၈.၇.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၈.၇.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၈.၇.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ပြည်ဈေးကွက်အတွင်း ၂၀၂၄ခုနှစ်၊ ဇွန်လ နောက်ဆုံးပတ်တွင် ကြက်သွန်မြိတ်အစည်း (၃၀) ခန့်အဝင်ရှိနေပြီး ၎င်းမှာ ပြည်မြို့အနီး မှော်ဇာကျေးရွာမှသာ အဝင်ရှိနေကြောင်းသိရပါသည်။ မေလဆန်းတွင် ရေသွင်းစိုက်ပျိုးသော ကြက်သွန်ခင်းများမှထွက်ရှိသည့် ကြက်သွန်မြိတ်များဖြစ်သဖြင့် ထွက်ရှိမှုနည်းပါးပြီး ဈေးကွက်သို့အဝင်မှာလည်းနည်းကာ ဈေးနှုန်းမြင့်တက်လျက်ရှိကြောင်းသိရပါသည်။ ပစ္စည်းရှားပါးသဖြင့် တစ်စည်းလျှင် ၂ပင်သာပါရှိပြီး ကျပ်၃၀၀နှုန်းဖြင့် လက်လီရောင်းချမှုရှိကြောင်းသိရပြီး ကြက်သွန်မြိတ်ပေါများချိန် ဆောင်းတွင်းကာလတွင် တစ်စည်းလျှင် ၅ပင်ပါရှိပြီး (၁၀၀-၁၅၀) ကျပ်နှုန်းသာရှိသဖြင့် ယခုဈေးနှုန်းမှာ ထက်ဝက်ခန့်မြင့်တက်လျက်ရှိကြောင်းသိရှိရပါသည်။
DOCA(ပဲခူး)
ပြည်ပဲဈေးကွက်၏ ပဲမျိုးစုံရောင်းဝယ်မှုအနေဖြင့် ပြည်တွင်းစားသုံးမှုများပြီး လက်လီ/ လက်ကားရောင်းဝယ်မှုဖြစ်နေသည့် ပဲများအနက် ထောပတ်ပဲသီးနှံသည် ဈေးတရိပ်ရိပ်မြင့်တက်လျက် ရောင်းဝယ်မှုရှိနေကြောင်းသိရပါသည်။ ၂၀၂၄ခုနှစ်၊ မေလတွင် ပိဿာ(၂၀)ဝင်တစ်တင်းလျှင် ၁၂၀၀၀၀ကျပ်ဖြင့် လက်လီရောင်းဝယ်မှုများသောကြောင့် စားတော်ပဲသီးနှံထက်ပင် ဈေးပိုမြင့်တက်လာခဲ့သည်ကိုတွေ့ရပါသည်။ ၂၀၂၄ခုနှစ်၊ ဇွန်လ၌လည်း ထောပတ်ပဲဈေးနှုန်းမှာ ဆက်လက်မြင့်တက်လျက်ရှိသောကြောင့် ပိဿာ(၂၀)ဝင်တစ်တင်းလျှင် ၁၄၅၀၀၀ကျပ်ဖြင့် ပဲလက်ကျန်ရှိမှုအပေါ် နေ့စဉ် အိတ် (၅၀/၁၀၀) ကျော်ထိ အရောင်းအဝယ်ဖြစ်ကြောင်းသိရပါသည်။ ၂၀၂၃ခုနှစ်၊ ဇွန်လ နောက်ဆုံးပတ်တွင် ပစ္စည်းလက်ကျန်နည်းလာတာကြောင့် ပိဿာ(၂၀)ဝင်တစ်တင်းလျှင် ၉၅၀၀၀ကျပ်ဖြင့်ရောင်းဝယ်ခဲ့ပြီး ဇူလိုင်လဆန်းတွင် ပဲလက်ကျန်မရှိတော့ကြောင်းသိရပါသည်။ ယခု၂၀၂၄ခုနှစ်တွင်မူ ပဲလက်ကျန်လည်း အသင့်အတင့်ရှိနေပြီး ပဲဈေးနှုန်းလည်းမြင့်တက်လျက်ရှိတာကြောင့် လှောင်ပဲသမားများ အကျိုးအမြတ်ရရှိခဲ့သည့် သီးနှံဖြစ်ကြောင်း လေ့လာသိရှိရပါ သည်။
DOCA(ပဲခူး)
ပြည်ပဲမျိုးစုံဈေးကွက်၌ လက်လီ/ လက်ကားရောင်းဝယ်လျက်ရှိကြသည့် ပဲမျိုးစုံအနက် မတ်ပဲ၊ ပဲစင်းငုံ၊ ပဲကြီး၊ ကုလားပဲသီးနှံများသာ လက်ကားရောင်းဝယ်မှုအဖြစ်များသော်လည်း ကျန်ပဲများအနေဖြင့် လက်လီသာ ဒေသတွင်းရောင်းဝယ်မှုအဖြစ်များကြောင်းသိရပါသည်။ အဆိုပါပဲများအနက် စားတော်ပဲသီးနှံမှာ ပဲဈေးကွက်၌ ပိဿာ(၂၀)ဝင်တစ်တင်းလျှင် ကျပ်၁သိန်းအထက်ရရှိခဲ့သော်လည်း ယခု၂၀၂၄ခုနှစ်၌ အခြားပဲများမှာလည်း ဈေးနှုန်းများမြင့်တက်လာသည့်အတွက် စားတော်ပဲသီးနှံဈေးနှုန်းအနေဖြင့် ထောပတ်ပဲ၊ ပဲနီပြားသီးနှံများထက် ဈေးလျော့နည်းနေခဲ့ပါသည်။ ယခင်၂၀၂၃ခုနှစ်၌ ပဲဈေးကွက်တွင် စားတော်ပဲသီးနှံသည် ဈေးအမြင့်ဆုံးဖြင့် ရောင်းဝယ်နေသည့်သီးနှံဖြစ်ခဲ့ပြီး ပိဿာ(၂၀) ဝင်တစ်တင်းလျှင် ကျပ်၁သိန်းကျော်ရရှိခဲ့ကာ ကျန်ပဲများမှာ ပိဿာ(၂၀)ဝင်တစ်တင်းလျှင် ကျပ်၁သိန်းအောက်သာလျော့နည်းရောင်းဝယ်နေခဲ့ရကြောင်းသိရပါသည်။
DOCA(ပဲခူး)
ပြည်ပဲဈေးကွက်အတွင်း လက်လီ/ လက်ကားရောင်းဝယ်မှုဖြစ်ခဲ့သော ပဲများအနက် ဘိုကိတ်ပဲသီးနှံလည်းပါဝင်နေခဲ့ပါသည်။ ပဲအဝင်မရှိဘဲ လက်ကျန်ပဲများသာရှိခဲ့ပြီး ဒေသတွင်းဝယ်လက်သမားများအပြင် ရန်ကုန်ဝယ်လက်များလည်းရှိခဲ့သည့်အတွက် တစ်ရက်လျှင် အိတ် (၅၀/၁၀၀) ကျော်အထိအရောင်းအဝယ်ဖြစ်ခဲ့ကြသည်ကိုတွေ့ရပါသည်။ ပဲဈေးနှုန်းမှာ ၈၅၀၀၀ကျပ်မှ ၉၀၀၀၀ကျပ်ထိဖြစ်၍ ယခင်လထက်ဈေးနှုန်းပိုမိုမြင့်တက်လာခဲ့ပါသည်။ ၂၀၂၄ခုနှစ်၊ မေလတွင် ဘိုကိတ်ပဲသီးနှံတစ်တင်းလျှင် ၇၀၀၀၀ကျပ်သာရရှိခဲ့သည့်အတွက် ဇွန်လ နောက်ဆုံးပတ်၌ ပိဿာ(၂၀)ဝင်တစ်တင်းလျှင် ကျပ်၁၅၀၀၀မှ ကျပ်၂၀၀၀၀ကျော်ထိဈေးပိုရလာခဲ့ကြောင်းသိရပါသည်။ ယခု၂၀၂၄ခုနှစ်တွင် ကုလားပဲနှင့် ပဲကြီးသီးနှံဈေးမှတစ်ပါး ပဲဈေးအားလုံးလိုလို ဈေးမြင့်တက်လာကြောင်း၊ ယခင်၂၀၂၃ခုနှစ်တွင် ဈေးကွက်၌ ဈေးအေးခဲ့သော ဘိုကိတ်ပဲသီးနှံသည်ပင်လျှင် ဈေးနှုန်းများမြင့်တက်လာခဲ့ကြောင်း လေ့လာသိရှိရပါသည်။
DOCA(ပဲခူး)
ပြည်ခရိုင်အတွင်း၌ မေလကုန်နှင့် ဇွန်လဆန်းပိုင်းအချိန်တွင် မိုးနှမ်းများကို စတင်စိုက်ပျိုးကြရာ မေလကုန်ပတ်တွင် မိုးနှမ်းစိုက်ဧက ၄၉၁၄ဧကအနက် ပြည်မြို့နယ်အနေဖြင့် ၉၁ဧက၊ ပေါက်ခေါင်းမြို့နယ်အနေဖြင့် ၃၀၇၀ဧကနှင့် ပန်းတောင်းမြို့နယ်တွင် ၁၇၅၃ဧကစိုက်ပျိုးထားရှိပြီးဖြစ်ပါသည်။ ၂၀၂၃ခုနှစ်၊ မေလကုန်အပတ်တွင် မိုးနှမ်းစီမံကိန်းစိုက်ဧကမှာ ၆၃၃၅၉ဧကလျာထားပြီး အမှန်စိုက်ဧကမှာ ၈၇၃၉ဧက စိုက်ပျိုးနိုင်ခဲ့၍ ယခု၂၀၂၄ခုနှစ်တွင် မိုးနှမ်းများစိုက်ပျိုးချိန် နောက်ကျသည်ဟုသိရပါသည်။ ဈေးနှုန်းအနေဖြင့်လည်း ယခင်နှစ် ဇွန်လကုန်ပတ်တွင် နှမ်းနီ(၃)တင်းဝင်တစ်အိတ်လျှင် ၂၆၅၀၀၀ကျပ်၊ ယခု၂၀၂၄ခုနှစ် ဇွန်လကုန်ပတ်တွင် နှမ်းနီ(၃)တင်းဝင်တစ်အိတ်လျှင် ၃၇၀၀၀၀ကျပ်ဖြင့် ယခုနှစ်အတွင်း ၁၀၅၀၀၀ကျပ်ခန့်ဈေးမြင့်တက်လာခဲ့သလို နှမ်းနက်ဈေးမှာလည်း ယခင်၂၀၂၃ခုနှစ်တွင် (၃)တင်းဝင်တစ်အိတ်လျှင် ၃၀၀၀၀၀ကျပ်ဖြစ်ခဲ့ပြီး ယခု၂၀၂၄ခုနှစ်၊ ဇွန်လကုန်အပတ်တွင် (၃)တင်းဝင်တစ်အိတ်လျှင် ၃၇၀၀၀၀ကျပ်ဖြစ်၍ တစ်နှစ်အတွင်း ၇၀၀၀၀ကျပ်ဈေးမြင့်လာခဲ့ပါသည်။ ထို့အတူ စမုံနက်နှမ်းဈေးမှာလည်း ၂၀၂၃ခုနှစ် ဇွန်လကုန်ပတ်တွင် (၃)တင်းဝင်တစ်အိတ်လျှင် ၃၃၀၀၀၀ကျပ်ဖြင့်အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဇွန်လကုန်ပတ်တွင် စမုံနက်နှမ်း(၃)တင်းဝင်တစ်အိတ်လျှင် ၃၈၅၀၀၀ကျပ်ဖြင့် ယခုနှစ်တွင် ၅၅၀၀၀ကျပ်ဈေးပိုလာခဲ့ပါသည်။ နှမ်းမျိုးစုံအနက် နှမ်းနီတစ်မျိုးသာ ဈေးအများဆုံးပိုလာကြောင်းသိရပါသည်။ နှမ်းနီမှာ ပြည်ခရိုင်အတွင်း စိုက်ပျိုးမှုနည်းပြီး လိုအပ်သည့်နှမ်းနီကို အခြားတိုင်းများမှဝယ်ယူ၍ ရောင်းဝယ်ရသဖြင့် ဈေးနှုန်းများမြင့်တက်လာခြင်းဖြစ်ပြီး ဆီစက်သမားများကလည်း ဆီကြိတ်ခွဲရန် ဝယ်ယူမှုရှိ၍ ဈေးပိုလာခဲ့ခြင်းဖြစ်သည်ဟုသိရပါသည်။ နှမ်းဈေးများမှာ ယခင်နှစ်နှင့်နှိုင်းယှဉ်လျှင် ဈေးပိုလာခဲ့သော်လည်း ယခုနှစ် မေလကုန်ပတ်နှင့်နှိုင်းယှဉ်လျှင် ဈေးနှုန်းအနည်းငယ်လျော့နည်းလာသည်ကိုတွေ့ရပါသည်။ထိုသို့ ဈေးနှုန်းများလျော့နည်းလာရခြင်းမှာ မိုးနှမ်းများစိုက်ပျိုးချိန်ဖြစ်၍ လက်ကျန်ရှားပြီး အရောင်းအဝယ်ပါးလာသောကြောင့်ဖြစ်သည်ဟုသိရပါသည်။
DOCA(ပဲခူး)
ယခုအခါ သစ်သီးဝလံဈေးကွက်အတွင်း နာနတ်သီး၊ ဒူးရင်းသီး၊ ကြက်မောက်သီး၊ မင်းဂွတ်သီးများ ရောင်းဝယ်မှုများလျက်ရှိရာ ဒူးရင်းသီးရောင်းချမှုအနေဖြင့် ကားလေးများဖြင့် လမ်းဘေး၌ နေရာတစ်နေရာယူ၍ ရောင်းချကြမှုများရှိပြီး နာနတ်သီးများမှာလည်း ပြည်မြို့သို့ ရန်ကုန်ဘက်မှ အဝင်လမ်း၊ မြို့ရှောင်လမ်းတစ်လျှောက် လမ်းဘေးဝဲယာများတွင် နာနတ်သီးရောင်းချသည့်ဆိုင်များ အများအပြားရှိကြပါသည်။ မင်းဂွတ်သီး၊ ကြက်မောက်သီးများမှာမူ Online နှင့် ဈေးများအတွင်း ရောင်းချလျက်ရှိကြပါသည်။ ဒူးရင်းသီးဈေးများမှာ တစ်လုံးလျှင် ၇၅၀၀ကျပ်မှစ၍ အလုံးအရွယ်အစားပေါ်မူတည်ပြီး ဈေးအမျိုးမျိုးရှိကာ နာနတ်သီးဈေးမှာ တစ်လုံးလျှင် (၂၅၀၀-၃၀၀၀) ကျပ်မှ (၄၀၀၀-၅၀၀၀) ကျပ်အထိရောင်းချမှုရှိကြပါသည်။ ယခုဈေးကွက်၌ ရောင်းချလျက်ရှိသော နာနတ်သီးများမှာ ရှမ်းပြည်ဘက်မှဝင်ရောက်လာသော အသီးများဖြစ်ပြီး ဒေသမှထွက်ရှိသော အသီးအနည်းငယ်သာရှိသည်ဟုသိရပါသည်။ မင်းဂွတ်သီး၊ ကြက်မောက်သီးများမှာမူ အသီးအရွယ်အစားလိုက်၍ မင်းဂွတ်သီးတစ်လုံးလျှင် ၂၀၀ကျပ်မှ ၂၅၀ကျပ်အထိ၊ ကြက်မောက်သီးမှာ တစ်လုံးလျှင် ၂၅၀ကျပ်မှ ၃၀၀ကျပ်အထိရှိပြီး စားသုံးသူများကလည်း အဆိုပါ ရာသီစာသစ်သီးဝလံများကို ဝယ်ယူစားသုံးမှုများကြသောကြောင့် ဈေးကွက်အတွင်း ရာသီစာသစ်သီးဝလံများ အရောင်းအဝယ်ဖြစ်လျက်ရှိကြောင်းသိရပါသည်။
DOCA(ပဲခူး)
ပဲခူးတိုင်းဒေသကြီး၊ ပြည်မြို့ရှိ ပဲမျိုးစုံဈေးကွက်တွင် နေ့စဉ်အရောင်းအဝယ်ဖြစ်လျက်ရှိသောပဲများအနက် မတ်ပဲ၊ ပဲစင်းငုံသီးနှံများမှာ ဈေးပြိုင်မြင့်တက်လျက်ရှိပြီး ကုလားပဲနှင့်ပဲကြီးသီးနှံများမှာမူ ပြည်ပဝယ်လိုအားကောင်းသော မတ်ပဲ၊ ပဲစင်းငုံသီးနှံများကဲ့သို့ ဈေးကောင်းရရှိမှုမရှိခဲ့ဘဲ ယခု၂၀၂၄ခုနှစ်၌ ဈေးအေးနေသော ပဲသီးနှံများဖြစ်ကြောင်းသိရပါသည်။ ၂၀၂၄ခုနှစ်၊ ဇွန်လတွင် အဆိုပါပဲများအားလုံး၏ ပဲသစ်ပေါ်ချိန်မဟုတ်သဖြင့် ပဲအဝင်အနည်းငယ်နှင့် လက်ကျန်ပဲများသာ အရောင်းအဝယ်ဖြစ်လျက်ရှိနေပါသည်။ ၂၀၂၄ခုနှစ်အတွင်း ဈေးမြင့်တက်မှုရှိခဲ့သော မတ်ပဲ၊ ပဲစင်းငုံသီးနှံနှင့် ယခုနှစ်တွင် ဈေးငြိမ်နေခဲ့သော ပဲကြီး၊ ကုလားပဲသီးနှံများ၏ နှစ်အလိုက် ကာလတူအချိန်တွင် အရောင်းအဝယ်ဖြစ်ခဲ့သည့်ဈေးနှုန်းများကို အောက်ပါအတိုင်းလေ့လာသိရှိရပါသည်-
စဉ် ပဲအမျိုးအစား ၂၀၂၀ ၂၀၂၁ ၂၀၂၂ ၂၀၂၃ ၂၀၂၄(တင်းဈေး)
ဇွန် ဇွန် ဇွန် ဇွန် ဇွန် (ကျပ်)
၁။ မတ်ပဲ ၃၂၀၀၀ ၃၈၀၀၀ ၅၄၀၀၀ ၇၂၅၀၀ ၁၁၀၀၀၀
၂။ ပဲစင်းငုံ ၂၆၀၀၀ ၃၄၅၀၀ ၄၈၅၀၀ ၉၈၀၀၀ ၁၄၅၀၀၀
၃။ ကုလားပဲ ၂၅၃၀၀ ၃၁၀၀၀ ၄၉၅၀၀ ၈၇၀၀၀ ၈၆၅၀၀
၄။ ပဲကြီး(ရွှေကျွန်း)၂၈၀၀၀ ၄၅၀၀၀ ၄၅၀၀၀ ၉၈၀၀၀ ၉၂၀၀၀
(ကမ်းနား)၂၅၀၀၀ ၄၀၀၀၀ ၇၀၀၀၀ ၉၃၀၀၀ ၈၅၀၀၀
မတ်ပဲသီးနှံအနေဖြင့် (၅)နှစ်တာကာလအတွင်း နှစ်အလိုက်ဈေးနှုန်းများနှိုင်းယှဉ်မှုအရ နှစ်စဉ် ပဲဈေးကွက်အတွင်း အခြားပဲများဖြစ်သော ပဲစင်းငုံ၊ ကုလားပဲ စသည့်သီးနှံများထက် ဈေးပိုရနေခဲ့ပြီး ပဲကြီးသီးနှံဈေးထက် ၂၀၂၀ခုနှစ်နှင့် ၂၀၂၄ခုနှစ်များတွင်သာဈေးပိုပြီး ကျန်နှစ်များမှာ ပဲကြီးသီးနှံဈေးထက် လျော့နည်းရောင်းဝယ်မှုဖြစ်ခဲ့ပါသည်။ မတ်ပဲသီးနှံမှာ ယခုမိုးရာသီကာလတွင် ပဲဟောင်းလက်ကျန်များဖြင့်သာ ရောင်းဝယ်နေသည့်အတွက် အိတ်၂၀၀ကျော်ရောင်းဝယ်မှုဖြစ်ခဲ့ပြီး ပဲသစ်ပေါ်ချိန်ကာလများတွင် အရောင်းအဝယ်ဖြစ်မှုပိုများသည့်အတွက် အိတ်ရေအများအပြားဝယ်လက်ပေါ်မူတည်၍ ရောင်းဝယ်မှုဖြစ်ကြောင်းသိရပါသည်။ ယခုနှစ်တွင် ပဲသစ်ပေါ်စကတည်းက ဈေးကောင်းရခဲ့ပြီး ပိဿာ(၂၀)ဝင်တစ်တင်းလျှင် ကျပ်၉သောင်းကျော်ဖြင့်ဈေးဖွင့်ခဲ့ပြီး ပဲအဝင်ပါးချိန် ဇွန်လအတွင်း၌မူ ပဲတစ်တင်းလျှင် ကျပ်၁သိန်းကျော်အထိဈေးဖွင့်ခဲ့ပြီး ပဲအဝင်ပါးချိန် ဇွန်လအတွင်း၌ ပဲတစ်တင်းလျှင် ကျပ်၁သိန်းကျော်အထိ ရောင်းဝယ်မှုဖြစ်နေခဲ့ကြပါသည်။
ပဲစင်းငုံသီးနှံမှာ ၂၀၂၄ခုနှစ်၌ ပဲဈေးကွက်အတွင်း ဈေးအမြင့်ဆုံးဖြင့် အခြားပဲများထက် ရောင်းဝယ်နေကြပြီး ပြည်ပဝယ်လက်ပဲဈေးကွက်တွင်လည်း စံချိန်တင်မြင့်တက်ခဲ့သည့် သီးနှံတစ်မျိုးဖြစ်ခဲ့ပါသည်။ (၅)နှစ်တာဈေးနှုန်းနှိုင်းယှဉ်မှုအခြေအနေအရ မတ်ပဲသီးနှံထက် နှစ်စဉ် ဈေးလျော့ရောင်းဝယ်ခဲ့ရပြီး ယခင်နှစ်မှစ၍ ပဲဈေးကွက်၌ မတ်ပဲဈေးထက်ဈေးပိုရလာခဲ့ပြီး ယခု၂၀၂၄ခုနှစ်တွင်မူ ပဲစဉ်းငုံသီးနှံဈေးနှုန်းမှာ ပြည်ပဝယ်လိုအားရှိမှုအပေါ်မူတည်၍ ရောင်းဝယ်မှုဖြစ်ခဲ့ကာ ပိဿာ(၂၀) ဝင်တစ်တင်းလျှင် ၁၄၅၀၀၀ကျပ်အထိ ထိပ်ဆုံးမှာရပ်တည်နေလျက်ရှိခဲ့ပါသည်။ ပဲစင်းငုံသီးနှံသည် တစ်နှစ်တာလုံး ပဲဈေးကွက်၌ ရောင်းဝယ်မှုဖြစ်နေသည့် ပဲသီးနှံဖြစ်သော်လည်း ပဲအထွက်လှိုင်ချိန် ဇန်နဝါရီလ၊ ဖေဖော်ဝါရီကာလများတွင် နေ့စဉ်ပဲဝင်ရောက်နေမှုများရှိခဲ့သလို ဝယ်လိုအားမှာလည်း အဝင်ရှိသလောက် အရောင်းအဝယ်ဖြစ်ခဲ့ပါသည်။ ကျန်ကာလများတွင်မူ လှောင်ပဲလက်ကျန်များဖြင့် ရန်ကုန်ဝယ်လက်ရှိမှုအပေါ်မူတည်၍ ရက်ခြားရောင်းဝယ်မှုဖြစ်ခဲ့ကြပါသည်။
ကုလားပဲသီးနှံအနေဖြင့် ပဲဈေးကွက်၌ ပြည်တွင်းဝယ်လက်သမားများပါ လက်လီ/ လက်ကားရောင်းဝယ်မှုအဖြစ်များသည့်အတွက် နေ့စဉ်ပဲခွဲစက်သမားများ အဓိကဝယ်ယူမှုရှိသည့်သီးနှံဖြစ်ပြီး ပဲဈေးနှုန်းမှာ (၅)နှစ်တာကာလဖြစ်ပေါ်ခဲ့သည့် ဈေးနှုန်းအရ ၂၀၂၃ခုနှစ်မှစ၍ အခြားပဲများနည်းတူ ပဲဈေးနှုန်းများမြင့်တက်လာပြီး ပိဿာ(၂၀)ဝင်တစ်တင်းလျှင် ၈သောင်းကျပ်ကျော်ဖြင့် ရောင်းဝယ်ခဲ့ကြပါသည်။ ၂၀၂၃ခုနှစ်တွင် ကုလားပဲသီးနှံဈေးသည် မတ်ပဲသီးနှံထက် ဈေးလျော့နေခဲ့သော်လည်း ယခု၂၀၂၄ခုနှစ်တွင် မတ်ပဲသီးနှံဈေးနှုန်းများ ယခင်နှစ်ထက် မြင့်တက်လာမှုကြောင့် ကုလားပဲသီးနှံဈေးနှုန်းမှာ မတ်ပဲသီးနှံဈေးထက် ဈေးလျော့သွားခဲ့ပြီး ယခုနှစ်ကာလတူဈေးနှုန်းထက်လည်း လျော့နည်းနေခဲ့သည်ကိုတွေ့ရပါသည်။ ထို့ကြောင့် ယခု၂၀၂၄ခုနှစ်အတွင်း အဝယ်များအားလုံးလိုလို ဈေးမြင့်မှုများရှိသော်လည်း ပြည်ပစားသုံးမှုရှိသော ကုလားပဲသီးနှံဈေးနှုန်း ဈေးအေးနေသောနှစ်ဖြစ်ခဲ့ပါသည်။
ပြည်တွင်းပဲဈေးကွက်မှာ အခြားပဲများနှင့်ယှဉ်လျှင် နှစ်စဉ်လိုလို ဈေးကောင်းရသော ပဲကြီးသီးနှံမှာ ယခု၂၀၂၄ခုနှစ်တွင် ပြည်ပဝယ်လိုအားကောင်းသော မတ်ပဲ၊ ပဲစင်းငုံသီးနှံများ ဈေးနှုန်းမြင့်တက်လာမှုများကြောင့် အဆိုပါပဲများထက် ဈေးလျော့နေခဲ့သလို ယခုနှစ်ဈေးနှုန်းထက်လည်း ဈေးလျော့နည်းရောင်းဝယ်နေခဲ့ကြပါသည်။ ပဲကြီးသီးနှံ၏ယခုနှစ်ရရှိသောဈေးမှာ ရွှေကျွန်း ပိဿာ (၂၀) ဝင်တစ်တင်းလျှင် ၉၂၀၀၀ကျပ်၊ ကမ်းနား ပိဿာ(၂၀)ဝင်တစ်တင်းလျှင် ၈၅၀၀၀ကျပ်ဖြင့် အသီးသီးရောင်းဝယ်နေကြသည့်အတွက် ယခင်၂၀၂၃ခုနှစ်၏ ရရှိသောဈေးထက် တစ်တင်းလျှင် ကျပ်၅၀၀၀ကျော်ခန့်စီလျော့နည်း ရောင်းဝယ်နေခဲ့ကြပြီး ပဲကြီးသီးနှံအား ဒေသတွင်းပဲကြော်၊ ပဲလှော်ဖိုလုပ်ငန်းသမားများက အဓိကရောင်းဝယ်မှုဖြစ်ကြပါသည်။ နေ့စဉ်ပဲဈေးကွက်မှာ အိတ် (၂၀၀/၃၀၀) ကျော်ပုံမှန်ရောင်းဝယ်လျက်ရှိပြီး ပဲအဝင်မရှိတော့ဘဲ လက်ကျန်ပဲများဖြင့်သာ အရောင်းအဝယ်ဖြစ်နေကြောင်းသိရပါသည်။
DOCA(ပဲခူး)
