ၁၀၀/၂၀၀ ခန့်အရောင်းအဝယ်ဖြစ်ပါသည်။
ပြည်ကုန်စည်ဒိုင်တွင် မတ်ပဲ၊ ပဲတီစိမ်း၊ ပဲစင်းငုံသီးနှံများမှာ ရန်ကုန်တင်ပို့မှုရှိပြီး ကျန်ပဲများမှာ မြို့တွင်းနှင့် နယ်စုံအရောင်းအဝယ်ဖြစ်လျက်ရှိကြောင်းသိရှိရပါသည်။
DOCA(ပဲခူး)

                ရှမ်းပြည်နယ်အစိုးရအဖွဲ့၏ လမ်းညွှန်မှုဖြင့် ပြည်နယ်စားသုံးသူရေးရာဦးစီးဌာနမှကြီးကြပ်၍ ဆီကုန်သည်နှင့်ဆီလုပ်ငန်းရှင်များအသင်းမှ နိုင်ငံ့ဝန်ထမ်း(အငြိမ်းစား)ပင်စင်စားများအား ပြည်နယ်အားကစားရုံတွင် စက်တင်ဘာလ(၂၅)ရက်နေ့မှ လကုန်ရက်အထိလည်းကောင်း၊ အောက်တိုဘာလ (၂၀)ရက်နေ့မှ လကုန်ရက်အထိလည်ကောင်း စားအုန်းဆီများကို သတ်မှတ်ရည်ညွှန်းဈေးနှုန်းများဖြင့် နံနက်(၀၈း၀၀)နာရီအချိန်မှ ညနေ့(၁၆း၀၀)နာရီအထိ ရောင်းချပေးလျက်ရှိကြောင်း သိရှိရပါသည်။

                နိုင်ငံ့ဝန်ထမ်း(အငြိမ်းစား)ပင်စင်စားတစ်ဦးလျှင်(၁)ပိဿာနှုန်းဖြင့် လစဉ်ဘဏ်ပင်စင်ထုတ်ရက် (စနေ့၊တနင်္ဂနွေ)ပိတ်ရက်မပါ စားအုန်းဆီများကိုရောင်းချပေးသွားမည်ဖြစ်ကြောင်းသိရှိရပါသည်။ ရောင်းချပေးသည့် စားအုန်းဆီဈေးနှုန်းမှာ ဒေါ်လာအတက်/ အကျပေါ်မူတည်ပြီး အပတ်စဉ်တူညီမှုမရှိဘဲ အပြောင်းအလဲရှိကြောင်းနှင့် ပြောင်းလဲသွားသည့် သတ်မှတ်ရည်ညွှန်းဈေးနှုန်းအတိုင်း ရောင်းချပေးသွားမည်ဖြစ်ကြောင်းသိရှိရပါသည်။

             စားအုန်းဆီဝယ်ယူသည့် နိုင်ငံ့ဝန်ထမ်း(အငြိမ်းစား)ပင်စင်စားများမှာ မြို့ပြပင်စင်အမျိုးအစားနှင့် ကာကွယ်ရေးပင်စင်အမျိုးအစားဖြစ်ကြောင်းသိရှိရသည်။ စားအုန်းဆီအပြင် ကြက်ဥများကိုလည်း လာရောက်ရောင်းချပေးကြောင်းနှင့် ကြက်ဥများကို ပြည်နယ်မွေးမြူရေးနှင့် ကုသရေးဦးစီးဌာန၏ ညွှန်ကြားမှုဖြင့် သစ်တောရပ်ကွက်၊ ဦးစိုင်းလုံ + ဒေါ်ခင်အေး (ကြက်မွေးမြူရေးခြံ)မှ ကြက်ဥတစ်လုံး လျှင်(၃၃၀/-)ကျပ်ဖြင့် ရောင်းချပေးလျက်ရှိ ကြောင်းသိရှိရပါသည်။

DOCA(ရှမ်း)

ပြည်ပဲမျိုးစုံဈေးကွက်မှာ နေ့စဉ် လက်လီသမားများဖြင့် အရောင်းအဝယ်ပုံမှန်ရှိနေသော ပဲသီးနှံမှာ စားတော်ပဲသီးနှံဖြစ်ပါသည်။ စားတော်ပဲသီးနှံသည် ပဲဈေးကွက်အတွင်း နှစ်စဉ်နီးပါးဈေးကောင်းဝင်သီးနှံအဖြစ်ရှိနေပြီး ယခုနှစ်တွင် ပြည်ပဝယ်လက်အဓိကဖြစ်သော မတ်ပဲ၊ ပဲစင်းငုံသီးနှံများ ဈေးမြင့်တက်လာသည့်အတွက် အဆိုပါပဲများနှင့်အပြိုင် ဈေးကောင်းရလျက်ရှိခဲ့ပါသည်။ ယခင်နှစ်ကာလတူအချိန် စားတော်ပဲသီးနှံဈေးမှာ တစ်တင်းလျှင် ၁၃၅၀၀၀ကျပ်ဖြင့်အရောင်းအဝယ် ဖြစ်ခဲ့ပြီး ယခုနှစ်အောက်တိုဘာလ လကုန်ပတ်တွင် ပိဿာ ၂၀ဝင်တစ်တင်းလျှင် ၁၃၃၀၀၀ကျပ်ရရှိခဲ့သည့်အတွက် ယခင်နှစ်ထက် ဈေးပိုရလာခြင်းမရှိသော်လည်း ဈေးကွက်အတွင်း ဈေးကောင်းဝင် သီးနှံထဲတွင် ပါဝင်လျက်ရှိသည်ကိုတွေ့ရပါသည်။
DOCA(ပဲခူး)

ပြည်ဈေးကွက်အတွင်း ကြက်သွန်နီသီးနှံဈေးနှုန်းများမြင့်တက်လျက်ရှိပြီး ယခင်စက်တင်ဘာလ၊ နောက်ဆုံးအပတ်တွင် ပျမ်းမျှတစ်ပိဿာလျှင် ကျပ်၂၆၀၀နှုန်းဖြင့် အောက်တိုဘာလ လလယ်ထိ ဈေးငြိမ်ခဲ့ရာမှ ယခုအောက်တိုဘာလ နောက်ဆုံးပတ်တွင် ပျမ်းမျှတစ်ပိဿာလျှင် ကျပ်၃၈၀၀နှုန်းရှိ၍ နှိုင်းယှဉ်ပါက ကျပ်၁၂၀၀နှုန်းမြင့်တက်သွားကြောင်းသိရပါသည်။ ပြည်ဈေးကွက်သို့ ဆိပ်ဖြူ၊ ပခုက္ကူ၊ ကျောက်ပန်းတောင်းဘက်မှ ကြက်သွန်နီများ ၂ရက်ခြားလျှင် တစ်ကြိမ်ခန့်ကို ပိဿာချိန် ၁၂၀၀၀ကျော်ခန့် အဝင်ရှိနေပြီး တစ်ပတ်အတွင်း ပိဿာချိန် ၄၀၀၀၀ခန့် အဝင်ရှိနေသည်။ ဝင်ရောက် မှုရှိသော ကြက်သွန်နီများမှာ လှောင်လက်ထားရှိသောကြောင့် အရည်အသွေးကောင်းသည့် ကြက်သွန်နီများဖြစ်သဖြင့် ဈေးမြင့်သော်လည်း အဝင်ရှိသလောက် အရောင်းသွက်လျက်ရှိကြောင်းကိုလည်း ပြည်မြို့မဈေးကြီး ပွဲရုံတန်းရှိ (မျိုး) ရောင်းဝယ်ရေးလုပ်ငန်းရှင်၏ ပြောကြားချက်အရသိရသည်။ ပြည်ဈေးကွက်အတွင်း လက်လီ/ လက်ကား ရောင်းဝယ်သူများအပြင် ဈေးကွက်မှတစ်ဆင့် ပန်းတောင်း(ဥသျှစ်ပင်)၊ သာယာဝတီခရိုင်နှင့် တိုင်းကျော်အဖြစ် ဧရာဝတီ(ကြံခင်း၊ မြန်အောင်)တို့သို့ စီးဆင်းပြီး ရောင်းဝယ်မှုရှိနေသည်။ ဈေးနှုန်းအသေးစိတ်မှာ ပွဲရုံလက်ကားဈေးတစ်ပိဿာလျှင် ကြီး/ လတ်/ သေး ကျပ် (၃၈၀၀-၃၆၀၀-၃၄၀၀-၃၂၀၀-၃၀၀၀) နှုန်းတို့ရှိပြီး မြို့ပေါ်လက်လီဈေးများတွင် ကြီး/ လတ်/ သေး ကျပ် (၄၂၀၀-၄၀၀၀-၃၈၀၀-၃၆၀၀-၃၄၀၀) နှုန်းတို့ဖြင့် အသီးသီးရောင်းဝယ်မှုရှိနေကြောင်းသိရပါသည်။
DOCA(ပဲခူး)

ပြည်‌ဈေးကွက်တွင် ခရမ်းချဉ်သီးဈေးနှုန်းများမှာ ဈေးကောင်းရရှိကာ အရောင်းသွက်လျက်ရှိပါသည်။ ရှမ်းသီးနှင့်ကိုင်းသီးဟူ၍ (၂)မျိုးရှိရာ ယခုအချိန်တွင် ရှမ်းသီးများသာ ဈေးကွက်အတွင်း၌ အရောင်းအဝယ်ဖြစ်လျက်ရှိပါသည်။ ရှမ်းသီးတစ်ပိဿာလျှင် (၈၀၀၀) ကျပ်ရှိပြီး ပြည်ခရိုင်တွင်း မြို့နယ်များသို့ လှည်းခြင်းများဖြင့် လာရောက်ရောင်းချကြပါသည်။ ခရမ်းချဉ်သီးသည် ဒေသမရွေး လွယ်ကူစွာစိုက်ပျိုးနိုင်သော သီးနှံတစ်မျိုးဖြစ်ပါသည်။ ခရမ်းချဉ်သီးသည် ဒေသမရွေး လွယ်ကူစွာစိုက်ပျိုးနိုင်သော သီးနှံတစ်မျိုးဖြစ်ပါသည်။ ခရမ်းချဉ်သီးသည် ခန္ဓာကိုယ်အတွက် များစွာအကျိုးရှိသော သီးနှံတစ်မျိုးဖြစ်ပါသည်။ ခရမ်းချဉ်သီးကို အခြားသီးနှံများနှင့်အတူ ရော၍ကြော်ပြီး စားသုံးကြသည့်အပြင် အကြော်စုံများနှင့်လည်းရော၍လည်းသုပ်စားကြပါသည်။ ခရမ်းချဉ်သီးတွင် ဗီတာမင်အေ၊ ဘီ၊ စီ၊ ကေတို့များစွာပါဝင်သောကြောင့် အဆီပြန်သည့်အသားအရည်ကို ထိန်းသိမ်း‌ပေးပါသည်။ ခရမ်းချဉ်သီးတွင် လိုင်ကိုစင်းဓာတ်ပါဝင်သောကြောင့် ဆီးကျိတ်ကင်ဆာ၊ အူမကြီးကင်ဆာနှင့် အစာအိမ်ကင်ဆာများကိုလည်းကာကွယ်ပေးနိုင်ကြောင်းပါသည်။
DOCA(ပဲခူး)