ပြည်တွင်းကုန်သွယ်မှုသတင်း

            ဘုရင့်နောင်ကုန်စည်ဒိုင်အတွင်းသို့ ဧရာဝတီတိုင်းဒေသကြီး၊ မန္တလေးတိုင်းဒေသကြီး၊ ရှမ်းပြည်နယ်တို့မှ ငြုပ်သီးများဝင်ရောက်လျက်ရှိရာ ဧရာဝတီတိုင်းဒေသကြီးမှ အများဆုံးဝင်ရောက်ပြီး ငြုပ်သီးဈေးနှုန်းများမှာ ၂၈.၁၀.၂၀၂၅ ရက်နေ့ ကုန်စည်ဒိုင်တွင် ဖြစ်ပေါ်ခဲ့သော ငြုပ်သီး တစ်ပိဿာ ဈေးနှုန်းများမှာ ပန်းရဲ(ဟောင်း) အမြင့်ဆုံးဈေး ကျပ် ၇၅၀၀ မှ  အနိမ့်ဆုံးဈေး ကျပ် ၆၅၀၀၊ ပန်းရဲ(AC) အမြင့်ဆုံးဈေး ကျပ် ၁၃၀၀၀ မှ  အနိမ့်ဆုံးဈေး ကျပ် ၁၁၅၀၀၊ မြှားနီ(ဟောင်း) အမြင့်ဆုံးဈေး ကျပ် ၈၅၀၀ မှ  အနိမ့်ဆုံးဈေး ကျပ် ၈၀၀၀၊ မြှားနီ(AC) အမြင့်ဆုံးဈေး ကျပ် ၁၃၅၀၀ မှ အနိမ့်ဆုံး ကျပ် ၁၃၀၀၀၊ ပျော်ဘွယ် မိုးထောင် ကျပ် ၁၁၀၀၀၊ ဆင်ဖြူကျွန်း(ပု) အမြင့်ဆုံးဈေး ကျပ် ၃၁၀၀၀ မှ အနိမ့်ဆုံးဈေး ကျပ် ၃၀၀၀၀၊ မြစ်ဝ (ပု) (AC) အမြင့်ဆုံးဈေး ကျပ် ၂၉၀၀၀  တို့အသီးသီးဖြစ်ကြောင်း ငြုပ်သီးဈေးနှုန်းများမှာ ယခုတစ်ပတ်တွင် ပန်းရဲ (AC) မှာ တစ်ပိဿာလျှင် အမြင့်ဆုံးဈေး ၅၀၀ ကျပ်တက်ပြီး၊ မြှားနီ(AC)မှာ တစ်ပိဿာလျှင် ၁၀၀၀ ကျပ်ဈေးနှုန်းမြင့်တက်လျက်ရှိကြောင်း ဘုရင့်နောင်ကုန်စည်ဒိုင်မှ သိရှိရပါသည်။

DOCA(ရန်ကုန်)

    ရှမ်းပြည်နယ်(မြောက်ပိုင်း)၊ လားရှိုးမြို့၊ မြို့မဈေးတွင် အသီးအရွက်များ၊ ဒေသထွက် သီးနှံများအပြင် ကြက်သွန်ဖြူများကိုလည်း ရောင်းချလျက်ရှိကြောင်း တွေ့ရှိရပါသည်။ ကြက်သွန်ဖြူ များကို လားရှိုးမြို့ပတ်ဝန်းကျင်အနီးတစ်ဝိုက်ရှိ ဒေသများမှ လာရောက်ရောင်းချကြကြောင်း သိရသည်။

    ကြက်သွန်ဖြူ(‌ဒေသအခေါ် ရှမ်းကြက်သွန်) မှာ ယခင်လတွင် တစ်ပိဿာလျှင်(၇၅၀၀) ကျပ်မှ (၁၀၀၀၀) ကျပ်အထိရောင်းချကြသော်လည်း၊ ယခုလ ဒုတိယအပတ်မှစ၍ တစ်ပိဿာလျှင် (၅၅၀၀) ကျပ်မှ (၇၀၀၀) ကျပ်အထိ အမျိုးအစားပေါ်မူတည်ပြီး ကွဲပြား၍ ဈေးလျော့နည်းလာကြောင်း သိရှိရသည်။ ရှမ်းပြည်နယ်(မြောက်ပိုင်း) တွင် လတ်တလောဖြစ်ပေါ်နေသော နိုင်ငံရေးအခြေအနေ များကြောင့် ကုန်စည်စီးဆင်းမှုများခက်ခဲလျက်ရှိနေပြီး၊ အရောင်းအဝယ်များလည်းပါးနေကြောင်း ကုန်ရောင်းချသူများထံမှ သိရှိရပါသည်။

DOCA(ရှမ်း)

     ဧရာဝတီတိုင်းဒေသကြီးသည် စိုက်ပျိုးရေး၊ မွေးမြူရေး လုပ်ငန်းများနှင့် လယ်ယာထွက်ကုန် အခြေခံတန်ဖိုးမြင့်  စားသောက်ကုန်ချော ထုတ်လုပ်ငန်းများ မြှင့်တင်ဆောင်ရွက်ရေးလုပ်ငန်းများဖြင့် ဖွံ့ဖြိုး တိုးတက်သော တိုင်းတစ်တိုင်းဖြစ်သည်။ ဧရာဝတီသည် မြန်မာနိုင်ငံ၏ အဓိက စပါးကျီဟု ဆန်အိုးကြီးပမာ တင်စား ခေါ်ဝေါ်ရလောက်အောင် လယ်ယာထွက်ကုန် စပါးမျိုးကောင်း မျိုးသန့်များ စိုက်ပျိုးထွက်ရှိသည်။ ဧရာဝတီတိုင်းဒေသကြီး အတွင်းတွင် ခရိုင် ၅ခုရှိပြီး ပုသိမ်ခရိုင်၊ မအူပင်ခရိုင်၊ မြောင်းမြခရိုင်၊ ဟင်္သတခရိုင်၊ ဖျာပုံခရိုင်တို့ရှိပြီး ဒေသတွင်းစပါးကို အဓိကထားစိုက်ပျိုးကြသည်။ ဧရာဝတီခရိုင်အသီးသီးမှ ဆန်နှင့် ထွက်ရှိသော ဆန်ကွဲများကို ရန်ကုန်သို့ အဓိကထားတင်ပို့ပြီး ဆန်ကွဲကို ရန်ကုန် စက်မှုဇုန်ကြီးများသို့ တင်ပိုကြောင်း သိရသည်။

     မအူပင်ခရိုင်မှ ထွက်ရှိသော ဆန်များကို ၂၀၂၅ခုနှစ် ဇန်နဝါရီလ တင်ပို့မှုအနေဖြင့် ၂၆၄၆၄၃ အိတ်၊  တန်အားဖြင့် ၁၃၂၃၂ တန်ကိုလည်းကောင်း၊ ဖေဖော်ဝါရီလက ဆန် ၃၇၆၈၄၉အိတ်၊ တန်အားဖြင့် ၁၈၈၄၂တန်ကိုလည်းကောင်း၊ မတ်လ ဆန် ၅၂၃၉၂၀ အိတ်၊ တန်အားဖြင့် ၂၆၁၉၆တန်ကိုလည်းကောင်း၊ ဧပြီလ ဆန် ၁၀၈၀၅၂ အိတ်၊ တန်အားဖြင့် ၅၄၀၂တန်ကိုလည်းကောင်း၊ မေလ ဆန် ၂၃၀၆၃၈အိတ်၊ တန်အားဖြင့် ၁၁၅၃၂တန်ကိုလည်းကောင်း၊ ဇွန် ဆန် ၁၆၃၆၅၁အိတ်၊ တန်အားဖြင့် ၈၁၈၂တန်ကိုလည်းကောင်း၊ ဇူလိုင်လ ဆန် ၂၄၀၉၉၇အိတ်၊ တန်အားဖြင့် ၁၂၀၅၀တန်ကိုလည်းကောင်း၊ ဩဂုတ်လ ဆန် ၁၅၉၈၉၅အိတ်၊ တန်အားဖြင့် ၇၉၉၅ တန်ကိုလည်းကောင်း၊ စက်တင်ဘာလက ဆန် ၁၇၆၇၈၅အိတ်၊ တန်အားဖြင့် ၈၈၃၉တန်ကိုလည်းကောင်း တင်ပို့ခဲ့ကြောင်း သိရသည်။

     ဧရာဝတီတိုင်းဒေသကြီး၊ မအူပင်ခရိုင်ဒေသထွက် ဆန်များကို တင်ပို့ရာတွင် သီလဝါဆိပ်ကမ်း၊သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှုဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။

     အခြားမြို့နယ်ဆန်များကို ဇန်နဝါရီလက ၄၁၁၀၁၂ အိတ်၊ ဖေဖော်ဝါရီလက ၄၀၂၅၂၂အိတ်၊  မတ်လ ၃၆၄၄၁၇အိတ်၊ ဧပြီလ ၁၇၇၇၄၇အိတ်၊ မေလ ၂၇၈၀၁၀အိတ်၊ ဇွန်လ ၂၀၇၉၂၂ အိတ်၊ ဇူလိုင် ၃၀၆၂၉၁အိတ်၊ ဩဂုတ်လ ၁၀၉၄၉၀အိတ်၊ စက်တင်ဘာလ ၁၈၈၂၀၀အိတ်ကို တင်ပို့ကြောင်း သိရသည်။

     မအူပင်ခရိုင်မှ ထွက်ရှိသော ဆန်ကွဲ များကို ၂၀၂၅ခုနှစ် ဇန်နဝါရီလ တင်ပို့မှုအနေဖြင့် ၁၂၅၃၅၉ အိတ်၊  တန်အားဖြင့် ၆၂၆၈ တန်ကိုလည်းကောင်း၊ ဖေဖော်ဝါရီလက ဆန် ၁၀၇၆၃၉ အိတ်၊ တန်အားဖြင့် ၅၃၈၁ တန်ကိုလည်းကောင်း၊ မတ်လ ဆန် ၈၃၁၃၀ အိတ်၊ တန်အားဖြင့် ၄၁၅၆ တန်ကိုလည်းကောင်း၊ ဧပြီလ ဆန် ၄၆၃၈၁ အိတ်၊ တန်အားဖြင့် ၂၃၁၉ တန်ကိုလည်းကောင်း၊ မေလ ဆန် ၇၈၇၅၄အိတ်၊ တန်အားဖြင့် ၃၉၃၈ တန်ကိုလည်းကောင်း၊ ဇွန် ဆန် ၈၄၆၅၈ အိတ်၊ တန်အားဖြင့် ၄၂၃၃ တန်ကိုလည်းကောင်း၊ ဇူလိုင်လ ဆန် ၆၁၅၄၀အိတ်၊ တန်အားဖြင့် ၃၀၇၇ တန်ကိုလည်းကောင်း၊ ဩဂုတ်လ ဆန် ၄၉၈၉၀ အိတ်၊ တန်အားဖြင့် ၂၄၉၅ တန်ကိုလည်းကောင်း၊ စက်တင်ဘာလက ဆန် ၆၃၂၇၃ အိတ်၊ တန်အားဖြင့် ၃၁၆၄ တန်ကိုလည်းကောင်း တင်ပို့ခဲ့ကြောင်း သိရသည်။

    အခြားမြို့နယ်ဆန်များကို ဇန်နဝါရီလက ၁၅၆၀၀၆ အိတ်၊ ဖေဖော်ဝါရီလက ၁၄၅၄၅၀ အိတ်၊  မတ်လ ၁၃၄၃၀၀ အိတ်၊ ဧပြီလ ၅၁၄၃၉ အိတ်၊ မေလ ၇၃၄၉၉ အိတ်၊ ဇွန်လ ၈၁၈၁၈ အိတ်၊ ဇူလိုင်  ၇၂၂၄၀ အိတ်၊ ဩဂုတ်လ ၅၁၉၂၅ အိတ်၊ စက်တင်ဘာလ  ၇၃၂၅၀ အိတ်ကို တင်ပို့ကြောင်း သိရသည်။

     ဆန်ကွဲ များကို ရန်ကုန်သို့အဓိကထား တင်ပို့ပြီး ရန်ကုန် ဘုရင့်နောင်၊ ရွှေပြည်သာ၊ ဆူးလေ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိပ်ကမ်း အလုံမြို့ ၊ ရန်ကုန်စက်မှုဇုန်များနှင့် ပဲခူးမြို့ တို့ကိုသာ နေ့စဉ်စီးထွက်ကြောင်း သိရသည်။

       စပါးဈေးနှုန်းအနေဖြင့် ၂၀၂၅ခုနှစ် အောက်တိုဘာလ စတုတ္ထပါတ် ပေါ်ဆန်း စပါး (၅၀)ပေါင် တင်း ၁၀၀ ကွင်းဈေး ၂၆၂၀၀၀၀ကျပ်၊ မြို့ဈေး ၂၆၅၀၀၀၀ကျပ်၊ ပေါ်ဆန်း ၄၆ပေါင် တင်း၁၀၀ ကွင်းဈေး ၂၄၀၀၀၀၀ကျပ်၊ မြို့ဈေး ၂၄၃၈၀၀၀ကျပ်၊ ပေါ်ဆန်း ဆန် (၁၀၈)ပေါင် တစ်အိတ် လတ်စ ၁၁၅၀၀၀ကျပ်၊ ထိပ်စ ၁၂၀၀၀ကျပ်၊ ဆင်းသုခ စပါး(၅၀)ပေါင် တင်း ၁၀၀ဈေး ၁၃၇၀၀၀၀ကျပ်၊ မြို့ဈေး ၁၄၀၀၀၀၀ကျပ်၊ ဆင်းသုခ စပါး(၄၆)ပေါင် တင်း ၁၀၀ ကွင်းဈေး ၁၂၆၀၄၀၀ကျပ်၊ မြို့ဈေး ၁၂၈၈၀၀၀ကျပ်၊  ဆင်းသုခဆန် (၁၀၈)ပေါင် တစ်အိတ်ဈေး လတ်စ ၄၉၀၀၀၊ ထိပ်စ ၅၅၀၀၀ကျပ်၊ GW-11 စပါး(၅၀) ပေါင် တင်း၁၀၀ ကွင်းဈေး၁၃၀၀၀၀၀ကျပ်၊ မြို့ဈေး ၁၃၅၀၀၀၀ကျပ်၊ GW-11 စပါး(၄၆)ပေါင် တင်း၁၀၀ ၁၁၆၈၄၀၀ ကျပ်၊ မြို့ဈေး ၁၁၉၆၀၀၀ကျပ်၊ GW-11 ဆန်အိတ် (၁၀၈)ပေါင် တစ်အိတ် လတ်စ ၄၈၀၀၀ကျပ်၊ ထိပ်စ ၄၉၀၀၀ကျပ်ဈေးရှိကြောင်း ဈေးကွက်အတွင်းမှ သိရသည်။

DOCA(ဧရာဝတီ)

 အပူပိုင်းဒေသဖြစ်သာ မြင်းခြံခရိုင်သည် ဆည်ရေသောက် အသင့်တင့်ရှိ၍ ပဲမျိုးစုံ၊ ပြောင်း၊ မြေပဲ၊ ဆီထွက်သီးနှံနှင့် ကြက်သွန်နီများစိုက်ပျိုးလျက်ရှိရာ ပဲစဉ်ငုံ(မိုးဦး) သီးနှံကိုလည်း စိုက်ပျိုး ထားရှိကြောင်းသိရှိရသည်။ ၂၀၂၅-၂၀၂၆ ခုနှစ်၊ ဘဏ္ဍာနှစ်တွင် မြင်းခြံခရိုင်ချုပ်အနေဖြင့် စိုက်ပျိုးထားရှိသော ပဲစဉ်းငုံ(မိုးဦး) စိုက်ဧကပေါင်း (၁၀၂၁၆၅) ဧက စိုက်ပျိုး ထားရှိကြောင်း ခရိုင် ကြေးတိုင်နှင့် မြေစာရင်းဦးစီးဌာန၏ စာရင်းများအရသိရှိရသည်။ မြို့နယ် များအနေဖြင့် စိုက်ပျိုး ထားရှိမှုမှာ မြင်းခြံမြို့နယ်တွင် (၆၀၀၃)ဧက၊                   တောင်သာမြို့နယ်တွင် (၁၈၃၆၁) ဧက၊ နွားထိုးကြီး မြို့နယ်တွင် (၇၇၈၀၁)ဧကစိုက်ပျိုးထားရှိကြောင်း၊ (၂၇၂၆)ဧက ပဲစဉ်းငုံသီးနှံကို ‌မေလနှင့် ဇွန်လ တို့တွင် စတင်စိုက်ပျိုးပြီး ဖေဖော်ဝါရီလနှင့် မတ်လတို့တွင် ရိတ်သိမ်းထွက် ပေါ်ကြောင်း၊ တစ်ဧက ကုန်ကျ စရိတ်အနေဖြင့် (၃၇၀၀၀၀) ကျပ်ခန့်ကုန်ကျကြောင်း၊  သက်ကြီးရွှေဒင်္ဂါးမျိုး များကို  စိုက်ပျိုးကြကြောင်း၊ ယခင်နှစ်ထွက်ပေါ်ချိန် ပဲစဉ်းငုံအနီတစ်တင်းလျှင် (၁၀၇၅၀၀) ကျပ်ပေါက် ဈေးများရှိကြောင်း၊ အထွက်နှုန်းအနေဖြင့်(၁၀)တင်းခန့် ထွက်ရှိကြောင်း၊ တစ်ဧကအကျိုး အမြတ်အနေဖြင့်(၇၀၅၀၀၀) ကျပ်ရရှိခဲ့ကြောင်း၊ ယခုလက်ရှိ မြင်းခြံဈေးကွက်၌ ဖြစ်ပေါ်နေသော ၂၀၂၅ခုနှစ်၊ အောက်တိုဘာလတတိယပတ်တွင် ပဲစဉ်းငုံနီတစ်တင်းလျှင် (၈၁၀၀၀) ကျပ်၊ အဖြူတစ်တင်းလျှင် (၇၆၀၀၀) ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ပဲစဉ်းငုံများလှိုင်လှိုင်ထွက်ပေါ်ချိန်တွင် တောင်သူများကိုယ်တိုင် မြို့ပေါ်ရှိပွဲရုံများသို့ လာ‌ရောက်ရောင်း ချကြောင်း၊ ၎င်းပွဲရုံများမှတဆင့် မန္တလေးမြို့နှင့် ရန်ကုန်မြို့သို့တင်ပို့ရောင်းချကြောင်း၊ မိုးကို မျှော်ပြီးစိုက်ပျိုးရသော သီးနှံဖြစ်သောကြောင့် ရာသီဥတုကောင်းမွန်ပါက အထွက်နှုန်းပိုမိုထွက် ရှိနိုင်မည်ဖြစ်ကြောင်း၊ ထွက်ပေါ်ချိန်တွင် ဈေးကောင်းပါကအကျိုးအမြတ် ပိုမိုရရှိနိုင်မည်ဖြစ်ကြောင်း ပဲစဉ်ငုံစိုက်တောင်သူတစ်ဦး၏ ပြောပြချက်အရသိရှိရသည်။

DOCA (မန္တလေး)

‌

          မြင်းခြံမြို့နယ်သည် ဧရာဝတီမြစ်၏ အရှေ့ဘက်ကမ်းတွင်တည်ရှိပြီး ပဲမျိုးစုံ၊ ဆီထွက်သီးနှံ၊ ပြောင်း၊ ထန်းလုပ်ငန်းစသည့် လယ်ယာစိုက်ပျိုးရေး လုပ်ငန်းများလုပ်ကိုင်လျက်ရှိရာ မိုးငရုတ် များကိုလည်းစိုက်ပျိုးထားကြောင်း၊  မိုးငရုတ်ကို မေလနှင့် ဇွန်လ တို့တွင် စတင်စိုက်ပျိုးပြီး၊ အောက်တိုဘာနှင့် နိုဝင်ဘာလတို့တွင် ရိတ်သိမ်းမည်ဖြစ်ကြောင်း၊ စိုက်ပျိုးချိန်မှ ရိတ်သိမ်းချိန် ကာအထိ (၄) လခန့်ကြာမြင့်ကြောင်းသိရှိရသည်။

            ၂၀၂၅-၂၀၂၆ ခုနှစ်၊ မြင်းခြံမြို့နယ်တွင်  မိုးငရုတ်စိုက်ဧကပေါင်း (၇၆) ဧကစိုက်ပျိုးထားရှိ ကြောင်း မြို့နယ်ကြေးတိုင်နှင့်မြေစာရင်းဦးစီးဌာန၏ စာရင်းများအရသိရှိရသည်။ မိုးငရုတ်များကို နဘူးအိုင်ရွာ၊ တလုပ်ရွာ၊ တောပုရွာ၊ အနိမ့်ရွာနှင့် ပတ္တာကျေးရွာများတွင် စိုက်ပျိုးထားကြောင်း သိရှိရသည်။ ယခင်နှစ်တစ်ဧက အထွက်နှုန်းအနေဖြင့် (၄၀၃) ပိဿာခန့်ထွက်ရှိကြောင်း၊ ဈေးကွက် တင်ပို့မှုအနေဖြင့် မြင်းခြံမြို့ရှိ ပွဲရုံများနှင့် မန္တလေးမြို့သို့ တင်ပို့ရောင်းချကြောင်း သိရှိရသည်။ ၂၀၂၅ခုနှစ်၊ အောက်တိုဘာလ တတိယပတ်တွင် ငရုတ်သီးစိမ်း  ၂၅ ကျပ်သားလျှင် (၁၀၀၀)ကျပ်၊ တစ်ပိသာလျှင် (‌၃၅၀၀) ကျပ်ပေါက်ဈေးများဖြင့်ရောင်းချကြောင်း၊ ယခင်စက်တင်ဘာလ တတိယပတ်နှင့်နှိုင်းယှဉ်ပါက ယခုလတွင် ငရုတ်သီးစိမ်းတစ်ပိဿာလျှင် (၁၀၀၀) ကျပ်ခန့်ဈေးနှုန်း ကျဆင်းခြင်းဖြစ်ကြောင်း၊ ယခုအချိန်တွင် မြင်းခြံဈေးကွက်သို့ ပုပ္ပါးမြို့၊ ကျောက်ဆည်မြို့နှင့် မြစ်သားမြို့တို့မှထွက်ရှိသော ငရုတ်သီး စိမ်းဝင်ရောက်လာသောကြောင့် ဈေးနှုန်းကျဆင်းခြင်း ဖြစ်ကြောင်း၊ ဈေးကွက် တင်ပို့မှုအနေဖြင့် မြင်းခြံမြို့ရှိပွဲရုံများနှင့် မန္တလေးမြို့သို့ တင်ပို့ရောင်းချကြောင်း သိရှိရသည်။

DOCA (မန္တလေး)