ပြည်တွင်းကုန်သွယ်မှုသတင်း

   ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ဈေးများအတွင်းတွင်  မအူပင်မြို့နယ်နှင့် အနီးဒေသ များမှ စိုက်ပျိုးထွက်ရှိသော ကွမ်းသီးစိမ်းများ ထွက်ပေါ်လျက်ရှိ၍  ကွမ်းသီးအနုဈေးကောင်းရရှိ၍ စိုက်ပျိုးသူ တောင်သူများက ကွမ်းသီးအမှည့် ရောင်းချမှုများသဖြင့် ယမန်နှစ်ထက် ကွမ်းသီးအမှည့် အထွက်နှုန်းများ လျက်ရှိသည်။  ကွမ်းသီးဈေးမှု တည်ငြိမ်လျက်ရှိပြီး မအူပင်မြို့နယ်စိုက်ပျိုးသော ဘိတ်ကွမ်းသီးမျိုး မထွက်ခင်အချိန်၌ ဈေးကောင်း ရသော်လည်း ဒေသစိုက်ပျိုးကွမ်းသီးအမှည့်် ပေါ်ချိန်တွင် ဈေးတည်ငြိမ်နေပြီး  မိသားစုစားဝတ်နေ ရေးအတွက် များစွာ တစ်ဖက်တစ်လမ်းမှ အပိုဝင်ငွေရရှိကြောင်းသိရသည်။ မအူပင်မြို့နယ်တွင် ကွမ်းသီး စိုက်ဧက ၆၅၀ ရှိကြောင်း သိရသည်။

    မအူပင် အခွန်လွတ်ဈေးအတွင်းတွင် ကွမ်းသီးအမှည့် ရောင်းချသူ ၁၃ဦးခန့်ရှိပြီး မအူပင်မြို့နယ်နှင့် နီးသော ကျိုတ်လတ်ဒေသမှ ထွက်ရှိသော ကွမ်းသီးအမှည့် လာရောက်ရောင်းချသူ ၇ဦးရှိကြောင်း သိရသည်။ မအူပင်မြို့နယ်၌ ယမန်နှစ်က ကွမ်းသီးဈေးနှုန်းမှာ ကွမ်းသီးတစ်လုံးလျှင် ၂၅၀ ကျပ်၊ ယခုနှစ်တွင် ကွမ်းသီးတစ်လုံးလျှင် ၁၂၀-၁၅၀ ကျပ်၊ ဖြင့်သာ အရောင်းအဝယ်ဖြစ်နေကြောင်း ဈေးကွက်အတွင်း သိရသည်။ ကွမ်းသီးအမှည့် ရောင်းချသူများသည် ကွမ်းသီးမှည့် အလုံး ၁၀၀၀ပါ အိတ်များဖြင့် တစ်နေ့လျှင် ၄အိတ် နီးပါးရောင်းချရကြောင်း ဇွန်၊ ဇူလိုင်၊ ဩဂုတ်လ၊ ယနေ့ စက်တင်ဘာလအထိ နေ့စဉ် ရောင်းချနေရကြောင်း အလုံး ၁၀၀၀ပါ တစ်အိတ်လျှင် ငွေကျပ်၊ ၁၀၀၀၀၀-၁၂၀၀၀၀ ဖြင့် ဝယ်ယူရောင်းချရပြီး တစ်အိတ်လျှင် ၃၀၀၀၀-၅၀၀၀၀ကျပ် အကျိုးအမြတ်ရရှိပြီး ရောင်းချသူများ အဆင်လျက်ရှိ ကြောင်း ရောင်းချသူမျာ’ထံမှ သိရသည်။

DOCA(ဧရာဝတီ)

  ဧရာဝတီတိုင်းဒေသကြီး မအူပင်ခရိုင် မြို့နယ်များမှ စိုက်ပျိုးထွက်ရှိသော စပါးများကို ဆန်စက်ကြီးများမှ ကြိတ်ခွဲလျက်ရှိပြီး ထွက်ရှိလာသော ဆန်ကွဲနှင့် ဖွဲနုများကို ရန်ကုန်သို့အဓိကထား တင်ပို့ပြီး ရန်ကုန် ဘုရင့်နောင်၊ ရွှေပြည်သာ၊ ဆူးလေ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိပ်ကမ်း အလုံမြို့ ၊ ရန်ကုန်စက်မှုဇုန်များနှင့် ပဲခူးမြို့ တို့ကိုသာ နေ့စဉ်စီးထွက်ကြောင်း သိရသည်။

၂၀၂၅ခုနှစ် ဩဂုတ်လတင်ပို့နိုင်မှုမှာ မအူပင်ခရိုင်မှ မအူပင် ဆန်ကွဲ၊ ၃၉၇၅ အိတ်၊ ပန်းတနော် ဆန်ကွဲ ၆၅၆၅ အိတ်၊ ညောင်တုန်း ၃၃၅၁၀ အိတ်၊ ဓနုဖြူ ဆန်ကွဲ ၅၈၄၀ အိတ် ဆန်ကွဲတင်ပို့မှုစုစုပေါင်း ၄၉၈၉၀ အိတ်အရေအတွက်နှင့် တန်အားဖြင့် ၂၄၉၄ တန်နှင့် အခြား မြို့နယ်များမှ ၅၁၉၂၅ အိတ် တန်အားဖြင့် ၂၅၉၆ တန် တင်ပို့ခဲ့သည်။ ယခင်လ တင်ပို့မှုနှင့်နှိုင်းယှဉ်ပါက ဇူလိုင် က ၄မြို့နယ် ဆန်ကွဲတင်ပို့မှု မှာ (၆၁၅၄၀) အတိ တင်ပို့ခဲ့ပြီး ယခုလ ၁၁၆၅၀ အိတ် လျော့နည်းတင်ပို့ခဲ့သည်။ အခြားမြို့နယ်များက ဇူလိုင်လ က (၇၂၂၄၀) တင်ပို့ခဲ့သောကြောင့် ယခုလ ၂၀၃၁၅ အိတ် လျော့နည်း တင်ပို့ခဲ့ကြောင်း၊ လျော့နဉ်းတင်ပို့ရခြင်းမှာ ဒေသထွက် ဆန်ကွဲဟောင်းများ တင်ပို့မှုများခဲ့၍ နည်းပါးလာ ခြင်းဖြစ်ကြောင်း သိရပြီး တင်ပို့မှု စာရင်းများကို ပန်းတိုင်စစ်ဆေးရေးဂိတ်၏ စာရင်းများ အရသိရသည်။

DOCA(ဧရာဝတီ)

             စားတော်ပဲမှာ ပြည်တွင်းစားသုံးမှုများပြားသည့်ပဲဖြစ်ပြီး၊စျေးကွက်အတွင်း အရောင်းသွက် သည့်ပဲအမျိုးအစားဖြစ်ကြောင်း သိရပါသည်။မန္တလေးတိုင်းဒေသကြီးအတွင်းအမရပူရ၊ပြင်ဦးလွင်၊  မိုးကုတ်၊ တကောင်း၊ စဉ့်ကူး၊မတ္တရာနှင့်မြင်းခြံမြို့နယ်တို့တွင် စားတော်ပဲများစိုက်ပျိုး ပြီး၊၂၀၂၄-၂၀၂၅ ခုနှစ်အတွင်း စားတော်ပဲအပါအဝင် ပဲမျိုးစုံစိုက်ပျိုးမှု  ၁၀၁၉၄၇၇ ဧကဖြစ်ကြောင်း သိ ရပါ သည်။မန္တလေးပွဲစား၊ကုန်သည်စက်ပိုင်များမဟာကထိန်တော်အသင်းတွင်၂၀၂၅ခုနှစ် စက်တင်ဘာ လ ပထမပတ်အတွင်း ဖြစ်ပေါ်သည့်ပေါက်စျေးမှာ၃တင်းဝင်တစ်အိတ်လျှင် စားတော်ပဲ(ကနေဒါ)၃၇၀၀၀၀ကျပ်စားတော်ပဲ(ကျွန်း) ၆၅၀၀၀၀ကျပ်နှင့် ၆၇၀၀၀၀ ကျပ်၊တစ်ပိဿာလျှင် စားတော်ပဲ (ကနေဒါ) ၆၂၄၅ကျပ်၊ စားတော်ပဲ(ကျွန်း) ၁၀၉၇၀ကျပ်နှင့် ၁၁၃၀၈ ကျပ်တို့ဖြစ်ကြောင်း သိရှိရပါ သည်။ ယခင်နှစ်ကာတူတစ်ပိဿာပေါက်စေျးမှာစားတော်ပဲ (ကနေဒါ)၈၇၇၆ ကျပ်၊ စားတော်ပဲ(ကျွန်း) ၆၀၇၆ ကျပ်နှင့် ၆၉၂၀ကျပ်ဖြစ်ပြီး၊ယခုနှစ်နှင့်ယခင်နှစ်ကာလတူ စျေးနှိုင်းယှဉ်ပါကတစ်ပိဿာလျှင်  စားတော်ပဲ(ကျွန်း)၄၃၈၈ ကျပ်တို့စျေးပိုမိုရရှိ ကြောင်း သိရပါသည်။

DOCA (မန္တလေး)

        မန္တလေးတိုင်းဒေသကြီးအတွင်း အများအပြားစိုက်ပျိုးသည့် ဆီထွက်သီးနှံမြေပဲ၊ နှမ်းနှင့် နေကြာသီးနှံများအား ပြည်တွင်းစားဆီကြိတ်ခွဲခြင်းတွင် အရေးပါ သကဲ့သို့ မြေပဲနှင့်နှမ်းမှာ ပြည်ပသို့ တင်ပို့သည့်ကုန်စည်အမယ်များဖြစ်ပါသည်။မြေပဲ၊နှမ်း၊နေကြာသီးနှံများအား စားဆီ ကြိတ်ခွဲပြီးထွက်ရှိလာသည့်မြေပဲဖတ်၊နှမ်းဖတ်နှင့်နေကြာ ဖတ်များကိုတိရိစ္ဆာန်အစာအဖြစ် အသုံး ပြုလျက်ရှိပါသည်။မန္တလေးပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ် စက်တင်ဘာလပထမပတ်အတွင်း ဖြစ်ပေါ်လျက်ရှိသည့်စားဆီတစ်ပိဿာပေါက်စျေးများမှာ မြေပဲ ဆီ ၁၆၀၀ဝိ/-နှင့် ၁၆၅၀ဝိ/-၊နှမ်းဆီ ၁၂၅၀ဝိ/-နှင့် ၁၃၀၀ဝိ/-စျေး၊နေကြာဆီ ၂၂၀၀၀ ကျပ်နှင့် ၂၃၀၀၀ ကျပ်တို့ဖြစ်ကြောင်း သိရှိရပါသည်။ ပဲဖတ်တစ်ပိဿာ ပေါက်စျေးများအနေဖြင့် မြေပဲဖတ် ၅၂၀ဝိ/- နှင့် ၅၃၀ဝိ/-၊နှမ်းဖတ် ၃၀၀ဝိ/-နှင့် ၃၁၅ဝိ/-၊ နေကြာဖတ် ၂၄၀၀ကျပ်နှင့်၂၅၀ဝိ/- တို့ဖြင့် စျေးပိုမိုရရှိပြီး အရောင်းသွက်လျှက်ရှိကြောင်း သိရပါသည်။

DOCA (မန္တလေး)

         နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသည့် စျေးကောင်းရသည့်အမယ်ဖြစ်ပြီး၊ ကျန်းမာရေးနှင့်ညီညွှတ်သည့် မပြည့်ဝဆီတစ်မျိုးဖြစ်ကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံ ကို မိုးနေကြာ နှင့် ဆောင်းနေကြာ အဖြစ် စိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်နေကြာစိုက်ပျိုးမှု ၁၈၆၁၉၅ ဧက၊ ရိတ်သိမ်းမှု ၁၈၄၂၂၇ ဧက၊ အထွက် ၂၄.၂၆တင်းနှုန်းနှင့် အထွက် ၄၄၆၉၃၅၁တင်း ဖြစ်ကြောင်းသိရပါသည်။ မန္တလေး ပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်စက်တင်ဘာလပထမ ပတ်အတွင်း ဖြစ်ပေါ်လျက်ရှိသည့် ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ် အိတ်လျှင် ၁၆၀၀၀၀ ကျပ်နှင့် ၁၆၅၀၀၀ ကျပ်၊တစ်ပိဿာလျှင် ၅၉၂၆ ကျပ်နှင့် ၆၁၁၁ ကျပ်၊ နေကြာဖတ်တစ်ပိဿာလျှင် ၂၄၀ဝ ကျပ် နှင့် ၂၅၀ဝ ကျပ် ဖြစ်ပြီး၊ယခင်နှစ်ကာလတူ ပေါက်စျေး မှာ ၃တင်း တစ်အိတ်လျှင် ၂၁၅၀၀၀ ကျပ်၊ တစ်ပိဿာလျှင် ၇၉၆၃ ကျပ်တို့ဖြစ်ကြောင်း သိရပါ သည်။ ယခုနှစ်နှင့်ယခင်နှစ်ဆီနေကြာပေါက်စျေးနှိုင်းယှဉ်ပါက စျေးအနည်းငယ် လျော့နည်းသွား ကြောင်း သိရပါသည်။

DOCA (မန္တလေး)