ပြည်တွင်းကုန်သွယ်မှုသတင်း

              မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် စပါး၊ပဲမျိုးစုံ၊ဆီထွက်သီးနှံမျိုးစုံ၊ငရုတ်၊သရက်နှင့်ငှက်ပျောစသည့် သီးနှံများအား ရာသီအလိုက် စိုက်ပျိုးလျှက်ရှိရာ ၄င်းသီးနှံများအနက် ငှက်ပျောသီးနှံအား တစ်နိုင်တစ်ပိုင်စိုက်ပျိုးရာမှ စီးပွားဖြစ် စိုက်ပျိုးလာကြပါသည်။ငှက်ပျောစိုက်ပျိုးမှုအနေဖြင့် ၂၀၂၅-၂၀၂၆ဘဏ္ဍာနှစ်၊ ကျောက်ဆည်ခရိုင်တွင် (၃၁၁၃)ဧကစိုက်ပျိုးနိုင်ခဲ့ကြောင်း ၊ ကျောက်ဆည်မြို့နယ်တွင်(၁၂၈၂)ဧက စိုက်ပျိုးထားရှိပြီး (၈၀၄)ဧက ရိတ်သိမ်းပြီးကြောင်း သက်ဆိုင်ရာဌာန၏ စာရင်းများအရသိရှိရပါသည် ။ ငှက်ပျောကို ရာသီမရွေး စိုက်ပျိုးနိုင်ကြောင်း၊ငှက်ပျောစိုက်ပျိုးရာတွင် (၁)ဧကလျှင်အပင်(၈၀၀)စိုက်ပျိုးရကြောင်း၊ တစ်ပင်နှင့် တစ်ပင်(၈)ပေခြားကာ စိုက်ပျိုးရပြီး (၉-၁၀)လ အကြာတွင် ငှက်ပျောဖူးများ စတင်ထွက်ရှိ၍ ငှက်ပျောဖူးထွက်ပြီး(၃)လကြာလျှင် ရောင်းတန်းဝင် ငှက်ပျောခိုင်များရရှိလာပါသည်။ ကျောက်ဆည် ဒေသ၌ အများအားဖြင့် ဖီးကြမ်းငှက်ပျောမျိုးများကို အဓိကထားစိုက်ပျိုးကြပါသည်။ (၁)ဧက စိုက်ပျိုးမှုကုန်ကျစရိတ်အနေဖြင့် ပျိုးပင်၊သွင်းအားစု၊လုပ်သားခအပါအဝင် စုစုပေါင်း(၂၀)သိန်းကျပ် ဝန်းကျင်ခန့်ကုန်ကျကြောင်းသိရှိရပါသည်။ငှက်ပျောခြံများမှ ငှက်ပျောအခိုင်(၄၀)ပါလှည်းတစ်စီးလျှင် (၄၅၀၀၀၀/-)ကျပ် စျေးနှုန်းများဖြင့် အ‌ရောင်းအဝယ်ဖြစ်နေကြောင်း ၊ ငှက်ပျောသီးဖီးကြမ်းတစ်ဖီးစျေးနှုန်းမှာ လက်ရင်း(၃၅၀၀-၄၀၀၀)ကျပ်၊လက်ဖျား(၂၅၀၀-၃၀၀၀)ကျပ် စျေးနှုန်းများဖြင့် ရောင်းဝယ် လျှက်ရှိကြောင်း၊ (၁)ဧက အကျိုးအမြတ်အနေဖြင့် သိန်း(၇၀) ဝန်းကျင်ခန့်မြတ်ကြောင်း၊ ကျောက်ဆည်မြို့နယ်ရှိ ငှက်ပျောပွဲစားများသည် ငှက်ပျောခြံအထိ လာရောက်ဝယ်ယူကြကြောင်း ၊ စျေးကွက်အနေဖြင့် ရန်ကုန်၊ မန္တလေး၊ပဲခူးမြို့များ သို့တင်ပို့ရောင်းချကြောင်း၊ ငှက်ပျောစိုက်ပျိုးခြင်းဖြင့် ဝင်ငွေတိုးပြီး တွက်ခြေကိုက်သည့် သီးနှံဖြစ်ကြောင်း ဖီးကြမ်းငှက်ပျောစိုက်ပျိုးသော တောင်သူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)

               မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသဖြစ်သောကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ ၎င်းသီးနှံများအနက် ငရုတ်သီးနှံကို ၂၀၂၅-၂၀၂၆ ဘဏ္ဍာနှစ်တွင် ကျောက်ဆည်ခရိုင်အတွင်း (၇၄၂၂)ဧက စိုက်ပျိုးခဲ့ပြီး ကျောက်ဆည်မြို့နယ်တွင် (၁၆၁၅)ဧကစိုက်ပျိုးခဲ့ပြီး ရိတ်သိမ်းဧက (၆၈၄)ဧက ရိတ်သိမ်းပြီးစီးပြီဖြစ်ကြောင်း သက်ဆိုင်ရာ ဌာန၏ စာရင်းများအရသိရှိရသည် ။ ငရုတ်မျိုးများ အနေဖြင့် သာမို ၊ ဒီမွန် ၊ အက်စတာ၊ ၆၉၂၊ကျားခေါင်း ငရုတ်မျိုးများကိုစိုက်ပျိုးကြပြီး၎င်းမျိုးများအနက် ၆၉၂ငရုတ်မျိုးများကို ဇန်နဝါရီလ နှင့် ဖေဖော်ဝါရီလများတွင် စိုက်ပျိုးကြကြောင်း ၊ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၁၅၀၀၀၀၀/-)ကျပ် ခန့်ကုန်ကျကြောင်း ၊ အထွက်နှုန်း အနေဖြင့် (၃၅၀-၄၀၀)ပိဿာခန့်ထွက်ရှိကြောင်း ၊ ငရုတ်သီး ဈေးနှုန်းအနေဖြင့် ငရုတ်သီးခြောက် အညှာပါ တစ်ပိဿာလျှင်(၉၀၀၀)ကျပ်၊ ငရုတ်သီးခြောက်အညှာခြွေ တစ်ပိဿာလျှင်(၁၀၀၀၀)ကျပ်၊ ဈေးနှုန်း များဖြင့် အရောင်းအဝယ်ဖြစ်နေကြောင်း ၊ (၁)ဧက အကျိုးအမြတ်အနေဖြင့် (၁၆၅၀၀၀၀/-) ကျပ် ဝန်းကျင်မြတ်ကြောင်း၊ ငရုတ်ပွဲစားများမှ စိုက်ခင်းအထိလာရောက်ဝယ်ယူကြပြီး ဈေးကွက်ရှိရာ မန္တလေး ၊ ရန်ကုန်မြို့များသို့ တင်ပို့ရောင်းချကြကြောင်း၊ ငရုတ်စိုက်ပျိုးခြင်းဖြင့် အပိုဝင်ငွေရရှိသည့် အပြင်မိသားစုစားဝတ်နေရေးပါ ပြေလည်သည့်အတွက် ပိုမိုတိုးချဲ့စိုက်ပျိုးသင့်ပါကြောင်း ငရုတ် စိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။

DOCA(မန္တလေး)

                မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သော ကြောင့် စပါး၊ပဲ၊ပြောင်း၊နှမ်းသီးနှံမျိုးစုံအောင်မြင်ဖြစ်ထွန်းလျက်ရှိရာ ၄င်းသီးနှံများအနက် မြေပဲသီးနှံ ကိုလည်းစိုက်ပျိုးကြပါသည်။ ကျောက်ဆည်ခရိုင်တွင် ၂၀၂၅-၂၀၂၆ ဘဏ္ဍာနှစ်တွင် (၁၉၅၄)ဧက စိုက်ပျိုးထားရှိကြောင်း ၊ ကျောက်ဆည်မြို့နယ်တွင် (၃၀၀)ဧက စိုက်ပျိုးထားရှိပြီး (၁၈၀)ဧက ရိတ်သိမ်းပြီးကြောင်း၊ အထွက်နှုန်းအနေဖြင့် (၄၈.၄၀)တင်း ထွက်ရှိကြောင်း သက်ဆိုင်ရာဌာန၏ စာရင်းများအရသိရှိရပါသည် ။ မိုးမြေပဲများကို မတ်လတွင် စတင် စိုက်ပျိုးကျကြောင်း ၊ စက်တင်ဘာလ လဆန်းမှ စတင်ရိတ်သိမ်းနေပြီဖြစ်ကြောင်း တောင်သူတစ်ဦး၏ ပြောပြချက်များ အရသိရှိရပါသည်။ မြေပဲစိုက်ပျိုးမှုအနေဖြင့် (၁)ဧကလျှင် ကုန်ကျစရိတ် အနေဖြင့်မျိုး၊ သွင်းအားစု၊ လုပ်သားခအပါအဝင် စုစုပေါင်း(၆၀၀၀၀၀) ကျပ် ဝန်းကျင်ခန့်ကုန်ကျကြောင်း၊ မြေပဲစိုက်ပျိုးရာတွင် ထွန်ကြောင်းဆွဲ၊ အစေ့ချစနစ်ဖြင့် စိုက်ပျိုးကြကြောင်း၊ အထွက်နှုန်းအနေဖြင့် တင်း(၄၀-၄၅)ခန့် ထွက်ရှိခဲ့ကြောင်း၊ မြေပဲဈေးနှုန်းအနေဖြင့် မြေပဲတောင့်(၁)တင်းလျှင်(၃၀၀၀၀/-)ကျပ် ၊ မြေပဲဆံ တစ်ပိဿာလျှင် (၇၇၀၀/-) ကျပ် ၊ မြေပဲဆီ(၁) ပိဿာလျှင်(၁၈၀၀၀/-)ကျပ် ဈေးနှုန်းများဖြင့် အရောင်းအဝယ်ဖြစ်နေကြောင်း၊ ဈေးကွက်အနေဖြင့် ပွဲစားများမှ ရွာအရောက်ဝယ်ယူမှုများရှိသလို တောင်သူများမှလည်း ပွဲရုံများသို့တိုက်ရိုက်တင်ပို့ ရောင်းချကြောင်း၊ ပွဲရုံများမှတဆင့် မန္တလေး၊ ရန်ကုန်မြို့များသို့ တင်ပို့ရောင်းချကြကြောင်း အကျိုးအမြတ်အနေဖြင့် (၆၉၀၀၀၀/-)ကျပ်ခန့် မြတ်ခဲ့ ကြောင်း မြေပဲစိုက်တောင်သူတစ်ဦး၏ ပြောကြားချက်အရသိရှိရပါသည်။

DOCA(မန္တလေး)

            မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သော ကြောင့်စပါး၊ပဲ၊ပြောင်း၊နှမ်းသီးနှံမျိုးစုံအောင်မြင်ဖြစ်ထွန်းလျက်ရှိရာ၄င်းသီးနှံများအနက် စပါးသီးနှံကိုကျောက်ဆည်ခရိုင်အတွင်းတွင် ဇွန်လမှစတင်၍ စိုက်ပျိုးလျှက်ရှိရာ ယခုအချိန်တွင် မိုးစပါးစိုက်ပျိုးမှု အနေဖြင့် ခရိုင်အတွင်း(၁၃၇၁၈၁)ဧက စိုက်ပျိုးထားရှိပြီး ကျောက်ဆည်မြို့နယ်တွင် (၅၂၃၃၄)ဧက စိုက်ပျိုးထားကြောင်း သက်ဆိုင်ရာဌာန၏ စာရင်းများအရသိရှိရပါသည် ။ ယခုနှစ်တွင် မိုးရေ၊မြစ်ရေ၊ ချောင်းရေလုံလောက်စွာရရှိသောကြောင့် မိုးစပါးများ ကောင်းမွန်စွာ အောင်မြင်ဖြစ်ထွန်းလျက်ရှိ ပါသည် ။ ကျောက်ဆည်ခရိုင်အတွင်း မိုးစပါးကို အရည်အသွေးကောင်း ၊ စျေးကောင်းရရှိသော ဧရာပဒေသာ စပါးနှင့်မနောသုခစပါးမျိုးများကို အဓိကထားစိုက်ပျိုးကြပါသည်။ မိုးစပါးစိုက်ပျိုးမှုတွင် ပျိုးထောင်စိုက်ပျိုးမှုနှင့်ပတ်ကြဲစိုက်ပျိုးမှုများကိုစိုက်ပျိုးကြကြောင်း၊ (၁)ဧကကုန်ကျစရိတ် အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၁၀၃၀၀၀၀)ကျပ် ဝန်းကျင်ခန့် ကုန်ကျကြောင်း ၊ ယခင်နှစ် အထွက်နှုန်းအနေဖြင့် (၈၀-၈၅)တင်းခန့် ထွက်ရှိကြောင်း၊ စပါးစျေးနှုန်း အနေဖြင့် ဧရာပဒေသာ တစ်တင်းလျှင်(၂၈၀၀၀/-)ကျပ် ၊ မနောသုခ တစ်တင်းလျှင်(၂၁၀၀၀/-) ကျပ် စျေးနှုန်းဖြင့် ရောင်းဝယ်ခဲ့သောကြောင့် အကျိုးအမြတ်အနေဖြင့်စိုက်ပျိုးစရိတ်နှုတ်ပြီးပါက(၁၂၀၀၀၀၀/-)ကျပ်ခန့်မြတ်ခဲ့ကြောင်း၊ စပါးစျေးနှုန်းအနေဖြင့် ဧရာပဒေသာ(အဟောင်း) တင်း(၁၀၀)လျှင်(၂၈၀၀၀၀၀/-)ကျပ် ၊ မနောသု(အဟောင်း)တင်း(၁၀၀)လျှင်(၂၁၀၀၀၀၀/-)ကျပ်ဖြစ်ပြီး ဆန်စျေးနှုန်းအနေဖြင့် ဧရာပဒေသာ ဆန်(အဟောင်း) တစ်အိတ်လျှင်(၁၃၅၀၀၀/-)ကျပ်၊မနောသုခတစ်အိတ်လျှင်(၉၂၀၀၀/-)ကျပ်၊ နွေစပါး(အသစ်) မနောသုခ တင်း(၁၀၀)လျှင်(၁၃၀၀၀၀၀/-)ကျပ် ၊ မနောသုခဆန် တစ်အိတ်လျှင်(၆၀၀၀၀/-)ကျပ် စျေးနှုန်းများဖြင့် ရောင်းဝယ်လျှက်ရှိကြောင်း ပွဲစားများထံမှသိရှိရပါသည် ။ ယခုအချိန်တွင် မိုးရွာသွန်းမှုကောင်းသောကြောင့် မိုးစပါးများ ဖုံးတုံးလုံးတုံးအနေအထားဖြင့် မကြာမှီစပါးနှံများ စတင်ထွက်ပေါ်တော့မည့် အနေအထားဖြင့် အောင်မြင်ဖြစ်ထွန်းလျက်ရှိပါသည်။

DOCA(မန္တလေး)

    မန္တလေးတိုင်းဒေသကြီး၊ကျောက်ဆည်ခရိုင်အတွင်း ကျောက်ဆည်၊မြစ်သားမြို့နယ်များတွင် ၂၀၂၅-၂၀၂၆ခုနှစ်၊မိုးချည်မျှင်ရှည်ဝါများ ပန်းတိုင်အတွက်နှုန်းရရှိရေး ရည်မှန်းချက်ထားဆောင်ရွက် လျက်ရှိရာကျောက်ဆည်မြို့နယ်တွင်(၁၁၅၉၇)ဧက၊မြစ်သားမြို့နယ်တွင်(၁၀၆၇၂)ဧက စိုက်ပျိုးထား ရှိပြီးယခုအခါ အောင်မြင်ဖြစ်ထွန်းလျက်ရှိသောကြောင့် ကျောက်ဆည်မြို့နယ်၊မှိုင်းပန်ကျေးရွာမှ ဝါစိုက်တောင်သူတစ်ဦး၏ ပြောကြားချက်အရသိရှိရပါသည် ။ ကျောက်ဆည်မြို့နယ်အနေဖြင့် မိုးချည်မျှင်ရှည်ဝါသီးနှံများကို ကျောက်ဆည်မြို့အရှေ့ဘက် ဖျောက်ဆိပ်ပင်ကျေးရွာ အပါအဝင် ရဲဘော်ကြီး၊မှိုင်းပန်၊ကလေး၊ရှမ်းတောင်ဦး၊ရဲယမန်းရွာ၊ တောင်တော်၊ ပေါင်လောင်၊ ကင်းကျေးရွာများ တွင်လည်းအများဆုံးစိုက်ပျိုးနိုင်ပြီး မျိုးအနေဖြင့် ရွှေတောင်(၈)၊ရွှေတောင်(၁၀)နှင့် B-31  မျိုးများ စိုက်ပျိုးထားကြောင်း သိရှိရပါသည် ။ မြစ်သားမြို့နယ်အနေဖြင့်  မိုးချည်မျှင်ရှည်ဝါ မျိုးအနေဖြင့် ရာကာ 666 မျိုးကိုစိုက်ပျိုးရန် ဆန္ဒရှိသော်လည်း ဝယ်ယူစိုက်ပျိုးရန် အခက်အခဲရှိပါသဖြင့် တောင်သူ များအချင်းချင်းမျိုးခံ၍ မျိုးထုပ်စိုက်ပျိုးမှုများလည်းရှိပါကြောင်း၊ ရွှေတောင်(၈)၊ရွှေတောင်(၁၀)မျိုး များကိုစိုက်ပျိုးကြကြောင်း၊ခန္တီးကြီးကျေးရွာမှ ဝါစိုက်တောင်သူတစ်ဦး၏ ပြေပြချက်အရ အထွက်နှုန်း (၁)ဧက ပိဿာ(၈၀၀-၁၀၀၀)အထိထွက်ရှိကြောင်း၊သွင်းအားစုနှင့်အပြုအစုကောင်းရန်၊ပိုးသတ်ဆေး နှင့်ရေသွင်းရေထုတ် စနစ်တကျဆောင်ရွက်ပေးရန်လိုအပ်ကြောင်း၊ယခုနှစ်အနေဖြင့် ဝါစျေးနှုန်း (၄၀၀၀-၄၂၀၀)ကျပ် ရရှိသဖြင့် တွက်ခြေကိုက်မှုရှိပါကြောင်းသိရှိရပါသည်။

DOCA(မန္တလေး)