ပြည်တွင်းကုန်သွယ်မှုသတင်း

        ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို  ဈေးကွက် အတွင်းသို့ ရောင်းချလျက်ရှိပါကြောင်း၊ မျှစ်များပေါများလာသည့်အခါ မျှစ်စိမ်းများကို တစ်ဗွက်ဆူ ပြုတ်၍နေဖြင့် အခြောက်လှမ်းထားပြီး အမျိုးမျိုးချက်ပြုတ်စားသောက်လျက် ရှိပါသည်။ မန်ကျည်းပင် များကိုလည်း မိမိတို့နေအိမ်ခြံဝင်းစည်းရိုးများနှင့် လယ်ယာမြေများပေါ်တွင် အရိပ်ရ စေရန်အတွက် စိုက်ပျိုးကြပါကြောင်း၊ အလေ့ကျပေါက်‌ရောက်သည့် အပင်များလည်းရှိပါကြောင်း  မန်ကျည်းသီးအမှည့် များကို ကျွန်းလှမြို့၊ သစ်ရာမြိုင်ဈေးတွင်  အရောင်းအဝယ်ဖြစ်လျက်ရှိကြောင်း သိရသည်။

          ၂၀၂၅ခုနှစ်၊ ဩဂုတ်လ စတုတ္ထပတ်အတွင်း မျှစ်ခြောက် တစ်ပိဿာလျှင်(၂၈၀၀၀)ကျပ်၊ (၅၀)ကျပ်သားလျှင် (၁၄၀၀၀)ကျပ်၊ (၂၅)ကျပ်သားလျှင်(၇၀၀၀)ကျပ် ဈေးနှုန်းတို့ဖြင့် ရောင်းချ လျက်ရှိ သောကြောင့် မျှစ်ခြောက်ကို ငါးဖြင့်ပေါင်း၍သော်လည်းကောင်း၊ ချက်စား၊ သုပ်စားကြပြီး အခြားသီးနှံ များနှင့်လည်း ရောနှော၍ ချက်စားပါကြောင်း ပေါ်ဦးပေါ်ဖျားဖြစ်သည့်အတွက် ဈေးကြီးသော်လည်း  အရောင်းအဝယ် ဖြစ်လျက်ရှိကြောင်း၊ မန်ကျည်းသီးမှည့် ဈေးနှုန်းများမှာ (အစေ့လွတ်) တစ်ပိဿာ လျှင်(၈၀၀၀)ကျပ်၊ (၅၀)ကျပ်သားလျှင်(၄၀၀၀)ကျပ်၊ (၂၅)ကျပ်သားလျှင် (၂၀၀၀)ကျပ်နှင့် မန်ကျည်းသီး မှည့်(အစေ့ပါ) တစ်ပိဿာလျှင်(၆၀၀၀)ကျပ်၊ (၅၀)ကျပ်သားလျှင် (၃၀၀၀)ကျပ်၊ (၂၅)ကျပ်သားလျှင် (၁၅၀၀)ကျပ်တို့ဖြင့်  အရောင်းအဝယ် ဖြစ်လျက်ရှိကြောင်းသိရသည်။

DOCA (စစ်ကိုင်း)

        ကျွန်းလှမြို့တွင်  ကုန်မျိုးစုံရောင်းဝယ်ရေးဆိုင်များ နှင့် မြို့တွင်းရပ်ကွက်ဈေးများတွင် သကြားခွေ၊ ဇီးပြားများ၊ မြေပဲပွကြော်နှင့် နေကျောက်ခဲ စသည့်တိုကို ရွှေဘိုမြို့နှင့် မန္တလေးမြို့တို့မှမှရောင်းချ လျက်ရှိကြောင်း သိရှိရပါသည်။

         ၂၀၂၅ ခုနှစ်၊ ဩဂုတ်လ စတုတ္ထပတ် ကျွန်းလှမြို့ပေါ်ရပ်ကွက်ဈေးများအတွင်း ကုန်မျိုးစုံ ရောင်းချသည့်ဆိုင်များတွင် ဖြစ်ပေါ်နေ‌သော ပဲကျောက်ခဲ(ခေါ်)နေကျောက်ခဲ ဈေးနှုန်းအနေဖြင့် တစ်ပြည် လျှင် (၁၁၀၀၀)ကျပ်၊ နို့ဆီ(၄)ဘူးလျှင်(၅၅၀၀)ကျပ်၊ နို့ဆီ(၁)ဘူး လျှင်(၁၄၀၀)ကျပ်၊ မြေပဲပွကြော် ဈေးနှုန်း တစ်ပြည်လျှင် (၆၄၀၀)ကျပ်၊ နို့ဆီ(၄)ဘူးလျှင်(၃၂၀၀)ကျပ်၊ နို့ဆီ(၁)ဘူးလျှင်(၈၀၀)ကျပ် ဈေးနှုန်းဖြင့် အရောင်းအဝယ် ဖြစ်လျက်ရှိကြောင်း ကျွန်းလှမြို့ ကုန်မျိုးစုံရောင်းချနေသူထံမှ ရရှိပါသည်။

DOCA (စစ်ကိုင်း)

     မြန်မာနိုင်ငံသည် မြစ်၊ ချောင်း၊ အင်း၊ အိုင်ပေါများသောနိုင်ငံဖြစ်သည်နှင့်အညီ ၎င်းမြစ်၊ ချောင်း၊ အင်း၊ အိုင်များတွင် ရေချိုငါးမျိုးစုံ ကျင်လည်ကျက်စားလျက်ရှိပါသည်။ ယခုအခါ မိုးရာသီဖြစ်သည့်အတွက် မြန်မာနိုင်ငံရှိ တံငါလုပ်ငန်းလုပ်ကိုင်ကြသည့် တံငါသည်များ၏ ငါးဖမ်းရာသီဖြစ်သည့် အတွက် ရေချိုငါးပေါများသည့်ရာသီဖြစ်ပါသည်။

       တောင်ငူမြို့နယ်တွင် ငါးရံတစ်ပိဿာလျှင် (၂၀၀၀၀)ကျပ်၊ ငါးခူတစ်ပိဿာလျှင် (၃၀၀၀၀) ကျပ်၊ ငါးနုစမ်းတစ်ပိဿာလျှင်(၄၀၀၀၀)ကျပ်၊ ငါးသားလောက် တစ်ပိဿာလျှင် (၄၀၀၀၀)ကျပ်၊ ငါးမြင်း တစ်ပိဿာလျှင် (၁၅၀၀၀)ကျပ်၊ ငါးမုတ်တစ်ပိဿာလျှင် (၁၂၀၀၀)ကျပ်၊ ငါးမဲလုံးတစ်ပိဿာလျှင် (၁၃၀၀၀)ကျပ်၊ ငါးခုံးမတစ်ပိဿာလျှင် (၉၀၀၀)ကျပ်၊ ငါးကြင်း ဖြူတစ်ပိဿာလျှင် (၂၅၀၀၀)ကျပ် အသီးသီးဈေးနှုန်းဖြစ်ပေါ်နေပြီး ရေချိုငါးပေါများသည့် ရာသီဖြစ်သည့်အတွက် အရောင်းအဝယ်အေးနေကြောင်း ငါးဒိုင်များနှင့် ခေါင်းရွက်ငါးသည်များ၏ ပြောကြားချက်အရသိရှိရပါသည်။

DOCA(ပဲခူး)

      တောင်ငူမြို့ ညောင်ပင်လေးဈေးသို့ ဒေသ/မြို့များအသီးသီးမှ ဒေသထွက်သီးနှံများ တင်ပို့ရောင်းချလျက်ရှိရာ ရှမ်းပြည်ဘက်မှ ဝင်ရောက်လာသော သရက်သီးမှာ အသေး(၁)ပိဿာ ၃၀၀၀ကျပ်၊ အလတ်(၁)ပိဿာ ၄၀၀၀ကျပ်ရှိပြီး သရက်သီးအမှည့်မှာ အလုံး၊ အကြီး/အသေးပေါ် မူတည်၍ ၁၀၀၀ ကျပ်မှ ၁၅၀၀-၂၀၀၀ကျပ်အထိ ဈေးရှိပါသည်။

      သစ်တော်သီးမှာလည်း ရှမ်းပြည်ဘက်မှ ဝင်ရောက်ပြီး အလုံးအရွယ်အစားပေါ်မူတည်၍ (၁)ပိဿာလျှင် ၃၀၀၀ ကျပ်၊ ၄၀၀၀ ကျပ်၊၅၀၀၀ကျပ် မှ ၆၅၀၀ ကျပ်အထိ ဈေးနှုန်းအသီးသီးရှိပြီး အရောင်းအဝယ်မှာသွက်လျက်ရှိကြောင်း ရောင်းချသည့် ဈေးသည်များထံမှ သိရှိရပါသည်။

DOCA(ပဲခူး)

    ပြောင်းဖူးသည် ရာသီမရွေးစိုက်ပျိုးနိုင်ပြီး ရာသီဥတုဒဏ်ခံနိုင်သော အပင်တစ်မျိုး ဖြစ်သည့်အပြင် ပြောင်းဖူးကိုလည်းနည်းလမ်းမျိုးစုံဖြင့် ကြော်၍လည်းကောင်း၊ ပြုတ်၍လည်းကောင်း စားသုံးကြ သကဲ့သို့ မီးဖြင့်ဖုတ်၍လည်းစားသုံးကြပါသည်။

       တောင်ငူမြို့ရှိ ညဈေးတန်းတွင် ပြောင်းဖူးမီးဖုတ်များရောင်းချလျက်ရှိရာ ပြောင်းဖူးကို မီးသွေးမီးဖို ပေါ်တွင်တင်၍ဖုတ်ရပါသည်။ တစ်ရက်လျှင်မီးသွေး (၁)ထောင်ကျပ်တန် (၆) ထုပ်ခန့် အသုံးပြုရပါသည်။ ပြောင်းဖူးမီးဖုတ်တစ်ဖူးလျှင် (၁၅၀၀)ကျပ်ဖြင့်ရောင်းချလျှက်ရှိပြီး  ရာသီဥတု ပေါ်မူတည်၍ တစ်ရက်လျှင်ပြောင်းဖူး(အဖြူနှင့်အဝါ)အဖူး(၄၀)ခန့် ရောင်းချရကြောင်း၊ မိုးများသော ရက်များတွင် အဖူး(၃၀)ခန့်သာရောင်းချရကြောင်း ပြောင်းဖူးမီးဖုတ်ရောင်းချသူ ကိုသူရိန်ထွန်း၏ ပြောကြားချက်အရ သိရှိရပါသည်။

DOCA(ပဲခူး)