ပြည်တွင်းကုန်သွယ်မှုသတင်း

       မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်စနစ်ဖြင့် ရှေးယခင်ကပင် စပါး ၊ ပဲ၊ ပြောင်း သီးနှံများပြင် ဆီထွက်သီးနှံတစ်မျိုးဖြစ်သော မြေပဲသီးနှံကိုလည်းစိုက်ပျိုးလျှက်ရှိ  ပါသည်။ ၂၀၂၅-၂၀၂၆ ဘဏ္ဍာနှစ်တွင် ကျောက်ဆည်မြို့နယ်တွင်  သြဂုတ်လအထိ  မိုးမြေပဲ စိုက်ဧက (၃၀၀)ဧက စိုက်ပျိုပြီးစီးပြီးဖြစ်ကြောင်းသက်ဆိုင်ရာဌာန၏ စာရင်းများအရသိရှိရပါသည်။ မြေပဲစိုက်ပျိုးမှုတွင် ဘောင်ကြောင်းပေးစနစ်ဖြင့် အတန်းလိုက်အစေ့ချစနစ်ဖြင့် စိုက်ပျိုးကြကြောင်း ၊ မျိုးအနေဖြင့် ပင်ထောင်ပဲနှင့်ပင်ပြန့်ပဲ နှစ်မျိုးရှိပြီး မြို့နယ်အတွင်း အများဆုံး စိုက်ပျိုးသောမျိုးမှာ ပင်ပြန့်မျိုးများဖြစ်ပြီး (၁)ဧက မျိုးအနေဖြင့် မြေပဲအဆံ စိုက်ပျိုးပါက (၂၄)ပြည် စိုက်ပျိုးရပြီး မြေပဲ အတောင့် စိုက်ပျိုးပါက(၄)တင်းခန့် စိုက်ပျိုးရကြောင်း ၊ (၁)ဧက စိုက်ပျိုးမှု ကုန်ကျစရိတ်အနေဖြင့် မျိုး၊ သွင်းအားစု ၊လုပ်သားခ အပါအဝင် စုစုပေါင်း (၅၅၀၀၀၀/-)ကျပ်ခန့် ကုန်ကျကြောင်း ၊ ယခုအချိန်တွင် မိုးရွာသွန်းမှုကောင်းသောကြောင့် မြေပဲများအောင်မြင်ထွန်းလျက်ရှိကြောင်း ၊ ယခင်နှစ် အထွက်နှုန်းအနေဖြင့် (၁)ဧကလျှင် တင်း(၃၀-၄၀) ထွက်ရှိခဲ့ကြောင်း ၊ မြေပဲတောင့် (၁)တင်း လျှင် (၄၅၀၀၀/-) ကျပ် ၊ မြေပဲဆံ(၁)ပိဿာလျှင်(၁၂၀၀၀/-)ကျပ် ၊ မြေပဲဆီ (၁)ပိဿာလျှင် (၁၈၀၀၀/-) ကျပ်ဖြင့်ရောင်းဝယ်ခဲ့ပြီး စိုက်ပျိုးစရိတ်နှုတ်ပြီးပါက (၇၅၀၀၀၀/-)ကျပ်ခန့် မြတ်ခဲ့ကြောင်း ၊ ယခုလက်ရှိ မြေပဲပေါက်စျေးအနေဖြင့် မြေပဲတောင့် (၁)ပိဿာလျှင် (၆၈၀၀-၇၀၀၀)ကျပ် ၊ မြေပံဆံ (၁)ပိဿာလျှင် (၁၀၀၀၀-၁၁၀၀၀)ကျပ် ၊ မြေပဲဆီ(၁)ပိဿာလျှင် (၁၅၂၀၀/-)ကျပ် စျေးနှုန်းများဖြင့် ရောင်းဝယ်လျှက်ရှိ‌ကြောင်း ၊ မြေပဲပေါ်ချိန်တွင် တောင်သူများမှ နီးစပ်ရာပွဲရုံများသို့ တိုက်ရိုက် တင်ပို့ရောင်းချကြကြောင်း ပွဲရုံများမှတဆင့် မန္တလေး၊ရန်ကုန်မြို့များတင်ပို့ရောင်းချကြကြောင်း ပွဲရုံများထံမှသိရှိရ ပါသည်။

DOCA(မန္တလေး)

      ကျောက်ဆည်ခရိုင်အတွင်းရှိ တောင်သူဦးကြီးများသည် မိသားစု စားဝတ်နေရေးအတွက် ရာသီအလိုက် သီးနှံမျိုးစုံ စိုက်ပျိုးလျက်ရှိရာ ၎င်းသီးနှံများအနက် မိသားစု အပိုဝင်ငွေရရှိစေရန် ခဝဲသီးနှံကိုလည်း တစ်နိုင်တစ်ပိုင် စိုက်ပျိုးကြပါသည် ။ တောင်သူများသည် မိမိတို့စိုက်ခင်းမှ ထွက်ရှိသောသီးနှံများကို ‌ကျောက်ဆည်မြို့ပေါ်ရှိစျေးများသို့ ကိုယ်တိုင်လာရောက် ရောင်းချကြသလို ‌ဖောက်သည်ပေး၍ရောင်းချကြောင်း ၊ သြဂုတ်လနောက်ဆုံးပတ်တွင်   ခဝဲသီး‌ စျေးနှုန်းမှာ လက်ကား တစ်ပိဿာလျှင်(၂၅၀၀/-)ကျပ်၊ လက်လီတစ်ပိဿာလျှင် (၃၀၀၀/-)ကျပ်တို့ဖြင့် အရောင်းခဲ့ပြီး စက်တင်ဘာလ ပထမပတ်တွင် ခဝဲသီး‌စျေးနှုန်းမှာ လက်ကား တစ်ပိဿာလျှင်(၁၅၀၀/-)ကျပ်၊ လက်လီတစ်ပိဿာလျှင်(၂၀၀၀/-)ကျပ်တို့ဖြင့် အရောင်းအဝယ်ဖြစ် လျက်ရှိကြောင်း၊ ခဝဲသီးစားသုံး ပေးခြင်းဖြင့် သွေးသန့်ပေးနိုင်ခြင်း၊ ဝမ်းမှန်စေခြင်း ၊ အသားဝါရောဂါဖြစ်ပွားနိုင်ခြေလျော့နည်း စေခြင်း၊ ဆီချိုသွေးချိုရောဂါ ဖြစ်ပွားနိုင်လျော့နည်းခြင်း ၊ ဝိတ်ကျဖို့ကူညီနိုင်ခြင်း ၊ ရောင်ရမ်းမှု့ကို သက်သာစေခြင်း၊ ခုခံအားကောင်းစေခြင်း၊ အရေပြားကျန်းမာစေခြင်း၊ အစာအိမ်ကူညီနိုင်ခြင်း စသည့် အကျိုးကျေးဇူးတို့ကိုရရှိစေပြီး ခဝဲသီးချိုချိုလေးကို ဟင်းရည်ချက်စားစား၊ ဆီပြန်ချက်စားစား အရသာရှိသော ဟင်းတစ်ခွက်ဖြစ်‌ကြောင်း ရေးသားတင်ပြလိုက်ရပါ သည်။

DOCA(မန္တလေး)

      မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးလျှက်ရှိရာ ကုန်စိမ်းသီးနှံ တစ်မျိုးဖြစ်သော ခရမ်းသီး သီးနှံကိုလည်း ရာသီမရွေး တစ်နှစ်ပတ်လုံးစိုက်ပျိုးကြပါသည်။ခရမ်းသီး မျိုးအနေဖြင့် 555 ခရမ်းသီးမျိုးနှင့် အလုံးသေးမြုပ်ခရမ်းကို  စိုက်ပျိုးကြပါသည်။ အများဆုံးစိုက်ပျိုး သောကျေးရွာများမှာ သံချပ်ကုန်းကျေးရွာ ၊ ရွာပုလဲကျေးရွာ နှင့် အုပ်ဖိုကျေးရွာများဖြစ်ပါသည် ။ ခရမ်းသီး စိုက်ပျိုးရာတွင် မျိုးစေ့ကိုပျိုးထောင်ပြီး (၁)လခွဲသားအရွယ်တွင် စတင်စိုက်ပျိုးရကြောင်း ၂လခွဲ ၃လကျော် အချိန်တွင် စတင်ခူးဆွတ်နိုင်ပြီး (၄)ရက်ခြားတစ်ကြိမ် ခူးဆွတ်ရကြောင်း ၊ စတင်ခူးဆွတ်သည်မှ  တစ်ပတ်နှင့်တစ်ပတ် အထွက်နှုန်းပိုမိုလာကြောင်း  ၊ (၁)ဧက အထွက်နှုန်း အနေဖြင့် တစ်ပတ်လျှင် အလုံးသေးမြုပ်ခရမ်းမှာ ပိဿာ(၂၅၀-၃၀၀)ခန့် ထွက်ရှိကြောင်း ၊ သက်တမ်းအနေဖြင့် (၄-၅)လခန့် အထိခူးဆွတ်နိုင်ကြောင်း ၊ (၁)ဧက ကုန်ကျစရိတ်အနေဖြင့် မျိုး၊သွင်းအားစု၊လုပ်သားခ အပါအဝင် စုစုပေါင်း(၁၀၀၀၀၀၀/-)ကျပ်ကုန်ကျကြောင်း ၊ အထွက်နှုန်း အနေဖြင့် ပိဿာ(၄၀၀၀-၄၅၀၀)အထိ ထွက်ရှိကြောင်း ၊ ယခုလက်ရှိ မြုပ်ခရမ်းစျေးနှုန်းအနေဖြင့် ဖောက်သည်စျေးမှာ(၁)ပိဿာလျှင်(၇၀၀/-)ကျပ်၊ လက်လီစျေးအနေဖြင့်(၁၀၀၀/-)ကျပ် စျေးနှုန်းများ ဖြင့်အရောင်းအဝယ်ဖြစ်နေကြောင်း   ၊ ကုန်စိမ်းပွဲစားများမှ စိုက်ခင်းများအထိ  လာရောက်ဝယ်ယူကြ

ကြောင်း၊ ကုန်စိမ်းသီးနှံဖြစ်သည့်အတွက် တစ်ပတ်နှင့်တစ်ပတ် အထွက်နှုန်းနှင့်စျေးနှုန်းများ မတူညီ ကြောင်း ၊ (၁)ဧက အကျိုးအမြတ်အနေဖြင့် (၁၈၀၀၀၀၀/-)ကျပ်ဝန်းကျင်မြတ်ကြောင်း ၊ ကုန်စိမ်း ပွဲစားများမှ စိုက်ခင်းများအထိလာရောက်ဝယ်ယူကြကြောင်း ၊ ပွဲစားများမှတဆင့် ကျောက်ဆည်၊ စဉ့်ကိုင်၊မန္တလေးနှင့်ရန်ကုန်မြို့များသို့ တင်ပို့ရောင်းချကြကြောင်း ၊ စျေးနှုန်းများ ကောင်းမွန်လာပါက အကျိုးအမြတ်များ ပိုမိုရရှိမည်ဖြစ်ကြောင်း မြုပ်ခရမ်းသီး စိုက်ပျိုးသူ တောင်သူတစ်ဦး၏ ပြောကြား ချက်အရသိရှိရပါသည်။

DOCA(မန္တလေး)

      မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ ၎င်းသီးနှံများအနက် ငရုတ်သီးနှံကို ၂၀၂၅-၂၀၂၆ ဘဏ္ဍာနှစ်တွင် စဉ့်ကိုင်မြို့နယ်တွင် (၂၇၉၁) ဧကစိုက်ပျိုးခဲ့ပြီး (၁၀၃၄)ဧကရိတ်သိမ်းပြီးစီးပြီ ဖြစ်ကြောင်း သက်ဆိုင်ရာဌာန၏ စာရင်းများအရသိရှိရသည် ။ ငရုတ်မျိုးများ အနေဖြင့် သာမို ၊ ဒီမွန် ၊ အက်စတာ၊ ၆၉၂၊ကျားခေါင်း ငရုတ်မျိုးများကိုစိုက်ပျိုးကြပြီး၎င်းမျိုးများအနက် ၆၉၂ငရုတ်မျိုးများကို ဇန်နဝါရီလ နှင့် ဖေဖော်ဝါရီလများတွင် စိုက်ပျိုးကြကြောင်း ၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၁၅၀၀၀၀၀/-)ကျပ် ခန့်ကုန်ကျကြောင်း ၊ အထွက်နှုန်း အနေဖြင့်(၃၅၀-၄၀၀)ပိဿာခန့်ထွက်ရှိကြောင်း ၊ ငရုတ်သီး ဈေးနှုန်းအနေဖြင့် ငရုတ်သီးခြောက် အညှာပါတစ်ပိဿာလျှင်(၁၁၀၀၀)ကျပ်၊ ငရုတ်သီးခြောက်အညှာခြွေတစ်ပိဿာလျှင်(၁၄၀၀၀)ကျပ်၊ ဈေးနှုန်းများဖြင့် အရောင်းအဝယ်ဖြစ်နေကြောင်း၊ (၁)ဧက အကျိုးအမြတ်အနေဖြင့်(၂၃၀၀၀၀၀/-) ကျပ်ဝန်းကျင်မြတ်ကြောင်း၊ ငရုတ်ပွဲစားများမှ စိုက်ခင်းအထိလာရောက်ဝယ်ယူကြပြီး ဈေးကွက်ရှိရာ မန္တလေး ၊ ရန်ကုန်မြို့များသို့ တင်ပို့ရောင်းချကြကြောင်း၊ ငရုတ်စိုက်ပျိုးခြင်းဖြင့် အပိုဝင်ငွေရရှိသည့် အပြင်မိသားစုစားဝတ်နေရေးပါ ပြေလည်သည့်အတွက် ပိုမိုတိုးချဲ့စိုက်ပျိုးသင့်ပါကြောင်း ငရုတ် စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

     မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံအောင်မြင်ဖြစ်ထွန်းလျှက်ရှိရာ ၎င်းသီးနှံများအနက် ပဲတီစိမ်းကို ၂၀၂၅ - ၂၀၂၆ ဘဏ္ဍာနှစ်တွင် ကျောက်ဆည်မြို့နယ်တွင် (၈၈၂၃)ဧက စိုက်ပျိုးထားရှိပြီး (၃၂၉၆)ဧက ရိတ်သိမ်းပြီးစီးပြီဖြစ်ကြောင်း သက်ဆိုင်ရာဌာန၏ စာရင်းများအရ သိရှိရပါသည် ။ ပဲတီစိမ်းကို မတ်လနှင့်ဧပြီလများတွင် စတင်စိုက်ပျိုးကြပြီး ယခုအချိန်တွင် ဖြိုင်ဖြိုင်ရိတ်သိမ်းနေပြီဖြစ်ကြောင်း သိရှိရပါသည် ။ စိုက်ပျိုးရာတွင် မျိုးအနေဖြင့် ကျောက်စိမ်းမျိုးနှင့်ရေဆင်း(၁၁)မျိုးကို အများဆုံးစိုက်ပျိုးကြပြီး တစ်ဧကလျှင်မျိုးစေ့(၅-၆)ပြည်ခန့် ကုန်ကျကြောင်း ၊ ပဲတီစိမ်းမျိုး ဈေးနှုန်းအနေဖြင့် တစ်ပြည်လျှင်(၈၀၀၀)ကျပ်ဈေးနှုန်းဖြင့် ဝယ်ယူ စိုက်ပျိုးရပြီး တစ်ဧက ကုန်ကျစရိတ်အနေဖြင့် မျိုး ၊ သွင်းအားစု၊ လုပ်သားခအပါအဝင်၊ စုစုပေါင်း (၅၀၀၀၀၀/-)ကျပ်ခန့် ကုန်ကျကြောင်း ၊ (၁)ဧက အထွက်နှုန်းအနေဖြင့် (၁၁-၁၂)တင်းခန့် ထွက်ရှိ ကြောင်း ၊ ယခင်နှစ် ပဲတီစိမ်း ‌စျေးနှုန်းအနေဖြင့် တစ်တင်းလျှင်(၈၀၀၀၀/-)ကျပ် ဈေးနှုန်းရှိခဲ့ပြီး ယခု အချိန်တွင် ပဲတီစိမ်း တစ်တင်းလျှင်(၁၁၀၀၀၀/-)ကျပ် စျေးနှုန်းများဖြင့် အရောင်းအဝယ်ဖြစ်နေ ကြောင်း၊ ယခင်နှစ်နှင့်ယခုနှစ် စျေးနှုန်းများ နှိုင်းယှဉ်ပါက ပဲတီစိမ်းစျေးမှာမြင့်တက်လျက်ရှိပါသည်။ စျေးကွက်အနေဖြင့် ကျောက်ဆည်မြို့ပေါ်ရှိ ပွဲရုံများသို့ လာရောက်ရောင်းချကြပြီး ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချကြကြောင်း သိရှိရပါသည် ။ အကျိုးအမြတ်အနေဖြင့် (၇၁၀၀၀၀/-)ကျပ်ဝန်းကျင်ခန့် မြတ်ကြောင်း ၊ တောင်သူများ ပဲတီစိမ်းစိုက်ပျိုးမှုဖြင့် ဝင်ငွေတိုး၍ အကျိုးအမြတ်များ ပိုမိုရရှိကြောင်း သိရှိရပါသည်။

DOCA(မန္တလေး)