ပြည်တွင်းကုန်သွယ်မှုသတင်း

         ဧရာဝတီတိုင်းဒေသကြီး၊ မြန်အောင်ခရိုင်၊ မြန်အောင်မြို့နယ်၏ ဂုဏ်သတင်းကျော်ဇောမှုများအနက်မှ ကယေကယာမုန့်သည် တစ်ခုအပါအဝင်ဖြစ်ပါသည်။ မြန်အောင်မြို့နယ်၏ MSMEs ပြပွဲ၊ ဈေးရောင်းပွဲတော်များမှတစ်ဆင့် ခရိုင်၊ ခရိုင်မှတစ်ဆင့် တိုင်းဒေသကြီးအတွင်း၊ တိုင်းဒေသကြီးမှတစ်ဆင့် မြန်မာပြည်အနှံ့သို့ ဂုဏ်သတင်းကျော်ကြားခဲ့သည့် မြန်မာ့ရိုးရာ စားစရာ ကယေကယာပင် ဖြစ်ပါသည်။

            ကယေကယာ၏ အဓိကပါဝင်ပစ္စည်းများမှာ ကောက်ညှင်းဆန်ကို အမှုန့်ပြုလုပ်ထားသည့် ကောက်ညှင်းမုန့်၊ အုန်းသီး၊ သကြား၊ နိူ့ဆီ၊ ထောပတ်၊ ဆား စသည့် ပစ္စည်းများပါဝင်ပါသည်။ ထိုပါဝင်ပစ္စည်းများကို မျှတစွာရောစပ်ပြီး အပူပေးကြိုချက်ရာတွင် မန်ကျည်းသားထင်းကိုအဓိကထား အသုံးပြုသည့်အတွက် ရရှိထွက်ပေါ်လာသော ကယေကယာ၏ အရောင်၊ အနံ့၊ အရသာမှာ တမူထူးကဲခြင်းတို့ကြောင့် ထင်ပေါ်ကျော်ကြားခဲ့ခြင်းဖြစ်ပါသည်။

               ကယေကယာကို  မြန်အောင်မြို့နယ်၏ အဓိကထွက်ရှိသောဒေသထွက်ကုန်များကိုဦးစားပေးထည့်သွင်း စီမံထုတ်လုပ်ခဲ့သည့်အတွက် ဒေသထွက်ကုန် MSMEs အဖြစ် အမည်တွင်ခဲ့သည်မှာ နှစ်ပေါင်းကြာခဲ့ပြီ ဖြစ်ပါသည်။ မြန်အောင်မြို့၏ ဒေသလက်ဆောင် MSMEs တွင် ကယေကယာကို ချန်လှပ်၍မရပါကြောင်း တင်ပြအပ်ပါသည်။

DOCA(ဧရာဝတီ)

မန္တလေးမြို့အတွင်းသို့ ပြင်ဦးလွင်ဒေသမှထွက်ရှိသည့် ကြက်ဥ၊ CP ကြက်များနှင့် မန္တလေးအနီးတဝိုက်ရှိ ရမည်းသင်း၊ ပျော်ဘွယ်မြို့နယ်များမှ တစ်နိုင်တစ်ပိုင် မွေးမြူထားသည့် ဗမာကြက်များ ဈေးကွက်အတွင်းသို့ နေ့စဉ်ဝင်ရောက်လျက်ရှိပြီး ပြင်ဦးလွင်မှ CP ကြက်တစ်နေ့လျှင် (၆)ဘီးကား (၃)စီးခန့်၊ ကြက်ဥမှာ (၆)ဘီးကား (၁၅)စီးခန့်၊ ဗမာကြက်များမှာ တစ်နေ့လျှင် ကား(၃)စီးခန့် ဝင်ရောက်လျက်ရှိပါသည်။ နေ့စဉ်ဝင်ရောက်လျက်ရှိသော်လည်း ကြက်ဥဈေးများနှင့် ကြက်သားဈေးများမှာ ဈေးတက်လျက်ရှိပြီး ကြက်ဥဈေးမှာ ယခင်နှစ်က (၁၀)လုံးလျှင် ၃၅၀၀/၃၀၀၀/၂၅၀၀ ကျပ်အထိဈေးရှိခဲ့ပြီး ယခုနှစ်တွင် (၁၀)လုံးလျှင် အကြီးအသေး အရွယ်အစားအလိုက် ၅၀၀၀/၄၅၀၀/၄၀၀၀ ကျပ်အထိဖြင့် အရောင်းဝယ်ဖြစ်နေကြောင်းသိရှိရပြီး ကြက်ဥတစ်ပိဿာဈေးနှုန်းအနေဖြင့် ယခင်နှစ်က ၆၀၀၀/၇၀၀၀ ကျပ်ဈေးရှိခဲ့ပြီး ယခုနှစ်တွင် တစ်ပိဿာလျှင် (၁၀၄၀၀)ကျပ်ရှိကြောင်းသိရှိရပါသည်။ CP ကြက်သားဈေးနှုန်းအနေဖြင့် တစ်ပိဿာလျှင် ယခင်နှစ်က CP ကြက်သားတစ်ပိဿာလျှင် ၈၀၀၀ကျပ်မှ ၁၀၀၀၀ကျပ်၊ ဗမာကြက်တစ်ပိဿာလျှင် ၁၁၀၀၀ကျပ်မှ ၁၂၀၀၀ကျပ်အထိရှိခဲ့ပြီး ယခုနှစ်တွင် CP ကြက်သားတစ်ပိဿာလျှင် ၂၀၀၀၀ကျပ်၊ ရင်အုပ်တစ်ပိဿာလျှင် (၂၄၀၀၀)ကျပ်၊ ဗမာကြက်တစ်ပိဿာလျှင် (၂၅၀၀၀)ကျပ်၊ ရင်အုပ်ပိုင်း တစ်ပိဿာလျှင် (၂၈၀၀၀)ကျပ်ရှိသဖြင့် ကြက်သားဈေးမှာ ယခင်နှစ်ထက် မြှင့်တက်ခဲ့ကြောင်းသိရှိရပါသည်။ ယခုနှစ် ကြက်ဥဈေးနှင့် ကြက်သားဈေးတက်ရခြင်းသည် လမ်းပန်းဆက်သွယ်ရေးခက်ခဲခြင်း၊ မွေးမြူရေးအစားအစာနှင့် ဆေးဝါးများဈေးမြင့်တက်ခြင်း၊ သယ်ယူစရိတ်ကြီးမားခြင်းတို့ကြောင့်ဖြစ်ပါသည်။ နယ်စပ်မြို့ကလေးများသို့တင်ပို့မှုမှာ ယခုကာလအတွင်း အနည်းငယ်သာရှိပြီး ကြက်သားဈေးမြင့်တက်ခြင်းကြောင့် ဝယ်ယူသူနည်းပါးပြီး အရောင်းအဝယ်အေးလျက်ရှိကြောင်း ကြက်သားဒိုင်များမှသိရှိရပါသည်။
DOCA(မန္တလေး)

            ၂၉.၁၀.၂၀၂၄ ရက်နေ့၊ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာ ဈေးနှုန်းများမှာ ဖျာပုံရွှေပုဇွန်ရှယ်မှာ ကျပ် ၁၆၀၀၀၀၊ ဖျာပုံရွှေပုဇွန်ရိုးရိုးကျပ် ၁၀၀၀၀၀၊ ဖျာပုံချိုကြီးရှယ် ကျပ် ၈၀၀၀၀၊ ဖျာပုံချိုကြီးရိုးရိုး ကျပ် ၇၅၀၀၀၊ ဖျာပုံချိုသေးရှယ်ကျပ် ၅၀၀၀၀၊ ဖျာပုံချိုသေးရိုးရိုးကျပ် ၃၅၀၀၀၊ မြိတ်ပုဇွန်လတ် ကျပ် ၅၅၀၀၀၊ မြိတ်ပုဇွန်ရိုးရိုး ကျပ် ၆၅၀၀၀၊ ရေချိုငါးခြောက်များဖြစ်ကြသော ငါးကျီးကြပ်တိုက်ကြီး   ကျပ် ၇၀၀၀၀၊ ငါးကျီးကြပ်တိုက်သေး  ကျပ် ၆၀၀၀၀၊ ငါးမြွေထိုးကျပ် ၄၀၀၀၀၊ ငါးရံ့ခြောက်ကြီး ကျပ် ၆၀၀၀၀၊ ငါးရံ့ခြောက်လတ်ကျပ် ၅၅၀၀၀၊ ငါးရံ့လုံး ကျပ် ၄၅၀၀၀၊ ရေငံငါးခြောက်များဖြစ်ကြသော ကလိန် ကျပ် ၁၀၀၀၀၊ ငါးကွမ်းရှပ် ကျပ် ၄၀၀၀၀၊ ငါးတံခွန်မျှင်ကြီး ကျပ် ၁၂၀၀၀၊ ငါးတံခွန်လုံး ကျပ် ၆၀၀၀၊ ငါးနှပ်ချို ကျပ် ၁၂၀၀၀၊ ငါးရွှေသေး ကျပ် ၁၀၀၀၀၊ ငါးမီးတံသွယ် ကျပ် ၇၀၀၀  ဈေးတို့အသီးသီး ရှိကြကြောင်း ကုန်စည်ဒိုင်များထံမှ စုံစမ်းသိရှိရပါသည်။

DOCA(ရန်ကုန်)

            ၂၈.၁၀.၂၀၂၄ ရက်နေ့ ရန်ကုန်မြို့၊ ဘရင့်နောင်ကုန်စည်ဒိုင်တွင် ဖြစ်ပေါ်ခဲ့သော ငြုပ်သီးတစ်ပိဿာဈေးနှုန်းများမှာ ပန်းရဲအမြင့်ဆုံးဈေး ကျပ် ၆၅၀၀ မှ  အနိမ့်ဆုံးဈေး ကျပ် ၆၀၀၀၊ မြှားနီအမြင့်ဆုံးဈေး ကျပ် ၆၀၀၀ မှ အနိမ့်ဆုံးဈေး ကျပ် ၅၅၀၀၊ ပန်းရဲ/မြှားနီ(AC) အမြင့်ဆုံးဈေး ကျပ် ၁၁၀၀၀ မှ အနိမ့်ဆုံးဈေး ကျပ် ၁၀၀၀၀၊ ပန်းတနော်(ရှည်) အမြင့်ဆုံးဈေး ကျပ် ၅၅၀၀ မှ အနိမ့်ဆုံးဈေး ကျပ် ၅၀၀၀၊ မိုးထောင်မြစ်ဝ အမြင့်ဆုံးဈေး ကျပ် ၁၂၀၀၀ မှ အနိမ့်ဆုံးဈေး ကျပ် ၁၀၀၀၀၊ ဆင်ဖြူကျွန်း(ပု) အမြင့်ဆုံးဈေး ကျပ် ၁၄၀၀၀ မှ အနိမ့်ဆုံးဈေး ကျပ် ၁၂၀၀၀၊ မြစ်ဝ (ပု) အမြင့်ဆုံးဈေး ကျပ် ၁၀၅၀၀ မှ အနိမ့်ဆုံးဈေး ကျပ် ၁၀၀၀၀ တို့အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။

DOCA(ရန်ကုန်)

              ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်တွင် အောက်တိုဘာလ နောက်ဆုံးအပတ်အတွင်းဖြစ်ပေါ်ခဲ့သော ပဲမျိုးစုံဈေးနှုန်းမှာ ကုးလားပဲဖြူလုံး ၁ ပိဿာလျှင် ၅၀၆၅/- ကျပ်ဖြင့်လည်းကောင်း၊ စားတော်ပဲလုံး ၁ ပိဿာလျှင် ၇၀၀၀/- ကျပ်မှ ၇၈၃၅/- ကျပ် ထိလည်းကောင်း၊ ပဲတီစိမ်း (ခရမ်းရွှေဝါ-ထိပ်စ) ၁ ပိဿာလျှင် ၅၁၆၅/- ကျပ်ဖြင့် လည်းကောင်း၊ ပဲတီစိမ်း (ပဲခူးရွှေဝါ) ၁ ပိဿာလျှင် ၅၀၀၀/- ကျပ်ဖြင့်လည်းကောင်း၊ ပဲတီစိမ်း (ဝါးခယ်မ SQ) ၁ ပိဿာလျှင် ၆၁၆၅/- ကျပ်မှ ၆၁၈၅/- ကျပ်ထိလည်းကောင်း၊ ပဲတီစိမ်း (ဝါးခယ်မ FAQ) ၁ ပိဿာလျှင် ၄၃၃၀/- ကျပ်မှ ၄၃၅၀/- ကျပ်ထိလည်းကောင်း၊ ပဲယင်းနီ ၁ ပိဿာလျှင် ၃၉၁၅/-ကျပ်ဖြင့်လည်းကောင်း၊ ပဲလွန်းဖြူ (မြစ်ဝကျွန်းပေါ်-သစ်) ၁ ပိဿာလျှင် ၄၆၆၅/- ကျပ်မှ ၄၈၃၅/- ကျပ်ထိလည်းကောင်း၊ ပဲလွန်းနီ (မြစ်ဝကျွန်းပေါ်) ၁ ပိဿာလျှင် ၃၃၃၀/- ကျပ်မှ ၃၅၀၀/- ကျပ်ထိလည်းကောင်း၊ ပဲလွန်းဖြူ (ပဲခူး) ၁ ပိဿာလျှင် ၄၈၃၀/- ကျပ်မှ ၅၀၀၀/- ကျပ်ထိလည်းကောင်း၊ ဘိုကိတ်ပဲ ၁ ပိဿာလျှင် ၅၆၆၅/- ကျပ်မှ ၅၈၃၅/- ကျပ်ထိလည်းကောင်း၊ မတ်ပဲ(RAW) ၁ ပိဿာလျှင် ၆၂၆၅/- ကျပ်မှ ၆၃၀၀/- ကျပ်ထိလည်းကောင်း၊ ကုလားပဲခြမ်း ၁ ပိဿာလျှင် ၆၇၀၀/- ကျပ်မှ ၇၀၀၀/- ကျပ်ထိလည်းကောင်း၊ ပဲကြီး(ကုန်း) ၁ ပိဿာလျှင် ၄၃၄၅/- ကျပ်မှ ၄၇၀၀/- ကျပ်ထိလည်းကောင်း၊ ပဲကြီး(ရွှေကျွန်း) ၁ ပိဿာလျှင် ၅၃၀၅/- ကျပ်မှ ၅၆၆၅/- ကျပ်ထိလည်းကောင်း၊ ထောပတ်ပဲ ၁ ပိဿာလျှင် ၆၄၉၀/- ကျပ်ဖြင့်လည်းကောင်း အသီးသီးဖြစ်ပေါ်ခဲ့ပြီး အချို့ပဲဈေးနှုန်းများမှာ ဈေးအနည်းငယ်သာ အတက်အကျရှိကြောင်းသိရပါသည်။

DOCA(ရန်ကုန်)