ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် တောင်သူများသွင်းအားစုအမှန်တကယ်သုံးစွဲမှုရှိစေရေး၊ အရည်အသွေးပြည့်မီသည့်သီးနှံများ အထွက်နှုန်းကောင်းမွန်စွာရရှိစေရေး၊ ထွက်ရှိလာသည့်သီးနှံများကို အစုအဖွဲ့စနစ်ဖြင့် ရောင်းချနိုင်ရေးရည်ရွယ်၍ ဆောင်းသီးနှံနေကြာများကို ကျေးရွာအုပ်စု(၅၄)အုပ်စုတွင်စိုက်ပျိုးထားပြီး ကံမမြို့နယ်၊ ဓမ္မသော်ကျေးရွာအုပ်စု၊ ဓမ္မသော်ကျေးရွာမှ တောင်သူများစိုက်ပျိုးထားရှိသော ဆောင်းနေကြာသီးနှံဧက(၃၉၃)ဧကမှာ စိုက်ပျိုးအောင်မြင်ဖြစ်ထွန်းလျက်ရှိကြောင်း စိုက်ပျိုးရေးဦးစီးဌာနမှသိရပါသည်။

     ဆီထွက်သီးနှံဖြစ်သော ဆောင်းနေကြာကို  (၆၃၀၂)ဧကနှင့် ဆောင်းမြေပဲကို (၄၆၃၁)ဧကလျာထားပြီး  စိုက်ပျိုးလျက်ရှိရာ ၂၀၂၃ခုနှစ်၊ ဒီဇင်ဘာလ ၃၁ရက်နေ့ထိ ဆောင်းနေကြာသီးသန့် စိုက်ဧက (၃၃)ဧကနှင့် သီးညှပ်စိုက်ဧက(၁၂၁၁)ဧက၊ စုစုပေါင်းစိုက်ပျိုးပြီးသည့်ဧက(၁၂၄၄)ဧကနှင့် ဆောင်းမြေပဲ (၅၂၃၇)ဧကကို အောင်မြင်စွာစိုက်ပျိုးပြီးဖြစ်ကြောင်း စိုက်ပျိုးရေးဦးစီးဌာနမှ သိရှိရပါသည်။

DOCA(မကွေး)

   မကွေးတိုင်းဒေသကြီး၊ မကွေးခရိုင်၊ မကွေးမြို့ကုန်သည်များနှင့် စက်မှုလက်မှုလုပ်ငန်းရှင်များအသင်း (မကွေးကုန်စည်ဒိုင်)သို့ စလင်း၊ ဆင်ဖြူကျွန်း၊ သစ်ရာကောက်၊ နတ်မောက်၊ မိကျောင်းရဲ၊ လျှောင်းတော်ဦး၊ ကံသစ်၊ ရွာဟောင်းကန်တို့မှထွက်ရှိသော ပဲနှင့်နှမ်းမျိုးစုံတို့ အများဆုံးဝင်ရောက်လျက်ရှိကြောင်းသိရှိရပါသည်။

 ၂၀၂၄ခုနှစ်၊ ဇန်နဝါရီလ(ပထမပတ်)တွင် ကျပ်(၁၀၁၉၀၀-၁၀၂၀၀၀)ဖြစ်ခဲ့ပြီး (ဒုတိယပတ်)တွင် ပဲစဉ်းငုံနီ (၂၀)ပိဿာဝင်(၁)တင်းလျှင် ကျပ် (၁၀၈၈၀၀-၁၀၉၇၀၀)ဖြစ်၍ ကျပ်(၆၉၀၀-၇၇၀၀)စျေးနှုန်းမြင့်တက်ခဲ့ကြောင်း၊ (၁)ပတ်အတွင်း အိတ်(၆၀၀၀)ခန့်အရောင်းအဝယ်ဖြစ်ခဲ့ကြောင်း၊ နှမ်းဖြူ(၁၅) ပိဿာဝင် (၁)တင်းလျှင် ယခင်အပတ်တွင် ကျပ်(၁၂၀၀၀၀)ဖြစ်ခဲ့ပြီး ယခုအပတ်တွင် ကျပ် (၁၂၃၀၀၀)ဖြစ်၍ ကျပ် (၃၀၀၀)စျေးနှုန်းမြင့်တက်ခဲ့ကြောင်း၊ (၁)ပတ်အတွင်း အိတ်(၁၀၀၀)ခန့်အရောင်းအဝယ်ဖြစ်ခဲ့ကြောင်း၊ မကွေး ကုန်စည်ဒိုင်တွင် ပဲစဉ်းငုံနီနှင့်နှမ်းဖြူတို့မှာ အရောင်းအဝယ်အများဆုံးဖြစ်နေပြီး မန္တလေးမှ အများဆုံးဝယ်ယူလျက်ရှိကြောင်းသိရှိရပါသည်။

    မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ်(၇၅၀၀)ဖြစ်ခဲ့ပြီး ယခုအပတ်တွင် ကျပ် (၈၂၀၀) ဖြစ်၍ ကျပ်(၇၀၀)ဈေးနှုန်းမြင့်တက်ခဲ့ကြောင်း၊ လုံးဆံဖြူ(၁)ပိဿာလျှင် ယခင်အပတ်တွင် ကျပ်(၆၅၀၀) ဖြစ်ခဲ့ပြီး ယခုအပတ်တွင် ကျပ်(၇၁၀၀)ဖြစ်၍ ကျပ်(၆၀၀)ဈေးနှုန်းမြင့်တက်ခဲ့ကြောင်း၊ လုံးဆံနီနှင့်လုံးဆံဖြူမှာ (၁)ပတ်အတွင်း အိတ်(၂၀၀၀)ခန့်အရောင်းအဝယ်ဖြစ်လျက်ရှိကြောင်း၊ ရှမ်းပြည်နယ်၊ တောင်ကြီးမြို့မှ အများဆုံးဝယ်ယူလျက်ရှိကြောင်း၊ ကျန် ပဲ၊ နှမ်းသီးနှံများမှာ အရောင်းအဝယ်အေးလျက်ရှိကြောင်းသိရှိရပါသည်။

     (၉-၁-၂၀၂၄)ရက်နေ့တွင် မကွေးကုန်စည်ဒိုင်၌ အရောင်းအဝယ်ဖြစ်ပေါ်နေသော သီးနှံစျေးနှုန်းများမှာ နှမ်းနက်စမုံ (၁၅)ပိဿာဝင် (၁)တင်းလျှင် ကျပ်(၁၁၆၀၀၀)၊ နှမ်းဖြူ (၁၅)ပိဿာဝင် (၁)တင်းလျှင် ကျပ် (၁၂၃၀၀၀)၊ နှမ်းနီ(မကွေး) (၁၅)ပိဿာဝင် (၁)တင်းလျှင် ကျပ် (၁၀၁၀၀၀-၁၀၂၀၀၀)၊ နှမ်းနီ (နယ်စ) (၁၅)ပိဿာဝင် (၁)တင်းလျှင် ကျပ် (၉၈၀၀၀)၊ ပဲမျိုးစုံအနေဖြင့် ပဲတီစိမ်း (၂၀)ပိဿာဝင် (၁)တင်းလျှင် ကျပ် (၆၂၀၀၀)၊ ပဲနှောက် (၂၀)ပိဿာဝင် (၁)တင်းလျှင် ကျပ် (၅၀၀၀၀)၊ ပဲလွန်းဝါ (၁၉)ပိဿာဝင် (၁)တင်းလျှင် ကျပ် (၅၄၀၀၀-၅၅၀၀၀)၊ ကုလားပဲ (929) (၁၉)ပိဿာဝင် (၁)တင်းလျှင် ကျပ် (၉၄၀၀၀)၊ ကုလားပဲ (HL) (၁၉)ပိဿာဝင် (၁)တင်းလျှင် ကျပ် (၉၃၅၀၀)၊ ပဲကြီးဖြူ (လတ်) (၁၉)ပိဿာဝင် (၁)တင်းလျှင် ကျပ် (၁၂၀၀၀၀)၊ ပဲကြီးဖြူ(သေး) (၁၉)ပိဿာဝင် (၁)တင်းလျှင် ကျပ် (၁၁၀၀၀၀)၊ ပဲကြီးဖြူ (ပြားကြီး) (၁၉)ပိဿာဝင် (၁)တင်းလျှင် ကျပ် (၁၃၀၀၀၀)၊ ပဲကြီးမဲ (ချင်း) (၁၉)ပိဿာဝင် (၁)တင်းလျှင် ကျပ် (၈၅၀၀၀)၊ ပဲစဉ်းငုံနီ (၂၀)ပိဿာဝင် (၁)တင်းလျှင် ကျပ် (၁၀၈၈၀၀-၁၀၉၇၀၀)၊ မတ်ပဲ (၂၀)ပိဿာဝင် (၁)တင်းလျှင် ကျပ် (၉၂၀၀၀)၊ စားတော်ပဲ (၂၀)ပိဿာဝင် (၁)တင်းလျှင် ကျပ် (၁၁၇၀၀၀-၁၂၀၀၀၀)၊ မြေပဲလုံးဆံနီ (၁)ပိဿာလျှင် ကျပ်(၈၂၀၀)၊ လုံးဆံဖြူ (၁)ပိဿာလျှင် ကျပ် (၇၀၀၀-၇၁၀၀)၊ မြေပဲဆံ(အောက်ကျ) (၁)ပိဿာလျှင် ကျပ်(၅၀၀၀)တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(မကွေး)

   မကွေးတိုင်းဒေသကြီး၊ မကွေးခရိုင်၊ မကွေးမြို့နယ်အတွင်း သီးနှံစိုက်ပျိုးထုတ်လုပ်သည့်တောင်သူများ သွင်းအားစုအဖြစ်သုံးစွဲနေသော ဈေးကွက်တွင် ရောင်းအားကောင်းသည့် ဓာတ်မြေဩဇာနှင့် ပိုးသတ်ဆေးဈေးနှုန်းများကိုသိရှိနိုင်ရန်ရည်ရွယ်၍ မကွေးခရိုင်ဦးစီးမှူးရုံးမှ ဝန်ထမ်းများသည် (၉-၁-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် ဓာတ်မြေဩဇာနှင့် ပိုးသတ်ဆေးအရောင်းဆိုင်များသို့သွားရောက်ကွင်းဆင်းမေးမြန်းခဲ့ရာ ယခုအချိန်တွင် ဈေးကွက်၌ အရောင်းအဝယ်နည်းပါးလျက်ရှိပြီး အရောင်းအဝယ်ဖြစ်သောအချိန်မှာ ဧပြီလ၊ မေလမှ စက်တင်ဘာလထိဖြစ်ကြောင်း၊ လာရောက်ဝယ်ယူကြသောရွာများမှာ လေးတိုင်စင်၊ ဖိုကြီး၊ ဖိုလေးလုံး၊ ကျစ်စုံပွေး၊ သပြေစမ်း၊ ဆူးကောက်စမ်း၊ ရှာပင်လှတို့မှဖြစ်ကြောင်းသိရှိရပါသည်။

    ဇန်နဝါရီလ(ဒုတိယပတ်)တွင် အရောင်းအဝယ်ဖြစ်နေသော ဓာတ်မြေဩဇာတံဆိပ်များဖြစ်သည့် အာမို(၁၅:၁၅:၁၅)တစ်အိတ်လျှင် ကျပ်(၁၅၅၀၀၀)၊ MC (၁၅:၁၅: ၁၅) တစ်အိတ်လျှင် ကျပ်(၁၃၉၀၀၀)၊ တက်တိုး(၁၅:၇:၈)တစ်အိတ်လျှင် ကျပ်(၇၅၀၀၀)၊ ရွှေပုလဲ (မြင်းကျား)တစ်အိတ်လျှင် ကျပ်(၅၀၀၀၀)ဖြစ်ပြီး ပထမအပတ်နှင့်နှိုင်းယှဉ်ပါက ယခုအပတ်တွင် အာမိုတစ်အိတ်လျှင်  ကျပ်(၁၀၀၀)၊ MC တစ်အိတ်လျှင်  ကျပ်(၁၀၀၀)၊ တက်တိုးတစ်အိတ်လျှင် ကျပ်(၃၀၀၀) အသီးသီးဈေးနှုန်းလျော့နည်းခဲ့ကြောင်း၊ ပိုးသတ်ဆေးမှာလည်း ပရိုမက်တင် ၅၁.၈ EC (500CC)တစ်ဘူးလျှင် ဇန်နဝါရီလ(ဒုတိယပတ်)တွင် ကျပ် (၂၁၀၀၀)၊ ဆလက်ပက်(စ်) (500CC) တစ်ဘူးလျှင် ကျပ် (၂၅၀၀၀)၊ အီရာပရိုသရင် (500CC) တစ်ဘူးလျှင် ကျပ်(၂၄၀၀၀)၊ ဖို(စ်)တင်း EC (500CC)တစ်ဘူးလျှင် ကျပ်(၁၇၀၀၀)ဖြစ်ပြီး ယခင်အပတ်ဈေးနှုန်းအတိုင်း ပြောင်းလဲမှုမရှိကြောင်းသိရှိရပါသည်။

DOCA(မကွေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၃/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

     ၁၆.၁.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-