၄.၇.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေရေး ပူးပေါင်း ဆောင်ရွက်လျက်ရှိသည့်အပြင် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။
ဇွန်လ၊ ပထမအပတ်မှစတင်၍ ရွှေဘိုဈေးကွက်သို့ နွေနှမ်းနက်များ စတင်ဝင်ရောက်ခဲ့ကြောင်း၊ ဇွန်လ၊ စတုတ္ထအပတ်တွင် အရောင်းအဝယ်ဖြစ်သည့်ဈေးနှုန်းမှာ နှမ်းနက်တစ်တင်းလျှင် (၁၅၃၅၀ဝိ/-) ကျပ် ပေါက်ဈေးရှိပြီး အရောင်းအဝယ်ဖြစ်မှုမှာ (၄၅၀၀)တင်း/ (၁၁၀)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ နှမ်းနက်တစ်တင်းလျှင် (၁၅၆၅၀ဝိ/-)ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် နှမ်းနက်တစ်တင်းလျှင် (၃၅၀ဝိ/-)ကျပ်ဈေးလျော့နည်းခဲ့ကြောင်း၊ ယခင်နှစ်ကာလတူနှင့် အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်နှစ်ကာလတူ၌ နှမ်းနက်တစ်တင်းလျှင် (၁၁၂၀၀ဝိ/-)ကျပ်ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူထက် နှမ်းနက်တစ်တင်းလျှင် (၄၁၅၀ဝိ/-)ကျပ်ဈေးပိုမိုရရှိခဲ့ကြောင်း၊ ရွှေဘိုမြို့ရှိ ပဲ၊ နှမ်းကုန်စည်ဒိုင်သို့ ဝင်ရောက်သမျှ အရောင်းအဝယ်ဖြစ်လျက်ရှိကြောင်း ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းမှုအရ သတင်းရရှိပါသည်။
DOCA(စစ်ကိုင်း)
စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုးခွဲ၍စိုက်ပျိုးကြရာ မိုးစိုက်သည် ပိုးကျလွယ်သည့်အတွက် ၎င်းကိုအနည်းငယ်သာစိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်းသိရသည်။
မုံရွာမြို့နယ်၌ ဖြစ်ပေါ်နေသော ကွမ်းဈေးနှုန်းများအနေဖြင့် အရည်အသွေးအပေါ်မူတည်၍ တစ်ပိဿာလျှင် ဇွန်လ (ဒုတိယပတ်)တွင် ငွေကျပ် (၅၀၀၀-၆၀၀၀)ဖြင့်လည်းကောင်း၊ ဇွန်လ(တတိယပတ်)တွင် ငွေကျပ် (၃၅၀၀-၄၅၀၀) ဖြင့်လည်းကောင်း၊ ဇွန်လ(စတုတ္ထပတ်)တွင် ငွေကျပ် (၁၅၀၀-၂၅၀၀) ဖြင့်လည်းကောင်း ရောင်းချလျက်ရှိကြောင်း၊ မိုးဦးရာသီတွင် ကွမ်းအထွက်နှုန်းတိုးကာ ဈေးကွက်အတွင်း ကုန်ဝင်ရောက်မှုများခြင်းကြောင့် ဈေးနှုန်းများဆက်လက်ကျဆင်းလျက်ရှိကြောင်း ကွမ်းစိုက်တောင်သူများထံမှသိရှိရပါသည်။
DOCA(စစ်ကိုင်း)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် အခြေခံစားကုန်ဈေးနှုန်းများကို အပတ်စဉ် မေးမြန်းတင်ပြလျက်ရှိရာ ဇွန်လ နောက်ဆုံးပတ်တွင် ရွှေဘိုမြို့၌ စားသုံးဆီဈေးနှုန်းများတည်ငြိမ်လျက်ရှိကြောင်း စားသုံးဆီအရောင်းဆိုင်များမှသိရသည်။
ရွှေဘိုမြို့ပေါ်တွင် စားသုံးဆီ လက်လီ/လက်ကားရောင်းချသောဆိုင် (၁၂)ဆိုင်ရှိပြီး ဇွန်လ တတိယပတ်တွင် စားအုန်းဆီတစ်ပိဿာလျှင် (၆၁၀၀)ကျပ်၊ ပဲဆီသန့်တစ်ပိဿာလျှင် (၁၆၀၀၀)ကျပ်၊ နှမ်းဆီသန့်တစ်ပိဿာလျှင် (၁၆၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး၊ ယခုဇွန်လ နောက်ဆုံးပတ်တွင်လည်း စားအုန်းဆီတစ်ပိဿာလျှင် (၆၁၀၀) ကျပ်၊ ပဲဆီသန့်တစ်ပိဿာလျှင် (၁၆၀၀၀)ကျပ်၊ နှမ်းဆီသန့်တစ်ပိဿာလျှင် (၁၆၀၀၀)ကျပ်ဖြင့် အရောင်းအဝယ်ဖြစ်နေသဖြင့် စားသုံးဆီဈေးနှုန်းများမှာ ယခင်အပတ်နည်းတူ ဈေးနှုန်းတည်ငြိမ်လျက်ရှိကြောင်း စားသုံးဆီလက်ကားအရောင်းဆိုင်များမှ သတင်းရရှိပါသည်။
DOCA(စစ်ကိုင်း)
ရွှေဘိုခရိုင်အတွင်းရှိ မြို့နယ်များ၌ ဇွန်လ နောက်ဆုံးပတ်တွင် စပါး/ဆန်ဈေးနှုန်းများ အနည်းငယ်ကျဆင်းနေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဇွန်လ တတိယပတ်တွင် ရန်ကုန်သို့ အိတ်ရေ ၃၀၅၀၀၊ မန္တလေးသို့ အိတ်ရေ ၃၄၅၀၀၊ နေပြည်တော်သို့ အိတ်ရေ ၅၅၀၀၊ ရှမ်း(တောင်)သို့ အိတ်ရေ ၃၅၀၀၊ ပခုက္ကူသို့ အိတ်ရေ ၃၀၀၀၊ စုစုပေါင်းအိတ်ရေ ၇၇၀၀၀အိတ်၊ တန်အားဖြင့် ၃၈၅၀တန်စီးထွက်ခဲ့ပါသည်။ ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၂၅၀၀၊ မန္တလေးသို့ အိတ်ရေ ၃၅၀၀၀၊ နေပြည်တော်သို့ အိတ်ရေ၅၅၀၀၊ရှမ်း(တောင်)သို့ အိတ်ရေ ၃၅၀၀၊ ပခုက္ကူသို့ အိတ်ရေ ၃၀၀၀၊ စုစုပေါင်းအိတ်ရေ ၇၉၅၀၀အိတ်၊ တန်အားဖြင့် ၃၉၇၅တန်စီးထွက်ခဲ့သည့် အတွက် ယခင်အပတ်နှင့်နှိုင်းယှဉ်ပါက ယခုအပတ်အတွင်း အိတ်ရေ ၂၅၀၀အိတ်၊ တန်အားဖြင့် ၁၂၅တန်ပို၍စီးထွက်ခဲ့ပါသည်။
ရွှေဘိုမြို့၏ ဇွန်လ နောက်ဆုံးပတ်တွင် ဖြစ်ပေါ်နေသော စပါး/ဆန် ဈေးနှုန်းများမှာ ရွှေဘိုပေါ်ဆန်းစပါးတင်း၁၀၀လျှင် ကျပ်၄၄၀၀၀၀၀၊ ရွှေဘိုပေါ်ဆန်းဆန် ၂၄ပြည်ပါ တစ်အိတ်လျှင် ကျပ်၁၄၅၀၀၀၊ ဧရာမင်းဆန် ၂၄ပြည်ပါ တစ်အိတ်လျှင် ကျပ်၁၁၅၀၀၀နှင့် ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ်၁၀၀၀၀၀ဖြင့် အရောင်းအဝယ်ဖြစ်နေကြောင်းသိရှိရပါသည်။
DOCA(စစ်ကိုင်း)
မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် နှမ်းနှင့်ပဲမျိုးစုံသီးနှံများ နေ့စဉ် အရောင်းအဝယ်ဖြစ်လျက်ရှိရာ ဇွန်လ(စတုတ္ထပတ်)အတွင်းတွင် နှမ်းနက်(စမုံ)မှာ (၄၅)ပိဿာပါဝင် (၁)အိတ်လျှင် အနိမ့်ဈေး ကျပ်(၃၇၅၀၀၀)၊ အမြင့်ဈေး ကျပ်(၃၈၀၀၀၀)ဖြင့် အိတ်ရေ(၄၃၀) အိတ် အရောင်းအဝယ်ဖြစ်ခဲ့ပါကြောင်း သိရှိခဲ့ရပါသည်။
ပဲမျိုးစုံသီးနှံဈေးကွက်တွင် ဇွန်လ(စတုတ္ထပတ်)အတွင်းတွင် မတ်ပဲ(၁)တင်းလျှင် အနိမ့်ဈေး ကျပ်(၁၀၅၀၀၀)၊ အမြင့်ဈေးကျပ်(၁၀၇၅၀၀)ဖြင့် (၃၀)ပိဿာဝင် အိတ်(၂၃၀)ကိုလည်းကောင်း၊ ပဲစဉ်း ငုံနီမှာ(၁)တင်းလျှင် အနိမ့်ဈေးကျပ် (၁၄၁၀၀၀)၊ အမြင့်ဈေးကျပ်(၁၄၅၀၀၀)ဖြင့် (၃၀)ပိဿာဝင် အိတ်(၂၁၀၀)ကိုလည်းကောင်း၊ ကုလားပဲ(HL) (၁)တင်းလျှင် အနိမ့်ဈေး ကျပ်(၈၄၀၀၀) အမြင့်ဈေး ကျပ်(၈၅၅၀၀)ဖြင့် (၃၀)ပိဿာဝင် အိတ်(၃၀၀)ကိုလည်းကောင်း၊ ကုလားပဲ(မြကြေး) (၁)တင်းလျှင် ကျပ်(၈၉၀၀၀)ဖြင့် (၃၀)ပိဿာဝင် အိတ်(၁၈၀)ကိုလည်းကောင်း၊ ဘိုကိတ်ပြာ (၁)တင်းလျှင် ကျပ် (၈၅၀၀၀)ဖြင့် (၃၀)ပိဿာဝင် အိတ်(၉၀)ကိုလည်းကောင်း၊ မြေပဲလုံးဆံ(နီ)(၁)ပိဿာလျှင် ယခု တစ်ပတ်အတွင်း ကျပ်(၇၄၀၀)ဖြင့် (၃၀)ပိဿာဝင် အိတ်(၁၃၀)ကိုလည်းကောင်း၊ မြေပဲလုံးဆံ (ဖြူ) (၁)ပိဿာလျှင် ယခုတစ်ပတ်အတွင်း အနိမ့်ဈေး ကျပ်(၇၄၀၀)၊ အမြင့်ဈေးကျပ်(၇၅၀၀)ဖြင့် (၃၀) ပိဿာဝင် အိတ်(၁၅၀)ကိုလည်းကောင်း အသီးသီးအရောင်းအဝယ်ရှိခဲ့ပါကြောင်း သိရသည်။ ကုလားပဲ(HL)၊ ကုလားပဲ(မြကြေး)တို့ကို အောင်လံမြို့နယ်တွင်းရှိ ပဲခွဲစက်များသို့ ပေးပို့ရောင်းချရခြင်းဖြစ်ပြီး မြေပဲလုံးဆံ(ဖြူ)၊ မြေပဲလုံးဆံ(နီ)တို့ကို ပဲကြော်လုပ်ငန်းဖိုသို့လည်းကောင်း၊ မတ်ပဲ၊ ပဲစဉ်းငုံနီ၊ ဘိုကိတ်ပြာတို့ကို ရန်ကုန်မြို့သို့လည်းကောင်း တင်ပို့ရောင်းချရခြင်းဖြစ်ပါကြောင်းနှင့် ဈေးနှုန်းဈေးကွက်အနေဖြင့် နှမ်းသီးနှံမှာ ဈေးနှုန်းပြောင်းလဲခြင်းမရှိဘဲ တည်ငြိမ်လျက်ရှိပြီး ပဲမျိုးစုံ သီးနှံဈေးကွက်တွင် သိသိသာသာ အတက်အကျဈေးနှုန်းမရှိဘဲ တစ်နေ့နှင့်တစ်နေ့ ကျပ်(၁၀၀၀-၂၀၀၀) အတက်အကျမျှသာရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။
ထို့နောက် ဝါသီးနှံမှာ ယခုတစ်ပတ်အတွင်းတွင် (၁)ပိဿာလျှင် ကျပ်(၂၉၀၀ မှ ၃၀၀၀) ဈေးနှုန်းရှိပြီး ဝါပိဿာချိန် (၄၀၀၀)ပိဿာခန့်အား မန္တလေးမြို့သို့ တင်ပို့ရောင်းချပါကြောင်း၊ ဇွန်လ (တတိယပတ်)နှင့် (စတုတ္ထပတ်)အတွင်းတွင် ဈေးနှုန်းပြောင်းလဲမှုမရှိပါကြောင်း၊ အရောင်းအဝယ်မှာ ပုံမှန်အနေအထားမျှသာရှိပါကြောင်း အောင်လံကုန်စည်ဒိုင်မှ သိရပါသည်။
DOCA(မကွေး)
ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်တွင် ဒေသထွက် နာနတ်သီးများကို တောင်ကုန်းတောင်စောင်းနေရာများဖြစ်သော မြေလွတ်မြေရိုင်း၊ တောင်စောင်းမြေဥယျာဉ်များပေါ်တွင် နှစ်ရှည်သီးနှံအဖြစ် စိုက်ပျိုးကြပြီး မိုင်းလပ်၊ မိုင်းလန်း၊ မိုင်းဇင်းကျေးရွာအုပ်စုများတွင် အများဆုံး တစ်ပိုင်တစ်နိုင် စိုက်ပျိုးဖြစ်ထွန်းလျက်ရှိပါသည်။ ယင်းသို့စိုက်ပျိုးဖြစ်ထွန်းမှုအခြေအနေများကို နာနတ်စိုက်ပျိုးသည့် တောင်သူကြီးထံ မေးမြန်းခဲ့ရာ ဒေသခံတောင်သူကြီးများအနေဖြင့် နှစ်ရှည်သီးနှံဖြစ်သော နာနတ်သီးပင်များကို တစ်ကြိမ်စိုက်ပျိုးထားလျှင် နည်းစနစ်မှန်ကန်စွာ စိုက်ပျိုးပါက (၆) နှစ်ခန့် နှစ်စဉ်အကျိုးအမြတ် ခံစားရမည်ဖြစ်ကြောင်း လေ့လာသိရှိရပါသည်။
ယခုနှစ်တွင် နာနတ်သီးစိုက်ပျိုးမှုလျော့နည်းလာခြင်း၊ နာနတ်သီးဖူးပွင့်ရာသီချိန်တွင် မိုးခေါင်သောကြောင့် အဖူးပွင့်နည်းပြီး အထွက်နှုန်းလျော့နည်းလာခြင်း၊ ယင်းအတွက်ကြောင့် နာနတ်သီးပေါ်ချိန်ဖြစ်သော ဧပြီလနောက်ဆုံးပတ်တွင် ဈေးကွက်အတွင်း ဈေးကောင်းရရှိနေပြီး အသီးအရွယ်အစားပေါ်မူတည်၍ နာနတ်သီးတစ်လုံးလျှင် အနည်းဆုံး (၂၅၀၀) ကျပ် မှ အများဆုံး (၆၀၀၀) ကျပ်အထိ ဈေးကောင်းရရှိကြောင်း၊ နယ်စပ်ဒေသဖြစ်သော အထူးဒေသ(၄) မိုင်းလားသို့ တင်ပို့ရောင်းချနိုင်မည်ဆိုပါက အသီးအရွယ်အစားပေါ်မူတည်ပြီး တစ်လုံးလျှင် အနည်းဆုံး (၆) ယွမ်(ကျပ် ၃၆၀၀/-) မှ အများဆုံး (၁၄) ယွမ်(ကျပ် ၈၄၀၀/-) အထိ ဈေးကောင်းပိုမိုရရှိနေကြောင်း နာနတ်သီးစိုက်ပျိုးရောင်းချသော တောင်သူဦးကြီးများထံမှ သိရှိရပါသည်။
DOCA(ရှမ်း)
ပန်းတိမ်ငိုပန်းသည် မိုးတွင်းကာလ၌ ပွင့်တက်သည့်ပန်းတစ်မျိုးဖြစ်သည်။ ပန်းတိမ်ငိုပန်းသည် အအေးပိုင်းနေရာဒေသတွင် ကြိုက်နှစ်သက်သော်လည်း အပူပိုင်းဒေသတွင်လည်း စတင်စိုက်ပျိုးလာကြသည်။ ပန်းတိမ်းငိုပန်းသည် အမျိုးအစားသုံးမျိုးရှိပြီး တစ်ထပ်ပန်းတိမ်ငို၊ နှစ်ထပ်ပန်းတိမ်ငို၊ သုံးထပ် ပန်းတိမ်ငို(ခေါ်) ဆင်ဆွယ်ဟူ၍ သုံးမျိုးရှိသည်။ မျိုးကွဲပေါင်းများစွာရှိပြီး ပန်းအရောင်မှာ ပန်းရောင်၊ ခရမ်းရောင်၊ ခရမ်းဖျော့၊ အဖြူရောင်ရှိကြသည်။ အပင်အမြင့်သည် ၁၈လက်မ မှ ၂၄လက်မအထိရှိပြီး အရွက်များမှာ အမြဲစိမ်းစိုနေသည်။ ပန်းတိမ်ငိုပန်းသည် အအေးပိုင်းဒေသများတွင် အများဆုံးစိုက်ပျိုးကြပါသည်။ ပန်းတိမ်ငိုပန်းသည် ရှမ်းပြည်နယ်၊တောင်ပိုင်း ရွာငံနှင့် ပင်းတယမြို့နယ်တွင် အများဆုံးစိုက်ပျိုးကြသည်။ပန်းတိမ်ငိုပန်းပင်သည် ရေကြိုက်နှစ်သက်သော်လည်း ရေဝပ်သည့် ဒဏ်ကိုမခံနိုင်ကြောင်း သိရပါသည်။ ပန်းတိမ်းငိုပန်းသည် ဘုရားပန်းအဖြစ်သာမက အခမ်းအနားများတွင် တန်ဖိုးထားအလှဆင်သည့် ပန်းတစ်မျိုးဖြစ်သဖြင့် ပန်းစိုက်တောင်သူတို့အတွက် တွက်ခြေကိုက်သောပန်းတစ်မျိုးဖြစ်ပါသည်။ ယခုအခါ ပန်းတိမ်ငိုပန်းသည် ပေါ်ဦးပေါ်ဖျားဖြစ်သောကြောင့် ယနေ့ဒေသပေါက်ဈေးအနေဖြင့် ပန်းတိမ်ငိုပန်း (ခရမ်းရောင်) ၁၀ပင်ပါ တစ်စည်းမှာ ၄၀၀၀ကျပ်နှုန်းရှိပြီး ပန်းတိမ်ငိုပန်း (အဖြူရောင်နှင့်အပန်းရောင်) ၁၀ပင်ပါ တစ်စည်းမှာ ၃၅၀၀ကျပ်နှုန်းဝန်ကျင်ဖြင့် ရောင်းချလျက်ရှိပါကြောင်း ဈေးကွက်မှ သိရှိရပါသည်။
DOCA(ရှမ်း)
ရှမ်းပြည်နယ်(တောင်ပိုင်း)တွင် အာလူးကို (၄၀၄၃၇) ဧက စိုက်ပျိုးပြီး ဟဲဟိုး၊ နောင်တရား၊ ပင်းတယမြို့နယ်များတွင် အများဆုံးစိုက်ပျိုးလျက်ရှိပါသည်။ အာလူးသီးနှံသည် အေး၍ သမရာသီဥတိုကို ကြိုက်နှစ်သက်ပြီး မိုးရေချိန်(၄၀-၈၀) လက်မအတွင်း ရွာသွန်းသောဒေသများ မြေနီ၊ နှုန်းတင်မြေ၊ ခဲမြေနက်မြေများတွင် ကောင်းစွာစိုက်ပျိုးနိုင်ပါသည်။ အာလူးကို မိုးကြို၊ စက(မိုးနှောင်း)၊ ရေသွင်းအာလူး စသည်ဖြင့် သုံးသီးစိုက်ပျိုးကြပါသည်။ မိုးကြိုအာလူးကို မေလနှင့် ဇွန်လ၊ စက(မိုးနှောင်း)အာလူးကို စက်တင်ဘာလနှင့် အောက်တိုဘာလ၊ ရေသွင်းအာလူးကို ဇန်နဝါရီလနှင့် ဖေဖော်ဝါရီလများတွင် စိုက်ပျိုးကြပါသည်။ အာလူးအရွယ်အစားပေါ်မူတည်ပြီး အာလူး(မျက်နီ) တစ်ပိဿာလျှင် ၂၀၀၀ ကျပ်မှ ၃၀၀၀ ကျပ်၊ အာလူး(မားကစ်) အကြော်သီး တစ်ပိဿာလျှင် ၃၅၀၀ ကျပ်အထိဈေးရှိ၍ ယခင်လ အာလူးတစ်ပိဿာဈေးနှုန်းမှာ ၂၅၀၀ ကျပ်မှ ၃၀၀၀ ကျပ် ဖြစ်သောကြောင့် ယခင်လထက် ဈေးနှုန်းအနည်းငယ် မြင့်တက်လာကြောင်း သိရှိရပါသည်။(Value Added) အနေဖြင့် အာလူးကြော် အချို/အစပ် တစ်ပိဿာ ၂၈၀၀၀ ကျပ်ဖြင့် ရောင်းချနေကြောင်း သိရှိရပါသည်။
DOCA(ရှမ်း)
အင်္ဂလိပ်လို Cabbage လို့ခေါ်ပြီး အချို့ဒေသများတွင်တော့ ဂေါ်ဖီထုပ်လို့ ခေါ်ကြသည့် ထိုဝဝတုတ်တုတ်ဂေါ်ဖီထုပ်များကို ရှမ်းပြည်နယ်(တောင်ပိုင်း) အောင်ပန်း၊ ကလောမြို့နယ်များတွင် အများဆုံးစိုက်ပျိုးပြီး ကျန်မြို့နယ်များတွင် တစ်ပိုင်တစ်နိုင် စိုက်ပျိုးကြပါသည်။ ဂေါ်ဖီထုပ်တွင် ကျန်းမာရေးအတွက် လိုအပ်သော အာဟာရဓါတ်များစွာ ပါဝင်ပါသည်။ ဂေါ်ဖီထုပ် စားသုံးခြင်းဖြင့် ကိုယ်ခံစွမ်းအားကောင်းစေခြင်း၊ အစာအိမ်နှင့်အူလမ်းကြောင်းကို အထောက်အကူပြုစေသောကြောင့် ဝမ်းမှန်စေခြင်း၊ သွေးတွင်း မကောင်းသောအဆီဓါတ်များကို လျော့နည်းစေခြင်း၊ ဆံကေသာ ကျန်းမာရေးအတွက် အထောက်အကူပြုခြင်း အစရှိသည့် ကျန်းမာရေး ကောင်းကျိုးများကို ရရှိစေနိုင်ပါသည်။ ထို့အပြင် ဂေါ်ဖီထုပ်စားသုံးခြင်းသည် ကိုယ်အလေးချိန် လျှော့ချလိုသူများအတွက် ထိရောက်သော သဘာဝနည်းလမ်းတစ်ခု ဖြစ်ပါသည်။ ဂေါ်ဖီထုပ်ကို ဝယ်သူသုံးစွဲသူများတွင် စားသောက်ဆိုင်များမှ အများဆုံး ဖြစ်ပါသည်။ ရှမ်းပြည်နယ်(တောင်ပိုင်း) တောင်ကြီးမြို့တွင် ဂေါ်ဖီထုပ်ဈေးနှုန်း ၃၀၀၀/- မှ ၃၅၀၀/- ကျပ်ဈေးရှိပြီး ယခင်နှစ်ထက် ဈေးပိုမိုရရှိကြောင်း သိရှိရပါသည်။ ယခုနှစ်တွင် ဂေါ်ဖီထုပ်များ ဈေးကောင်းရရှိသဖြင့် တောင်သူများ အကျိုးအမြတ် များစွာရရှိကြောင်း သိရှိရပါသည်။
DOCA(ရှမ်း)
