ပြည်တွင်းကုန်သွယ်မှုသတင်း

             ပြည်တွင်းစားသုံးမှုနှင့်ပြည်ပသို့ တင်ပို့သည့်ပဲတီစိမ်းမှာအရောင်းသွက်သည့် ပဲအမျိုးအစား ဖြစ်ပြီး၊ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုးမှု (၂၇၀၉၅၈)ဧက၊ ရိတ် သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇)တင်းဖြစ်ကြောင်း သိရှိရပါ သည်။မန္တလေးပွဲစား၊ကုန်သည်၊စက်ပိုင်များမဟာကထိန်တော်အသင်းတွင် ၂၀၂၅ ခုနှစ်နိုဝင်ဘာလ တတိယပတ်အတွင်း ဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်း (ညာ) ၃၂၀၀၀၀ ကျပ်နှင့် ၃၄၀၀၀၀ကျပ်၊တစ်ပိဿာစျေးမှာ ပဲတီစိမ်း (ညာ)၅၈၈၉ကျပ်နှင့်၆၀၄၄ကျပ် တို့ဖြစ်ကြောင်း သိရှိရပါသည်။ ယခင်နှစ် ကာလတူတစ်ပိဿာစျေးမှာ ပဲတီစိမ်း(အညာ)၄၄၄၄ ကျပ် နှင့် ၄၈၀၀ ကျပ်၊ ပဲတီစိမ်း(ပဲခွဲ) ၃၆၄၄ ကျပ်နှင့် ၃၇၃၃ကျပ်တို့ဖြစ်ပေါ်ခဲ့ပြီး၊ ကာလတူ စျေးနှိုင်း ယှဉ်ပါက ပဲတီစိမ်း (ညာ)မှာ တစ်ပိဿာလျှင် ၁၂၄၄ ကျပ်စျေး ပိုမိုရရှိကြောင်း သိရပါသည်။

DOCA(မန္တလေး)

                  စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက် သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်းအမရပူရ၊ပြင်ဦးလွင်၊  မိုးကုတ်၊တကောင်း၊စဉ့်ကူး၊မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုးပြီး၊၂၀၂၄-၂၀၂၅ ခုနှစ်အတွင်းစားတော်ပဲအပါအဝင်ပဲမျိုးစုံစိုက်ပျိုးမှု  ၁၀၁၉၄၇၇ ဧကဖြစ်ကြောင်း သိရှိရပါသည်။ မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင်  ၂၀၂၅ ခုနှစ်နိုဝင်ဘာလတတိယ ပတ်အတွင်းဖြစ်ပေါ်သည့်ပေါက်စျေးမှာ ၃တင်းဝင်တစ်အိတ်လျှင် စားတော်ပဲ(ကနေဒါ) ၃၃၀၀၀၀ ကျပ်နှင့် ၄၂၀၀၀၀ ကျပ်၊စားတော်ပဲ(ကျွန်း)၈၈၀၀၀၀ ကျပ်၊တစ်ပိဿာလျှင်စားတော်ပဲ (ကနေဒါ) ၅၅၇၀ကျပ်နှင့် ၇၀၈၉ကျပ်၊စားတော် ပဲ(ကျွန်း)၁၄၈၅၂ ကျပ်တို့ဖြစ်ကြောင်းသိရှိရပါသည်။ယခင်နှစ် ကာလတူ တစ်ပိဿာ ပေါက်စျေးမှာ စားတော်ပဲ (ကနေဒါ) ၈၁၀၁ကျပ်နှင့် ၈၄၃၉ကျပ်၊ စားတော်ပဲ (ကျွန်း)၆၇၅၁ကျပ်နှင့်၇၂၅၇ကျပ် ဖြစ်ပြီး၊ ယခုနှစ် နှင့်ယခင်နှစ် ကာလတူစျေး နှိုင်းယှဉ်ပါက တစ်ပိဿာလျှင် စားတော်ပဲ (ကျွန်း)စျေးမှာ ပိုမိုရရှိကြောင်း သိရှိရပါသည်။

DOCA(မန္တလေး)

           ပြည်တွင်းစားသုံးမှုများပြားခြင်းနှင့် ပြည်ပသို့တင်ပို့သည့်မတ်ပဲမှာ မန္တလေးတိုင်းဒေသကြီး အတွင်း ၂၀၂၄- ၂၀၂၅ခုနှစ်မတ်ပဲ သီးနှံ စိုက်ပျိုးမှု(၃၂၁၄၂)ဧက၊ ရိတ်သိမ်း(၁၀၄၉၅)ဧက၊ အထွက် နှုန်း(၁၂.၆၅)တင်းနှင့် အထွက်(၁၃၂၇၀၉)တင်းဖြစ်ကြောင်းသိရပါသည်။ မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင်၂၀၂၅ခုနှစ်နိုဝင်ဘာလတတိယပတ်အတွင်း ဖြစ်ပေါ်လျှက် ရှိသောပေါက်စျေးမှာ၃တင်းဝင်တစ်အိတ်လျှင်မတ်ပဲ(ကျောက်စရစ်)၂၄၅၀၀၀ ကျပ်၊ မတ်ပဲ ၂၀၀၀၀၀ ကျပ်နှင့် ၂၂၀၀၀၀ကျပ်၊ တစ်ပိဿာစျေးမှာ မတ်ပဲ (ကျောက်စရစ်)၄၀၈၃ ကျပ်၊ မတ်ပဲ ၃၃၃၃ ကျပ်နှင့် ၃၆၆၇ ကျပ်ဖြစ်ပြီး၊ ယခင်နှစ်ကာလတူ တစ်ပိဿာစျေးမှာ မတ်ပဲ (ကောင်း) ၅၅၀၀ကျပ်နှင့် ၅၃၃၃ ကျပ်၊ မတ်ပဲ(ညံ့)၅၀၀၀ကျပ် တို့ဖြစ်ကြောင်း သိရှိရပါသည်။ ယခုနှစ်နှင့်ယခင်နှစ် ကာလတူစျေး နှိုင်းယှဉ်ပါက မတ်ပဲစျေးမှာ အနည်းငယ်ကျဆင်းသွား ကြောင်း သိရှိရပါသည်။

DOCA(မန္တလေး)

                        ပြောင်းသီးနှံမှာမွေးမြူရေး အစားစပ်လုပ်ငန်းတွင်သုံးစွဲမှုများပြားခြင်း၊ ပြည်ပတင်ပို့ခြင်းတို့ ကြောင့်အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊ရိတ်သိမ်းမှု ၁၃၃၃၁ ဧက၊အထွက်နှုန်း  ၄၉.၅၅  တင်း၊အထွက်တင်းစုစုပေါင်း   ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊ ကုန်သည် စက်ပိုင်များမဟာကထိန်တော်အသင်းတွင် ၂၀၂၅ ခုနှစ် နိုဝင်ဘာလတတိယပတ်အတွင်း ဖြစ်ပေါ် သည့် အစေ့ထုတ်ပြောင်းစျေးမှာပြောင်းဖူးစေ့(ရှမ်း) ၆၈၀၀၀ ကျပ်နှင့် ၇၂၀၀၀ကျပ်၊ပြောင်းဖူးစေ့ (စီပီ) ၇၀၀၀၀ ကျပ် နှင့် ၇၂၀၀၀ကျပ်၊ တစ်ပိဿာစျေးအနေဖြင့် ပြောင်းဖူးစေ့(ရှမ်း) ၁၂၅၉ကျပ်နှင့် ၁၃၃၃ကျပ်၊(စီပီ)၁၂၉၆ကျပ်နှင့်၁၃၃၃ကျပ်စျေးတို့ ဖြစ်ကြောင်း သိရှိရပါသည်။ ယခင်နှစ်ကာလတူ တစ်ပိဿာစျေးမှာပြောင်းဖူးစေ့ (ရှမ်း)၁၄၄၄ကျပ် နှင့် ပြောင်းဖူးစေ့(စီပီ) ၁၄၃၅ ကျပ်နှင့် ၁၄၄၄ကျပ်၊ ပြောင်းဖူးစေ့(ဗမာ)၁၄၀၇ကျပ်နှင့်၁၄၁၇ကျပ်တို့ဖြစ်ကြောင်းသိရှိရပါသည်။ ယခုနှစ်စျေးနှင့်ယခင် နှစ်ကာလတူစျေးနှိုင်းယှဉ်ပါက အစေ့ထုတ်ပြောင်းစျေးမှာ အနည်းငယ်ကျဆင်းသွားကြောင်း သိရှိရပါသည်။

DOCA(မန္တလေး)

           စျေးကွက်အတွင်းမြေပဲစျေးမှာ  ပြောင်းလဲမှုအနည်းငယ်သာရှိပြီး၊ယခင်နှစ်စျေးနှင့်နှိုင်းယှဉ် ပါက စျေးနှင့်နှိုင်းယှဉ်ပါက ယခုနှစ်စျေးပိုမိုရရှိကြောင်း သိရှိရပါသည်။ မြေပဲမှာ စားသုံးဆီကြိတ် ခွဲခြင်းလုပ်ငန်းများနှင့်စားသောက်ကုန်တို့တွင် အသုံးပြုခြင်းတို့ကြောင့် ပြည်တွင်းစျေးကွက် နှင့် ပြည်ပသို့ တင်ပို့သည့်သီးနှံဖြစ်ပြီး အရောင်းသွက်လျက်ရှိကြောင်း သိရပါသည်။ မန္တလေးတိုင်း ဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၃၈၆၂၆ ဧက၊ရိတ်သိမ်းမှု ၆၃၇၄၄၇ ဧက၊ အထွက်နှုန်း ၄၆.၇၇ တင်း၊ အထွက် စုစုပေါင်း ၂၉၈၁၅၉၉၆ တင်းဖြစ်ကြောင်း သိရပါသည်။ မန္တလေးပွဲစား၊ ကုန်သည်စက်ပိုင်များ မဟာ ကထိန်တော်အသင်းတွင် ၂၀၂၅ ခုနှစ်နိုဝင်ဘာလတတိယပတ်အတွင်း ဖြစ်ပေါ်လျက်ရှိသည့် ပေါက် စျေးများမှာ မြေပဲတစ်ပိဿာလျှင် S1 လုံးဆန် ၈၀၀၀ ကျပ်နှင့် ၈၅၀၀ကျပ်၊S1 ဆီဆန်  ၇၇၀၀ ကျပ် နှင့်၇၈၀၀ကျပ်၊ S1ရွေးဆန် ၇၇၅၀ကျပ်၊Mတွဲလုံးဆန် ၈၄၀၀ ကျပ်နှင့် ၈၄၅၀ကျပ်၊အနီလုံးဆန် ၈၂၀၀ ကျပ်နှင့် ၈၄၀၀ကျပ်၊ပြန့်ဆီဆန် ၇၆၀၀ကျပ်နှင့် ၈၀၀၀ကျပ်တို့ဖြစ်ကြောင်းသိရပါသည်။ ယခင် နှစ် ကာလတူ တစ်ပိဿာစျေးမှာ S1 လုံးဆန် ၈၂၀၀ ကျပ်နှင့် ၈၅၀၀ ကျပ်၊S1 လုံးဆန်(မြင်းမူ)၈၃၀၀ ကျပ်နှင့် ၈၅၀၀ကျပ်၊S1 ဆီဆန် ၇၉၀၀ကျပ်နှင့် ၈၀၀၀ ကျပ်၊S1 ရွေးဆန် ၈၀၀၀ကျပ်နှင့် ၈၁၀၀ကျပ်၊ အနီလုံးဆန် ၈၀၀၀ကျပ်နှင့်၈၁၀၀ကျပ် တို့ဖြစ်ကြောင်း သိရှိရပါသည်။ ယခင်နှစ်နှင့် ယခုနှစ်ကာလတူ ပေါက်စျေးနှိုင်းယှဉ်ပါက မြေပဲဆန်စျေးမှာ စျေးအနည်းငယ်သာကွာခြားမှုရှိကြောင်း သိရှိရပါသည်။

DOCA(မန္တလေး)