ပြည်တွင်းကုန်သွယ်မှုသတင်း

    ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ ယခုနှစ်မိုးရာသီစိုက်ပျိုးရာသီး တွင် မိုးစပါးဧက (၈၈၀၈၇) စိုက်ပျိုးပြီးစီးပြီးဖြစ်ကြောင်း ကော့မှူးမြို့နယ်စိုက်ပျိုးရေးဦးစီးဌာနမှ သိရသည်။

   ကော့မှူးမြို့နယ်၌ ယခုနှစ်မိုးရာသီးနှံ စိုက်ပျိုးရာသီတွင် မိုးစပါးစိုက်ပျိုးဧက (၈၈၀၈၇) လျာထားပြီး မေလ ဒုတိယပတ်မှ စတင်စိုက်ပျိုးခဲ့ရာ ဩဂုတ်လ(၃၁)ရက်နေ့တွင် (၈၈၀၈၇)ဧက စိုက်ပျိုးပြီးစီးပြီးဖြစ်ကြောင်း ယခုလို လျာထားဧက အားလုံးရာနှုန်းပြည့် စိုက်ပျိုးနိုင်ရေးအတွက် ဒေသခံတောင်သူများ၊ စိုက်ပျိုးရေးဦးစီးဌာန၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ စက်မှုလယ်ယာဦးစီးဌာန၊ မြေစာရင်းဦးစီးဌာနနှင့် မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ အဖွဲ့တို့ ပူးပေါင်းဆောင်ရွက်ခဲ့ခြင်းဖြစ်ကြောင်း ကော့မှူးမြို့နယ်၍ ယခုနှစ်မိုးစပါး စိုက်ပျိုးရာသီ တွင် အောင်နိုင်တိုး ၊ GW -11၊ ရက်(၉၀)၊ ငစိန်၊ မီးဒုံ၊ ငကျွဲ၊ ကောက်ညှင်း စသည့် စပါးအမျိုးအစား များကို အများဆုံးစိုက်ပျိုးထားကြောင်း၊ အဆိုပါ စိုက်ပျိုးထားသည့် စပါးများ အထွက်နှုန်းကောင်း မွန်စေရန်နှင့် အပျက်အစီး အလေအလွင့်မရှိစေရေး၊ တစ်ဧကချင်း စပါးအထွက်နှုန်းညီစေရန်၊ စပါးအရည်အသွေးကောင်းမွန်စေရေး စသည့် လုပ်ငန်းများကို စိုက်ပျိုးရေးဦးစီးဌာနနှင့် စိုက်ပျိုး ထုတ်လုပ်မှုကြီးကြပ်ရေးအဖွဲ့မှ တာဝန်ရှိသူများက ဒေသခံတောင်သူများအား ပံ့ပိုးကူညီဆောင် ရွက်ပေးလျက်ရှိကြောင်း သိရှိရပါသည်။

DOCA(ရန်ကုန်)

    အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဩဂုတ်လ(၂၇)ရက်နေ့မှ စက်တင်ဘာလ(၂)ရက်အတွင်း ညောင်တုန်း၊ မှော်ဘီ၊သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါ သည်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(ပိဿာ)ကျပ် 16၀၀ မှ 22၀၀ အတွင်း၊ ဂေါ်ဖီထုပ်(တစ်ထုပ်)ကျပ် 8၀၀ မှ 25၀၀ အတွင်း၊ ပန်းဂေါ်ဖီ(ထုပ်)ကျပ် 15၀၀ မှ 25၀၀ အတွင်း၊ အာလူး(ပိဿာ)ကျပ် 40၀၀ မှ 70၀၀ အတွင်း၊ မုန့်လာဉနီ(ပိဿာ) ကျပ် 100၀၀ မှ 130၀၀ အတွင်း ရွှေဖရုံသီး(လုံး)ကျပ် 15၀၀ မှ 20၀၀ အတွင်း၊ ဗူးသီး(လုံး) ကျပ် 25၀၀ မှ 30၀၀ အတွင်း၊ မုန်ညှင်း(ထုပ်)(ပိဿာ)ကျပ် 450၀ မှ 50၀၀ အတွင်း၊ ကြက်သွန်နီ(ဆိပ်ဖြူ)ကျပ် 11၀၀ မှ 160၀ အတွင်း၊ ကြက်သွန်ဖြူ(ရှမ်း)(ပိဿာ)ကျပ် 50၀၀ မှ 70၀၀ အတွင်း၊ ကြက်သွန်ဖြူ (ကြူကုတ်) (ပိဿာ) ကျပ် 165၀၀ မှ 180၀၀ အတွင်း၊ ချင်း(ပိဿာ)ကျပ် 30၀၀ မှ 50၀၀ အတွင်း၊ ဆလပ်ရွက် (စီး) ကျပ် 30၀ မှ 50၀ အတွင်း၊ ချဉ်ပေါင်ရွက်(စီး) ကျပ် 15၀ မှ 20၀ အတွင်း၊ ခရမ်းသီး  (ရှည်) (ပိဿာ)ကျပ် ၂0၀၀ မှ 30၀၀ အတွင်း၊ သံပရာသီး(လုံး)ကျပ် 5၀ မှ 15၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ)ကျပ် 20၀၀ မှ 25၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် 15၀၀ မှ 60၀၀ အတွင်းဖြစ်ကြောင်း သိရှိရပါသည်။ တညင်းကုန်းလက်ကားဈေးကြီး အတွင်းသို့ ယခုရက် သတ္တပတ်အတွင်း သံပုရာသီးအလုံးပေါင်း (1645700)ကျော်၊ ခရမ်းသီး(ရှည်) (ပိဿာ) (63335) ကျော်၊ ဗူးသီးအလုံးပေါင်း (18770)ကျော်၊ ရွှေဖရုံသီးအလုံးပေါင်း(10277)ကျော်၊ ဂေါ်ဖီထုပ်ပေါင်း (150925)ကျော်၊ ပန်းဂေါ်ဖီထုပ်ပေါင်း (84000)ကျော်၊ မုန်ညှင်းထုပ် (ပိဿာ)ပေါင်း (15965) ကျော်၊ ဖရဲသီးလုံးပေါင်း(41140)ကျော် အသီးသီးကုန်အဝင်ရှိကြောင်း သိရပါသည်။

DOCA(ရန်ကုန်)

    တနင်္သာရီတိုင်းဒေသကြီးသည် ပင်လယ်ကမ်းရိုးတန်းများရှိသဖြင့် ပင်လယ်ကမ်းစပ် သဲနုံးများ နှင့် ရေငန်ဝင်ရောက်သော ဒီရေတောများ၊ ချောင်းများတွင် သဘာဝအလျှောက် ပေါက်ဖွား ရှင်သန် ကြသော ရှပ်လုံး(ခေါ်)ဂုံးချောများ ရှိသလို လုပ်ကွက်များဖြင့် စီးပွားဖြစ်မွေးမြူရောင်းချသူများလည်း ရှိပါသည်။ ထားဝယ်မြို့ကမ်းနားစျေးတွင် ရောင်းချလျက်ရှိသော ရှပ်လုံး(ခေါ်)ဂုံးချောစျေးနှုန်းများမှာ နို့ဆီဘူးဖြင့် တစ်ဘူးလျှင် ၁၀၀၀/၁၂၀၀ ကျပ်ဖြင့်ရောင်းချကြပြီး အိမ်သုံးစားသုံးခြင်း၊ အသုတ်ဆိုင် များ၊ အထောင်းဆိုင်များ၊ စားသောက်ဆိုင်များတွင် အမယ်မျိုးစုံပြုလုပ်ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

       တနင်္သာရီတိုင်းဒေသကြီးသည် ပင်လယ်ကမ်းရိုးတန်းများတည်ရှိပြီး ပင်လယ်လုပ်ငန်းများဖြင့် အများဆုံး သက်မွေးဝမ်းကျောင်းပြုလုပ်သည့် တိုင်းဒေသကြီးလည်းဖြစ်ပါသည်။ ပင်လယ်ပြင်သို့ ငါးဖမ်းလှေ အကြီး/အငယ်များဖြင့် ငါး/ပုစွန်များ ဖမ်းယူပြီး ဒေသတွင်း ရောင်းဝယ်၊ စားသုံးကြသလို ပြည်ပသို့လည်းတင်ပို့ရောင်းချလျက်ရှိပါသည်။ အဆိုပါငါးဖမ်းလှေများမှ ဖမ်းဆီးရရှိသော ငါး/ပုစွန် များအနက် ထားဝယ်ခရိုင်၊ ရေဖြူမြို့နယ်၊ ကံပေါက်မှတစ်ဆင့် ထားဝယ်မြို့တွင် ရောင်းချလျက်ရှိ သော ငါးသလောက်စျေးနှုန်းများမှာ တစ်ပိဿာလျှင် ၄၀၀၀၀ ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

      ထားဝယ်မြို့နှင့်အနီးဝန်းကျင်ရွာများရှိ အိမ်ခြံမြေအလွတ်များရှိသည့်နေရာများတွင် တစ်နိုင် တစ်ပိုင် ချဥ်ပေါင်ပင်များ စိုက်ပျိုးကြသလို စိုက်ခင်းများဖြင့် စီးပွားဖြစ်လည်း စိုက်ပျိုးကြပါသည်။ စိုက်ပျိုးထွက်ရှိသော ချဥ်ပေါင်ရွက်များအား အိမ်စားသုံးခြင်း၊ တစ်နိုင်တစ်ပိုင် ရောင်းချခြင်း၊ စီးပွားဖြစ် ရောင်းချခြင်းများဖြင့်လည်း မိသားစုဝင်ငွေရရှိကြပါသည်။ ယခု စက်တင်ဘာလ ပထမအပတ်အတွင်း ထားဝယ်မြို့ပေါ်ရှိ ချဥ်ပေါင်ရွက်စျေးနှုန်းများမှာ ပုံမှန်အစည်း တစ်စည်းလျှင် ၄၀၀/၅၀၀ ကျပ်ခန့်ရှိ ကြောင်း ထားဝယ်မြို့၊ ကမ်းနားစျေး၊ ညနေစျေးနှင့် မေတ္တာကမ္ဘာအေး ကိုယ်ပိုင် ကုန်စိမ်းစျေးတို့ရှိ စျေးသည်များထံမှ သိရှိရပါသည်။

DOCA(တနင်္သာရီ)